嗰日一個人在元朗遊走，經過此麵包店就入去睇下有冇心水之選，見到呢個由店內即做未有包裝嘅蛋糕，有分原味同柚子檸檬味，小妹於是買左個柚子檸檬味的柚子檸檬戚風蛋糕表面比原味多左啲估計是檸檬草碎作為裝飾；而且有極香濃的檸檬味，而柚子味就一丁點都聞唔到食唔出。蛋糕唔算軟熟，更可以話有啲實，但食兩舊已經好飽

是日小朋友又話要食壽司，但小妹因連續幾日都係食壽司已經開始厭，見佢尐飯都幾吸引，於是乎買左個三文魚丼飯俾自己。
三文魚丼外表新鮮吸引(相中個丼飯俾小妹唔小心跌過落地，所以有少許走樣)除左有主角三文魚外，仲有蒜味螺肉、蛋絲、中華沙律、櫻花蝦作配角。三文魚睇樣雖然肥美，但略嫌魚油香味不足；而且係非一般的薄切，丼飯睇上黎細細份，小妹亦唔算係細食之人，但呢個丼飯已經可以令小好飽肚

是日同小朋友黎到元朗已經係下午一點半，由於仲未食午餐,唯有求其搵間店入去坐低隨便叫尐嘢食，小妹叫左個豉椒排骨炒河 。河粉黎到，外貌唔算吸引人流口水，河粉好似係白洽嘅咁；但食落原來好夠鍋氣
排骨亦唔會話全部都係肥豬肉，有廋有軟骨。
另外要提提杯凍檸茶，檸檬都算多片，但茶亦都落左多甜，搞到杯茶先係勁酸之後又覺得勁甜

話說有一次陪母親大人去買早餐，見到展示櫃內有蛋卷做特價，但佢吸引小妹嘅唔係個價錢，而係個『口味』，一個蛋卷有三隻口味合成，咖啡、杏仁、榛子，每一樣都係小妹鐘意的於是呢一日小妹都買左一條，試下呢個少有的味道。
一拎開個蓋，先有一陣好濃郁嘅咖啡味飄出黎，食落蛋卷好軟熟，鮮奶油又唔會太多太漏，同樣地，口腔都俾咖啡味裝滿，偶然會食到好零碎嘅果仁，估計應該係榛子仁，但實在真係好少好少。
同埋呢，成個蛋卷得咖啡味，杏仁味同榛子味，可能味道比較淡吧，連少少都食唔出

小妹明白,"圖片只供參考"呢個道理,但一打開個餐盒,小妹真係有尐尐滴冷汗GE感覺,賣相分別唔係咁大呀??首先係D蘑菇,小妹覺得係煎,而唔係好似個名咁係"烤菇",雖然有D爽口,但真係冇味架....
煙肉唔會好咸 叫適中,似食緊廋肉

送完小朋友返學後，一個人去搵餐廳食早餐，記得呢間餐廳曾經幫襯過個下午茶，印象不壞，所以決定入去食個早餐。
叫左個香煎豬扒米配太陽雙蛋 飲柯華田豬扒睇上黎幾吸引，食落香軟唔乾柴，肥廋適中唔會食到成口油；米粉亦都夠爽，個湯唔會太咸。
太陽蛋個邊如果可以煎脆／燶少少會加分，唔知點解蛋黃生食蛋味都唔多突出。
柯華田只係水+粉，難免會寡左少少，如果可以加尐花奶 相信會更加好飲

小妹對爭鮮ge甜品真係有一種情意結(芒果布丁除外)
是次同家人去食晚飯,小妹又是試左一款新甜品,也許已經唔叫"新"啦,因為小妹想食時,已經冇名牌介紹此甜品名字,但食過後小妹自己同佢改左個名 叫"藍莓乳酪蛋糕",蛋糕下層係一層薄薄的白朱古力,面頭有一尐尐椰絲,蛋糕藍莓味蠻濃的,帶有酸味;椰絲的點綴 個人認為有尐多餘。蛋糕好似唔多受歡迎(其實小妹都唔多推介啦) 小妹拎黎食時,蛋糕已經變成室溫,而且外觀好完整,但匙子一落就發現原來成個蛋糕都已經係溶左反而好想推介"朱古力慕絲蛋糕" 中間ge牛奶朱古力慕絲蛋糕好香濃好幼滑,下面同樣係一習薄薄脆朱古力墊底,上層係黑朱古力粉,一啖入口 先苦後甜 一個蛋糕三重享受 最重要的小妹呢次手氣好好,拎到ge蛋糕冰凍感十足

聽聞食蛋糕比食麵包好,所以小妹在有得揀ge情況下 一般都會選擇買蛋糕類。
是日在東海堂買左個合桃蛋白拿破崙,個名稱拆開逐個詞逐個詞咁睇都覺得好吸引,合桃:即係係核桃,據聞有補腦功效。蛋白:一聽個名都會諗起佢個香味~ 拿破崙:多層次ge口感認真吸引人而事實上今次買呢件蛋糕的確好唔錯,中間ge核桃夾層分量好多,冇益味又唔淋,好味
蛋糕部分好軟熟,略嫌蛋白味不突出適當ge忌廉增加左蛋糕滑溜感，但食完個口腔又唔會油淋淋

最近,肚子餓時總會不知不覺得跑去鴻福堂買飯醫肚,總覺得鴻福堂尐飯會比較健康;今次試鱆魚雞粒燕麥飯燕麥飯原來只係得面頭一層,下面全都係白飯,呢點感覺有尐不足夠;雞肉太熟,熟到一夾就散,鱆魚亦都太淋啦... ... 小妹第一次食唔係"多蔬菜之選" ge飯,感覺冇咁滿足到口腔欴慾

約朋友喺天水圍食飯，上網知道呢度有間日式料理餐廳，於是乎就揀左佢；我哋830pm左右黎到已經大排長龍了，入座後絕對明白要排咁耐真係不無道理，因為餐廳一眼睇晒，座位好少。
睇左一陣餐牌後我哋各自嗌一碗主食，再散叫少少嘢，小妹叫左個『火炙松葉蟹伴三文魚飯』，個飯一黎到見到尐蟹籽同爭鮮差唔多貨色，認真有尐失望;但見三片三文魚好似好靚仔咁，點知冇鮮味冇魚油香朋友所叫嘅石鍋烏冬話冬天食一流，食左十分鐘仲係熱到不得了，但一旦凍左味道就差左尐……
朋友叫左個番薯天婦羅，上檯先知唔係食開嘅黃薯而係紫番薯但重點唔係呢樣，重點係炸得唔熟呀！咁薄嘅番薯仲可以食到爽爽聲，真係無言了……雖然除開三個人一人食左$110,但呢個價錢，我諗應該有更好的選擇