近期網上議論紛紛，da Domenico $1000/份嘅紅蝦意麵。 😅 我係澱粉控加好奇心驅使，又有同好作伴，不加思索立馬行動！💪🏻💪🏻🤣 網上劣評不少！有批評服務，有批評價錢，更加有唔少批評$1000嘅紅🦐意麵性價比低！😅 今晚二人行，我和女友決定做先鋒解疑點！💪🏻🤣 意大利籍老闆親自為每枱客人落單及建議，好處係有任何要求，馬上可以有答案！👍😜  老闆快直爽！👍👍😍 可能意識到我倆想試多幾款意麵，主動建議我哋每款半份，轉數快嘅我即時打蛇隨棍上，要求半份再幫我哋分兩碟上！🙏🏻🤣 服務方面- 唔覺得太差，不過，員工對餐廳菜式唔多認識，係一個問題！🤦🏻‍♀️ 食物方面- 值得一讚係佢嘅爆漿Burrata Cheese，係我返香港以來最好食！👍😍😍  紅🦐意麵已加咗價，唔係$1000係$1200😅，紅蝦肉質正如網上批評真係有啲霉，好彩紅🦐醬汁好味，意麵口感非常好，al dente! 😜 不過，更好彩係我哋只叫咗半份！🤣 唔多理解係，紅蝦既然咁多劣評反應，店主仍然堅持，唔換供應商？🤦🏻‍♀️ 今晚我和女友兩人試咗三款唔同味道嘅醬汁和三款麵條，總結會再嚟！👍😍 二人前： Burrata Linguine w/Gamberi Fettuccine (Homemade)w/Ragu Spaghetti w/Puttanesca Lamb Chop Coconut Ice cream 😋😋😋😋😋

食咗當飛咗！
「今鮨」係我回流香港十年，唯一一間令我回味的壽司店！👍🥰
今日和女友撐枱腳，女友安排呢一餐已經好耐，要夾好天時地利人和！🙏🏻😍
預訂好壽司枱和指定師傅，可欣賞到師傅的精細手藝，魚脂厚兼油香，魚油甘香細膩，配上柔韌的壽司飯相配，口感更具層次。
席間頻頻聽到隔離枱位男士講：好幸福！
我好想回應佢：我都有同感呀！🙌🏻🙌🏻🤣
大滿足！🙏🏻😍😍😍

Omakase menu:
薯仔沙律/海鮮蒸蛋
鱈魚白子
深海池魚
黑鯥魚
明太子配白蝦
烏魚子配BB銀雪魚
火炙烏魚白子
大拖羅
柚子皮竹炭鹽帶子配青葱
煙燻中拖羅
秋刀魚
筋子馬糞海膽飯
火炙手釣喜知次及魚肝
寒鰤魚
醬油漬筋子
大吞拿腦天
豆腐味噌湯
😋😋😋😋😋

今日約咗中骨醫睇頸椎舊患，事前已經知道預約咗都要等，準點到診所姑娘建議我落樓下行下或先食啲嘢，好彩我未食午餐！😜 無意中見到呢間新店才開了半個月，標榜每日供應新鮮牛，餐牌上有「騸牯」牛，如發現新大陸！👍😍 咁大個女未試過「騸牯」牛肉，牛魔王嘅我立馬入內，驚執輸！💪🏻😜 「騸牯」肥牛河粉 👍😋😋😋 「騸牯」肥牛好有牛味，口感腍滑。 店主講得冇錯，湯底濃而不濁，清而不寡，河粉亦好滑溜！冇得輸！👍💯 下次要試佢嘅鎮店之寶「清湯騸牯牛爽腩」！💪🏻😍😍

