飢腸轆轆之下，急上Openrice搵地方醫肚。

眼見食評不俗，又豈知會中伏...睇落貌相係幾吸引，d蛋睇落好多好滑，個飯又多汁，以為撈飯無得輸之際...

哈你哈哈！個蛋得一片，不過唔緊要，因為我仲炒得好食過佢，無錯，係「炒」蛋，只不過係鴛鴦飯加炒蛋，而唔係蛋包飯💩

個汁仲勁，陣味呢...帶起左我童年回憶。話說細個食日清包即食咖哩就係哩隻味...每一啖放入口我都好感觸，淚盈於睫。😫太感動啦...唔洗一舊水就可以幫我搵返兒時回憶！太感動啦！😢

**希望大家誠實地打食評，俾人誤導真心嬲同失望😡**

裝潢舒適既咖啡店•
店內烘焙既咖啡豆•
用心調製既咖啡•
一絲不苟既咖啡師•
玩pokemon go既一眾店員與老闆...😂Piccolo(可理解為牛奶比較少的latte)Blueberry Cheese Cake

*pokemon go推廣*
由即日起在店裡捉到每一隻寵物小精靈，即可換領home drip bag一包，兩隻兩包，如此類推。本月捉到最多隻的客人，更可免費換領breakfast combo一份！wohuu!!!

九十後情侶，平時茶記魚蛋粉已經可以好滿足

今日男友堅持請食飯，好窩心，緊係做足資料搜集俾佢揀！

經大人首肯後，決定到Tapaella Grill燭光晚餐

我經OpenRice訂位，過程一鍵搞掂，方便快捷

預約七點半，一到達即被安排坐位。地方雖小，但乾淨企理，裝潢舒適得體。

兩人用餐，只消數分鐘就決定點什麼來吃。

麵包（附送）：缺麵粉香氣，但可要求再添一籃。

西班牙凍湯：從未試過，故無從比較。不過口味清新，有蔬菜的甜、醋的微酸，實在適合這炎熱的天氣。蒜油浸蝦：女士們或許會略厭油膩，蝦有點過老，但油浸著的蒜頭香氣四溢，通通都被男友配著法包吃光了。串燒牛肉：比想像中更嫩滑，牛肉中間呈粉紅，牛味和燒烤香氣相得益彰。

西班牙海鮮飯： 尚可接受，略嫌飯太油太多水份，但味道和材料也合格。焦糖燉蛋： 一般，cream的比例太多使蛋的香氣被掩蓋了，面頭的焦糖亦過厚了一點。

Expresso: 價格相宜，只售＄18 ，咖啡豆味道偏酸。

西班牙餐酒（紅）：味道偏甜，果味重，合我心意。

Sangria（紅）:酒味偏濃，好像除了紅酒外更混和了vodka。總括來說，這裡的性價比蠻高的，食物的份量不少，質素也不錯，賣單每人四百左右，適合喜歡實際、不花巧的人來吃！情侶們行出西環海旁散散步也不錯哦

THANK YOU, M

Tea time時間步入habitú, 甜頭髮圓框眼鏡女職員一聲：「哩到最低消費60蚊個啵。」已經令我們二人雅興盡失。兩姐妹想坐在角落談心事，又被阻止：「哩到俾三個人以上坐。」明明整間餐廳就只有小貓兩三隻！Tea set沒有特別吸引，80左右，自選飲品加16。點餐時，女職員不客氣地提醒，我想我一生都會記得，記得下次一定要好好打扮才出街，t shirt老牛無人睇得你起。倒霉的我點了pancake, dry既程度可以媲美未出pool既同學仔，我想應該是。而我姐即點了scones，不過不失，佢好彩，好食過我個set，至少個果醬是草莓玫瑰，比較吸引。咖啡方面，比兜巴星好，ginger latte有香滑的奶泡在上面，有薑的辛辣味，甜而不膩。還附上ginger cookie。最後，三塊食淨一塊半，有半塊係我家姐到。

The salad was okay.but the sandwich was too oily! Not healthy at all! I would not come buy again.😥

這家餐廳就位於我大廈的樓下，由開張以來嚐過四次（或以上）每次對於食物的質素都好滿足，例如餐前麵包是自家製的，配上的牛油亦有用蕃茄和蒜末再加以炮製；又例如低溫三文魚的魚肉嫩滑好吃，如不吃落重牛油的薯蓉就是女性們的理想健康的一餐。

