老公發現屋企附近開左新甜品鋪 佢自己就試過一次，今次帶我嚟食 Um………佢話上次食芒果系列幾好味 睇個名應該係食芒果冇死 所以我叫左香芒椰汁小丸子 老公就話試吓其他，叫左椰汁沙冰芋圓 Errrrr 真係香芒椰汁小丸子好食過椰汁沙冰芋圓，首先D芋圓個芯入面係硬嘅 唔係台灣個D咁好味，雖然大粒不過麻麻地 另外個椰汁沙冰，D沙冰超快已經係水，味道不過不失，可能同我個碗好有對比，所以感覺老公個碗淡左D，如果唔想太有罪惡感係OKay嘅 不過甜品就係要甜架啦😂 我個碗好食好多 不過性價比就一般般 如果中式糖水就冇咁貴，不過下次都要試吓好唔好食先知性價比高唔高

成日覺得有寵物嘅餐廳 嘢食係麻麻地 但係有朋友試過嘅comment係唔差喎 咁就同老公復活節去試吓 一入門口就要套鞋套 對D貓貓係幾好嘅，衞生D安心D 不過啲貓貓好似已經被訓練到好勁 有啲自己顧自己 有啲識得應酬客人 可以俾人摸兩摸，跟住先閃🤣 雖然鍾意睇貓貓 不過食物質素都好緊要 呢間都算OK 老公叫嘅意粉嘅份量都算多 味道係OK，正正常常 不過我嘅漢堡包就高分啲 另外素食炸物拼盤嗰件炸雞真係都幾似 墨魚丸口感好像樣 係個炸豬扒太over 不過總括嚟講食物質素OK 賣相唔錯

已經唔係第一次幫襯 前兩次都冇寫到 今次一定要寫因為呢個蛋糕真係好好食 好食到我爸爸平時唔好蛋糕 而且佢係一個嘴刁人士🤭 點知佢聞到嗰陣蛋糕味道 第一次見佢用手指偷偷地撩舊cream試味 仲要撩咗三次😱 我今次就買個柚子味蛋糕為咗爸爸生日預備 首先佢個賣相真係好靚 然後佢係低糖之選 同埋佢個質感好特別又唔似海綿蛋糕 但係又唔係實的的，實的的與海綿之間嗰種感覺，好like 真係唔知點形容 減肥同血糖高人士真係一大恩物 雖然比起普通蛋糕店蛋糕係貴咗少少 同埋一定要預訂，冇現成買 不過店舖好靚，出面又可以打卡🤭 服務又好😊 真係覺得係值回票價👍🏻

第一次食係有朋友請我食 我覺得口感極佳 好煙韌又唔太空氣 跟住問咗朋友仔攞個店舖資料 原來都好多間分店 同埋初初一聽個名以為要入梅窩😂 今次自己走去買嚟試😜 不過同我朋友買嚟請我食有少少唔同咁🤔 朋友嗰個係入邊有多少少質感 自己買呢個好似入邊空氣感重啲 個窿大啲😂🤣 不過都係好煙韌嘅而且味道係good😋 出面太多麻糬波波買，呢間今次都不過不失 可能係原味同芝士嘅分別🤔 朋友請我食原味 我自己買咗芝士試，不過芝士味係好香 整熱左仲正 但係下次買個原味試吓先😅

老公本身勁鍾意食燒賣😏 今日我哋行去食lunch嘅時候佢話附近有一當燒賣好好食 我仲諗準備食lunch前都仲要食一食燒賣 有冇咁好食呀🤨 見路過就幫襯吓 點知就見到一條長龍😱 同埋冇得堂食 只有外賣 咁就嗌一串嚟試吓 篤篤下咁樣都排咗五分鐘架 雖然都係麵粉，不過確係多咗啲魚味嘅我覺得 同埋佢個辣醬係真係幾惹味👍🏻 不過真係都幾辣 雖然環境麻麻 同埋感覺衛生都麻麻 不過都值得一試 老公就話都好食 我本身就冇特別鍾意食燒賣 感覺都OK啦😜

本來呢度係各位同事出去食飯嘅一個好選擇 可惜今次個感覺實在太差 差到要寫食評去發洩心中嘅不滿 雖然好食，但係應該唔會再幫襯 事原侍應姐姐話有牛肉麵新出 推介一下仲話送嘢飲都係$68 又好似幾經濟實惠 咁就有兩位同事去嗌咗呢個牛肉麵 然後送嘢飲係包紙包飲品 第一個同事嚟到牛肉麵配橙色嘅麥茶 然後第二個同事嚟到嘅牛肉麵係配紅色嘅麥香紅茶 然後第一個同事話可唔可以轉紅色嘅紅茶 侍應姐姐話：公司set咗random出，唔可以換 聽完真係眼都凸 Random 咁你攞去換返一盒都叫random㗎啦🤷🏻‍♀️ 從未見過咁低服務質素 同事話左以後都唔會再嚟

