娜多歐陸餐廳 (已結業)

今日經過沙田第一城，就係第一城商場既餐廳搵野食醫肚啦。我就去左一間人頭湧湧既歐陸風既餐廳試下，等左一陣就入到去。睇完menu，就叫左佢地既經典蕃茄茸芝士焗豬扒飯套餐 (HKD 56) 跟羅宋湯同一杯餐飲。先黎既係個羅宋湯，係足料既，辣味夠，但係味道係過酸，分量就正常。佢既豬扒飯上碟個陣係熱辣辣架，賣相唔錯，有焗過既芝士同菠蘿。個炒飯底係正常既，不過分量略為少左啲，個蕃茄汁味道就略為過酸，但係個菠蘿味道出奇地清甜，係唔錯既。豬扒就一般，唔太韌或者太稔。餐飲就叫左熱華田，味道就不過不失。

今晚在這家餐廳點了卡邦尼意粉外加周打魚湯。先說那周打魚湯，湯料甚足，每一匙都有薯仔、粟米之類的，就是魚有點少，但味道還過得去。再說那意粉，料和意粉的分量能讓我吃飽，但雖說是芝士特濃，但芝士的味道還是有點淡了。總括而言，這一頓還算不錯。

番茄通粉本應是穩陣的早餐，但是今次上桌的卻很嚇人，湯底很水，番茄粒無乜，完全是茄醬加水。煎雙蛋的油味很重，多士還好。早餐價錢35, 與其他餐廳相若，不過應該以後不會再來。

本身沒有抱太大期望來，只為求一餐經濟又快捷的午餐，這裡即使平日午飯時段也不算很多人，價錢亦不貴，約 $50-$60 套餐價包餐湯主食飲品，西式食物的款式多，但同時也不會對食物質素有太多要求，是實惠的一餐～《香檳芥末籽芝士焗西蘭花德國腸飯》香檳芥末籽的味道不太突出，與平常的忌廉汁差不多，西蘭花頗大舊，腸仔亦無從考究是否真正的德國腸。但整體味道和份量都可以，亦包餐湯和飲品～《蕃茄滑蛋濃湯螺絲粉 · 娜多三重奏》蕃茄湯濃，也落了一些鮮蕃茄，滑蛋也炒得不錯，很滑；娜多三重奏有炸魚、雞翼和鴨胸肉，比較熱氣，每樣只有兩件略少了。

有天，路過沙田活動，去到第一城附近，下層兩間都是那些偽西咖啡店。這兩家西餐咖啡，其他食品看似味道都不太好。羅宋湯，辣味偏濃，也有雜菜在底，還好吧。這間則是港式西餐，價錢相宜，就好像薩利亞一般，亦都有套餐，散叫亦都包括飲料，抵食夾大件點了個經典芝士焗豬扒飯，豬扒不算乾，上面還有幾片菠蘿，使用鮮菠蘿，因此味道比較酸，但是我覺得這樣比較天然，比罐頭菠蘿有感情得多。豬扒三四件，雖然不算肥瘦均勻，但也不會太痴牙，味道還好。焗飯來說，它的汁醬剛剛好，番茄不會太酸，芝士又不太少，也不覺得太油膩，份量正常，這個小鑊，不算太深，對我來說，份量也剛好。凍檸樂，使用的是百事可樂，其實如果久久不喝可口可樂的話，間中飲飲百事可樂也不會覺好大分別🤔。

大家要小心呢間餐廳嘅食品衛生!!我在上幾個星期去食早餐時叫了1份三文治+麥皮;其後帶走件 三文治 回家在下午先食，但發現內裡D午餐內發黑，發霉。之後返回餐廳同經理阿Ming 理論，佢嘅態度非常惡劣。我發誓以後不再幫趁。

又過左沙田第一城覓食, 同事話想食意粉類, 有幾次行過見到呢間餐廳好多人等位, 今日竟然唔駛等, 岩晒, 一於試下^^LUNCH 都幾多人, 坐滿晒, 咁岩有位真係開心^^餐廳環境幾舒服而且乾淨, 大部份都係卡位, 而且野食種類都算多, 有意粉, Pizza, 焗飯等等。 Lunch 仲唔駛加一, 食物價格合理。叫左個番茄湯螺絲粉 (轉意粉) 配雞扒, 個番茄湯幾足料, 有好多番茄粒, 啖啖番茄味, 好正, 不得不提就係個蛋, 炒得好滑好香好有蛋味, 而塊雞扒就乾左D, 不過味道都OK的.

今時今日，出街食一個好少少既普通lunch，都要一百幾十。今晚得自己和個仔食，開爐都覺得徙煤氣，結果出去附近隨便食。焗豬飯，其實幾好味，豬扒夠軟身，同埋勁多蕃茄，但如果焗耐少少，會好D，因為頂層D芝士只係溶，未有烤的味道。另一個蕃茄湯螺絲粉配雞扒，可能我好鍾意蕃茄，個蕃茄湯都足料，一路食都一路有蕃茄粒。至於塊雞扒就麻麻，食到雪味，同埋個汁，好彩係另上，因為個人覺得個汁，杰橽撻好核突，所以冇用個。二人晚餐$120，其實真係唔會有太多要求。

