因之前見 到有這個名為 "海鮮盛宴" 的團購, 於是便立刻買下並馬上訂位預約了, 當日都四處找這間餐廳, 雖然這餐廳在朗豪坊附近, 但位置也不是很耀眼的地方, 到了門口, 也沒有人熱情招待, Waiter & waitress 都很 cool >.<
以下便是那所謂的盛宴了,那海鮮拼盤除了蟹外, 其他都好難食, 又淡又唔鮮 >.<什麼鵝肝飯, 完全無味, 那條 ribs真不知所謂, 味道苦澀, 不知是over cook定什麼原因, 因現場太黑了, 燒焦了也難以發現呀, 只食到燶味,反而那薯蓉好味啲基本上只可用快餐貨色來形容, 只可話可以食飽, 但一點也不好味囉!
以下是中了招另加之海鮮, 因要預早訂位, 並要在電話預早order海鮮才有優惠, 於是我加了 $100/隻龍蝦, 另加了6隻生蠔, 點知龍蝦不甜, 生蠔更是我從未食過咁差的, 不單淡而無味, 而且食落滿口蠔殼, 真得是恐怖! 以上團購+ 另加以下之拼盤合共 HK$483, 這個價錢相信一定有更多更好選擇囉, 真係中哂招 sad如此水準餐廳, 相信一定不會再來光顧了, 要同佢說永不相見, 祝好運! 

一間位於新界粉嶺的有機餐廳, 第一次去幫襯是 Lunch, 我們一行四人, 每人order 了一個set lunch, 再加 soup (Total : HK98/set), 可再加指定之Salad = HK$128/set, 但我們想試這間餐廳signature salad, 所以就再另外order 了佢個salad, salad 是用鮮芒果做沙律汁很特別, 沙律成份真係好fresh。印象最難忘是那杯跟餐的鮮果汁, 如果單order都要幾拾蚊, 所以set lunch真係好底食, 那杯果汁真係好好飲, 湯也是很讃的, 之後我們還order 了四款甜品, 都是那waiter 介紹的, 但印象中那"拿破輪" 比較出色, 其他就不是太特別。至於主菜方面都是比較清淡的, 但很香蘑菇味, 我很喜歡, 總括這間 Organic Restaurant 很用心, 食材很鮮, 當日套餐另加 salad and dessert , around HK$200/人, 雖然位於新界及 Lunch來講是有點貴, 但對於追求健康飲食的人, 相信必然願意花費在此餐廳, 因為當日我們一早已book 位, 所以有在室內留位, 但門外也有幾張枱, 當日午飯時間也很熱, 但很多食客也不介意選擇在外進餐, 可想像這間用心有機餐廳已成功了一半。這餐午飯後, 仍對此餐廳念念不忘, 希望下次有機會再去食一餐吧!  

由於當日想去的地方滿了, 所以便上網找找有什麼好去處, 見這間餐廳好多人讚, 而且食物style好合心水, 於是馬上打電話去Book 位了。
地點位置有些隱蔽, 我們也找了一陣子, 門口有錶位可泊車, 餐廳地方不大, 座位不多, 約30 個! 環境似一般茶室只是燈光較暗。我們order 了自選車仔意粉, 當日廚師推介的豬扒, 黑松露菌醬意式馬斯卡普芝士夾心比薩(超長的名 ), 另外order 了2 客甜品 心太軟和梳乎厘, 基本上除了那個超長名外型似三文治的Pizza比較好吃外, 其他完全沒有驚喜, 味道完全唔掂, 我完全唔enjoy這餐Dinner, 質數一般, 價格並不平宜, 這餐合共 HK$540, 用這價錢我相信一定可以有更好味更好環境的其他地方, 唔明點解咁多人讚, 我地中伏了, 永遠再見了金船長! (>.<)