老公話同我去食pre-新年餐 算佢啦 聖誕都冇同我食 不過佢話佢揀嗰間應該好多人排隊 我哋Google Map都好似好隔涉 去到都幾多人排隊 排隊門口要填D資料 最好就唔好行開 我哋門口等完入去仲要再等 不過入去等就可以睇定餐牌嗌定嘢食 由填表到入去都差唔多40分鐘 都真係幾耐 目測係有大約10張枱 不過坐低好快就上食物都okay嘅 我哋嗌咗乜封牛肉意粉 同埋最貴嗰個龍蝦湯蟹肉帶子意粉 兩個都幾好食 不過我覺得牛肉意粉嗰個好食啲 佢上菜個陣仲燒下個芝士🧀️溶左先食 另外雖然個蟹肉意粉好貴 不過啲蟹肉份量都幾多 但係得一粒帶子 佢個龍蝦湯都唔算好浠 我哋飲晒 另外加咗薯條 呢個可以唔嗌 因為炸過龍 另加炒蒜蓉蘑菇都幾好食🤤 見到啲嘢飲都唔平，都係嗰啲咁上下 我哋打算都係出去買嘢飲😛 不過網上話啲服務態度好差 我今日嘅體驗都唔係呀🤭 我同老公仲想encore添 走個陣發現原來好近葵涌廣場 google map又玩我哋

我係第一次想即刻寫食評 誤打誤撞試咗呢間嘅飲品 超級超級超級好飲 正當我同老公食完pre-新年餐之後 想周圍行搵珍珠奶茶朋友嘅時候 見到呢間咁疑似酒吧嘅物體 望吓餐牌唔係賣酒個喎 跟住見到啲嘢飲個名好搞笑 然後望到呢個乳酪T1想試吓 我哋個杯飲品叫做 打波先嚟乳酪😆😆😆好得意呀 佢個底有脆脆 跟住係自家製乳酪 仲有面頭有一浸疏乎厘物體 配埋有三塊橙片，仲有Oreo同埋脆脆條 疏乎厘物體仲燒下嘅 佢杯乳酪唔甜唔漏 以為好肥，又完全唔係噃 仲有帶少少橙味 超好飲呀 不過見到調飲品師係咁搖都真係好攰 值呀

又係我呃飲呃食嘅時候 有老闆請我食生日飯 首先食個雞煲之後再打邊爐 雞煲都係覺得原味最正常😂 亦都係唔錯嘅雞肉鮮嫩 大家開始年紀都大😂 所以之後揀咗健康有益嘅蘋果豬展湯底 嗰啲咩麻辣啊唔好搞我哋😂 佢首先會上一壺湯俾我哋飲 我懷疑呢個湯就係蘋果豬展湯😂但係我哋冇求證 跟住食完個雞煲就開始打邊爐 原來呢度係任食 餐牌上嘅都可以任食 除咗嗰個海鮮拼盤 不過佢個海鮮拼盤都好多嘢 有帶子有顯有蟹有蝦有鮑魚 仲有龍蝦 同埋啲海鮮都幾新鮮 因為我生日老闆嗌咗象拔蚌 個象拔蚌都幾好味🤤 任食嘅邊爐我略嫌啲牛肉切得太薄😂 同埋款式好似唔係太多 不過佢嘅食品質素係高嘅

伴娘搵咗呢間喺上網買一送一優惠嘅buffet同我慶祝生日 雖然喺將軍澳都遠遠地 不過好抵就試吓佢 果然冇介紹錯 食物質素高，估唔到lunch buffet都有咁多選擇，仲有Häagen-Dazs😱 同埋啲嘢食唔差 好小午餐buffet仲有蠔食 佢哋D蠔仲要新鮮，青口螺同蜆蝦都係 仲有沙律 又有湯 要有粉麵 仲有點心 中西式都有😋 係熱食感覺普通左D😅 但係個甜品區域都幾多非常開心 其實性價比嚟講真係好高 仲要伴娘order咗生日牌😱 侍應安排左另上俾我❤️ 嘩，真係冇得頂 伴娘話再encore😆😆