小編今日lunch完之後好想食甜品，就盲search附近有賣開心果甜品既餐廳，結果比我搵到呢間賣donut既，好耐冇食donut啦，一於try try佢！ 先講我幾傻仔、o係openrice落order外賣自取比 起其他平台係最平最抵最優惠嘅咁當然啦就要用呢個OpenRice落咗order先啦，但係就唔小心落咗灣仔鋪嘅order結果得我發現嘅時候呢其實已經食物處理中㗎啦咁我呢就好擔心即刻打俾灣仔嗰間舖頭職員之後好好喎佢呢肯幫我叫奧海城二期嗰個分店呢？幫我整呢個order咁我就唔使嘥錢囉、呢個已經係強烈加分㗎啦！ 講返個味道先、開心果白朱古力呢顧名思義因為有白朱古力嘅成份喺入邊所以甜就一定㗎啦、但係我覺得個白朱古力個味道係搶咗開心果味道嘅咁所以呢個我係有少少失望😞至於個榛子呢嘩呢個就不得了，超好食係好濃嘅榛子醬味同埋佢唔算好甜咁當然啦大家如果真係好怕好甜最好就係冬甩上面唔好加糖囉，因為通常佢就會問你個冬甩你想加白砂糖定還是係肉桂糖小編本身係好喜歡肉桂嘅，本身諗住落呢個肉桂糖落去但係因為今次買呢兩個冬甩係開心果同埋榛子都係好甜所以我就冇落肉桂糖啦，下次呢我就會試吓原味落玉桂糖應該都唔錯嘅！ 整體性價比高，因為OpenRice有九折都係講緊$33一個嘅啫，如果到舖頭買原價應該係$36-38、冬甩嘅size好大個其實可以等於半餐嘅lunch所以我覺得都抵食嘅

是咁的，話說小編平安夜打算同屋企人打邊爐，daddy上年食過呢間覺得好味所以小編今年平安夜又同佢地一齊食慶祝聖誕節🎄。 本來打算訂6點或6:30時間但見佢有個訂檯優惠5點有68折（正價餐牌、海鮮刺身、牛肉除外）ok，咁我地咪book早d食早d去行街囉。 未到5點早左10分鐘到達不過職員好好照比我地入去坐住等，差唔多5點2我地就落單首先落d野飲同埋響鈴，食物冇問題既，之後落湯底同埋火鍋料，個職員走過黎sell 特價海鮮，算啦，心唸24號預左比人賺架啦、咁最緊要大家食得開心🥳 認真服務態度在你已經做左水魚之後開始唔太理你，嗌埋單都嗌2次，張單黎到發現冇68折，我問點解冇，佢話除左火鍋配料、其他都冇包括火鍋湯底，真係好搶錢，所謂68折、埋單1636、平左54比妳，真心多謝，最衰係我之後發現佢醬料收我5位，我地3個人去wor！ 呢間大家真係小心d，睇路， 已經報海關，唔係食唔起人均545一餐火鍋、但咁樣誤導真係好過份囉！

根本完全唔值得推介～不論食麻辣米線或者黃酒雞米線，根本完全唔及格。唔明白點解米線關注組可以推介得落？唯一解釋可能係根本呢間嘢就轉左手又唔出聲，d味道差過譚x、三哥、川味xx一百倍。 特麻辣可以一d都唔辣既，叫佢加辣，都幫唔到件事，根本就唔好味 d餸少到呢，個魚腐夠薑比一件你only，痴線架！ 我同事食既黃酒雞米線，有酒味但湯底淡過水都冇味既。 呢間嘢永世blacklist 未試過咁差既米線！ 離譜！ 真係好唔開心

尋晚小編同ex同事兼ex老細食飯聚舊、同ex同事既感情真係比之前同一間公司做更加好始終工作上容易有唔同意見但做frd我呢位ex老細真係一流！佢相識滿天下、見佢喺街度都可以不停撞到熟人，真係好誇張🤣 但佢真係好高EQ好樂天好開心既一個人黎，同呢類人做朋友絕對有利提升本尊既EQ同埋感染埋我既氛圍，呢類朋友絕對適宜交往😌

是夜餐廳選擇梗係交比佢發辦啦因為佢識好多好多做飲食既朋友，佢就提議我地去呢間食因為佢自己同佢d friend都覺得呢間好好味🤤廚師亦大有來頭😎好～一於睇下佢咩料先😉

