世界の山ちゃん

營業中

休息中

約咗朋友尖沙咀晚飯未到時候行開呢頭 爭取時間落嚟呢度下午茶happy hour先 😅😅😅坐定定之後 糾結咗一陣諗下叫啤酒定係 highball🤔🤔🤔，諗住一陣間要晚飯所以就唔飲啤酒咁飽肚叫咗highball🥰🥰🥰🥰嚟到世界山哥必食當然係幻之雞翼 本身調味有黑胡椒 source 另外再加埋柚子胡椒醬更加 yummy 世界山哥幻之雞翼style同名古屋旅行時食嘅一樣 偏細隻乾脆炸到連骨都好易咬斷嗰種並唔係賣好juicy嘅 滴一滴檸檬汁香得嚟仲可以中和返油膩感😋😋😋😋跟住叫多份青瓜清物 酸酸地好開胃 又可以繼續飲多杯😍😍😍😋😋😋

次次嚟到尖沙咀諗唔到食咩又有少少想飲杯啤酒或者highball 嘅話呢度真係一個幾好嘅選擇嚟嘅。首先佢定期都會玩一玩菜式所以唔會話食到厭，而且佢嘅雞翼我亦都非常之鍾意。今次佢大玩台式風味，有啲肉燥炒芽菜加一個韭菜嘅小炒非常之惹味呢個鐵板上面除咗有薄薄嘅煎蛋之外仲有一個麻辣肉燥撈面，夜魅得來仲要熱辣辣 送任何凍飲真係一流最後當然唔少得佢揸得酥脆而且外圍充滿胡椒粉嘅招牌雞翼啦，我每一次都食勁耐先食完因為想食得乾乾淨淨

【世界の山ちゃん 】🇯🇵 屹立尖沙咀多年，聽日本朋友介紹，得知呢間居酒屋原來喺居港日本人圈子好有名氣，以招牌「夢幻雞翼」打響名堂，香港亦只此一店，經常都要排長龍 👅下午5/6點嚟到，目測已經見到有3枱日本客，餐廳裝潢別具日本風味，牆上掛有日本掛畫，食物價錢大眾化，座位寛敞舒適 👏🏻🐔夢幻雞翼/15pcs🥚香煎鰻魚雞蛋卷🍙香炸竹輪海苔卷🥘名古屋鐵板炒麵🥃茉莉梅酒加冰📍世界の山ちゃん (尖沙咀)尖沙咀金馬倫道57-59號金馬倫中心地庫

Went to Nagoya like 5 years ago. Could easily walk past a Yama No Sekai chan restaurant because they were simply everywhere. Their signature wings go really well with beer because they're seasoned with a lot of aji no moto, like salt with MSG. As a drinking snack there's nothing to complain about. No expectations either. Just dry and crispy wings. If you are around TST and can't think of a place for happy hour especially when the bars cannot open, this restaurant is a good choice.

Went to Nagoya like 5 years ago. Could easily walk past a Sekai no Yamachan restaurant because they were simply everywhere. Their signature wings go really well with beer because they're seasoned with a lot of aji no moto, like salt with MSG. As a drinking snack there's nothing to complain about. No expectations either. Just dry and crispy wings. If you are around TST and can't think of a place for happy hour especially when the bars cannot open, this restaurant is a good choice.

成日行過尖沙咀都會睇到呢間舖頭，之前夜晚經過happy hour要排隊入，但而家疫情關係5:00pm左右經過見冇人排收入咗去。舖頭啲枱其實都隔幾遠幾闊落，周圍貼曬日本style posters介紹返名古屋，入面仲會一路播住啲日文歌，仲有Arashi🥰！！整體都好有日本🇯🇵嘅感覺，聽講連舖頭主理人都係日本人嚟㗎！呢個時間唔算太餓，所以叫左一客雞翼、一客意粉同燒酎梳打。枱枱都一定會叫既招牌夢幻雞翼，5隻為一客（$48）。餐廳仲有食雞翼教學，要先食雞中翼再食雞翼尖，入口好香既胡椒味，好脆送酒一流，配埋chuhai真係可以食多幾碟！飲品方面叫左杯沖繩香檬汁燒酎梳打（$48），好清新淡淡嘅燒酎味，好易入口，女仔都一定鐘意飲！主食就叫左名古屋鐵板拿破崙意粉（$78），係配料有洋蔥、青椒、腸仔既乾炒茄汁意粉，呢道菜係日本人鐘意既偏甜茄汁口味，上菜時餐廳仲會配埋芝士粉同辣椒仔，加少少惹味好夠！希望疫情快啲過去，可以約埋成班朋友傾計飲酒食雞翼！

