協奏坊西餐廳 (已結業)

來到9月尾，已經感到點點的秋意，上星期我就來到九龍珀麗酒店協奏坊西餐廳品嚐「夏日盛宴」海鮮自助晚餐，捉緊夏天最後的尾巴。餐廳環境寬敞，樓底夠高，充滿空間感，坐得舒服自在，店員勤快收碟執拾，食物refill 速度亦夠快。冰鎮海鮮盤源源奉上鱈場蟹腳、麵包蟹、藍青口、小龍蝦及凍蝦等，選擇豐富。香港人吃buffet 最在意就是要吃到回本，於15天前預訂九龍珀麗酒店buffet，成人優惠價每位$268，價錢經濟實惠，回本之餘又可食盡海上鮮，海鮮控必能大飽口福。要數必吃的話當然是麵包蟹，蟹蓋儲滿豐富的蟹膏，甘香軟滑。魚生刺身即叫即切，肉質油潤而軟滑，帶出鮮甜的魚味。還有多款壽司選擇。冬瓜盅夏天正值冬瓜當造季節，渾圓厚肉又多汁，而且在高溫酷熱的天氣下，來一碗消暑湯品清熱祛濕就最合時。湯頭清澈沒甚麼浮油，而且調味比較輕手，味道份外清甜。泰式烏頭配搭辣椒、芫荽及青檸等多種香料，帶出烏頭本身的鮮香。烤肉則有牛肉、豚肉及香腸可選，滿足各食肉獸。雞骨腸以豬肉製成香腸，再連接著一根雞骨，一咬開腸衣就爆出肉汁。日式芝麻雞翼芝麻雞翼外皮炸得夠香口，大隻厚肉，肉質嫩滑。炸物之中，炸薯絲蝦亦是值得推介，以馬鈴薯切絲代替

甚麼叫作超值的自助晚餐? 協奏坊西餐廳的夏日盛宴海鮮自助晚餐, 每位可以低至$268連加一, 這個價位, 還能有甚麼投訴?頭盤: 7.5分, 先吃沙律開始說起, 有六款選擇. 重頭戲是龍蝦芒果沙律, 當然, 龍蝦不算太多, 但就是挺爽彈的, 配上芒果, 藍莓, 以及士多啤梨等等, 是很消暑的頭盤.其他沙律還有胡麻醬雞絲沙律, 意式扒菜沙律, 泰式牛肉沙律, 以及凱撒沙律等等, 我的心水就是凱撒沙律, 羅馬生菜跟巴馬臣芝士的結合, 始終吸引.冷盤還有日式櫻花蝦烏冬, 賣相精緻, 烏冬彈牙, 加上醬油同吃, 小巧而美味. 要吃熱食的, 就有越式網紙春卷, 炸薯絲蝦, 雞骨腸, 炸龍蝦丸, 以及日式芝麻雞翼等等. 當中越式網紙春卷是香口但不太油膩, 日式芝麻雞翼就是小朋友的心頭好.海鮮: 8分, 回本位, 不用多想, 必定是冰鎮海鮮. 是晚的選擇包括鱈場蟹腳, 麵包蟹, 蜆, 藍青口, 以及大蝦等等, 用料新鮮, 而且補給的夠快, 不用搶吃, 是真心有驚喜的部份.刺身/壽司: 7.5分, 另外一個最多客人留意的項目就是刺身跟壽司. 是晚的刺身包括有北海道帶子, 三文魚, 吞拿魚, 以及希靈魚

2019年9月18日 星期三終於黎到一星期既一半，辛苦左幾日，當然要同女朋友食返餐好既，我一早已經訂左呢間酒店嘅自助餐buffet，網上睇落去價錢好似幾經濟，又有長腳蟹食，心諗可以一試無妨由於我哋早左開始時間到，所以客人當時唔算太多，空間感都幾大，仲見到有大枱添我哋今晚食嘅就係呢個夏日盛宴，加埋一每人$300都唔洗一去到食物區就見到好多唔同種類既海鮮，當中長腳蟹條條都好大，拆開有好多海水而且肉質好厚實。麵包蟹就有勁多蟹膏，食到好滿足。至於蝦係咁多海鮮我覺得最好既，蝦肉夠彈牙得黎又易拆殼沙律都有好多個選擇，而且仲可以自選唔同嘅醬汁，我最鍾意嘅胡麻醬啊！！估唔到自助餐都有冬瓜盅食，好有老火湯嘅感覺，裡面都幾足料同場仲有印度薄餅同蝦片可以點青咖哩添！！黎到自助餐當然唔少得有炸物，今次有炸芝麻雞翼同炸龍蝦丸，炸得好香口刺身方面有幾款，分別係三文魚、吞拿魚、帆立貝等等，厚切得黎都幾新鮮甜品方面主要係以芒果做主題，最鍾意係芒果拿破崙，酥皮做得好出色，芒果肉酸酸甜甜，好有清新嘅感覺仲有芒果糯米飯同豆腐花可以食，豆腐花可以配上唔同顏色既芋圓，煙煙銀銀，食得好滿足