這間餐廳是為了培訓飲食業學生而營業的, 餐廳為於長沙灣, 地方不大, 座位不多於20個, 但環境也算ok, 我共光顧了2 次, 每次都會打電話book定, 因此餐廳座位不多, 關門時間也早, 所以book定位會好一點
餐廳食品每晚選擇不多, 只有3至4 款, 都是set, 已包湯、 包、 主菜,、飲品及甜品, 主菜可加選薯條, 意粉或飯, 都是另用碗另上的, 我比較喜歡加薯條, 算不錯的味道, 我已試過他們的牛、魚及羊架了, 價錢平均HK$100/set 都算合理, 食物質數都有驚喜, 以價錢同食物質數已算合格, 可惜他們的餐單變化不大, 第一次試完後, 心思思又想再去, 但當完成第二次後, 便感到有些悶意了, 始終他們的set只有幾款可選, 對於像我這樣心多的人, 也較難滿足
但我仍會支持他們, 希望他們繼續努力培訓更多飲食業人材, 或者下次我再去時, 會試下他們的 Tea Set
而對於未試過的食客, 這裡也是很有新鮮感的, 而且食物及價錢很公道, 為支持本地培訓也可試試的

這間聞名而久的日式西餐廳 已經想試好耐, 依家係沙田有分店當然要去試下啦!紅白湯很濃, 水準不錯!

以下是這間餐廳的頭號主角, 名為 81 層麵包, 果然名不虛傳, 真是每一口也很鬆很脆, 好味!主菜是羊架沙律及黑松露三文魚意粉, 水準也不錯最後是甜品, 兩件cake比較一般, 完全沒有驚喜, 反而那綠荼雪糕加上那81層麵包就的確好好味!以上餐費約 HK$450, 價錢也很合理。

這間餐廳另一小角有麵包西餅可買,  我的單據可作 HK$3 折扣, 由於麵包很美味, 於是我便買了以下的原味方包回家食, 一包只有兩片, 好像是 HK$19 一包, 雖然真的不平宜, 但買回家翌日食也很鬆很美味呢!

牛涮鍋有好多分店, 我們多數只選擇荃灣店, 因地方較大, 而且不須等位太耐, 我們已是 N 次光顧了午餐是放題的, 分60 分鐘及90 分鐘, 60 分鍾是定食形式, 可選一份自己喜愛唔同級數的牛, 豬, 當然價格不同, 不是任食的, 任食部份只限於在外面的食物, 有蔬菜、丸、麵、鳥冬、餃子、腸仔等等, 另可任飲果汁, 雪糕及和牛粒飯也是任食的
60 分鐘餐價格由 HK58-HK133/位, 我多次也想試那和牛餐, 只是HK133/位, 但限時 60 分鐘, 感覺太趕, 所以每次我仍是選擇 那90分鐘的任食牛豬放題, 價格是 HK98 - HK298/位, 最貴是和牛放題分別是 HK238 及 HK$298/位, 雖然比較貴, 但對於胃口好的人, 可以不停 repeat order 和牛, 應該是值得的由於我只是心引, 胃口不大, 所以只會選最平的90分鐘放題, 即 HK98/位, 可以大滿足的自助任食任叫 牛及豚肉, 心靈滿足比牛的質數蓋過哂, 值得一讚是他們的果汁, 橙汁及葡萄汁也不錯, 而雪糕是雀巢杯裝, 比較衛生, 也不用排隊等別人在一大筒慢慢挖取後才有得取, 比較喜歡這種形式湯底方面有5款選擇, 每次我只會叫清湯, 因試過其他的湯底比較咸, 而且我喜歡他們的麻醬, 清湯+牛+麻醬, 已經很夠滿足了但如果大家唔介意60分鐘太趕, 我推介60分鐘餐比較值, 而且平至 HK$58/位, 已可享受一樣的放題, 真係超值

這間位於荃灣地鐵出口的新店 10 月才新開, 位置方便, 我們這些新界人以後不用去九龍或過海才可以買cup cake 食了食過很多口味後, 我還是最愛, 朱杏力蜂蜜、綠茶蜂蜜和朱古力咖啡之cup cake, 未食前一定要放在雪柜內雪藏, 在食用前必須放在室溫約 30 分鐘才食用, 您便會感受到那cream能與下層蛋糕溶為一體的食法, 真係好好味架!另外, 每逢節日也會推出合主題的 Cup Cake, 開 party 都適合

