佳記甜品 (已搬遷) 新店位置

去咗佳記甜品食咗幾次，都係最難忘佢嘅蒜香辣雞翼尖。所以今次就點咗佢嘅$81蚊，B仔涼粉去試。佢個涼粉真係好大，如果3-4人share比較好。個涼粉上面真係好多生果，有奇異果🥝丶西瓜🍉丶大樹菠蘿丶啫喱（蒟蒻）丶哈密瓜丶蜜瓜等。啲水果都鮮甜而且多汁，而涼粉都夠凍。配上淡花奶食真係一次。.另外，點咗2碟蒜香辣雞翼尖同腸仔丶肉丸丶腸粉。每碟約10-20蚊。.腸粉丶肉丸同腸仔就普普通通啦！其實無咩特別，只係純粹想食。🤣而佢嘅蒜香辣雞翼尖就做得比較出色。🌞唔是單純得個辣字，而且好重蒜嘅香，而雞翼尖都唔係無肉，而有少許肉，而且食落去辣得嚟仲好開胃。但唔食辣嘅人就唔好點，而且越食會越辣🔥。

其實每次入親元朗都會心思思想食佢地最出名嘅b仔雞翼尖嫁仲要每次都2碟2碟咁樣嗌黎頭個兩三次黎食佢個雞翼尖真係好好食仲要辣得黎你會繼續想食唔會想停咁樣嫁因為真係好好食佢個辣食落去第一下唔會咁快辣出黎嫁係會愈食愈辣但其後得再黎食個幾次我真係對佢有啲失望囉我唔知佢係多左啲遊客慕名而來定係煮開個個轉左人喇個味道洗唔洗每次黎到都相差到咁大分別呢之後黎個幾次一係冇蒜味一係冇辣味再唔係就係乜味都冇但眼見佢係落哂蒜粒 辣椒落去都可以冇哂依啲嘅味真係每次黎食都可以有唔同味嘅雞翼尖出黎依家去第二間細舖食都好過特登入黎元朗食b仔雞翼尖囉每次黎食都令特再次對佢失望

1月1號睇完佢打波，就黎左哩度食嘢，果然都係好墟冚，多人幫襯起初喺度排隊，不過原來堂食就喺則邊等位就得了。哩度實在太多選擇！真係可以keep住黎食都可以試到新嘢！而且價錢非常可觀，真係抵咖！順帶一提，起初5明點解B仔涼粉類特別貴，見其他人食先發覺原來係好大碗，可以幾個人 share 嗰一種，所以千其5好覺佢啲嘢貴嗌左$10腸粉，$10燒賣，腸粉有4條剪成，真係好滑，加埋必備嘅 “混醬”，真係無得輸！另外魚肉燒賣真係好彈牙軟熟，真係好正芋頭西米露湯圓，這個是熱的！因為好多時去甜品舖食西米露，都只係話得凍無熱的，所以哩個有熱真係好正！加埋一舊舊足料嘅芋頭這個不得不提嘅芝麻湯圓真係必試！未食過咁煙韌嘅湯圓而且個芝麻餡份量剛剛好而且唔膩，真係買少見少咖啦！下次一定要再嗌

食完晚飯唔飽， 梗係整番個糖水先啦！ 兩公婆都係榴槤控， 淨係諗起要食榴槤班戟， 老公話要食雞翼尖， 我就怕辣都係叫多個蕃薯糖水。 雞翼尖先嚟到梗係要先食雞翼尖啦， 只要避開啲辣椒，食落都唔太辣， 可以接受， 雞翼尖好滑， 味道唔錯。 番薯糖水都同榴槤班戟都到了， 番薯糖水正正常常， 不太甜，我們留待最美味嘅榴槤班戟最後食， 打開包裝袋， 陣陣榴槤飄香撲鼻， 一啖咬落去， 非常濃郁的榴槤香， 而且淡淡果肉，正呀…… ！好滿足呀！題外話，以前成日聽人講約舊b等， 一直分唔到，現在終於識得分新舊b啦， 原來河邊嗰個就係總店， 即係舊b， 以後可以食住糖水等啦！

