又同老友食飯, 兩個麻甩唔知揀乜好。行到上環文咸東街附近既食肆, 見到「山東好客」就決定試呢間聞名已久既餃子店🚶‍♂️ 地點係橫街中間, 但人流一啲都唔少。好彩係12點前已經趕到, 舖頭仲係九成吉枱。不過一到12點, 唔駛10分鐘已經FILL滿個場。全場都係坐圓枱, 估計全店坐到三十零人。坐位就係迫架喇, 中價美食, 上環地點, 都好難比你大枱靚櫈慢慢嘆🤷‍♂️ 餐牌有麵、餃、小炒、飯、冷盤、飲品。偷偷話你知🤫早黎唔算太忙, 其實店家係肯幫你混搭水餃, 唔駛10隻一樣味🤣 雞煨麵既濃湯鹹度適宜🐥襯番秋日涼意有少許暖胃。白色湯入面隱藏住碎雞肉同清翠既蔬菜, 店家一啲都唔姑寒, 配料十足✔️ 麵底都超夠, 最後係食唔晒😁 今日混搭左羊肉餃🐑同韮菜豬肉水餃🐖記住要試下佢辣椒醬🌶️仲有醋同生抽比你溝。水餃皮厚薄OK, 內部饀料都仲保持到肉汁, 係包工既火喉✔️ 另外仲有加多個葱油餅, 炸物係要等多陣先浦頭, 但饀就唔太多, 算係一般啦👌 山楂茶都係即場斟出黎比你, 少少酸甜味可以開胃👌 埋單兩個人216, 嗌到OVER左先至呢個價💸臨尾走人個陣已經係爆場加排隊。唔怪得之夠膽話自己好客, 前提係你要有客🤘  

中環午飯聚頭既頭痛係, 要坐得耐、舒服、合理價、好味道一同存在, 係不可能的任務。今日去既「魚治」勉勉強強算係可以午餐聚腳既選擇👌
 
中午12點係蘭桂芳既M88等LIFT, 去親都係要等一輪, 仲要係勁窄既電梯迫上去😑你話夜晚CLUBBING 就話啫, 日頭大家一齊上去開飯就另一個故事🤩
 
上到7樓, 一開門見到個門口以為未開檔, 原來佢個入口係矮人一等, 中童高童, 要灣個腰, 仲要用力舉起個帳蓬先入到去😕
 
中環舖頭大部份都係坐得比較窄, 枱唔太闊。內堂有玻璃窗透光, 令較矮既樓底感覺無咁焗促✔️
 
中午MENU全部都係定食型式, 由100至400蚊既區間都算幾闊下🙄
 
四個人, 三份鰻魚餐, 我就搞對抗, 黎個日替定食 (DAILY SPECIAL)。鰻魚SET DOR上黎賣相討好, 有沙律、麵豉湯、主食、蘿蔔同甜品糍餅。倫食咗舊鰻魚, 質地OKAY👌
 
日替係咖哩漢堡定食, 同鰻魚稍為唔同係多左兜菜, 同個蘿蔔碎。其實味道唔算突出, 係合格水準👌
 
整體黎講魚治無乜驚喜, 正常中環價錢。不過我地四個人坐左粒半鐘都無乜趕枱算係咁。中環中午要聚頭, 呢個合理價, 可以係選擇👌

偶然走走下, 見到「鐵板神燒」既招牌🔥之前一路係飲食平台都有留意到呢間新店, 但唔知原來係朗屏站附近😮

周日既中午, 人流唔算多, 始終位置係遠離旺區, 仲要係橋底。門口只係有塊簡單到離奇既MENU, 但入去反而有部自動販賣機🏧見到個價50蚊, 以為只係有兜肉, 點知係連飯連嘢飲連菜既佛心價錢😇

是咁的, 流程上, 係你係門口睇下有無位 (OK 睇左), 再係販賣機落個單食乜 (落咗), 再拿張跌出黎既紙仔收據埋去鐵板枱吉位坐低你個張飛比呀師傅炒作 (WELL, 等食)😘

