睇開韓劇都知，食韓牛絕對係一件大事!! 平時喺香港食韓牛，最多都係得3-4款肉位。呢間韓國人開嘅“Sammok”，係香港唯一食到9款新鮮韓牛嘅烤肉店嚟㗎!! 包括牛腩、裙肉、頂刀、短板、裙排、掛嫩、頸鍊等，好難得一次過食勻各款韓牛風味，試吓唔同肉位有咩特色～
“Sammok”開業18年，店內好多窗邊卡位坐得舒服。
木系設計，充滿韓國古色古香氣氛。
【全港最多新鮮韓牛】
最吸睛一定係大大塊牛肉眼扒，厚切大件好有咬口。識牛之人，就一定鍾意薄裙肉!! 無骨幹脂肪嘅單塊肌肉，肉味濃又有嚼勁。
平時成日聽到嘅牛腩，原來變做烤肉食法好驚喜，火力會逼出牛脂更加軟嫩又有肉汁。追求原汁原味嘅話，可以揀連接肋骨、牛腸嘅牛柳肉邊位—厚裙肉，係每隻牛只有500-600克嘅特殊肉位，唔係度度食到。
“Sammok”係全港唯一提供9款韓牛肉位嘅烤肉店。全部都好新鮮，一次過品嚐各款韓牛滋味。
韓牛嘅油脂分佈平均，更有肉味同咬口。
睇吓韓牛幾厚切！
一嚐韓牛原始肉味
想試真啲韓牛原始肉味，“Sammok”仲有埋生牛肉！將蛋黃、洋蔥撈勻就食得，綿滑嘅肉感熟悉又陌生，最估唔到係生牛肉好有咬口，原始肉味越咬越出幾特別。
韓牛生肉片，一嚐原始肉味。
將蛋黃、配菜撈勻食更有層次。
【韓國綠茶豬】爆香五花肉
韓國人老闆對烤肉質素好高要求。除咗引入韓牛，仲有綠茶飼養嘅功能性綠茶豬，並確保使用7天內宰殺嘅超鮮豬肉，再經過48小時以上低溫熟成㗎。
“Sammok”韓豬有6款肉位咁多！包括韓國人最鍾意嘅五花肉、豬頸肉、裙肉、豬臉肉、掛肉、豬上頸肉。特別鍾意五花肉，一邊燒、一邊滲出油香，燒到差唔多熟就可以煎成一件件，邊位仲有啲焦脆。韓豬真係特別juicy兼富肉味，同平時食開嘅豬肉完全唔同。
6款韓豬之中，有韓國人大愛嘅五花肉。
全部韓國綠茶豬均於韓國7天內宰殺，再經48小時以上低溫熟成，肉質鬆軟零膻味。
【多膏醬油蟹】韓國人開店18年 信心保證
喺韓國好出名嘅醬油蟹，自古以嚟都係用醬油醃製，鹹香鮮甜，蟹肉仲好似刺身咁鮮甜軟滑。平時唔敢亂食來歷不明嘅醬油蟹，難得嚟到韓國人開嘅餐廳梗係要留肚食啦。韓國老闆更示範地道醬油蟹食法，將滿滿蟹膏拌勻海苔飯，再將蟹膏海苔飯填滿蟹蓋拎住食，特別有風味。
醬油蟹隻隻爆膏肥美，鹹香鮮甜。
睇吓有幾多蟹肉蟹膏!!
韓國地道食法會將蟹膏海苔飯填滿蟹蓋，拎住食特別有風味。
【激抵韓牛·韓豬·醬油蟹優惠】
優惠1) OpenRice訂座預付套餐·低至75折。
於OpenRice訂座時，選擇套餐及完成付款；入座時向餐廳出示預付記錄即可享用優惠套餐。 |
優惠2) OpenRice訂座即享全單9折
經OpenRice訂座星期一至日(6:00pm-8:00pm)，即享全單9折。 |
【地道韓國料理】重現媽媽味道
其實老闆當初開設“Sammok”，全因嚟到香港工作後好掛住媽媽煮嘅料理。最後索性開間餐廳還原韓國味，18年嚟都堅持韓國煮法㗎。所以嚟到食燒肉外，仲有好多韓國料理㗎。
韓國產淡水鰻魚
唔講唔知，韓國人真係好鍾意食燒水鰻，飲埋酒真係一流。燒到外焦內嫩就食得，魚皮仲有少少煙韌𠻹，蘸啲韓式豉油醬仲好食!!
燒水鰻，燒到外焦內嫩最好食。
多款韓式鍋物！
呢度嘅燒肉爐可以用嚟食埋鍋物，滾住食好有feel。韓國八爪魚一向好受歡迎，想食QQ彈彈口感可以揀牛肉八爪魚鍋。
呢度有多款鍋物選擇，牛肉八爪魚鍋人氣好高。
另一款熱門鍋物—雜錦牛肉鍋，絕對係牛控福音！因為有齊牛筋、牛脷、牛肉、牛腩多種牛位。湯底用牛骨熬製，加埋人參、紅棗、蓮子等引味，滋補香濃。
雜錦牛肉鍋好豐富足料。
韓式醬豬蹄
大家都知韓國女仔對外表好有要求，所以富骨膠原嘅豬蹄好受歡迎。「三木韓國料理」嘅韓式醬豬蹄好大份，2至3人share都好夠食，可以用生菜包住豬蹄、泡菜、蒜頭再蘸醬食，惹味又解膩。
韓式醬豬蹄富骨膠原，女生必食。
【韓國午餐】牛肋骨湯飯
呢度都有各款韓國午市料理，價錢更抵。呢款牛肋骨湯飯就最多人鍾意，睇吓牛肋骨幾大件!! 大廚仲燘到好軟腍，一拮就輕鬆肉骨分離，將白飯舀入牛湯一齊食好開胃。
多款午市料理選擇，CP值高。
三木韓國料理
地址: 尖沙咀堪富利士道12-16號宏貿發展大廈2樓
電話: 27218970