今日收工過來食試吓呢間新加坡菜，餐廳燈光明亮，座位舒適有二人餐$338 今日收工過來食試吓呢間新加坡菜，餐廳燈光明亮，座位舒適 1款小食+2主菜+1蔬菜+2杯飲品。 馬來特色香煎辣魚餅，有2小塊麵包和1塊魚餅，魚餅薄薄地包住麵包食又唔會辣好好味。 文華海南雞飯配上油飯，飯好香又唔肥膩，海南雞仲要無骨啖啖肉，雞皮又唔會肥膩，配上醬汁，蒜蓉和辣椒醬可以點雞肉，，雞肉點上醬汁好香。 星洲海鮮炒貴刁，配料有蝦，魷魚，帶子和臘腸，蝦大大隻又爽陣，又有大粒帶子，貴刁炒到好夠火喉又夠味道。 蠔油小棠菜，菜灼到岩岩好唔會太淋，點上蠔油好味道。

之前去完潮汕旅遊之後，非常掛住潮汕美食，經朋友介紹灣仔有間潮州美食，當然要過來試一試啦！ 店舖裝修幾特別，門口掛上經燈籠，店里燈光明亮，座位寬鬆舒適。 滷水鵝肉，鵝肉唔會肥肉質嫩滑又有鮮味，鵝肉好香又入味又唔會切得太大件。 鵝肝粉嫩食落好嫩滑又無渣，又夠入味，厚度適中又唔會油膩，配上滷水豆腐和花生，豆腐嫩滑花生又夠淋。 老菜脯豬肚湯，豬肚湯好香胡椒味湯又鮮甜，豬肚又夠淋。 普寧豆腐，豆腐炸到外脆內嫩又熱騰騰，沾上佢自家醬汁更加美味可口。 鼠殼粿外面煙煙韌韌，內里是黑芝麻餡甜甜地幾特別。 清心丸綠豆爽，清心丸幾煙韌綠豆又夠淋又唔會太甜。

好耐冇過來宜安街食飯，見到呢個有一間蠔燒是食串燒當然要過來一試。 燒烤種類有好多又有時令海鮮。 蒜蓉豆皮內里包住蒜蓉外面有孜然粉，一口咬落啖啖蒜蓉香味，豆皮又幾軟熟。 奶香小饅頭細細個，外脆內嫩又有煉奶好好味。 牛肉串肥瘦均勻，牛味香濃又夠淋，雞腎燒到好爽脆又香口。 燒魷魚鬚細細塊幾彈牙，又好入味。 燒韮菜火喉控制得剛剛好，又唔會燒得過燶好味道。蒜蓉茄子，茄子上面舖滿蒜蓉，味道又剛剛好，又唔辣茄子又夠淋。 燒娃娃菜燒到夠淋又香。 燒蠔有半打大大隻，拎上台已聞到香噴噴，連埋蠔殼有我手掌咁大隻，蠔好肥美又鮮甜。

今晚過來石門食晚餐，見天氣涼涼地又可打邊爐。叫左個套餐超濃特花膠雞套餐有肉類選一款，手打鮮蝦丸，手打墨魚丸，黑松露花膠水餃，自家製炸響鈴，時令蔬菜，烏冬及3.6牛乳奶凍。 超濃特花膠雞湯，原來個湯底系用左成隻雞熬成，打邊爐前先飲飲返半碗湯先，雞湯好濃郁又好鮮甜。 美國安格斯封門柳，牛味香濃，肉質又唔韌，湯底濃郁連醬汁都可以唔使點都好夠味道。 手打鮮蝦丸和墨魚丸，蝦丸啖啖蝦肉和墨魚丸好彈牙又爽口好好味。 黑松露花膠水餃，水餃皮又唔會太厚，咬落黑松露味幾香濃又有蝦幾彈牙。 花膠大大片店員幫我地剪細細塊送入雞湯煲，花膠夠淋又入味。 炸響鈴索雞湯的精華好入味。 蔬菜和烏冬吸收湯的精華。 3.6牛乳奶凍又唔會太甜，奶味香濃。

今晚朋友同我慶祝生日，選左呢間餐廳，餐廳怖置特別，座位舒適，又有卡位，地方又大。 點左呢個海鮮拼盆套餐：有餐湯，沙律和海鮮拼盆，甜品和飲品。 餐湯是薯仔湯，薯仔打到好滑，薯仔味香濃。 蒜蓉多士好香又鬆脆。 煙三文魚意大利黑醋沙律，煙三文幾香肉質又滑，沙律菜又好fresh,沙律菜好爽脆又碧綠，配上黑醋醬好好味。 海鮮拼盆有龍蝦大大隻，蝦頭又有膏肉質爽彈又新鮮，醬汁好好味甜甜地 魷魚好彈牙，蜆肉肥美飽滿，蝦大大隻，肉質爽彈，青口又鮮甜，全部海鮮都好新鮮。 芝士蛋糕唔會太甜，香濃芝士好好味。 水蜜桃梳打味道香濃，啖啖水蜜桃味。