元朗深夜唔怕餓.. 因為無人不曉的b仔開到淩辰兩點半! 雖然食客一向絡繹不絕, 不過位置很快也會有! 是晚三人行, 有借口再戰久違了的b仔涼粉 (平時兩丁友絕不敢挑戰)~ $81 生果仍然堆得滿滿, 果物豐富, 視覺已經贏哂, 個人覺得淋上花奶更好食蒜香雞翼尖辣得黎過癮, 好食到唔記得影相, 好快就同朋友清左一碟... 最後加多碟爽滑腸粉, 印象深刻係個花生醬, 真係好香麻味, 配上滑溜腸粉簡直又係完美 ❤ 仲有好多款唔同甜品選擇, 難怪這麼多年在元朗仍站得住腳

終於食到B仔涼粉! 人人都話黎元朗一定要食B仔，雖然近年都聽到d人話覺得呢間野嘅野食言過其實，不過都係想試下! 元朗呢間B仔比我想像中大好多，入面有好多位，雖然星期六嘅下午都有好多人，不過好彩唔使等位。 黎得緊係要叫碗B仔涼粉試下啦。開頭見到81蚊都嚇一嚇，但睇番佢個size又真係好大碗下，最好係同班friend黎share，一個人食真係會太多。呢碗B仔涼粉堆滿左啫喱、蒟蒻同埋各式各樣嘅水果，包括桃、西瓜、哈蜜瓜、蜜瓜、菠蘿、龍眼、荔枝、香蕉、木瓜、奇異果，而涼粉就沉左底，要食左面嘅生果先會食到涼粉，仲有一碗椰汁可以按自己喜好加入。其實成個感覺就好似食緊雜果宴，感覺係幾健康，但涼粉就好似變左配角咁。 另外仲叫左腸粉，正常味道，無話特別好食/唔好食。

幾年前仲住元朗既時候間唔中都會去又新街搵食, 都搬走左間唔中都會掛住, 今日入元朗既朋友屋企House warming 當然唔可以錯過街知巷聞既b仔涼粉啦, 帶住滿心期待既心情, 同以前一樣夜晚都係人山人海架, 今次淨係叫左b仔生果盤share, 唔知係咪期待太高呢, 食落大不如前, 價錢同味道有少少不成正比, 生果食落唔新鮮, 樣樣都唔甜, 係咪冬天唔當造影響呢, 食過依一次之後都好失望, 加上依家糖水鋪周圍都有, 未必會再有下一次了..

今日成班兄弟姊妹一齊入黎元朗搵我食宵夜真係好熱鬧，元朗最地道當然係B仔涼粉啦成班都係港島人好多個都冇食過B仔。最讚KEEP住價錢不變，但態度照舊麻麻黎到咁多人必叫大大個B仔涼粉，而啊姐推介堆B仔啫喱，只係涼粉換左啫喱，其實成個都係雜果，生果好新鮮，涼粉同啫喱都夠彈再配上煉奶，不過其實吾加都夠晒甜了。另外尼到最主打亦係我最愛就係《蒜辣雞翼尖》黎到必食之選食得辣先好叫，辣得夠過癮仲要超入味另外仲有其他腸粉、燒賣、魚蛋既小食，不過就平平無奇

同朋友晚上去食糖水，因為呢間最近我地，以前試過b 仔涼粉覺得雖然無乜特別，但都唔係差，咁就黎再幫襯，結果就中伏了。我地試左芒果杏仁豆腐，冰丸杏仁豆腐，芒果糯米卷同埋芝麻糊湯圓。芒果同杏仁豆腐都係伏中之伏，啲芒果雖然多但係好酸，一啲都唔甜。杏仁豆腐更加係是日亮點，明顯只係杏汁大菜糕，同相像中的軟滑豆腐大相逕庭，說好的豆腐呢? 而且就咁加一啲生果係果塊杏汁大菜糕面，完全係格格不入，整個感覺很奇怪。不過朋友食嘅傳統糖水就正常水準，無咩問題。已經將呢間野列入黑名單，一啲製作食物的熱誠都沒有，以後唔會幫襯了。