地點：天后

酒虎詩龍 (天后)
天后清風街3號地舖

小編是夜order之餓鬼出籠🤣：
麻辣西瓜🍉38蚊
新鮮白鱔 陳皮豆豉汁 （翻左2次牌子呀呢個😋😋）128蚊一串
香脆燒馬友 68蚊
墨魚肉腸 紹興酒豬肉腸68蚊
紅柳枝羊肉串 48蚊
咸蛋燒飯糰 38蚊
焦糖牛油燒粟米🌽 （又係翻左2次牌子🤣）52蚊
燒繡球菌 42蚊
脆炸門鱔魚皮（呢個按主廚心情免費贈送😅）
燒北寄貝 218
莞茜醬蟶子 好似係68蚊一隻😜
醬汁蟶子（即係冇莞茜醬既原味）
墨魚仔配泰式青醬 198

🥃🍺酒鬼🤓費用：2杯梅酒+1杯大生啤=422（已加一）

味道：見我擺白鱔為封面主角就知道小編係幾咁like呢個白鱔啦，皮脆肉嫩有咬口真係好好味、豆豉汁都好夾，呢個一定要食兩串以上搞唔掂呀😆另外第二幅圖就係小編encore既另一個項目～焦糖牛油粟米、外面灑上d粟米片真係好好味、個焦糖牛油醬好有Christmas聖誕小屋入面d糖果既味道，呢個真係好出色好出色、如果用呢d焦糖牛油醬做爆谷就完美曬😌呢兩樣都係下次小編must點既item。之後就到d時令海鮮，最印象深刻應該係北寄貝同蟶子，好新鮮、烹調同調味唔會令到海鮮既鮮味被蓋住或影響到。但墨魚仔小編就一般、墨魚係爽口既但略帶少少韌呢個扣分。脆馬友都唔錯👍🏻但冇咩wow factor不過價錢68黎講算抵食既。至於串燒包括羊肉串、繡球菌同墨魚肉腸水準都唔差，特別係羊肉串用紅柳枝串住帶出木味香氣呢個係好好既idea黎、墨魚肉腸好味但比較油膩左少少🤏、繡球菌爽口但我地食左好多重味嘢之後至食佢就覺得佢好淡要加🧂鹽😂麻辣西瓜🍉係鎮店前菜、西瓜好甜但個麻辣醬冇咩層次、呢個小編一般，當普通西瓜食還可以、唔好太大期望會帶比味覺有咩震撼😅全晚最敗筆既莫過於最後幅圖就係咸蛋黃燒飯糰🍙、d味真係好奇怪😳好似d藥粉味咁，完全冇咸蛋黃味，d咖喱粉味好奇怪🤔夾埋一齊就好似d中藥粉味道，難食到嘔🤮～d飯焦好硬好難handle、一個字好x差😩

總括黎講食物水準唔錯、d食材好新鮮雖然價錢唔平但小編覺得值得既，特別係香港好多串燒店都係川式即係灑好多d味粉上去d食物度根本完全食唔到食物本身既鮮味，但呢度烹調既技巧、調味方法等等都係高水準，可以話係高質串燒店亦加入好多港式調味方法、確實冇咩餐廳可以食到，就係呢個point都已經值得奉上金錢啦、更何況知道主廚個來歷之後更加覺得值！佢曾經喺8½ Otto e Mezzo BOMBANA (中環)工作過、難怪咁擅長fusion既菜式。

服務都係好好既、staff有禮貌、有效率、同好細心咁不斷幫d客人換碟尤其係食海鮮既客人啦。

因為我地有飲酒所以埋單係1700元，大家可能覺得1700兩個人食真係好貴，但小編覺得久唔久豪一次食下好西絕對值得，對自己好d、慰勞下自己呢個禮拜既艱辛絕不為過。

食完唔覺得好口渴、腸胃冇不適、今朝起身都係回味梗尋晚餐飯，小編真係覺得食好西真係可以令自己幸福好一段時間既😌😍

鳴謝 @kula.kwan既推薦，未黎之前以為你吹捧點知真係好好既推介、果然同小編一樣係高級吃貨😂

註：因為呢間餐廳主廚介紹一種叫陀地玉冰燒比我地試左1、2啖、下個post小編主力介紹呢個好物比大家！簡直係燒酒天花板😎

人均：850 （含酒精） 650 （不含酒精）

Encore指數：90% （唔比100%係因為小編唔係個個friend都捨得比500以上食好西😂）

以上。

謝謝收看 ｜以上食評完全代表小編個人感受不受任何因素影響～純粹以個人口味鑑定

呢間中環分店永世blacklist 上至店長下至d 後生仔女全部個個西面手腳慢又不停吹水話知你等吖！ 外賣自取12:45拎得要玩到你1:35至真係拎得咁提早order🈶咩意義？ 簡直浪費人生 旺角d 店員正路10000倍！都係遲自取既時間5分鐘左右絕對可以接受～d店員都係密密手不停做架！ 你中環分店等執啦～成班不知所謂、冇我地呢d返工人士，搵鬼平日幫襯呀？你唔係認為大陸人會黎香港飲貴過內地2倍既野呀？ 發夢啦！

