食過呢間啲cake幾次覺得都吾錯O(∩_∩)O 今次大埔探朋友，順路去沙田買下野。 因為我朋友一個人住，吾知買咩好情況下～靈機一足，就決定買馬卡龍比佢。 當然我都有買一盒比自己啦( ´▽` )ﾉ 兩盒，一盒就6粒。價錢比平時食開某啲牌子算便。 吾知係咪一分錢一分服務啦，我英文就吾叻，除左好基本焦糖，玫瑰，朱古力……等。常見大路既名稱都睇得出既。不過我有一半都睇吾明，好有禮貌請佢介紹味道，表示睇吾明啲英文。佢無答我，只係問我要水果味定茶味。但我心想水果味同茶味，我都有啲鐘意同吾鐘意既味，佢吾講我又點知呢？更何況又無其他客人係度。唯有厚住面皮，指下啲我自己睇中既顏色，問佢味道，叫啲自己睇得明既啦。係途中佢都無推介我要啲咩味，要我主動問，佢先有反應，個樣仲非常吾耐煩。如果吾係新年買，我真係同呢位小姐開左年喇。 講番味道先，呢間馬卡龍算吾錯。我朋友都大讚牙，而我最鐘意食佢個綠茶，味道夠濃，香蕉味都吾錯，好香。其他味都算ok~唯獨佢個荔枝味就太甜喇～ 下次都會想再試下呢間買下其他味，不過打死都吾去沙田買，啲態度衰到

我番工附近有美心，所以周不時都會試下啲新野今次試既就係啲甜品鋪都興左一輪後既甜品。 登~登~登盆栽提拉米蘇 佢有個好精緻既粉紅色花做裝飾，用oreo餅碎係面，真係幾可亂真嫁我個人係好鐘意oreo味既野，提拉米蘇就不過不失啦，不過個底就愈食愈濕。只可以話個樣係好特別，試一次就足夠了。

好日都吾探下朋友L, 所以當然要去買啲慰勞品去比佢由於朋友L係times 番工，所以就落左樓下city super 喇~左睇右睇，就決定買呢間試試店員非常之耐心同有禮貌去推薦，最後選購左2款蛋糕。 我自己都忍吾住買左個士多啤梨蛋糕，其實我並吾係好鐘意食海綿蛋糕，但店員話個cream入口即溶,加上士多啤梨既誘惑，決定一試！ 呢個蛋糕海綿係幾鬆軟，而個cream雖然無佢講度入口即溶甘西利，之但係好fresh既口感，就好似係個cream係岩岩打好出泥就即刻食既感覺好正，個cream有好重奶。士多啤梨吾甜但新鮮，令我每啖都係食都好鮮味既口感

係openrice睇到呢個間啲牛角包好似好好味甘就把心一撗去試下 店內麵包款式不多不小，廚房只有玻璃一隔，可以見到佢地制作。收銀位仲有蛋糕賣，外觀亦都非常吸引不過我今天主攻是牛角包~ 我決定試下龍蝦仔咖哩牛角包。呢款係即場制作，竟然會放入一個盒度，好似個包變左個甜品甘……好得意。 講番個牛角包先~個餡除左有龍蝦仔仲有小小菜同車厘茄配搭，個包外脆內富有層次感。龍蝦仔同啲咖哩醬好夾吾會話個咖哩味蓋左啲蝦味，反而令到個蝦味更特出！啲配菜新鮮同車厘茄就又甜又多汁一咬就飛哂出泥！ 真係好味都停吾到好，完結左呢個甘好味既牛角包就忍吾住番轉頭買多左6個吾同味既牛角包*朱古力、杏仁、芝士、原味……另外買左個紅莓黑麥包。兩大包拎走(≧∇≦)

第一次是因為漫畫節跟朋友順道光臨，而今次是因為一直諗諗不忘那沙拉味道，忍住遠赴而來。 我很喜歡這間用木色調既內外觀，可以令人輕易放鬆。這裡坐位設有二人沙發亦有高枱跟椅子。還記得上次時間已是文員下班時段，等了一會才有空著的高枱所以這回提早出發。在這下午茶時段人流不多時候，可以坐著二人沙發舒服地享受一番。 當然，今次再點我念念不忘的沙拉，選購享有三款味道的價格。點了紅菜頭、貝殼粉和薯仔粒。最喜歡那醬汁酸甜適中、薯仔粒足夠鮮味和紅菜頭的甜味。令我吃完一整碟也非常開胃另外點了紅桑子拿破崙，非常的讚。紅桑子非常鮮甜跟拿破崙整個吃非常配搭。值得一試。 最後，難得一來當然買了外帶回家。用來減小我相思之苦。

從來都無食過雙皮奶，最多都係食過某牌子既燉奶，覺得無咩興趣。直到知道呢間雙皮奶好出名終於有幸同男朋友仔泥一試~ 我叫左個熱雙皮奶，其實都吾明解個名。但當佢一上枱，食落個面就好似有塊皮甘好得意，佢入面啲奶真係好滑溜，放落口好似有種玩滑梯既感覺流入口中，味道不會太甜。真係令人一試難忘 而男朋友仔叫左朱古力燉奶，但他說他不太喜歡滑溜，沒有實在感。但濃濃的朱古力味正中他下懷