舖頭前身係乜唔記得, 但長型既空間, 有一大塊鐵板爐頭, 三個師傅好寬敞咁製作。店內音樂都幾大聲下🎧 但抽氣做得幾足, 無乜油煙味✔️ 反而有陣台灣味🇹🇼

坐低後先係你面前放低錫紙一塊, 再比左一堆芽菜同高麗菜比你食住🥬。然後留意湯同飲品係要自己拿既🥤

一路睇住後生師傅仔係度煎熟啲雞肉呀, 豆腐呀都幾寫意, 仲要見到佢不時望下電話, 禁兩嘢咁, 成件事真係好有台式小店既隨意💖

雖然話隨意製作, 但係都有心機拼靚個碟上黎。係啲極濃醬汁陪襯下, 小許脆煎豆腐味道合格之上✔️

然後到雞扒 (沒有妹), 沙茶醬既濃烈伴住佢送飯, 係客家式既台客便當風。
仲有另一個牛肉, 其實味道差唔多。無他既, 用得鐵板都係差唔多水準, 很讚的水平囉✔️

唔記得講, 兩個人, 三個菜, 白飯加嘢飲任你加, 都係130蚊。街坊小店, 五個字: 便宜又大碗👏👏👏

對於「車品品」既味道，係可以保留一世既記憶😘係大角咀街舖上年結束營業後，今日變身工廈樓上私房菜，趁住未見人龍先來拜會。

位置由大角咀食肆核心，移到另一邊既工業區。穿過笨重既工廈電梯，見到大鐵閘門口有圖畫陪襯，小小既招牌再次見番車品品三字，未似以前高掛門外既木招牌，但仍保持熟悉既痕跡👟



入內燈火通明，射燈搭上白光，係溫暖既家庭感😊簡單既木紋枱櫈，放咗廿個位左右，啱啱重開都擺放得比較隨意。要一提既係，呢個新家係可以帶寵物上黎🐶🐱因為本身已經有店長「濤濤」🐕（唔知有無叫錯🤭）坐陣。









上咗樓既私房菜，餐牌變簡潔😉主食碗仔翅，四季攬炒你x味糯米飯，冷葷紅燒鮑魚，溏心皮蛋加上一眾飲品🥤



糯米飯一小碗上枱（一人份量黎架😂）黑色欖菜一小撮係頂上點綴🖤糯米飯面少許油光閃耀。一啖啖爬落去飯粒分明，無平時糯米飯既黏性✔️葱花同臘味既分佈亦好平均😍 仲要有欖菜既吊味💖 呢搶攬炒體會到世界微妙平衡✔️





碗仔翅同以前一樣味道，重拾昔日回憶📽️ 溫馨提示係記得呷下醋😂 雖然料足味厚，但多加點酸，個味道先完整✔️



鮑魚韌性不減，仍然充滿年青活力💪要用利刀先可以切開，花雕醬汁一樣濃厚，無見一排老朋友感覺依然✔️ 下次一定要外賣幾隻走，學佢用黎煮公仔麵😁



溏心皮蛋貨靚就真屈機，少許糖醋吊味就已經夠做✔️



兩杯嘢飲冬瓜茶妬灰棗杞子蘋果茶照舊係甜淡中間既調和✔️



埋單兩個人210蚊，呢份美味不減當年💞車品品就算模式改變，菜單改變，都依然係至愛名單number 1️⃣

老朋友食飯, 去咗近公司既「明谷」。係繁忙既信德中心主要樓層, 一大堆商舖入面, 竟然有間食肆? 🤭坐位黎講排得好寬敞, 無樓上既FOOD COURT 層咁擁擠。燈光偏暗, 但有少少射燈陪襯🚦 中午滿客時都唔會太噪吵, 應該係樓底空間充足幫手✔️