本身見啲食評幾好咁 又多like就生日走去同屋企人食下啲野食種類勁少 食左一兩round已經無野好食甜品都算多種類 但冇樣野係特別好食野飲仲衰 得冰水 熱檸茶 咖啡個咖啡仲要啲奶勁稀😪完全可以blacklist

食自助餐我最著重海鮮同甜品，今日嚟到Rosedale Hotel Kowloon。一入門口，一盤盤海鮮冷盤等住你！青口、蜆、麵包蟹、鱈場蟹腳、 小龍蝦、海蝦等款式齊全，當中麵包蟹就最受歡迎，蟹蓋充滿蟹膏，啖啖鮮味香濃無比，完全攻佔味蕾。熱盤方面淨係呢道法式紅酒燴牛尾已經夠滿足我，牛尾入曬味，肉質夠腍滑，拌上紅酒汁更突顯濃郁肉香。最吸引眼球嘅當然係甜品section，除咗基本嘅蛋糕，慕絲，奶凍，西米露，仲連芒果糯米飯都有。 木桶豆腐花更附有雙色芋圓，啱曬我口味。三款鮮果甜度足，實在忍唔住拎完一次又一次。雪糕toppings夠曬繽紛，小朋友就最開心。

如果我告訴你，只需 $268/位（免加一，正價$398/位）便可在一間環境舒適的酒店餐廳內享用到一頓食物質素不俗，食物選擇也不太少的自助晚餐，你會否很有興趣呢？沒騙你，以這價錢的確可以吃到一頓足以讓你捧腹而回，而且應該感到滿意的酒店自助晚餐，地點就在大角咀九龍珀麗酒店內的「協奏坊西餐廳」。雖然可以得到這個「超筍」優惠價錢的大前提是要在星期一至四的晚上光顧，而且要在15天前預訂才可以享受到，但假如一早已決定吃自助餐，那麼就算要在十多日前便預訂又有何妨？更何況這「夏日盛宴」自助晚餐的確是價廉味美呢！比正式開餐時間晚上六時三十分早了點來到餐廳，見未正式開始，就先巡迴一周，看看有甚麼特別吸引的菜式，鎖定目標，準時出擊。法定時間到了，這天我最早拿取的，不是慣常的凍海鮮或刺身，而是夏日消暑的妙品，也是我的夏日最愛之一的「冬瓜盅」。雖然這自助晚餐沒有足料名貴的「老火燉湯」供應，但真材實料，味美清甜的「冬瓜盅」，已足可彌補這方面的少許遺憾，在連盡兩碗之後，讓我心滿意足。饞嘴貓最愛吃魚，這自助餐沒有中式蒸海鮮，但有「泰式蒸烏頭」代替，我這個愛吃魚的饞嘴貓，就來回了兩轉，把不少烏頭魚肉送進嘴巴。「法式紅酒