甜芽芽一共泥左3次，一值都吾記得左寫呢間既食評。趁現在有時候同大家推介一番 第一次係食我最愛既心太軟即叫即制，雖然等候了一會，還是值得的！雖然有小小燶味，但朱古力味十份濃郁。（由於太耐無左張相lu） 第二次食香蕉朱古力窩夫，我會叫呢個既原因，係在於我第一次泥食嗰時見到有個小朋友食得津津有味，亦都係我想再泥食既因素窩夫淡淡既朱古力味，落埋糖漿甜甜剛好，還有我最喜歡食既香蕉配有小小朱古力醬呢 第三次就食佢好多人叫既提拉米蘇pancake,賣相美得沒話說，如果佢係用提拉米蘇泥做內餡，賣點是的確特別。提拉米蘇口感都好滑溜只可惜因為我曾經食過一間pancake像入口即溶既口感，所以呢款pancake對我個人來說實屬一般，應該話佢係吾差，係正常係香港食到一般正常水準既pancake。大家都可以不防試下。 整體上呢間味道跟賣相不賴，價錢中等，但份量頗大。如果我有時間都會再食佢 另外一提我食過3次職員就有2次落錯單有一次仲係落錯哂2樣，好彩一放低張單我就甘岩留意到同傍邊張枱叫啲野竟然一樣既？細心一睇原來我地嗰張比佢落錯哂。希望第4次我再去會有改善啦

是日晚餐，莎樂美對上一次食係上年既情人節同男朋友仔食。事隔都成年了，忽然想起它，再一次來臨。其實莎樂美我大大話話都食過超十次以上，吾係話好常去，但我頗喜歡這間滿有港式風格既餐廳，喜歡職員的勤快活力！ 價錢係呢幾年加得吾算太驚嚇~晚餐都會特定推出2款係比較優惠，大概70中位左右。其他套餐就大概百頭至百中。講番食物啦……今次我叫左個T骨全熟跟意粉，男朋友仔就叫左個set b餐牛柳粒全熟餐包上枱微温配牛油讚*羅宋湯保持水準。可惜男朋友仔叫的周打湯，生粉落得太多好粉。佢飲左幾啖就放棄左~ 到主角兩扒出場喇！t骨好大份，係我次次泥實既首選，味道都是一慣水準啦，反而牛柳粒令我倆都好意外無諗過佢甘大粒都可以甘軟腍，有黑椒做小小調味係肉度，以70幾蚊食呢個餐來講，真係非常價比性高。再加上我都係叫全熟嫁。叫套餐仲有雪糕食，都幾鐘意佢入面有啲朱古力粒

最近睇到openrice先發現kitty cafe 開左放假忍吾住就飛撲過去喇……係supermarket內位置好易搵，而最可惜係呢間係屬外帶。店傍邊提供一張可容納3~4人既企枱。由於人流幾多所以我決定買番屋企食。 佢啲馬卡龍靚，全部都印有不同既kitty圖案~非常吸引！蛋糕款式不算很多。3D蘋果芝士cake很可愛，買左見住佢都吾捨得食。相對其他款式既賣相就立比下去了。外觀100分味道就似美心買到既水準。馬卡龍4個就有盒，用泥送禮係不錯既選擇。 P.s 職員雖然好忙，但佢地非常有禮貌，值得一讚！

友人忽然提起想食食放題，我就係open rice度搵到呢間新開既任食燒肉。至於呢間最最吸引我去試既原因，係因為收得晏 油麻地地鐵站出去會比較近，位置都好易搵。門口有個紅色和風燈籠掛起，裝潢簡單，坐位空間尚算ok。我地一行女仔就膽粗粗去試下喇。 呢間任食款式比一般既小，不過最令我歡喜係大蝦有任食除左牛、豬、羊、有菇、多春魚等。另外有刺身、天婦羅、甜品。由於我地3個都好肚餓，就停係甘畫畫畫當然飲品都係任飲的。我地都叫左柚子茶，係熱既，味道吾錯～無耐刺身上枱，size可接受啦～無雪味＊再眼見啲肉類上枱嘩！好細塊啵，啲牛一塊既份量就好似平時食一塊煙人肉比人切開左5塊甘……牛柳粒就似一粒比人切開左變3/4粒……真係幾令人失望雖然肉質味道係吾錯，但甘既份量真係好吾得，仲要我去嗰時全場得兩枱客。好在我地樣樣都點之下所以都夠食，豬同羊既份量就好正常（可能牛貴啦），等左陣到啲大蝦泥喇！好在都有呢個加番分！啲蝦新鮮爽口，我一共食左6隻條氣都即刻順哂。我地大概叫左2round左右就轉食甜品，試左個一口芋頭，外皮脆內裡甘甜！一定要試！提拉米蘇都算ok~呢度竟然有雪米糍食有芋頭同哈蜜瓜味，好正！賣單就一人二百幾。呢個價位我覺得如果真係食到好多隻大蝦都算ok既，本來都想同男朋友下次試下，不過諗起佢啲牛甘細塊有小小卻步…… P.s 可能係新開，有好多改善既地方。第一係用鐵板燒吾係問題，但燒久了竟然只用濕紙巾剷走啲黑色燶既地方，我食過甘多間燒肉店，真係第一次遇到。清潔後啲黑色依舊還有，而且剷起左啲黑色野又吾夾走，再燒啲食物好易痴左上去，為何不換板去洗呢？！既然清潔麻煩，倒如考慮改用網燒，另外燒肉既細小真係非常有待改善，食物味道雖好，可是令人食都十分不暢快呢