之前都有喺呢度食晚飯覺得都唔錯, 但係最近聽我同事講呢度啲食物劣評如潮, 尤其是個早餐, 我就膽粗粗嚟試下!!
其實佢既早餐都幾多選擇, 你可以見到餐牌啦, 有三文治加麥皮啦, 有包啦, 有面啦.....
我叫咗個最簡單最簡單嘅熱狗加一個麥皮, 麥皮呢........好似用一啲醬溝出嚟, 唔知係咪因為要在大埔多老人家食早餐, 佢好似有啲胡仔咁嘅感覺.
另外嗰個熱狗我根本食唔落條腸係凍嘅嗰包係熱嘅 其實我唔知係唔係有啲咩特別嘅原因但係真係食唔到落肚囉仲有杯奶茶其實粗略嚟講畀奶茶都可以接受既. 不過其實佢可以好啲, 但係又咁諗, 如果佢28蚊畀咁多嘢你食都算係咁啦!!
總括嚟講呢個早餐我係唔會再幫襯. 講完~~

今日入咗去大埔大尾篤試下呢間遠近馳名嘅泰國菜 我無咩EXPECTATION, 因為我最 LIKE 去泰國食泰國菜 叫左菠蘿炒飯啦, 炒貴刁啦, 乾炒牛河啦, 其實已經偏向左香港嘅味道雞串燒啦, 牛肉串燒啦, 食到炭香味, 都唔錯  其實係好味嘅. 菠蘿炒飯店都有菠蘿嘅甜 炒椰菜嘅炒得好硬, 如果老人家食就唔係好好啦! (BUT 呢隻菜係咁既) 但係其實都可以接受 其他就好似茶記咁囉 最好食係個 DESSERT, 真係有D THAI FEEL, 但係都幾甜, 不過算啦冇所謂啦食餐飯開心心就得啦

今日去銅鑼灣上堂梗係食一啲新界區或者大埔無嘅嘢啦 同同事兩個人就走左去咖啡弄, 都係以為食一啲好簡單嘢啦, 三文治呀, 飲杯咖啡呀咁樣 點知個驚喜多到不得了~~~個menu (對唔住我冇影) 啲圖畫靚到好似畫畫一樣, 好似藝術品咁, 雖然佢嗰啲嘢係英文或者台灣嘢翻譯出嚟有少少會睇唔明, 但係你見到幅圖就好想一啖咬落去 最後我哋叫咗一個唔知乜嘢畀花沙冰同埋一個oreo沙冰, 一個龍蝦包同埋一個蛋沙律包 上菜時. 店長都好好 (但係大家留意番啲獎係一個台灣小鮮肉) 佢會好好咁話畀你聽呢啲嘢係點樣用嗰啲嘢係點樣用, 令你有一種賓至如歸嘅感覺 好啦個龍蝦包~~嗰邊好脆皮, 龍蝦好新鮮, 佢仲畀咗一個特製嘅醬汁你, 其實嗰汁係點生菜嘅, 好味到不得了 你會食到個包嘅沙律醬嘅香同埋龍蝦味嘅鮮, 好正!!! oreo就好好味啦, 有好多朱古力碎鍾意食朱古力嘅人呢其實一定要叫囉!! 我同事食嗰個蛋沙律包, 都幾大份, 我相信一個女仔食完都會覺得好飽!  另外叫咗一個甜品!! 個甜品上面有好多生果好新鮮士多啤梨, 都好甜,  我唔知點形容今次呢一個午餐, 但係我會覺得如果你見到小鮮肉首先你會頭暈啦好開心啦,  係唯一有一個唔好處就係嗰度啲位比較少, 如果你哋想傾或者嘅話就要早啲去攞位, 如果唔係同人哋share table就唔係咁好啦

今朝要過中環做嘢, 就食個早餐先至出發  見到呢一間嘢好似冇乜點幫襯, 就入去碰下運氣啦!
其實佢早餐都多選擇嘅, 不過我就叫咗一個簡單嘅三文治餐!
圖中嘅蛋牛治令我有啲喜出望外!! 啲蛋好滑, 一啲都唔老, 仲有係好厚好大分! 其實對於一個女仔嚟講, 食咗半分都已經夠飽喇!  但係佢杯奶茶嘅茶味比較重, 同一般嘅茶餐廳好似有少少唔一樣, 如果對奶茶執著嘅朋友就唔好去呢間啦!  服務嘅話, 有位叔叔都唔錯, 其他都係黑口黑面!! 不過我去食嘢啫, 理鬼佢啦!!
 清潔方面可以改善下嘅, 周圍都好似濕糴糴, 污糟邋遢咁, 可能係因為比較舊啦!! 是但啦, 大埔小區 大家開心就得啦

呢一間小店應該喺大埔好多年 我都其實只係食咗兩三次. 點解今次影相呢, 其實我想讚一讚佢哋!! 今日喺好多好多人嘅情況之下我好好彩只係等咗5分鐘 入到去裏面其實都幾簡陋㗎, 我唔知點樣形容....去過嘅朋友都應該知道裏面嘅佈局 但係坐低嘅都好多係一家人,有小朋友啦, 有老人家啦,  佢嘅價錢係因為相當吸引 好多朋友都係食壽司魚生, 但係我見到佢今日 有一個好靚嘅叉燒~因為見到隔離枱食緊, 所以就叫咗一個 叉燒拉麵同埋一個吉列豬扒飯 加24蚊有一個海膽壽司, 咁梗係叫啦!!