是次推介的則是燒雞半隻（需等30分鐘）。即使是雞胸都嫩滑無比，雞味十足，150蚊包沙律/餐湯和飲品一杯，性價比很高！

其次即是原條燒爐魚，廚師同樣用心製作，加上檸檬和辣椒碎把魚本身的鮮味提高。

而侍應哥哥的服務都算是親切有禮的，亦頻頻加水，只是有點大頭蝦，是可以包容的，畢竟也只有一位侍應服務。

如果十分著重環境的客人或許就要到別家去吃了，這裡是般咸道的飯堂，賣的是食物質素和親切感。

點了一個72蚊的四份一隻雞餐（包兩樣配菜和一碗例湯）和二姐share
拿到雞胸和雞翼的部份，我本身喜愛食雞胸，因為雞胸雞味相比其他的部位較濃。但這家法式燒雞店的雞胸卻是又乾又鞋口雞味又無，比我自己在家焗得還要差。而姐吃的雞翼是黑色燒焦了的，竟然連雞翼都fail了，我們二人大失所望。

而配菜我們則點了薯仔和雜菜，牛油味頗濃，非我所好也卻有著法國的特色。另外是日例湯是carrot soup,強烈建議加鹽先飲，唔加是無味的。

完。

天口熱，街都唔想出既時候，當然係外賣個沙律番屋企慢慢嘆。75蚊大盒沙律，有pumpkin, mushroom, mixed green salad, sweet corn, beetroot, broccoli,  pasto penne...etc任你揀六款

如果想控制體重就避開高脂既caesar salad同落重芝士既penne



好滿足啊，全部款式調味都好好
個人認為broccli處理得最好！有grill過既香味
大家記住一試！

不過有時沙律吧既姐姐心情唔好既話，唔會裝滿😑係唯一令人失望既野

服務好差，以後唔會去哩間分店！下午3點入到去，經理粗聲粗氣話午餐已經停止供應，我客氣地問：可否坐在餐廳內等候，他又粗聲粗氣地回答：好（拉長講）態度十分惡劣。

到餐廳坐低，等候時一杯水都無，外面天氣34度，讓我感覺尤如坐冷板。大約三時十分我再問小丸子頭戴粗框眼鏡既女侍應，佢堅持答"三點三先可以落單！"

我知，我知，我知啦！但我唔認同囉。我假設你兩點半停午餐，三點三開始供應下午茶，咁請問中間個45分鐘你係唔係迫人淨係飲野？

公司policy改唔到，fine!你早5分鐘幫我落單，自己遲5分鐘去入機得唔得。又或者，講句"唔好意思"有幾難呢？

過左三點三，舉手示意黑框女侍應過黎，唔知真睇唔到定假睇唔到啦，走左。我俾多次機會你，等你忙裡「偷閒」時再大聲請你過黎先有回應。

其實唔只哩一位侍應，上至經理都係黑口黑面，無心serv人。

我諗simplylife既顧客大概心態與我都一樣，貪佢質素穩定，算係環境整潔，有服務。豈料銅鑼灣哩間分店令我大失所望，服務零，茶餐廳都好過佢。更見到經理既物體係開放式廚房食包。

食物方面，叫左洋蔥菠菜三文魚農夫包，我走薯條佢照俾茄汁我，洋蔥有幾條，包有一片。當lunch食唔夠飽。


仲會去simplylife,不過唔會黎百德新街。中環，九龍塘既服務較好。侍應較能變通。

繼加價之後，再現食物質素下降。兩年以來一直都是mana的忠實fans,試過一星期食足七日。而且次次點都係一樣的配搭，mixed green, roasted veggies, rice +hummus. 

一開始發現mana有hummus食就中獎一樣開心，在英國旅行嚐過hummus之後就回味無窮，而mana以前的hummus黏度十足，沾在roasted veggie上是絕配。

可惜今日再到mana, roasted veggie在餐牌上被刪除，hummus像溝上比例相當高的水，失去了樸實的口感與滿足的感覺。

在中環開業不難，守業難。做得好，人流多就會被地主加租再加租。質素下降想必也與租金掛鉤。但我寧願你加價，寧願你搬舖也不想你變質。