LUNCH MENU 比較簡單, 兩頁紙。有主食喇沙🍜湯河，飯🍚小食同飲品。三人行都係揀晒喇。😅





手撕雞喇沙湯麵, 上枱無烤雞腿個份咁靚。橙色湯汁有少油份係面, 雞絲唔係太明顯咁穿插係湯中間。湯底濃厚度足, 麵軟硬度都適中✔️







小食越式蒸粉包一口一啖, 還OK👌



腐亂通菜合格, 菜質算鮮, 唔霉👌



煎蠔餅有少許驚喜😮蠔既份量夠, 邊位都炒得夠脆✔️



以商業區商場舖黎講, 每個人大約100蚊駛費, 明谷係交到功課有餘✔️臨走時門外已經排晒隊。月谷係好適合當飯堂: 當你諗唔到食乜時就過去開飯😂

食飯間得知另一朋友既喜訊💞借此機會祝福永遠開心幸福快樂😃簡單一餐, 以喜訊調味, 食乜未必咁緊要, 只要係同好朋友食飯, 講講近況, 已經係無限喜悅❤️

假日中午，慢步到元朗另一頭既 "Salamat Cafe" 。每次經過都見到佢全滿，終於有機會一試❤️



西餐小店外牆灰色🧱 大玻璃窗令內部可以清楚望住出面大街景色。假日中午好多放狗散步，係陽光充足既日子真係可以窗邊高枱呆一個下午😪





餐廳內部都係灰色主色📓牆上既掛飾唔知係豬🐷貓🐱定狗🐶 大玻璃窗上有小小燈泡 💡 裝飾💜



午餐menu 簡潔啲，單價大約80至90。先黎一碗南瓜忌廉湯🎃 味道👌





厚切豬肉眼扒笠咗個菠蘿帽🍍 出現, 搭埋個薯條，少許雜菜，拼出裡畫面唔錯✔️ 扒身極厚，刀切都有少許難度😑 不過肉質少許韌❌ 做唔出嫩滑質地，不過味道還好👌





豬頸肉炒烏冬上面既木魚碎飄蘯不停🌪️ 炒烏冬係鰻魚汁襯味下比到濃烈味道✔️小塊豬頸肉反而可以幼嫩入味✔️



最後揀飲品竟然有affogato💖 一小杯既純黑espresso 搭上白色雲尼拿雪糕出場。拿起熱情咖啡☕瀉落冷靜雪糕上🍨咖啡香搭配少少甜味溢出🌫️ 在咖啡冷掉之前，雪糕溶化之後，體驗甜與苦，冷與熱，軟與硬既交替😘



埋單兩個人196，元朗黎講唔算平。作為假日點綴，Salamat 係一個好選擇，食物中上👌環境安靜✔️開放式廚房都無乜油煙✔️

假日前夕，一班好友去到石板街"Nojo" 晚飯聚會。地點係大館對落，要行一小段石板頭先可以到達，山下上去就更有點辛苦😥 去到門口，室外有位氣氛幾好，係小樹上面搵咗燈飾💡 入秋既涼風下舉杯邀明月都幾chill💕 今日人多就坐室內🤣 室內一個小麵吧加一個小酒吧，中間一張大長枱同小枱，燈光略暗，似番酒吧格調🍸 早到之下要咗輪cocktail🍹, 揀既cloudy forest 茶碗裝酒，慢慢注入有草枝既茶杯🌿 視覺上就滿分✔️不過用咗gin溝sake 有少許藥水味❌ 其他cocktail 都一般下😥 轉戰清酒，朋友指路話有高顏值清酒待酒師介紹試飲，小小杯咁試左幾輪，可以分得出甜，甘，厚既尺度✔️ 今晚食物眾多，就揀幾個深刻黎講： 炸雞🐥 正常水平👌一共六件，比KFC 既好，送酒唔錯 兩個sushi roll, 合格水平👌，一碟八件，again送酒佳物 火腿金菇天婦羅最深刻🤩 帶鹹味既火腿包住金菇莖部，咬落去香脆✔️又係送酒用 雜錦撈麵，有生蛋，肉碎，洋葱，紫菜等撈埋一齊，簡單菜式但又風味十足✔️ 甜品都impressive: 抹菜甜薯配綠菜雪糕，綠菜控可以一試👌 擺到靚靚，味道主要來自個雪糕🍦 日式烤包配雪糕，下面載咗糖粒既麵包載住三球雪糕🍨，賣相滿分✔️ 味道可以✔️ Nojo 都幾適合晚上gather 飲酒加食飯一齊做，甚至要埋dessert time, 單品價格都係中環價。現場氣氛啱晒慢慢傾計，過一個chill evening

中學男仔總有幾間食堂，今日既「新趣苑」就係小弟中學既食堂之一👨‍🎓千祈唔好因為介紹完入元朗食，山長水遠係減味道😋

係元朗地標千色廣場後方，新趣苑同老牌茶記一樣有室外位，方便🚬人士。室內既格局十年如一🔂 綠色卡位，幾張放中間既細枱，一部電視同最裏頭既水吧☕



餐牌都寫晒係牆身，另一個回憶位係收銀旁邊既老式日曆牌，膠牌砌出既日子。







周日晏晝係keep住人滿，仲要唔少人等外賣🥡 落咗單都要啲時間先有嘢食❌

白汁雞皇焗飯，識食要加炒底🤩 上枱熱到係要用碟盛上黎，表面既芝士溶化係醬汁上，形成一塊塊淺橙色，厚重既汁料混埋炒飯底黎食係精綷所在✔️雞扒係焗爐加熱下肉汁未見變乾👍