今晚去左旺角食台式火鍋無限時任食，種類又多，飲品又多，地方又大，座位舒適又多卡位，燈光明亮。 湯底選左藥膳養生花膠雞涮涮鍋。 每枱會送上一碟咸蛋黃炸魚皮，可以加shake shake粉自己shake,皮炸到好脆咸蛋黃濃郁。 養生花膠雞涮涮鍋，湯底好足料有好蛋多件花膠，雞件，又有豆卜和粟米等，湯底好鮮甜。 美國安格斯肥牛，油脂均勻牛味香濃，8吋長蟹柳又好味，手工三寶丸有牛肉丸，墨魚丸和豬肉丸都好彈牙爽口。 蝦大大隻又新鮮又爽口彈牙，聖子肉肥美和蜆肉飽滿又新鮮鮮甜。 帶子和鴨血，鴨血好彈牙，帶子又好味。 青瓜和木耳都好爽脆，味道酸酸辣辣幾開胃。 飲品種類多，又有自家製飲品。 生菜吸到湯的精華，好好味道。 最後每位可以點一杯雪糕。

今晚去食雞煲海鮮火鍋打邊爐，套餐有宮廷小食5款任食， 雞煲任食，每枱會送刺身和一盤海鮮拼盤，之後就選湯底打邊爐，仲有火鍋配料任食，汽水和甜品任飲任食。宮廷小食黑松露蝦多士，多士鬆脆又香，麻辣鴨血好入味，涼伴雲耳好爽脆，漬牛膀好爽又甜甜幾正。 蝦刺身，墨魚片和赤貝全部好爽又新鮮。 雞煲（小辣）雞肉嫩滑又入味，又可以任食，但我地要留肚食其他食物。 湯底選左蕃茄美人鍋，海鮮拼盤蟹幾鮮甜，海蜆大隻肉又肥美，生蠔又大隻，蝦又大大隻又彈牙，翡翠螺幾爽口，海鮮全部好新鮮湯底又好濃郁。 仲要有一堆火鍋配料極上肥牛，牛肉嫩滑，牛味香濃，黑豚肉又幾正，手打牛丸，牛肉咬落口有肉汁，又爽口彈牙，水餃皇又皮薄又足料，仲有丸，蔬菜，炸魚皮，烏冬黃金魚腐等配料，全部任食。芒果布甸唔會太甜，又真是啖啖芒果👍👍👍

今日夜晚去買剩餸，買左一盒兩餸魚柳得4塊細細塊，豬扒得3塊細的，仲要阿姐慢慢揀來夾，以前系其他地方買都唔會是咁，真是第一次見，系其他地方買兩餸都未試過兩餸得咁少，下次唔會再幫趁。

今日去左波鞋街買鞋，買完過來女人街呢邊有間篤篤車仔麵。 餐廳唔算太大，但座位舒適，燈光明亮。 點左一個套餐三餸麵+小食+菜$81，另外加一碗三餸麵，網紋春卷，吉列炸蝦餅和2枝飲品。 三餸麵蘿蔔好淋又入味甜甜地，豬皮又入味，咖喱魚蛋又唔辣又彈牙用，冬陰公湯底好香濃又唔會辣，配上米粉吸上湯的精華好味道。 三餸麵牛肚夠淋又香濃，豬紅又彈，墨魚丸爽口彈牙，鱷魚湯底好特別，又幾鮮甜。 金銀蒜菜芯，菜芯炒到好碧綠，又唔會太淋，蒜蓉味香濃。 泰式鳳爪，鳳爪好爽彈，酸酸辣辣幾開胃。 網紋春卷，炸到金黃色，外層鬆脆，內里材料豐富。炸蝦餅幾彈牙。

今日出旺角搵朋友，朋友帶我去食好西，雖然地方細但都坐得舒適，燈光又明亮。 火焰A級奄仔蟹，奄仔蟹來自菲律賓出面買唔到，制作需時需要耐少少。 奄仔蟹超多膏一見都流口水，店員淋上玫瑰酒之後再點火，提升蟹的鮮味，蟹肉好結實，蟹膏好香濃，蟹好大隻，好新鮮又鮮甜。 油浸野生筍殼魚，筍殼魚原條炸炸到好香脆，再淋上蔥花，配上自家醬油更加突顯筍殼魚的鮮味，魚外層好鬆脆，魚肉厚嫩滑又鮮甜，店員好細心幫我地切一塊塊方便食，切落去果下卜卜脆又香噴噴。 黃金魷魚，外層粉唔會太厚，加上用咸蛋黃炒好香好好味，魷魚又爽口又新鮮。 牛肉通菜，通菜炒到剛剛好，牛肉嫩滑牛味香濃，又夠味道。 前菜花生好香又鬆脆。