講咗嗰個拉麵先, 啲叉燒好好味有少少肥肉啦,  但係唔太肥! 食落口號金香!! 豬骨湯底好濃好好味!! 配菜比較少之前我記得係好大碗嘅, 而家比較細咗, 但係都夠飽!! 個糖心蛋好好味呀!! 整體嚟講呢個拉麵係好好味 又講個豬扒飯啦 , 個豬扒飯個皮即是個吉烈做得比較厚, 不過係新鮮炸出嚟嘅, 好脆身!! 豬扒亦都好有肉汁,  咖哩好好味呀, 有薯仔啦又紅蘿蔔, 亦都有洋蔥有陣時食吉列豬扒飯嗰啲吉列汁係冇薯仔好似唔係好好味囉
我覺得呢間嘢都可以再去試!! 小店仲好食過大集團!!!

上司食完個燒味飯之後, 我都忘記唔到呢一間嘢 今日又過嚟試下個早餐先, 今日人比較少啲, 呀姐服侍好到不得了唔知係唔係因為過年呢 叫咗一個早餐, 過年都冇加價, 都係三十蚊 個米粉有驚喜我叫咗一個榨菜肉絲米粉, 應該係台灣新竹米粉, 好似100米嗰啲咁樣, 不過就比100米嗰啲un左少少 其他嗰啲腸仔呀蛋呀都係咁啦, 不過佢有個餐包, 有比較特別 今日係過年嘅日子, 所以好多人嚟買燒味, 一買就買兩隻雞兩條骨呀,  呢間嘢啲燒味都應該唔錯喎

提早團年，想食啲好嘢就揀咗啲鳳城酒家 選擇困難証既人，見到個餐牌簡直癲咗見到張張枱都叫呢兩個餸, 就係炸子雞同埋乳豬, 咁我都叫啦 我簡直唔識形容嗰乳豬, 啲肉好嫩, 完全唔似出面嗰啲, 塊皮又脆, 不過就好似鹹咗少少 個炸子雞係熱辣辣脆卜卜嘅,  啲肉又唔un囉,  好嫩好juicy 本來吃腰果炒牛柳嘅, 但係佢冇曬腰果剩返合桃, 都試下啦!  呢個有少少失望啲牛柳淋得滯, 冇曬牛肉味, 但係就甜嘅因為係蜜汁合桃炒牛柳 另外都想講下啲阿姐其實都幾好服務㗎

過年冇咩地方去, 知道呢度開咗間新式嘅茶餐廳, 就過嚟試下 估唔到唔使排隊, 直情多位到不得了, 唔知係因為服務唔好呀, 定係啲嘢唔好食呢? 不過山長水遠嚟到就試下啦 入到去你會睇得好開心, 因為全部都係老夫子人物陪住你, 食品種都多都唔錯, 比一般茶餐廳嘅質素好似好少少, 食品都係多元化嘅 兩個人食得唔多嘢, 叫一個下午茶餐+一個魚柳包, 同埋一個一口西多士 個下午茶餐正常冇乜特別,  但係賣相就好得意喇反而我覺得個煎蛋多咗啲油 一口西多士加雪糕雪糕係冇得揀嘅, 佢係標準雲呢拿雪糕我覺得佢比一般傳統成塊麵包上嘅好食啲, 因為好脆口 佢仲會畀個奶你分開點, 都好細心呀 魚柳包就我食嘅, 佢唔係用一般嘅豬仔包, 佢係用一啲芝麻包但係係煎燶咗嘅,  好脆口再加埋嗰塊好新鮮嚟嘅魚柳, 好味到不得了 另外佢杯凍檸茶亦都係一個賣點 比一般茶餐廳既檸茶味比較香, 茶味比較重,  我覺得呢個唔錯  有一啲都要講一講佢嘅, 員工比較生, 有時唔知你想要乜亦都有時聽唔到你講乜, 可能你同佢要講嘢大聲啲畀啲耐性啦

又係過年嘅日子 呢個商場呢一間雪糕店, 俾佢5顏六色嘅雪糕吸引住!!  佢都有好多選擇, 我哋就偏偏揀咗一個黑蚊蚊, 烏卒卒嘅double chocolate雪糕 呢一個雪糕好特別佢有啲餅喺裏面啦, 有兩個雪糕球,  亦都有一個窩夫, 所以你食落去脆口之餘, 又有好濃嘅朱古力味 我覺得好食過 G字頭嗰個朱古力牌子 美中不足嘅係係(自己覺得啫),  嗰度好多國內同胞, 佢會同你爭櫈坐, 亦都會好大聲咁傾計如果你好想好寧靜,  呢一杯雪糕最好都係拎住一路行一路食會比較開心啲 另外呢度都有咖啡買㗎, 如果有朋友傾偈又唔怕嘈, 都可以喺呢度坐下啦

住大埔好耐喇, 呢間嘢都開咗一段時間, 但係都未食過....原因係因為啲樓面 比較串串貢
今日星期日大埔周圍都係人, 多人到不得了, 係冇選擇嘅情況之下, 我入咗呢一間餐廳
見到張張枱都係食燒味飯, 所以我對下午茶已經失去咗興趣
叫咗一碟 燒肉油雞飯喇, 意想不到地, 油雞好好味呀, 啲肉好滑, 啱啱好又唔會太熟, 另外嗰啲燒肉, 因為我唔係叫燒腩仔, 所以比較"鞋".  但係啲皮係堅脆囉
蠢就蠢咗, 點解唔叫下午茶同一樣嘢, 只係唔食飯食米粉咋, 就平20蚊