<夏日盛宴>搜羅多款海鮮及芒果主題的甜品，為我們掀開仲夏之旅。提高15日前訂位，更以優惠價$268享用，是多麼的吸引!鮮味停不了，吧枱上有小龍蝦、麵包蟹、鱈場蟹腳、藍青口和大蝦等，令人食指大動。長蟹腳用較剪剪開，見到一絲絲蟹肉，肉質潔白，鮮甜細嫰。打開麵包蟹蟹蓋，以匙羹品嚐蟹膏，啖啖甘甜。藍青口大顆圓潤，口感爽滑。櫻花蝦烏冬充滿日式風情，倒入淡口醬油，蝦粒脆口，烏冬滑身，令人涼浸浸。喜歡龍蝦芒果沙律，鮮甜雜果混合龍蝦肉，入口彈牙，芒果肉令味道更refresh! 另外還有多款沙律：芝麻醬雞絲沙律、泰式牛肉沙律、凱撒沙律等，展開滋味開端。壽司及刺身種類不算多，但師傅refill速度快，我可以狂吃三文魚、吞拿魚、帶子及喜靈魚刺身。食完冷盤想吃熱葷，有熱辣辣冬瓜盅，充滿海鮮配料，十分鮮甜。蟹肉蒸蛋白入口柔嫩，蟹的鮮甜滲進蛋白中，入口順滑。熱食當中，我最喜歡紅酒燉牛尾，肉質軟腍，香氣撲鼻，香濃肉香在口腔慢慢散發。龍蝦汁蟹肉扁意粉彈牙煙韌，每條掛滿輕柔龍蝦汁，啖啖鮮香。還有日式三文魚炒飯、櫻花蝦炒野菜及泰式烏頭等。青咖哩雞及黃咖哩青口，帶九層塔香味，淡淡香辣，把蒜蓉包、炒蝦片沾上咖

作為一個芒果愛好者，這一餐可以說是滿足了我所有願望。栢麗酒店的「夏日盛宴」以芒果為主題，有這麼合時令的生果，相信每一位客人都會有一款心怡菜式。一如往常，我都會先品嚐甜品。選擇頗多，其中我特別喜歡芒果千層班戟蛋糕，和芒果流心芝士撻。芝士撻有芒果的香甜和芝士的奶酸，十分開胃，而且大小適中，有口感。協奏坊西餐廳 (大角咀)大角咀大角咀道86號九龍珀麗酒店2樓鹹點也有不錯的選擇如：日式櫻花蝦冷麵，喇沙湯米粉伴龍蝦尾和冬瓜盅。冬瓜盅消暑解渴，大廚還加入了夜香花，做法傳統正宗，值得一讚。最後當然不少得光顧海鮮吧！我特別喜愛他們的麵包蟹，每一口都是香濃的蟹黃，鮮味十足。阿拉斯加長腳蟹也是另一個必然之選。蟹肉挺身，有肉感，而且有海水味，絕不能錯過。真的大快朵頤了！其侍他們下一季的菜色。

芋圓真的超級驚喜😍無限供應但比外面賣$30一碗的更好吃😋芋頭、地瓜及紫薯味道都很突出，而且煙韌有口感☺️最近buffet以東南亞為主題，所以每位會有1份龍蝦Laksa🦞然後亦有泰式咖哩、芒果糯米飯、斑蘭蛋糕及一系列芒果甜品🥭食物選擇不算好多，但絕對夠讓人捧腹離開😆而且大部分都很有水準，價錢亦超優☺️☺️🎉優惠：提早5-15天前訂座都有不同程度折扣😉生日4人同行1人免費🆓某銀行信用卡8折！

食物不新鮮， 長腳蟹及炸春捲壞了，食到我嘔， 投訴沒有理會，只是敷衍我， 再三投訴只是拿了果汁作補償！ 今天囡囡生日，我一行十二人慶祝， 真是不愉快，全塲每人送畀我哋每人一個喇沙龍蝦湯麵， 隻龍蝦咸到根本食唔到！！！ 我未試過如此咁難食的自助餐，非常非常後悔！ps. 訂咗蛋糕 ， 諗住酒店的蛋糕非常好食，但又一次非常失望 ，蛋糕雪到D雪味好重，放出枱面，唱完生日歌，切蛋糕加埋唔夠五分鐘食落口裏面已經融化曬，好似溝咗水又難食， 囡囡非常失望😥