🍕挪威煙三文魚薄餅🍕個邊好脆 個底少少硬 ok個汁好好食 酸酸地 三文魚好香 幾大舊好食既😘--🍝法式龍蝦芝士汁焗海鮮烏冬🍝個汁好濃郁 好creamy 夠多完全包裹住啲烏冬 好味呀😝--🥔美式肉醬芝士焗薯皮🥔同我想像既唔同 佢唔係薯皮 係薯仔不過夠熱 夠脆 配埋芝士同肉醬 實好食啦😋--🐷美式燒豬肋骨🐷呢個係我額外加既 $15唔點汁已經好好食 夠酸 就充滿黑醋既味道 必加😝--曾幾何時 我食過呢到既早餐冇諗到晚餐又幾好食 會再黎😘唯一缺點係檸茶竟然好難飲😷--價錢:$168

原本我很喜歡在這裡吃早晨，可惜今早發生的事讓我很氣憤！今早我如常在第一城的分店點了麥皮餐，我知道這裡的麥皮沒有味道，用熱水沖開的一樣。以往店員會給我少許練奶加入其中，味道更佳。因為我少食不健康的沙糖，所以很感激店員的服務。不過今早著一位戴眼鏡的年輕店員給我少許練奶以調味時，她態度欠佳說：「本餐廳沒有練奶！」她再說沒有也不給我。下！一間餐廳沒有練奶？而且我之前享用過，那會突然說這間餐廳是沒有練奶供應的？於是我著另一位較年長的短髮店員拿少許練奶調味，她二話不說，態度良好走到廚房拿給我！可惜！她在廚房不知和其他店員發生甚麼事，數分鐘後竟和我說那少少的練奶要收錢。Ok! 我給你！於是店員拿了我的單打了「外賣」二字，然後收我$2，給了我練奶。其實$2不是問題，而是首先有人講大話，態度欠佳。第二是吃有味的麥皮像有問題一般，我到過無數快餐店，麥皮是甜的、咸的，再拿練奶也沒關係！畢竟那一匙的練奶值多少錢？顧客難道付錢吃東西需要受氣嗎？請你們留意一下店員的處事方法和態度吧！（其實我不介意餐牌標明：加練奶、加糖⋯⋯等收$2、$5或$10，但店員就不可突然巧立名目，收取客人錢。）

是晚來到這間商場醫肚,無什頭緒要食什麼,看見這間餐廳有很多坐位,就儘管試試。西班牙焗飯 + 芝士焗薯 + 鷄翼 + 蛋薯蓉很豐富的格局,西班牙焗飯很入味,是這餐的亮點,事前都估不到呢。炸鷄翼都新鮮脆口,焗薯都不錯。薄餅味道就不過不失,如果不喜歡厚薄餅的朋友定會覺得邊邊太厚粉, 我一邊食一邊想如果好像pizza hut有芝士邊加就太好了,哈哈。整體來說,食物味道不錯,最喜歡它的環境,當晚不算多顧客,很安靜舒服。如下次經過這商場,會選擇再惠顧。

這間餐廳環境舒適，食物質素和味道都很有水準，是我喜愛的食肆之一，但因為搬家距離遠了，已經沒來光顧好一段日子了。星期六有空，就專程回來尋味，小別一段時間，發覺餐牌轉了，可能第一城小家庭佔多，所以增加了2人套餐。今天就試二人餐，南瓜忌廉餐湯南瓜味不足，可幸忌廉滑溜，勉強過關。魚栁炸得香脆，伴有雜菜沙律，不會令人覺得油膩，煙三文魚薄餅有菠蘿和芥末籽，加上適量芝士，烘焙得剛剛好。菠菜忌廉汁煙三文魚意粉有少少過熟，如可略加菠菜和三文魚就更完美了。這二人餐只可選餐湯或飲品，有點兒奇怪，但因為做特價，只收$138，而且午市不設加一，這小缺點就不足掛齒了。

二人餐$158(加一服務費後)餐凍飲+$3可選兩款主食，一款小食，可配飲品或餐湯蜜糖煙燻鴨胸肉質鲜嫩(無蘇味)芝士達人薄餅芝士味濃(有3款芝士一齊焗)包括~車打芝士，馬蘇拉芝士，巴馬臣芝士配上菠蘿和車厘茄，平衡番(膩)的口感好香的薄餅配菜主要得車厘茄和菠蘿(配上芝士，味道特出)菠菜忌廉汁煙三文魚意粉醬汁濃(但菠菜比例很小)煙三文魚新鮮，意粉口感彈牙餐飲(凍+3杯)抵食的晚餐

幾年前以前常常和我媽來La Dolce 食lunch，價廉物美，服務生友善，好像家庭式經驗的感覺。半年前La Dolce 加價，有些食物進步了，但整體服務質素一直下降。落錯單之後不會道歉，一聲不好意思也沒有，上菜時一聲不哼地把碟扔在枱邊，有些服務員大聲喧鬧只顧談話，只得一兩位服務員態度良好。😔改善空間很大

真係O曬咀真心勸大家 5好再光顧依間餐廳食嘢...我叫左2個早餐 2個早餐主食都係麥皮甘正常麥皮 應該會落左煉奶 點知 原來要煉奶 要再加錢 加2蚊先有第一個反應: 下... 5係啊 甘都要加錢(P.S: Menu 牌 冇寫到 要另外收費 所以真係好5掂)加錢都算~ 黎左杯 熱奶茶 竟然有一件物體 飄浮 (紅色) ** 最衰冇影相 就俾左個職員拎走左(如果d人 冇細心睇 甘就飲左落肚Lu) 甘真係恭喜曬你😂😂😂服務態度: 超級差食物: 超難食