簡約整潔的私房菜，夫婦倆有共同理念，男主內、女主外，用❤️經營！👍🥰🥰🥰 其實他們不需要食評為他們宣傳，每晚兩枱客人的口碑，已令他們的訂位訂到明年二月了！👍🥰 真的很欣賞主理人Matthew ，他是位有火的廚師，用心鑽研，尋求突破，「食不厭精，膾不厭細」。 真是我等吃貨之福音，取價合理，性價比高，實在值得和大家分享！👍🥰🥰 前菜冷盤： 芥末麻香花膠 - 手掌般大的花膠，拌自家秘製醬油夾少許蔥絲，入口真有人上人的感覺！ 冰鎮南非鮑魚 - 鮮青花椒，慢火低溫燜煮兩天，麻是我最喜愛的味道！好特別，正！ 哈蜜瓜爵士湯 - 原材料原盅燉超過10小時，清甜滋潤！ 賽螃蟹粉法包 - 約甪20隻五款不同的蟹，有黃油奄仔、花蟹、膏蟹、肉蟹和藍蟹，生拆成蟹粉。老闆娘建議第一啖食原味，第二啖可加醋，然後再伴法包！超正！賣相也💯，冇得輸！ 鮮頭刀咕嚕肉 - 取材梅頭第一刀，甜酸度剛好，新鮮菠蘿更入味，不可忽視！ 金蒜蒸指天翅 - 花尾大龍躉的背鰭，配搭蒜泥清蒸，除鮮甜外，更令人吃得滿嘴骨膠，女性至愛！ 東煮頭抽鮮雞 - 雞有雞味，肉質嫩滑兼有咬口，讚！ 乾炒安格斯河 - 老闆娘誇口這碟炒河粉是沒加半滴油炒成。還有久違的鑊氣！必食！ 是晩菜單： 芥末麻香花膠 冰鎮南非鮑魚 哈蜜瓜爵士湯 賽螃蟹粉法飽 鮮頭刀咕嚕肉 金蒜蒸指天翅 東煮頭抽鮮雞 乾炒安格斯河 上湯浸西蘭苔

又一城食肆因男友附近上班，所以唔陌生！十年才第一次帶我來午餐，原因可能因為我奄尖腥悶！🤣 結果.....🤦🏻‍♀️ 依家都算有點知名度的美式西餐廳，出品.....我點的沙律菜已呈現黑邊，比不上一間位偉晴街的西餐小店。 男友點忌廉湯幾乎係凍飲（可能新創意） pizza 更不用一提....睇相片就知！🤦🏻‍♀️ Pizza本已預切完整四塊，我只食咗一塊（附圖，餘下三塊請服務員幫我包起（我真心的唔想浪費食物）。點知返到屋企打開，睇見都唔想食，好似餵過狗咁！😳 呢間都算係品牌美式餐廳，但管理層好似需要重新培訓，因為我都係餐飲出身，服務有何不妥，我從不會責怪他們，他們只是白紙一張，需要培訓！ 管理層們，希望你睇到呢個食評，不要自貶貴餐廳級數，你哋唔係大排檔，唔係就咁倒入去就交差！🤦🏻‍♀️ 唯一可取的是： 咖啡果然真係美式咖啡，而且係無限量續杯，談天說地嘅好地方！👍🥰

估唔到「可以有回頭」呢句咁快實現！🤣 印象中好似第一次一日之內午/晚餐在同一間餐廳！🤦🏻‍♀️ 真心覺得呢間出品唔錯，所以今日三點食完個「早/午/下午餐」，晚上八點又嚟試下佢個晚飯。🤣 好欣賞佢個燉湯，足料夠熱。其他都唔錯，性價比高。👍💯 個人口味覺得拌飯嘅豉油略甜和淡了點，可能有是我個人口味！未必是他們的缺點！ 可惜趕住睇戲，本來想試埋個流沙包，只好下次！一定再來！👍🥰🥰 二人前晚餐： 沙參玉竹燉土雞 x 2 燒汁釀虎皮椒 涼瓜鯪魚餅 濃湯杞子浸時菜 龍仔煎蛋牛肉餅飯 龍仔金銀蒜海蝦飯 😋😋😋😋😋

有驚喜喎！可以再回頭！👍🥰 其實點心唔係我杯茶，但有時都會因情意結想嘆杯茶食個包！🥰 好喜歡呢間有兩粒蝦餃供應。 個人口味 - 鮮蝦餃蝦新鮮，蝦餃皮厚薄適中，正。👍 鮮竹牛肉球- 牛肉球混入微微檸檬葉香味，有兒時味道，🥰 鵪𪂹旦燒賣，鮮蝦腐皮卷，金錢肚都值得一試！ 略為失望的是腸粉和粥，兩樣都是我至愛。腸粉太「啅」，皮蛋瘦肉粥的瘦肉口感唔似豬肉，皮蛋只得皮蛋茸，粥底也只是一般！可以不試！😅 店員溫馨提示，9:00開門營業，八點幾已經有人排隊喎！對我就冇影響，適合我和男友瞓到自然醒過嚟！🤣 三點三（早/午/下三合一 餐）： 晶瑩鮮蝦餃 懷舊鵪𪂹🥚燒賣 鮮竹牛肉球 鮮蝦腐皮卷 醬王金錢肚 潮州粉果 懷舊混醤腸粉 鮑汁鳳爪 皮蛋瘦肉粥 😋😋😋😋😋