至於乾炒牛河，正常水準，份量同火喉都合格👌記得加辣椒醬😋





餐飲一樣正常水平✔️



街坊價兩人連嘢飲117蚊，焗飯咁多年都係正，加價唔太多，係元朗區開飯好選擇💕

好友約食飯提議既中環川菜, 有點意外係中環SOHO區竟然有間咁中式既中菜。「四川菜大平伙」係蘇豪食肆核心中央, 拜訪前先要通過斜路試煉先可以一嚐辣風🔥



餐廳入口都係斜路上,  招牌唔太突出, 今日唔係特登過黎可能都會MISS 咗。12點左右黎到, 餐廳內部都未有人, 而且仲有少許裝修味, 原來係剛剛搬過黎無耐🆕 內部有兩張大圓枱, 同幾張方枱, 合計坐到40人左右。燈光係室外陽光對比下比較暗, 呢個亦係斜路舖既缺失❌



作為藝術私房菜館, 室內既佈置有番咁上下, 一面牆身上有一排長畫, 講緊香港電影故事。另一面有幾張華人男女親密主題既掛畫, 切合番中菜主題。枱櫈方面較簡單, 都係四方木櫈加咕咰, 淨色枱布✔️







餐具亦係白色瓷碗碟。做得藝術私房菜, 其實不妨玩得大膽啲😋

中餐菜牌散叫多樣, 留意川菜特色係「辣」🌶 好多道菜都有隻辣椒樣係隔離。另外亦有套餐, 一個湯羹加個菜同白飯。留意, 茶水飲品係要額外計錢💵



湯係雞茸粟米羮, 入口有點過鹹, 唯一好處係佢唔係辣❌



麻婆豆腐紅白色上枱, 🍲不過燈光昏暗下影唔出佢色彩。肉碎稍嫌少咗啲, 而辣味個濃度對我啱啱好, 入口之後既麻味發出黎, 啲汗線開啟咗✔️



回鍋肉個辣度又提昇一個層級, 可能因菜去吸到辣汁, 啲汗開始係額頭滲出黎✔️



後加既清炒萵筍絲終於唔係紅色, 可以比條脷同個胃小休一下👌



然而, 宮保雞丁, 係一大盤辣椒中穿插住炸雞柳粒, 睇樣好似好驚嚇, 但咬落唔太辣👌



兩個人中午飯, 四道菜, 差唔多700蚊。就算係中環都有啲OVERPRICE, 當然都係叫左太多嘢同兩枝冰水❄ 論味道, 唔算食得好辣既我, 覺得辣味啱啱好, 但就僅此而以🙄搵唔到佢味道上既突出👌 環境係幾舒適, 但進步位有好多, 可能會比較適合夜晚私竇食飯形式。

{歡迎大家follow 食評ig: bigbellyhk} 遠征將軍澳工業邨後, 途經土瓜灣中途站開飯加小休。之前無緣既「譽麵坊」，今日午飯得嚐所願🕺對於呢啲地區小店, 總有情意結, 暗暗加分➕而譽麵亦無令我失望💓 座落土瓜灣橫街, 公司遠離街市核心。招牌底色黃色已有少許燻黑, 門口都係落地玻璃, 無多餘修飾👀 街坊店典型陳設係枱櫈迫少少, 成間舖應該坐到20零人。今日就坐番啲面壁位, 好處係私隱夠, 壞處係影相光唔夠📸 餐牌兩大陣營, 米線🍜同撈麵🍝 好彩立到下方行細字, 先知有雙併😯梗係要佢最出名既南乳雞球🐤 拼番個和風豬扒🐖 跟手要撈麵。中午黎既都係附近街坊同學生, 譽麵坊令我回憶番中學時係學校附近LUNCH既成班同學一齊LUNCH既情況🚸 先黎一碗撈麵用伴湯,然後等左5分鐘左右有得食⌚ 黎到見到大堆頭既炸物, 不停係度相機食先, 大大舊黃金色, 都分唔清係豬扒定雞球🤣後尾阿姐再拿多碟黎, 問我係咪叫左兩碟, 先知原來係比錯, 淨係雞球撈都已經咁多。補埋碟豬份比我先知啲份量大到咁😮 雞球果然係皇牌👑 鮮炸起既溫度, 入面既肉汁係完美鎖緊, 外脆內嫩無欺場✔️ 豬扒就無雞球咁光彩, 還算OK👌 撈麵已經預有豉油混咗, 但同時間都比咗個蠔油你加味, 最後我都係要撈埋湯, 無咁重味👌 加埋罐荔枝玉露都, 街坊親民價49蚊, 下次經開土瓜灣應該會再試💕