難得放假，所以一家人應該去食餐好嘅平時喺出面酒店食自助餐，起碼都$500一位但係之前喺網上面見到位於大角咀嘅九龍珀麗酒店做緊優惠，於15日前預訂星期一至四嘅自助晚餐，優惠價$268一位，價錢已經包括左加一，所以就預早book定咗枱去到有d期待，因為都好耐冇食過自助餐，鍾意食海鮮既我緊係去睇下海鮮區有咩食先，有長腳蟹，麵包蟹，青口，凍蝦，小龍蝦，蜆最回本嘅就梗係長腳蟹同麵包蟹，長食長有，冇哂就會即刻fill👍🏻👍🏻海鮮區之後就當然轉移去日本刺身區，刺身每日有四款供應，三文魚好肥美，帆立貝都好鮮甜，仲有好多款唔同嘅壽司沙律區既選擇都好多，當中不得不提係龍蝦鮮果沙律，食到粒粒龍蝦肉，加埋清甜嘅生果好好食食完冷盤就開始食熟食，朳類有西冷牛朳同豬鞍，燒得好香，味道都唔錯，可以encore熟食區都有10幾款食物可以揀，當中最出色一定係泰式烏頭，味道拍得住平時食泰國菜甜品都好多選擇，回本位當然係任食movenpick 雪糕，隔離仲有自助pancake機，可以整返個雪糕pancake 呀總括$268嘅自助餐來講，簡直就係超高水準，雖然款式一定忙冇出面大酒店咁多，但勝在質素高，價錢經濟實惠， 地方舒服，

我一向食野都鍾意多選擇，間唔中都會想食下放題或者自助餐，而睇左位於九龍珀麗酒店嘅協奏坊評價都唔錯，所以就約埋屋企人一齊去試吓簡單解釋一下標題點解係$268海鮮自助餐，因為餐廳而家做緊優惠，於15日前預約星期一至四嘅自助餐，折實價係$268位，呢個價錢已經包埋加一，平時食放題嘅價錢已經食到酒店自助餐，起初都擔心有D伏去到餐廳環境都唔錯，去到大概18:30左右都差唔多坐滿，而都陸續有人黎到，雖然人多，但唔會出然搶野食同大排長龍先攞到野食既情況每位惠顧既客人都會有一客龍蝦尾喇沙，龍蝦尾好厚肉，個喇沙湯都做得好出色，越食越好味！由冷盤開始睇下有咩食啦，海鮮區有長腳蟹腳，青口，凍蝦，大蜆，竟然仲有麵包蟹呀隻隻都好多羔呀，食一隻都差唔多回本啦刺身都有4款可以揀，分別係三文魚，吞拿魚，帆立貝，希靈魚，仲有多款唔同既壽司選擇，刺身全部都好新鮮好好味沙律區都有驚喜，第一次見到自助餐有羽衣甘藍, 仲有秋葵添當然唔少得既就係凱撒沙律, 仲有龍蝦雜果沙律, 真係有龍蝦肉架咁就開始轉移去熱食區, 有炭燒豬鞍同埋西冷牛朳當然唔少得仲有其他意粉類, 咖喱, 湯等等既熱食餐廳都係供應飲品, 有自助咖啡機, 奶茶, 檸

 夏天就是吃芒果的時令季節，香甜又多汁，原個吃或是用來做甜品，也是相當誘人。 媽媽也是個芒果迷，就趁她生日，跟她來到協奏坊來個自助晚餐。  真心說，這個自助晚餐認真超值，單是吃這裡的海鮮已經回本了﹗ 麵包蟹、雪場蟹腳、青口、小龍蝦、凍蝦、蜆，每款都多汁鮮甜，質素不錯。 每位奉送龍蝦尾喇沙湯麵，若湯底重口味點，會更加惹味。 不能錯過的，有龍蝦什果沙律，龍蝦肉質爽甜，味道濃郁，搭配什果沙律，大人小朋友都愛吃。 雞絲沙律、燒牛肉沙律、凱撒沙律、烤蔬菜等，材料新鮮，尤其愛吃凱撒沙律，蔬菜清新爽脆。 冷烏冬最受小朋友歡迎呢﹗  除了海鮮，這邊的扒類是大受歡迎的，炭燒豬鞍及燒西冷，肉味香濃，炭燒豬鞍入口爽軟，配料還有牛仔腸、法蘭克福腸、甜椒。 一邊等著拿扒類食物，一邊嗅到旁邊勁為誘人的香氣，是泰式青咖喱雞、黃咖喱青口。貼心地，更有蒜蓉多士及蝦片。 中西湯有原個冬瓜盅及周打蜆湯，我們也獨愛潤甜多料的冬瓜盅，美顏之選。 多款熱盤中，最吸睛的一定是皇帝蟹腳蒸蛋白，鮮甜滑溜，又沒有蒸蛋那般飽滯。  熱盤還有泰式香茅烏頭、法式紅酒燴牛面頰等等…… 刺身方面，都是較受歡迎的三文魚、吞拿魚、希靈魚，以及肥美爽甜