2個女人食左$814 其實都唔係寫好多野 料OK 湯底很普通 花膠雞湯的花膠係雞扎果類炸過的花膠，而且個湯杰到有點異常，唔知加左乜，而雞唔係雞件係類似雞髀粒。只能說方叔叔花膠雞湯的花膠係真花膠，真雞件，正好多。 台灣麻辣湯底，唔香、唔夠辣，可能台灣麻辣就係咁啦 重點：入座時係有講明兩個鐘交枱 但佢交枱時間早廿分鐘就印單要埋單 然後出面無人等都不同職員每隔一段時間提交枱 當然你準時收枱由佢吉喺度有你道理，但明明無人都要咁？唔識彈性點處理？食到都無哂mood，本身想加單都加唔到 (我哋最終係坐多半小時走人，因為d野都未食哂） 難怪咁多港人北上消費 No next time.

本人是串燒愛好者，平時搭車經過，想試呢間好耐了，今次終於有機會。

環境非常逼窄，串燒是飲杯酒慢慢嘆吹下水才對，但呢間限食時間個半小時

食物味道屬中間偏下，那些招牌菜如年糕同餈飯，唔好意思，真係覺得非常普通。其他串燒亦不夠惹味。辣度只有小辣或唔辣選擇，要知道後加辣粉唔等於做到燒時大辣的惹味。

$25墨魚丸串，圖片有五粒，黎到原來每粒切一半，即一串得2.5粒，真係佢先做得出。$404條多春魚，好味都值呀，最慘係無味。煲仔蠔仔$58得四小粒，會唔會過份左d? 廚師腸一條$12，我買開一包$廿幾蚊12條。

Anyway，兩個人食唔多飽，埋單$658。坐咁耐，呢個價錢，一杯水都無。只此一次啦。

注：門口餐牌無價錢，要入到去開埋QR code先睇到。我特意screen cap了，方便大家睇完再決定去唔去

[IMG.5]
[IMG.6]
[IMG.7]
[IMG.8]
[IMG.9]
[IMG.10]
[IMG.11]

勁多人造色素、味精的感覺。很難吃，人工的味道，唔知點形容。吃完個肚勁唔舒服胃漲多氣。 不會再買。嗌了豆腐、海帶涼皮、花生，盛惠47元，不值！難怪之前見人排隊買而家拍烏蠅

今次是第三次到這餐廳食lunch。裝修係唔錯，望瀑布果邊係靚，但食物質素及服務態度跟唔上價錢，餐包的牛油是cheap cheap的盒裝牛油仲要問先俾。主菜大部分要加30-60元不等。食物味道普通。 最大問題是個別侍應態度欠佳。有一位男侍應肥肥地短頭髮4、50歲無戴眼鏡，只穿一件白色很皺的恤衫，粗聲粗氣，成間餐廳好似得佢呢個侍廳係咁打扮，唔講真係以為在茶餐廳，但呢度食lunch，呢樣加錢果樣加錢，埋單要over $300。 應該唔會再去。

只影了一張相。但份量真係好少。5點幾開始食晚餐，食至尾聲已feel到職員不停想我哋快點走。 野食味道okay既，但份量真係少、計埋茶芥白飯每人三百幾。可以俾多少少

這間餐廳剛開時，引起一陣哄動，很多藍田友紛紛讚好，又表示很懷念珍姐泰國菜。開左好一段時間後，終於第一次去同屋企人食，可惜有點失望，咸肉炒金邊粉，咸肉粉量少，叫了個香辣豬扒飯，以為是類似椒鹽豬扒的，黎到竟然是甜辣蕃茄汁味豬扒，說真的，不知這是否正宗泰國豬扒做飯，但就不是我杯茶。 而且價錢偏貴，不值這個價。晚市時段仍有空位，不知佢捱到幾耐。For me, no next time, 非常懷念泰蓮的咸肉泰，沒有比較沒有傷害，大件抵食又好味。