牛角是我喜歡之燒肉店之一, 但因晚上太多人等位, 每次都是只在週末 Lunch 來光顧, 而且 Lunch 又有套餐, 假錢平宜公道, 真是不錯的一間燒肉店
由於每次電話 booking 只有 30% (無論 Lunch or Dinner), 所以如果想電話訂位一定要襯早, 每次我都會預早數天前預訂, 我試過一次曾忘了訂位, 結果等了個多小時呀!我們今次一行四人, 共 Order 了4 個套餐, 每個套餐已包湯、飯、及飲品, 和牛及 5 品燒肉定食更包那好好味的牛角飯, 是加上燒汁及紫菜的珍珠飯, 是無限潻加的, 真是剩食飯都飽, 我這個一向不愛食飯之人, 每次吃牛角飯也至少可吃 2 碗, 真係人出錢, 我出命呀!今次order 了2 個普通定食及2 個牛角飯餐定食, 一次過試哂, 雞、牛、牛舌、腸及和牛, 那和牛當然是超讚, 但其他各樣也不錯呢, 而那 2 個牛角飯定食是包雪榚的, 是雲尼拿及綠茶也好味, 環境、食物、服務都完全合格, 今次 4 個餐合共 HK$380, 真是相當底食, 好快我又會再去食了 (^_^)

這間位於西九龍商場內的日本拉麵店位置比較隱蔽, 裝修簡樸, 坐位只用一些可樂箱造成, 每次也須排長龍入座, 但我仍喜歡光顧這店, 因他們對做麵的認真及對客人的態度, 我仍是給他們很高分的。這間主力是食沾麵, 即一碗濃湯另一碗拉麵齊上的, 客人須將麵沾上濃湯食用, 因是沾麵, 濃湯會較咸, 唔適合直接飲, 但當客人食完拉麵後, 便可要求侍應加上清湯, 之後客人便可飲那碗精華了, 好多人都會成碗湯飲哂, 我每次都係飲一半, 因太大碗呀, 都唔明成碗點飲 每人會有張order 紙, 一碗只可用一張, 本來只有3款沾麵可order, 就是, 隱世白伝 (豬骨味), 隱世黑伝 (黑蒜味) , 隱世赤伝 (蕃茄味) ,依家加了有咖哩湯拉麵, 四款也試過了, 除了咖哩味有很大分別外, 其餘3款也很相似, 所以order邊個都可以。最喜歡就是佢地嘅流心蛋, 好讚

記得有次, 那侍應送上拉麵來時, 強調我的流心蛋唔夠完美, 佢立刻say sorry, 仲即刻叫人再送一隻流心蛋比我, 但我又唔覺第一隻同第二隻又什麼分別, 佢即係只想送多一隻比我當補償那不完美的流心蛋吧! 要求真係高呀!另外在拉麵舖隔離佢地真係有間好細的工埸, 可以買那3款沾麵取走, 我未試過, 但訪問了佢地, 只須回家加水再加上他們付上的湯包一齊煮, 那便跟他們的湯底一樣, 但外賣裝沒有流水蛋的, 所以我沒有太大興趣買回家自己整, 想食只好下次再來光顧啦!

10月是我和 Hubby 的週年記念日, 一早大家都已選定了在這問燒肉店慶祝了, 因之前在九龍城經過都見裏面滿座, 而且發現近門口區有 Tatami位, 食物環境都好適合我們, 於是早於10多天前便book定位, 並且要求一定要安排坐 Tatami 呀!當日並不是周未或假日, 但 Tatami位已滿, 好彩我地一早book了, 否則就無 Tatami位了以上便是 Tatami 區, 食客不用擔心Tatami會坐得不舒服, 佢有上下位比食客將對脚放在下面, 所以絕對唔使擔心 另外, 除了 Tatami 外, 樓下便是普通餐廳位, 大家可隨自己心意選擇此餐店主力是日式燒肉, 所以可以一次過滿足哂喜歡食刺身, 壽司和燒肉的人, 當日我便選了的刺身併盤好好味而且好鮮, 價格約 HK$300 , 好底食, 另外order了兩款法國生蠔也很鮮甜, 也是約 HK$300/6隻, 另外order 了美國牛拼盤及厚牛舌, 也很好味, 這餐費用共HK$1,300, 但都覺得合理。所有食物、環境及 service都很滿意, 相信很快我們一定會再來光顧呀, 哈哈 ^o^值得推介以上的三文魚飯團, 真係好好味, 是waitress 介紹的, 雖然等了一段時間, 因廚師是即叫即做的, 這個三文魚飯團是熱騰騰上的, 外面有些脆, 而內裏的米及三文魚混合後真的很香很好味, 果然好介紹, 大約好似四十多元2 個。食完這餐開心又滿足, 一定會再去食過