之前飲過既好似係芝麻糯糯糯，真心覺得一般，同埋當時d staff 態度好似唔憂做咁就冇再去幫襯話說尋晚9/17號，同frd突然想飲杯嘢、我地都係鍾意飲燕麥奶所以我推介去milksha既因為佢哋有燕麥奶選擇，點知佢哋冇曬芋頭、又大排長龍、咁算啦，我就突然醒起隔離珍煮丹都有燕麥奶架wor，就飄左過去睇，果然有十份芋芋可以選擇轉燕麥奶。因為佢哋個熱飲機壞左，咁唯有叫微冰、3分糖（至少要3分）、因為唔洗排隊，等唔洗3分鐘就有。第一啖飲落去、哇～驚為天人，好好飲、好似麥精既味道（因為燕麥奶都係同麥精同宗既）、係甜左少少但都可以接受、呢個我絕對會encore同埋尋日個妹妹staff大陸好有禮貌～感覺唔同左，絕對可以再幫襯返

話說今日lunch 2訪呢間asok，上次食過覺得唔錯，今次就再去食個lunch。小編大約中午12:20嘅時候到達，從外發現餐廳入邊就唔多人，但當我想入餐廳嘅時候發現道門係開唔到㗎，我初時以為道門係鎖咗、試過好大力開，仍然開唔到好似有d逆風同我鬥力咁，我就望入去餐廳睇下係咪lunch有人包場但又唔似係包場wor？又冇職員可以幫我開到門，我望入去再睇下有冇職員留意到我，跟住我就見到有兩個職員喺個廚房出嚟。有個女職員就過嚟同我開門，但一開門我係笑笑口咁樣同佢講唔該然後我睇到佢嘅面口係非常非常之差，正宗黑口黑面，佢問你幾多位既時候態度真系非常惡劣，我當下已經好想離開但又唔好意思所以我就硬着頭皮入去，但我話俾自己聽我今餐千祈唔好食任何貴價嘅嘢，總之將嗰個消費價錢係$100以下就可以啦，因為我覺得唔想再蝕比呢間餐廳，啲服務真係衰到不得了！之前睇過啲食評話呢度啲服務好差，我對上一次入去我都唔覺得係咁差當然唔會好期望佢好熱情招待你，但係都未去到咁樣西面嘅，今次直程係黑面係覺得你好似乞兒你係黎乞食咁咁我坐低叫咗最平嗰個餐咖哩金麵，盛惠$88，本身我係好鍾意食佢個芒果糯米飯但係我決定唔俾佢賺，所以我only叫個麵算！味道係一般囉，冇上次我食嗰個冬陰功意粉咁好味，個salad bowl其實我都冇咩點食only用黎放青口殼，點知個職員拿拿臨收埋個碗，大佬，咁我d蝦殼吞左佢咩？唯有lur o係檯面囉～我知道班大帝肯定鬧爆我！我都係被逼囉～ 埋單嘅時候我就話唔該埋單然後跟住個男職員都係西住面過黎收錢，我話比apple pay佢塊面更西！都未遇過呢d咁既對待，澳牛服務好過佢100倍！起碼收錢會講多謝😊 我步出餐廳既時候不停黑人問號究竟我係客定係職員呢？因為我覺得好似全程都係我招呼緊佢哋多個佢招呼緊我，我慶幸今餐只係俾咗$97我覺得都係輸少當贏囉，但係以後都唔會再去阿叔泰麵任何一間分店其實之後我又喺IG上邊出咗個story表達我嘅用餐嘅不愉快體驗，阿叔好快就有回應佢好積極跟進咁但係其實我相信唔係個別事件淨係阿叔嘅問題，我覺得係現今好多飲食業遇到嘅問題就係好難請到正常人！如果你請一啲真係比較後生21、22歲嘅話其實你亦都唔可以期望佢哋嘅態度會有幾好，唔only阿叔d後生server咁差，其實前一兩日又係去另一間又係年青人服務為主嘅咁仲係要攞咗米芝蓮一個小食店啦，佢喺怡和大廈地庫嘅其中一間買台灣刈包，啲職員都係21、22歲又係好似前世欠咗佢地咁款！其實我覺得香港政府真系認真考慮再輸入多d飲食業既外勞，同埋成日都睇到啲小紅書話歧視內地人呀，歧視內地遊客其實我都好想講就算連香港人去幫襯好多食店d態度都係非常之差咁不過呢好感謝今次嘅阿叔呢個難忘體驗啦，因為令我反思到其實人與人之間嘅尊重呢個重要性，藉住今次阿叔呢個咁差既體驗呢，當我食完lunch之後我行返去公司因為經過西九站遇到個遊客問路，我當時就再比起平時更加熱情主動去幫忙佢，因為我發覺其實原來本地人喺本地啲食店消費嘅時候我哋都會對一啲唔理想嘅服務態度好敏感、覺得唔開心，更何況係一啲來自外地嘅人！其實可能佢對於嗰個服務嘅敏感度更加高，即係可能你小小嘅啲面部表情佢都覺得你係冇心招呼佢，所以小編都多謝阿叔令到我要反思下自己係咪當遇到一啲有客問路嘅時候我應該要更加比多啲微笑多啲笑容，令到人哋會覺得更加舒服 之所以點解要去大集團消費呀？ 1）人地服務真系差得有個譜 2）大集團通常有財力喺啲大商場開舖，所以服務都一定會有一定嘅保證 認真講，就算譚仔阿姐啲服務態度都好過阿叔泰麵！