如果你未食過好野，可以一試
如果你時間不值錢，可以一試

約了8:30pm, 8:50才入座。這只是開頭。

前菜9:25，入座後35分鐘才上。叫了兩個一樣的餐，送來的前菜不同。一碟是平價玉子，另一碟是海膽醬丸（類似打邊爐果種）。美其名俾你試多款，從沒有問人preference， come on， 我對玉子完全無興趣。

21:39 上鐵板鮑魚（呢個okay)算係成餐比較好。然之後先上沙律，咁都得？個沙律放在乾冰上，但係蘋果沙律，已開始O咀。額外叫左個十八層飯，成$400俾呢d質素，就好似用刺身頭頭尾尾加埋一杯，again好睇唔好食。

22:10 入座超過一小時，終於上甲羅燒，又係好睇唔好食，我好食得咸都覺得咸到救命。仲要無端端加d洋蔥碎入去，搶哂d味，唔知做乜？

22:35，上左味豬肋骨先正，好似煲完湯再淋d中式汁再加d唔知乜汁既珠珠，不倫不類，寧願你鹽燒塊豬扒俾我好過。

23:13，再45分鐘後上左個燒棉花糖加紫薯，oh gosh，究竟食緊乜？

到23:23，終於上個飯。

23:29上個用膠紙物體包住的湯。

再之後上個平價日本餐廳都嫌cheap的甜品。實在太cheap相都無影。

食物質素就算啦，當自己唔好彩。最大問題係呢間野得一個師傅煮野食。成間餐廳的食客採取集體負責制。即係無論你食得幾快都好，都要等全人類食哂先有下一味，跟本送到上黎都凍哂。簡單黎講，成餐得個湯係熱上，其他熱食例如個豬肋骨係室溫。成間餐廳full house 可坐成18人， 一打十八你可想而知上菜速度會點。由入座到離開，足足三小時。我食過法國餐，樣樣精緻細心品嘗當然okay，係一種味覺之旅，but…..呢度你係用食法國餐的時間，食左餐咁既鐵板燒。

真係後悔無上黎睇清楚前人的食評。同埋，點解無得貼相？

突然好想吃菠蘿油，見到金記就入去食 盛惠14大元 送到黎時個飽室溫，舊牛油就凍，完全唔掂 第一次食菠蘿包是連埋麵包紙，個飽硬挖挖又痴實哂張紙，好唔掂。唔好浪費金錢同quota

行街經過，望落好似幾正宗，就入去叫個麻辣火窩，湯底$108定唔知$118，上爐時望落好似好正，點知得個樣，除左勁大陣牛油味，沒有咩辣味、亦不夠麻。 配料質素極普通，蝦膠墨魚膠雙拼，$98但得兩小粒，切開先得四粒（可惜沒影相但可參考其他食評相片）。雪花肥火$128得果十片，質素普通極度overpriced 埋單三大人要成$800，已經係食平價配料好似魚皮餃果d，貴都唔緊要，真係難食..... 一定無下次。反而佢d辣麵又好似幾抵食$50六個餸大大碗。 唯一讚既係佢個黑糖珍珠鮮奶幾好飲。

有蠔、蟹腳、青口等。但蠔完全沒有海水味。蟹腳也不是特別新鮮 熟食不吸引，選擇很少，最好吃是那個辣子雞丁。口水雞做得很難吃。 甜品直情是差，選擇少，造形不吸引。很失望！ 雖然有75折，為返每人約$360。本以為五星酒店差極有譜，我敢說食物質素只有三星！帝苑實在好太多！而且這餐廳樓面侍應態度也不太好，座位也很逼。大家不要浪費金錢。屋企人也一致同意，呢個自助餐好唔掂！環境食物服務都不合格！浪費了我的quota! Book時講了是生日，說會有cupcake送，結果無送來，我們也忘記了！ will not come back again