一响這家的煎釀三寶屬於好味之選，可能對手實在太差勁了！

但煎炸野始終不可多吃，所以都會一兩個月先幫襯一次，但最近一次幫襯！佢地的味道唔同左，雖然賣相一樣，但魚肉味道和炸的火喉不同，可能成本加左，魚肉無以前咁好食和彈牙，火喉亦差左，其中一件青椒屬“緊緊熟”和“唔熟”之間！可能慳油慳時間早些炸起上枱掛！

而且阿姐好慳，次次叫佢俾多少少醬汁都唔多願意……

本居士會再俾機會佢的，始 終都唔係經常幫襯，可能剛剛一次中招啫，但若下次仍無有改善！

由於不想食飯（太飽），又覺得食粥又唔夠飽……食碗麵吧！

路過該處，其實舖頭同大街有段距離，遠睇基本上睇唔到佢招牌寫咩，但係知道係食店囉！結果八掛行去門口睇，真係食店來的，咪試下囉！

居士和友人選了兩款麵！“天下第一”和“牛腩茄湯米線”！

天下第一！個名勁到！其實係用一種叫“重慶酸辣粉”做主食，綠色透明粉像啫喱！配以多種配菜如花生、炸菜、莞茜等，彈牙好味！辣度加選大細，唔錯！牛腩茄湯米線！牛腩像日式的，無肥肉而較清淡，女仕該會歡喜！茄湯好味！帶點點酸辣實在美味！而且兩碗粉份量都好足，不用加小食/小菜都好夠飽！

基本上佢仲有好多招牌菜，相信日後會再試，希望佢地可以繼續keep住！仲有，老闆娘很好人，佢唔會因為你只叫食又不叫野飲就不招待或不高興，知道我地第一次食都叫我地慢慢揀！

！咁都學人做車仔麵！
配菜選擇其實不多，18蚊三餸就算係幾吸引，但係d餸麻麻地，老實說真係唔係咁好味！若唔肚餓真係食唔晒成碗，但睇左佢價錢同份量……俾你合格吧！
都係糧尾手緊之選吧！食得太多佢的車仔麵，就越懷念以前推車仔屋村車仔麵囉！

本居士十份喜愛鮮椰汁！路過此店多次都差些少想幫襯！結果都不理大家的評語而忍唔住買左杯試下……

唉！佢就真係放晒d椰子啊！架生啊出黎！但係佢的椰子汁，好明顯椰子成份超低，主要成份係水同埋糖槳！有加椰奶蓋住糖水味，但技巧太差了！求奇找間糖水舖的椰汁西米露的椰汁都好味過佢啦！

明白落糖水同椰奶係好普遍的事情，但係請加重鮮椰子成份，碎冰亦不要咁大粒，否則好難維持啊！

大良八記！名牌糖水舖！新店去捧場都好應該！點知……

老牌店當然叫老餅糖水，就叫了四個試試！

合桃糊，不太甜不太“傑”，做得最好的一個！
桑記生蛋茶，茶味濃，不過蓮子生而硬，隻蛋都好硬！
薑汁湯丸，薑汁OK，湯丸就粉皮多了點，不夠甜！
渣咋，嘩！咩野味！仲以為自己叫左雜豆撈水？

結果3比1！這家老字號都係算啦！

居士難得耶誕節前約到靚女短敍食個飯！見佢評分不俗，裝潢又新又靚，咁咪中招囉！

嘩！9點後有discount 喎！精於計算的我當然高興，明明8:50pm到場，都同靚女行多個圈“扮搵食”，磨到9:00pm後先入座啦！

我地揀左兩個小菜套餐，香芋咖喱雞煲同埋黑椒腰果牛肉粒！

個煲好快到左，唔係整定就一定係廚師做多左！嘩！雞炸過，食唔到雞味但係有雞骨，應該係雞，但係點解薯仔多過芋頭？？薯仔硬到有點脆，芋頭都炸過，咖喱汁好淡而且超多油……

