正斗粥麵專家 (國際金融中心商場)

營業中

休息中

又係中環搵食艱難系列。今日想食熱氣得來又濕濕地嘅嘢，就諗起炸兩。本身個人有d懶，唔想行咁遠，又唔想等咁耐，我又用手機APP落單，過一陣就搭lift落去餐廳取餐。因為唔想咱倆等我而搞到淋晒，我早咗少少去餐廳。唔知係咪最近天氣差令外賣單多咗，去到職員已經同我講咱倆要等耐少少。等咗一陣，個職員仲見到我企係到等緊，就主動幫我跟單，好細心。另外，餐廳有一個櫃檯專門處理外賣。不枉我等咗咁耐，返到Office個炸兩仲係脆卜卜同熱辣辣。而俾的醬料都好足，有豉油、甜醬同麻醬，份量都好足，唔會食食下覺得無醬。價錢：$55 (炸兩一份，貴）食物：好味道 (炸兩係脆,有俾足醬料）服務：唔錯（雖然要等一陣，但職員好主動幫我追單環境 : N/A (外賣）

姨媽同姨丈人未到香港，就已經叫我訂定位，指名道姓一落機就要幫襯喺機鐡站樓上間正斗食粥！我地嗰日一點鐘到，都咪話唔誇張，因為同層咁多間食肆只係得正斗個門口排滿哂人。喺得IFC開分店，都估倒裝修唔會失禮得去邊架啦：正斗樓面高，夠光猛，有中國色彩得黎又充滿時代感，地方好闊落，如果有卡位坐就最理想啦！唔知係咪因為姨丈係熟客呢，當日o既招呼真係好好，有求必應，連餐牌冇o既食物都有得食，食物水準又高，大家都好滿意！　窩蛋牛肉粥 / 雙拼牛肉雞蛋粥（$48）：餐牌上冇，不過哥仔話我想食就有，感激感激！小肥喺街食親粥最緊要就係要加隻窩蛋，因為食起上黎個粥會香滑好多。碗窩蛋牛肉粥同個餐廳名一樣，都係咁「正斗」；用生粉醃過o既牛肉夠嫩滑，粥底好甜，而且夠哂熱，所以影相前隻生雞蛋比XO搞兩搞都已經開始熟，PERFECT！　香油條腸粉炸兩（$38）：外層o既布拉腸又薄又滑，內層o既油炸鬼又夠香脆，點埋另上o既醬油，正呀！　（小）正斗鮮蝦雲吞麵（$33）：雲吞入面o既蝦好夠爽口，亦好鮮甜，細食o既媽咪覺得份量剛剛好，咁即係話XO仔食一碗一定唔夠飽啦。　秘製薑蔥焗魚雲（$95）：姨媽同爸爸都大讚夠香口。茶錢（每位

係出海前既午餐，曾經食過跑馬地店，只係覺得走高檔系既粥麵店，食過亦只有粥，今次黎食下其他。雲吞，見到餡料，未食都知係皮夠薄，餡料都係果D，呢到D餡料我覺得係平均形，唔會側重左蝦或者豬。個湯有濃郁既蝦子味，反而幾驚喜。豆漿，唔太凍，豆味算係正常，有豆品鋪的水準。炸兩，個皮好似真係薄得滯，油炸鬼係好唔錯的，個炸兩都係收貨。炒牛河，河粉薄薄，上色平均，牛肉好食，鑊氣亦唔錯，齋睇已經收貨，講左幾樣都好似好好，不過一夾就出事，原來好油，真係攪唔掂，食第一小碗，真係超水準，不過食多兩小碗，真係膩到不得了，我係黎當飯食，唔係試食小試下。其實水準都唔錯，不過真係太油，價格都係偏高果系列，要我再黎，都真係要觀望下。