最中意的燒烤店#燒烤堂 中環分店搬左位後店舖空間更多 有唔少枱 食物選擇好多仲有好多唔同部位及不同調味 豬牛雞同澱粉質類都唔少 其中推介必食牛舌腩 豚肉荔枝 月見雞肉棒 味㬝松阪豬 雞皮墨魚滑 明太子雞腿 羊架 黑糖菠蘿🍍當甜品食可以清下腸胃 無咁油膩 其實我次次去都係食差唔多的野🤣 因為佢的食物好consistent 今次仲試左鰻魚炒飯 份量超多足料 性價比超高 想食有質素的串燒就會去燒烤堂🔥 📍燒烤堂 @skewer.kitchen

經過中環萬宜大廈 見到呢間電車路旁的日系甜點店 #更紗制菓 主打無添加天然食材 當然用的係日本食材 多款不同種類產品 原個 件裝 杯裝蛋糕 麵包 脆餅等 推介超可愛御飯團蛋糕 望落就係一個三角飯團嘅模樣 多款味道選擇 我就揀咗焙茶同伯爵茶 入邊有不同層次 食落輕盈唔會太甜 下午茶配咖啡剛好！ 另外仲試咗雙色鴛鴦開心果士多啤梨戚風蛋糕 綠色粉紅色嘅配搭少女心大爆發 食落去輕盈好似棉花糖咁 仲有原條提子吐司 入邊超多提子粒 啖啖足料 最後揀咗呢盒焦糖堅果脆餅 外層脆卜卜 內餡係經過烤烤嘅堅果 加入香甜焦糖 一塊接一塊👀 好多蛋糕麵包選擇做早餐或者下午茶都好適合🫶🏼 📍更紗制菓 @saraseihk 中環萬宜大廈 | 銅鑼灣希慎廣場 | 旺角朗豪坊 🌎#iam中環foodaholic

喺香港要攞到室內炭燒牌絕對唔容易 又嚟到已經回頭多次喺銅鑼灣登龍街嘅#炭火地雞 有多款不同嘅雞肉部位 罕見部位都有 炭爐串燒特別有風味 其中推介幾款必食 薯仔沙律 月見雞肉棒 雞皮 雞泡魚干 豚肉芝士 牛舌 烤鱔 仲有個黑松露雜菌🔥 樣樣都夠晒火候 即叫即燒 想食炭燒串燒就要俾少少耐性 鍾意呢度嘅地理位置夠方便 會回訪🫶🏼 📍炭火地雞 @yakitori25hk 銅鑼灣登龍街28號永光中心15樓 🌎#iam銅鑼灣foodaholic

唔知道原來重慶大廈隔離有個地下Foodcourt 😮 下邊有勁多餐廳選擇 嚟到呢間全場爆滿嘅#一喜車仔麵 土瓜灣開過嚟嘅新分店 勁多座位 竟然都坐滿 一於試吓 淨係麵底選擇都有成九款 除咗平時常見嘅米粉油麵 仲有少見嘅銀針粉同准山麵！ 揀完麵底 梗係揀湯底 有清湯沙嗲腩汁麻辣汁 仲有自家製嘅咖喱汁 同埋必食推介黃金雞湯！！！ 餸菜選擇都勁豐富 必食係自家製韭菜餃 所有丸類都係自家製 所以食落去比出邊嘅彈牙好多 當中試咗特級瀨尿牛筋丸 炸有魷魚粒的魷魚丸 汕尾馬鮫豬肉丸 炸墨魚丸 汕尾豬肉小米粿 想試勻呢啲丸就可以好似我咁叫生炸潮汕三寶 同埋自家製鴛鴦餃子 有齊韭菜餃同菜肉餃 飽滿足料 仲有汕尾豬肉小米粿配埋個黃金雞湯一絕 鮮甜濃郁雞湯 仲有仲有仲有不得不提係佢個銀針粉 街外已經好少食到 仲要係咁高質grade A的銀針粉 條條彈牙！ 仲有胃可以試埋咖喱四寶 幾十種香料炒埋一齊嘅港式咖喱 入邊有魚蛋牛柏葉牛腩同魷魚 夠晒香辣過癮 除咗咖啡奶茶 仲有自家製涼茶竹蔗茅根雞骨草等等 雞骨草同竹蔗茅根都係微甜 夠晒消暑解渴🍹 估唔到公司附近都有咁高質嘅車仔麵 價錢仲要唔貴 下次帶埋啲同事過嚟一齊食🤞🏻🤞🏻 📍一喜車仔麵 @heyman_noodles 尖沙咀彌敦道36-44號重慶大廈heath慶方地庫S19-21號舖

係 @hyattcentrichongkong Staycation係附近搵食 搵到呢間係正北角匯對面 地鐵站A1出口唔使10秒就到 #嚮和風料理 感覺係家庭式餐廳 有多款飯食烏冬小食揀 店員推介我地試芥末醬炸豆腐 豬軟骨 烤雞等 我地就一次試晒佢 小食揀左酥炸多春魚同炸豆腐 仲有烤雞沙律同慢煮豬軟骨咖哩撈烏冬🥘 好似未係街外餐廳食過咁脹卜卜飽滿的多春魚🐟 超爆春 酥脆 而且唔會太油膩 一客六條性價比高 炸豆腐外皮同平時脆卜卜的唔同 佢係帶煙韌 外皮食落有少少炸年糕的感覺 配芥末醬幾特別！ 烤雞沙律推介比想食得飽但low carb diet的你 原塊雞扒分成四大件 肉質相當嫩滑 感覺健康🥗 最後呢個撈烏冬簡直係惹味之選 醬汁濃郁 但唔會鹹 烏冬放耐左都無變軟 相當掛汁 慢煮豬軟骨入味之餘 軟身程度係用匙羹已經食到 滿滿骨膠原 大推！ 整體來講係係呢個社區相當有驚喜的日本餐廳 係呢頭附近推介大家試下☝🏻 📍嚮和風料理 @brother_group2023 北角渣華道124-132號渣華商業中心地下D號舖 🌎#iam北角foodaholic