雞翼真係好好食呀！有幾隻味，我淨係鍾意食原味！幾次黎到都專登淨係食雞翼！叫完一轉又一轉，佢真有埋教學教你點樣食雞翼。記得食雞翼之餘再叫埋杯啤酒！店舖唔算太大，店員服務唔錯。

FF去名古屋，對上一次去旅行係疫情前，因為好掛住名古屋名物”鷄翼＂，所以偽旅行一下，不過無堂食，只係外賣返屋企慢慢嘆。 🥢韮菜豆芽炒豬肉 $64 其實唔係好大盒，只可以當小食，佢唔係乾炒，係有啲汁濕濕地幾好味幾惹味，重點係唔油唔辣 🥢名古屋鐵板拿破崙意粉 $75 呢個意粉好有兒時回憶，因為以前意粉無咁多口味，而家食返都會覺得好好味，最簡單材料腸仔、洋蔥同青椒，必食推介 🥢夢幻鷄翼x2份 (共10隻) $106 胡椒+醬油味道，有少少辣，鷄翼細細隻無乜肉食，調味重手咗啲，越食越覺咸 🥢味噌豬肉串 (3串) $53 呢個豬肉串都係好咸，我覺得太多肥肉而豬肉較少，所以食唔出係豬肉串 🥢炸牛蒡條 $42 牛蒡條雖然凍咗同腍咗，但加咗准鹽變得好好味，又不失牛蒡本身味道 二人共消費: $235 (外賣平台自取)

今日尖沙咀周圍都要排隊，揾咗好耐見到呢間話黎自名古屋嘅餐廳就入去試下。入到去等咗無耐就有位，坐位都舒服，唔洗同人搭枱。小食叫咗佢地最出名嘅雞翼，食落香口入面亦都唔乾。啱晒配啤酒飲。之後仲叫咗甜蝦、多春魚同豬肉串。呢兩款就無咩特別。主食叫咗個鐵板拿破倫意粉。茄汁酸酸地好開胃，意粉唔會淋晒。係一個幾特別嘅意粉。有興趣可以一試。餐廳環境ok。食物選擇都多。價錢合理。可以再黎。

啱啱食咗下午茶，其實好飽！但老公話今日帶我去感受一下之前去名古屋嘅感覺！所以就算飽都唔好意思話唔去啦！我哋去到排咗15-20分鐘左右隊！入到去，其實唔係太多人，而且啲檯亦隔得好疏，應該係因為疫情所以想安全啲！我哋叫咗客雞翼（5隻），芥茉八爪魚，炸蝦飯團同埋叫咗杯橙汁！雞翼嚟到，熱辣辣、脆卜卜而且仲好入味添！正呀👍🏻👍🏻如果肚餓應該可以食多幾碟呀～炸蝦🍤飯團其實都唔錯，飯團🍙啲飯就冇乜味，但個炸蝦外脆內軟好有日本嘢食嘅感覺，就連叫杯橙汁都覺得自己好似去咗日本旅行一樣呀😆😅啲食物好食亦唔貴，推介呀！

《世界の山ちゃん》係日本有近百間分店既名古屋居酒屋--世界の山ちゃん--原來喺香港都有分店🤤 餐廳位置寬敞,空間感十足, 非常適合朋友聚會😎 ▪️▪️▪️▪️▪️▪️▪️▪️▪️▪️▪️▪️柚子醋配豬肉 （$58）豬肉配上酸酸甜甜既柚子醋,作為開胃菜非常合舒😎.作為配菜既大蔥同洋蔥, 點上柚子醋後送酒一流😋🍻🍻夢幻雞翼✨ （$96/10隻)雞翼調味非常濃,如果冇嘢飲嘅話應該會鹹到食唔落🥲,但係如果配啤酒或者梳打就非常適合🤤而且雞翼係連雞翼尖成隻上, 食落去滿足感十足🤩豬扒飯定食 （$78）午市非常實惠嘅定食😎,味道中規中矩,但飯同肉都份量十足,又附有沙律同味噌湯,實屬實惠既選擇▪️▪️▪️▪️▪️▪️▪️▪️▪️▪️▪️*設有加一服務費▪️▪️▪️▪️▪️▪️▪️▪️▪️▪️▪️地址: 📍尖沙咀金馬倫道57-59號金馬倫中心地庫

