復活節長週末留喺香港有啲悶，不如近近地去一轉台北或者澳門？唔好話開飯仔唔提你，OpenRice網上訂座服務而家已經擴展到台北同澳門呢兩個地區！預先Book好心水餐廳兼享各種優惠，最緊要嘅係餐廳選擇由人氣火鍋、特色宵夜到主題餐廳都應有盡有，令呢個假期過得特別滋味。
台北食盡人氣餐廳！
西門町愛麗絲主題餐廳 來自愛麗絲
圖：餐廳提供
根據非正式統計，女孩子都係鐘意童話故事嘅。鄰近旅遊熱點西門町嘅呢間餐廳以愛麗絲夢遊仙境為題，由裝修、餐具到食物都有置身童話世界嘅感覺。Menu以西餐為主，記得用OpenRice訂枱，消費滿台幣800就會贈送價值台幣200嘅指定甜品一份啦！
東區高CP值海鮮鍋物 囍聚精緻鍋物
圖：餐廳提供
香港人一年四季都咁鐘意打邊爐，去到台北當然要繼續「滾」！呢間火鍋店選用台灣本地食材，糅合24節氣概念推出唔同海鮮鍋物。而且由開胃菜到鍋物食材配搭都一絲不苟，價錢亦相當公道。提提你網上訂座即送頂級霜降牛肉一盤，各位牛魔王唔洗驚唔夠食啦。
中價精緻鐵板燒 京炙鐵板燒
圖：餐廳提供
鐵板燒既可以睇住廚師表演，又可以食到食材鮮味。平時喺香港怕貴食唔起，去台北呢間餐廳就唔洗驚喇。因為佢地套餐嘅定價算係中檔，但用料同廚師可以同高檔餐廳媲美。想再食得平啲嘅話，可以一試佢地嘅午餐，同埋記得先網上訂枱，立刻享有9折優惠！
人氣No.1養生火鍋 無老鍋
圖：餐廳提供
佢唔單止喺台灣，喺香港亦係收藏人氣No.1嘅台式火鍋店！去到記得要嗌鴛鴦鍋，一邊無老長生辣香鍋有養生功效，另一邊日本明治冰淇淋豆腐鍋唔單止湯頭甘甜，冰淇淋豆腐食落幼嫩到好似食緊熱嘅雪糕咁！唔想去到大排長龍就記得先網上訂座，而且仲有額外積分。
更多優惠推介： |
澳門由正餐甜品食到宵夜
大熱葡式宵夜之選 澳門氹仔林記燒烤
圖：小連
去旅行一日食五餐是常識吧，呢間店年前喺氹仔開設，搬到黑沙環區依然有唔少粉絲捧場，包括我地澳門小編。主要提供葡式燒烤，但佢地嘅葡菜亦相當出色，必食清新彈牙嘅葡式凍蝦同惹味秘制咖哩。用OpenRice訂枱，消費滿200元即送特飲桔仔冰一杯！
特色窩夫Crêpe 柏林頓窩夫及法式專門店
嚟自馬來西亞嘅連鎖店，呢間分店以歐陸式為主，提供多款特色窩夫同Crêpe(法式可麗餅)。而且特別在於除咗有常見嘅甜食配搭之外，仲有窩夫漢堡等鹹食選擇，用料認真賣相精緻。而家網上訂座最高可享85折，食完感覺零舍Sweet！
順德工夫菜老店 禮記魚翅海鮮酒家(新馬路總店)
圖：人非草木
呢間中菜館已經有七十幾年歷史，不過除咗招牌雞煲翅同各款海鮮菜式之外，最多食家推介嘅係佢地嘅手工順德菜！金錢蟹盒嘅蟹膏非常香口，食落鬆脆又有特色。海蜇手撕雞調味得宜，嫩滑雞肉同爽口嘅海蜇口感對比相當有趣。網上訂座有額外積分，仲可以收藏定張$50現金券㗎！
用OpenRice apps揀啱心水餐廳之後，可以先用收藏功能Bookmark定。當然仲可以切換地區發掘更多訂座優惠同特色餐廳啦！網上訂座服務亦已經擴展到泰國曼谷，酒店自助餐仲低至半價起！
文：Cathy