認識夏銘記唔係因為小編係西環街坊，反而一次誤打誤撞o係中環嗌外賣、掃網上外賣平台d 食店list就見到呢間店，賣魚蛋粉，因為小編非常喜愛魚蛋所以就試佢個炸魚片角（半條）、雖然外賣、但黎到仍然新鮮熱辣～好不滋味，自此就記住呢間店，之後想再落order竟然發現已經結業，覺得可惜、可能疫情關係啦～

隔一排，又心思思想食，所以直接到訪佢既老舖o係西環、當時都要排一陣隊，入到去見到係非常傳統簡單佈置既魚蛋粉店但服務熱情有禮。不過當時食魚皮餃覺得水準一般，之後就冇再去啦。

最近得知佢o係佐敦再開～而西環舊舖就冇再營業。今日到訪佐敦白加士街、店鋪確實唔起眼，小編以為係以前個木牌匾、點知原來已經翻新左個比較時尚既牌匾😆～入到店內裝潢好新穎同之前老舖已經完全兩回事啦～但招呼依舊熱情。

循例一定叫碟炸魚片角、真系食得出手打魚肉味道，偏軟身但爽口既，個人大推呢個！好鮮味！我本身叫左紫菜三寶即係魚蛋墨魚丸魚皮餃，另加30蚊就有半條魚片角啦，幾抵食。鍾意佢d魚蛋真系好濃魚味但唔腥，墨魚丸都好滑但魚蛋完勝。魚皮餃比上次好似好味d冇咁細粒同散，d味唔錯👍🏼

總結一定會再wncore，今次食淨食，下次或者試下d粉麵😋

一向覺得K11 musea d質素應該有少少保證，平時lunch都會落去食，之前都食過呢間呢間都覺得OK既，今次試明太子轉長通粉，一見到個賣相已經打左個突，覺得好似d快餐咁。算啦心唸可能好味呢，一睇之下d明太子少🉐️可憐，個通粉純粹靠l個少少明太子提味，即係完全冇調味既～咁既野賣118、好彩我有staff discount～我都唔知係咪因為staff discount少少比我就hea我、整埋d咁既野，真系一世冇回頭！

月餅🥮換領初體驗 我通常都係叫courier去拎送月餅🥮既但今次就專登去港島香格里拉酒店既夏宮拎幾盒個半月前已經訂購既月餅🥮，夏宮月餅換領處就exactly喺夏宮門口當眼位置所以極易搵，訂左夏宮包裝既月餅🥮（如第7幅圖示）但職員就拎左第9幅圖左邊既包裝比我，我即時話我係訂左紅色絲絨package㗎wor，個女職員話呢d package係限量，我即刻話咩限量呀我咪係訂左呢個lor！然後佢極度唔情願換返根本屬於我order既包裝，我真心燥🤬當日著得係求其d、牛記笠記lor，呢間嘢極度狗眼看人低、以為我好蝦就想蒙混過關，我真係嬲到爆錶當然我即時冇開火啦，我呢d文明人當然用文明方法處理，即刻send 投訴email去會員部、cc佢地既corp communication同埋customer care，要個原因！我純粹要得個明白點解個職員可以咁做？包裝唔同但裡面一樣都係夏宮月餅🥮不過價錢相差80幾蚊！因為唔係紅絲絨包裝既月餅🥮有會員discount㗎😠，呢次體驗真係夠曬難忘、我咁大個女真係好少咁樣比人輕視法，嘩～真係多謝曬呀喂😙😌 真心唔知點解香宮🥮要比人預訂月餅🥮、預訂左又唔比返預訂個款比個客仲要話限量款，我咪就係early bird order訂呢d限量款lor，真係好離譜🤬🤬🤬🤬🤬🤬不如以後佢咁樣玩啦～全部預訂月餅🥮包裝款係保密、唔知乜包裝黎㗎到時候去拎睇下d職員到時候鍾意比乜你咪乜lor！真係勞鬼氣、成個中秋佳節氣氛比佢搞‘彎’曬😖