旺角鬧市的樓上#我要烤魚 之前係銅鑼灣已經食過 今次係九龍區開新分店梗係要支持下💛 必食推介梗係烤魚！超惹味濃郁 厚肉而且無骨 2-3人分享剛好 另外有好多特別火鍋配料 墨魚滑玉子燒都幾特別 另外仲有好多超親民價的串燒 好多都十幾蚊有交易 仲有生啤buy 1 get 1 free ✨✨✨✨ 兩個人嗌到成枱滿晒都只係三百幾蚊人均 抵食！ 📍陀地燒 X 我要烤魚 旺角通菜街1A-1L號威達商業大廈Deli2 1樓1A號舖 🌎#iam旺角foodaholic

喺銅鑼灣買外賣上朋友屋企食 搵到呢間#生生市場 喺鵝頸橋底嘅韓國料理外賣店 除咗好多熟食前菜 仲有生肉醬料同酒嘅選項 買到成枱嘢 夠三四個人食都只係$250 簡直係抗通脹糧尾恩物✨ 推介必食係牛肉飯卷 一盒有成10幾件 鍾意佢飯層夠薄 入邊夠多餡料 食完唔會超級滯 另外仲有前菜菠菜 我就揀咗盒細盒 但都超足份量 另外仲有一客兩件魚糕湯 飲啖湯食啖魚糕同埋鮮甜白蘿蔔好溫胃 另外試咗個細份嘅炸雞 雖然係細份 但都有成七八件 店員細心喺個蓋度剪窿透氣 外賣拎到返去都仲脆卜卜 最後係韓式牛肉拌飯 送料同白飯雞蛋分層存放 唔會外賣拎到返屋企搞到濕笠笠 黎開附近都會再食佢✨ 📍生生市場 @rawmarthk 灣仔堅拿道西15號永德大廈地下G13號舖 🌎#iam灣仔foodaholic

嚟到旺角搵食 今次係呢間超大天台酒吧餐廳 主打手工墨西哥菜 裝修型格唔少打卡位 叫咗幾款小食主菜試吓 Avo Nachos 自家製牛油果醬 沾滿脆卜卜Nacho脆片 配啤酒一流 之後係秘製燒墨魚 燒得剛好 肉質彈牙爽口 孜然惹味 Quesadillas 可以揀素食雞肉或者牛肉配搭 我哋因為嗌咗牛扒 所以就揀咗雞肉餡料 裏面滿滿嘅雞肉絲同半蓉芝士 熱辣辣拉絲相當飽腹🧀 主菜就係肉眼牛扒 五成熟見到相當粉嫩 肉味濃 呢度分咗室內同室外空間 室內就會光猛啲靜靜地傾吓偈都相當適合🥂 📍REFLECT Restaurant & Bar @reflect_hk 旺角西洋菜南街74-84號旺角城市中心12樓

「洋食商店」行日式復古風格 有昭和感帶點Y2K感覺 店內擺放了不少特色商店燈牌 汽水機等複製日本街道 令食客彷如置身真正的日本街道🎌 我地兩人就啱好happy share 招牌鍋物餐$498 套餐包含招牌黑牛壽喜燒燉飯、串燒拼盤和小食兩款 餐廳首創的關西風壽喜燒牛肉燉飯究竟有咩特別 店員會幫手燒肉 燒完牛肉仲有成碟蔬菜 夠晒有營養飽肚 食晒牛肉國同蔬菜後店員會加入松露飯整燉飯 賣相同味道似risotto 濃厚creamy 帶甜 串燒拼盤包海蝦、雞翼、五花肉、冬菇、秋葵和菠蘿 唔食得辣嘅就唔好點醬汁啦 因為都幾辣🌶️ 小食揀咗明太子玉子燒同埋唐揚爆谷雞 兩款都唔使特別加錢 幾推介一試🫶🏼 最後甜品梗係呢個超巨型宇治金時芭菲🍵 牛奶妹朱古力簡直係童年回憶 入邊仲有好多層次配料 抹茶雪糕 馬卡龍 白玉丸子 黃豆粉蕨餅 忌廉 麻糬 餅乾碎 抹茶脆脆同雲呢拿雪糕 數都數唔晒咁多層次 份量建議至少兩人分享🍦 📍洋食商店 @youshoku.shouten.hk 長沙灣福榮街538號喜遇地下2號舖 🌎#iam長沙灣foodaholic

大角嘴 @loststarslivehouse 一直都係我top3 brunch 最近殺入銅鑼灣開左新店#MercuryRecalls 🔈 食物選擇都幾多 sharing plates揀左sausage platter 仲有迷你炸豬手 豬不乎其名 一啲都唔迷你🐷 Sausage platter有糯米腸 韓式辣腸 同台式腸 德國酸菜墊底 減低油膩感 好有當年德國的味道🇩🇪 炸豬手皮脆厚肉 肉質帶鹹香而嫩滑 一件接一件 主菜芝士煙肉雞腿卷 剛剛熟 有水準 雞肉本身唔會好重調味主要靠芝士同煙肉鹹香 整體係同大角咀一樣咁有水準 喺銅鑼灣鬧市就更加方便 📍Mercury Recalls @mercury.recalls 銅鑼灣百德新街51號華爾大廈地下A號舖 🌎#iam銅鑼灣foodaholic