今晚又試新食肆，位於觀塘鴻圖中心親民價法國餐廳 Le Monde。 有heart 的藍帶女廚師帶領團隊主理，沒有將貨就價，食材講究，菜式經過悉心配搭，絕對是一間高水準低消費的餐廳，值得推介！👍🥰🥰🥰 溫馨提示： 藍龍蝦每日限量，訂位時最好預留 自家製麵包 👍😋😋 藍龍蝦濃湯 特製濃🦐湯 藍龍蝦沙律 藍龍蝦雜菜沙律 （太正掛住食，唔記得影相）🤦🏻‍♀️ 法式奶油田螺 法式慢煮油封鴨肶配薯蓉紅椰菜 法式慢煮鴨胸肉 甜品 （甜品不是我朋友，男友話超愛）👍 😋😋😋😋😋

一間有驚喜的小菜館，門面並不顯眼，多謝好友食家推薦！🙏🏻🙏🏻🥰 難以想像老闆娘和主廚並不是夫婦，但竟然可以拍檔合作了30多年，這也算是飲食界一個傳奇！👍🥰 中式 Omakase - 口水雲吞- 呢個口水雲吞好惹味 ，可惜唔多夠喉！🤣 韭菜花銀魚小炒王- 夠鑊氣！👍 昆布海草生熟地水牛皮煲豬踭湯- 足料到呢...最驚喜有粉腸，個湯顏色黑過墨斗，啖湯甜到...正！🥰 雞油花雕火腿蒸馬友- 呢個馬友夠鮮+碗白飯冇得輸！👍🥰 茶香雞- 好香茶味，調教的豉油雞汁恰到好處，雞肉又嫰又滑！👍 薑蔥鴛鴦蟹煎腸粉- 腸粉才是呢個蟹鍋嘅靈魂，必食！👍 清炒菜心苗- 真正生炒，口感冇得頂！👍 咖喱牛筋腩拼蒜蓉包- 不過不失！蒜蓉包夠香夠脆！ 飯後果/糖水：哈密瓜，蓮霧，臭草綠豆沙 😋😋😋😋😋

好友一個月前吹🐔試鏞記，其實呢餐抱住俾面派對心情！點知......又一間令我改觀嘅食肆！👍😜 今晚重點係「鏞記」唔一定係食燒鵝！🤣 今晚味味菜餚都令人回味，真刮目相看！🥰 最開心今晚個個都有食力，食到啱口味的不斷encore再encore.....! 👍🥰 令人有驚喜金錢雞，猪心蒂，清湯牛爽腩，鵝紅，蝦子釀紥蹄....甚至連炒飯，伊面都回味無窮！超級大滿足！👍🥰🥰 是晚菜單： 蜜燒金錢雞-燶邊冰肉色澤對板，入口甘香、雞肝粉嫩，一啲都唔油膩。必食 薑蔥猪心蒂 - 白灼時間剛剛好，保持鮮味兼入口爽脆，太有驚喜了 蝦子釀紥蹄- 薄薄一層有豆味的腐衣鋪滿炒香的蝦子。👍 椒盬海参扣- 第一次食海參扣，唔夠椒鹽味，沒驚喜！ 清湯牛爽腩-爽腩筋膜軟滑帶爽脆，有爽腩獨有甘香豐腴，油香。👍🥰 滷水鵝紅- 超嫩滑。 至尊一品雛鵝㷛- 足料！可惜當晚鵝肉過火了！ 黃金百花炸蝦丸 桂花蟹肉炒魚肚 紅炆深海中斑尾 金蒜上湯浸莧菜 楊州炒飯 滑蛋蝦仁伊面 蛋散 笑口棗 芝麻糊 😋😋😋😋😋