有鑒於近日思鄉情緒特別高漲 所以連續幾篇食評都係寫日本料理 今次就係掛住名古屋山哥名古屋雞翼係當地名物 香港原本有兩間分店 而家就只係剩返尖沙咀一間其實佢哋嘅手羽先(夢幻雞翼)味道唔錯 有日本本店八成以上水準 其他料理都不俗 但就唔知為何顧客唔算好多 晚上黃金時段都唔坐滿人 但正正係咁樣反而可以慢慢坐低 一邊食雞翼 一邊飲啤酒 一邊同朋友傾偈 唔會限時限刻要還枱 非常寫意食住夢幻雞翼 發覺可以慢活一點傾下偈 就決定加單 再叫咗一客炙燒鰩魚翅 食落好似暖嘅魷魚絲咁 蘸上芝士醬來佐酒一流👍之後再叫咗一客味噌烏冬鍋 上菜時熱辣辣 入面好足料 有麵筋 雞肉 生雞蛋和烏冬 再配以味噌湯底 抵食然後友人再叫一客雞皮餃子 出奇地好食 不需兩秒已清枱其實以佢哋嘅食物質素同種類 喺香港應該可以站得住腳 尤其是而家冇得去日本 當係一個精神食糧 所以要多多支持💪

未到好好味，但都唔算差嘅⋯⋯尤其是個價錢真係唔算貴，對比食物質素，OK啦⋯⋯ 我哋三個人食飽飽埋單差不多七百蚊💰 不如一齊睇睇食咗啲咩啦！1. 鹽味炸雞翼🐔3個人叫咗15隻，佢係以5隻為單位，夠香脆，都幾好味😋一人5隻份量啱啱好！2. 廚師沙律🥗 裡面有一球薯蓉🥔、蕃茄🍅、生菜🥬 配柚子醋，幾醒胃👍🏼3. 炒飯🍚 味道OK嘅，裡面有雞蛋🥚 如果炒得再乾身啲就💯4. 泡菜鍋🥘 味道偏甜，裡面有泡菜、豆腐、大蔥同豬肉。5. 吉列池魚，雖然食得出只係一般急凍魚柳🐟 但都算炸得香口。6. 雞皮餃子🥟 呢個一般，層雞皮唔夠乾脆可口，有啲肥膩😒7. 韮菜荳芽炒豬肉，份量偏少，味道偏咸，麻麻！唔推介🙅🏻‍♂️8. 甜品點咗雪糕芭菲🍧同炸年糕配雪糕🍨可能食完啲咸嘢，再食甜品覺得特別好味😋9. 飲品叫咗梅酒🥃、生啤🍺同巨峰乳酸梳打🍇 梅酒份量OK，啤酒夠凍，杯梳打就普通

🇭🇰世界の山ちゃん·呢間係我D同事食過話覺得佢既雞翼幾好食 所以再帶我地黎既😙😙·味噌烏冬定食$68 l 黑色雞翼$36不過唔知係咪我叫錯野 我覺得個味噌烏冬真係超鹹 佢係鹹到我要沖熱水先可以繼續食🤭🤭之後佢入面D獅子狗都好鹹 唯一係D雞肉好味D😂反而佢個雞翼真係幾唔錯 佢係超大隻 好啖啖肉 就算雞翼尖都好好味 而且個炸皮做得好出色🤤🤤·#rbyeat#rby日本菜#rby尖沙咀·📍尖沙咀金馬倫道57-59號金馬倫中心地庫

星期六下午3點，走在漆咸道南尖東街頭，早午餐只吃了一個 牛角酥，晚飯又未喺時候，選了這一間店，點了杯生啤，10隻雞奕(反正價錢一樣，2個人吃，5隻一碟咁點， 熱騰騰咁食，唔夠再點)，一個牛肉鍋，湯汁 鹹咗啲 。一碗豬排蛋飯。由於這時段不太多人，坐得算舒服。