每次經過b仔，都會心思思食佢既雞翼尖過下隱！今次除左雞翼尖，我仲試左佢既芒果糯米卷，密瓜黑珍珠，同埋豬皮蘿白！每次食雞翼尖之餘，都要叫埋佢既糖水解辣，因為每次都會愈食愈辣，但又好惹味🤪🤪

食完晚飯緊係食糖水啦由於之前有負面新聞我地無叫到涼粉而點左幾款比較經典既糖水芝麻糊加湯元及椰汁紫米露兩碗都超級甜雖然叫糖水姐，但完全無芝麻味湯元皮又硬，好似未有足夠時間溶雪紫米露純食佢米既口感可能以前真係好食既但就經唔起時間既考驗喇

This is one of the very famous desert place one has to try in Hong Kong.Despite its location (YUEN LONGGG), many people would come all the way from the city just to pay a visit here. So what's famous here? SPICY CHICKEN wings. It's quite different from the chicken wing you would expect from KFC or any other fast food outlets. They only serve the smallest part of the wing and soak it in an incredibly spicy sauce. I myself find the wings WAY TOO SPICY (I could only finish 3). But apparently many p

難得去左深圳玩返2日又要經深圳灣口岸出入口就決定用B仔涼粉做我地旅程嘅結尾以星期日晚黎講，去到唔算太多人差唔多即刻有位蒜泥辣椒雞翼尖 對於譚仔食清湯係超級超級辣!!但又有一種忍唔住繼續食嘅魔力今次都夠辣，但蒜蓉就少左d，冇咩蒜味唔知係咪錯覺，d雞翼尖相以前大隻左正!辣咖哩魚蛋同蘿蔔相信大家都知咩味😂😂冇咩特別~~不過蘿蔔幾夠淋，辣得濟食舊黎止辣總結黎講，如果我去元朗，我都會去食一次B仔雞翼尖hehehe

提到元朗出名既食肆，一定有佳記甜品，即B仔涼粉！N年冇去過元朗，一定要去試試！星期六大概下午2點幾3點去到，都係咁多人，座無虛席！終於找到張二人枱，看一看餐牌，會唔會太多款式揀！由於我地剛食完午餐，於是只點了兩個涼粉同一碟雞翼尖食！西瓜涼粉同埋龍眼涼粉，因為當日覺得有點熱，所以便揀選了較解渴的生果黎食！西瓜鮮甜多汁，配埋涼粉冰同花奶，口感豐富！龍眼涼粉睇落好似好清，但龍眼清甜，頓時清暑！蒜香雞翼尖，聽人話好食就聽得多，今次終於可以試下佢既真偽！雞翼尖非常入味，而且整得好冧，令人有想不斷食既衝動！而且食落都幾辣，所以配埋涼粉食絕對係正確！

成日聽人講B仔涼粉既雞翼尖好正，終於有機會試到啦。個日咁岩經過元朗，口痕又想食小小野，就入左b仔涼粉。我就試左西瓜西米露，西米露係我既最愛，同埋一定唔會伏既。個日岩岩行完山，想消暑食埋西瓜就一流啦。有個朋友就叫木瓜杏仁霜，可能本身我都麻麻地杏仁，所以我就唔太推介。同埋，佢d木瓜同杏仁霜唔太match。食完d甜野,突然想食返d小食。就緊係試下好出名既雞翼尖啦，果然無令我失望。佢熱得黎又有小小麻，十分正。而家諗起都仲有d流口水。 唔知係咪太肚餓既關係，燒賣魚蛋都好好味，配埋佢d汁，更加吸引。