食到一半，碟牛炒起上場！又嘩！好多油啊！又係唔知點解！牛肉同腰果好少！全碟都係青BB的西芹，雖然居士十份喜愛西芹，但係塊塊都“立立令”的，肉粒超咸仲有少少怪味（不是壞左，該係佢地不知用了什麼調味料），咩唔係黑椒咩？莫非係黑椒腰果而不是黑椒牛肉粒？但係一點黑椒都無喎……

食得好唔開心！明明點了的兩味菜，突然變了“咖喱薯仔炸雞煲”同埋“西芹牛肉粒伴腰果”？？靚女見咁多油都無咩野胃口！加上由入場到離開，我全程開水喉式流汗，咩野事無開空調嗎？天氣凍就焗死人咩！明明三部分體响天花，一部都唔開……

可能因為晚上9點後有折，所以就可以整估一下大家呢！可能9點前黎會正常返，但係本居士永遠都唔會知道這個答案了！

工業區大把茶餐廳，間間都有下午茶餐，但係同事們都愛叫這家，一個很大的原因是，佢有很多很多的選擇，而且豐儉由人，平平地20蚊左右到豪豪地40蚊都得！

是次推介佢港式三文治系列，尤其是蛋牛治，不是道道有得食，而且佢的蛋做很夠厚，好有大排檔感覺，配奶茶或鴛鴦就一流！而且佢地的用具和食品包裝很高質，所以很受歡迎，另外再推介大食同事至愛的炸雞脾，由於居士覺得heavy左少少，所以一直沒有試，不過見同事都食得津津有味，而且經常都叫，我想味道必定保持到水準！

位置不算咁難搵，希望下次有機會幫襯佢的晚餐。

宜家根本無邊檔可以做到佢的水準！老字號做出細過到現在都一樣的味道，實在難得。我每次去旺角都不會錯過，少則一兩串，最勁試過安歌3試同7串！

好多食家推介大生腸和大墨魚，我反而喜歡普通的生腸和墨魚，可能SIZE細可以點多些醬吧！芥末和甜醬的比例最好為2比1！不過我屋企人不愛加餸，否則一定買一盒回家俾兩老試試！

嘩！老細請食飯，大家當然老實不客氣，咁同事就揀左板長！一於食餐好！

唔洗睇價錢，當然食得特別爽，叫左好多野食，就推介幾味啦！

燒三文魚頭：燒得幾好味，少少油但仍可接受！

軟殼蟹手卷：水準之作，佢地整的軟殼蟹的確好味，後來更叫了軟殼蟹卷和小食。

甜蝦壽司：嘩！好大隻，每件壽司有兩隻，有抵食，而且隻蝦很甜。

其餘如蟹籽沙律、吞拿魚腩壽司、蒸蛋等等都係OK的！

但係仍有地方要扣分，就係服務質素了，可能係新舖，服務員普遍不濟，只有經理級幾名有番咁上下。但係漏單和叫極唔理你就真係好唔要得！

其實都幫襯過好多次！因為價錢不算貴，而且款式有傳統有新派，算多選擇！

由於居士修身中，所以都有一段日子無去，最近行過，居士都係忍唔住朋友的誘惑，被佢地推入去，又要跑多幾千公里啦！！

今次揀左「雜果白珍珠」，而友人揀左「桑寄生茶」同埋「沙沙滾合桃露」！白珍珠幾爽同埋雜果對板，芒果味不會太重及太酸；沙沙滾係將合桃粒打碎加在合桃露面，好豐富，但係我覺得太多了，朋友亦覺得不加合桃碎反而更好味。

最後係桑寄生茶，之前朋友都話黎幫襯都係為左佢，不過今次佢就好唔滿意，話淡左同埋變左味，蓮子不夠「粉」！唔加蛋諗住可以飲多些茶，結果……！ 其實佢話以前都試過，但最近佢食過兩次都無問題！可能師父換過或不夠穩定，希望下次改善，否則好快就被我和友人踢出名單咯！