都過哂秋分，早晚有風吹有幾出奇？出奇就在於佢唔係普通嘅風，而係持續大熱嘅「韓」風！連酒店自助餐都有唔少以韓國菜做主題嘅選擇，有特別邀請首爾大廚到港獻技嘅自助晚餐，亦有將韓國秋季當造食材變成甜品嘅下午茶自助餐，喺「韓」風中心嘅你又會點揀？

韓籍廚師坐鎮正宗韓味　　咖啡園

金鐘呢間酒店特別邀請首爾當地酒店嘅韓籍廚師到港，供應多款帶來多款以韓國當造菇菌、人蔘同高級韓牛入饌嘅美食，包括香烤人蔘韓牛同韓式栗子炆牛助骨等，保證大家食到韓國真味。

而且滿足味蕾之餘亦滿足視覺享受，因為自助餐將會有即席韓式燒烤韓牛，加上每晚19:30會有即席現切重逹25公斤嘅太平洋黃鰭金槍魚，而20:45又有巨型火焰雪山，記得預備定手機同相機拍片！不過溫馨提示一句，呢個自助餐供應期得一個禮拜，要試就要快手啦。

咖啡園韓風真味自助晚餐
供應日期：即日起至2016年10月9日
供應時間：18:00 - 22:30

自己話事新舊融合韓菜　　add@Prince

傳統得嚟又想有啲新意？呢間喺尖沙咀嘅酒店或者就係你嘅最佳選擇。餐廳選用韓國入口食材，特色前菜就係代表之一，傳統嘅有蘿蔔泡菜同醃辣魷魚，想特別啲嘅亦有韓式牛肉他他同山葵辣椒汁魚沙律等。

而且仲可以按自己口味，揀韓式石鍋飯嘅唔同配搭，創造屬於你自己嘅專屬版本。而港人熟悉嘅韓式烤肉同炸雞亦有供應。最後唔少得甜品，韓式綠茶忌廉多士賣相夠呃Like，人蔘紅棗糕有傳統風味，韓式紫薯芝士蛋糕又比較新穎，一次過試哂各種「韓」風味。

韓國真味自助晚餐
供應日期：即日起至2016年11月20日
供應時間：18:30 - 22:00
*12:00 - 14:30另有自助午餐供應

韓日當造食材變甜品　　1+1 吧

嚟到「食慾之秋」，甜品係第二個胃呢個說法係咪更加有說服力先？沙田呢間酒店嘅甜品自助餐就換上全新韓日主題。韓式人參雞你或者已經食過好幾次，但人參甜品又有無試過？韓國人蔘芝士蛋糕嘅人參有少少回甘，既減低芝士嘅膩滯感又帶嚟新鮮感。

唔鐘意人參嘅，仲有韓國梅子蜂蜜燕窩果凍杯，同韓國水梨金寶等運用咗韓國秋季當造食材嘅甜品選擇。同場加映秋栗朱古力脆脆蛋糕同日式竹炭甜薯卷蛋等日系甜品，令你呢個秋天過得特別Sweet。

1+1吧秋ž日韓風甜品自助餐
供應日期：即日起至2016年11月30日
供應時間：14:30 - 17:00