嶼坊

營業中

休息中

品種太少，蟹腳又瘦又鹹，擺了幾隻係到好似剩飯剩菜一樣，沒什麼好吃的，最好笑的是飲野要俾錢。場面冷清，加埋都冇10張臺，好失敗的自助餐，浪費了地方和環境，不值得去。

排場夠晒勁, 放左勁多海鮮出黎, 有龍蝦, 鮑魚, 海蝦, 善貝, 魚之類, 但竟然仲有唔少其他無人會食既野都放埋出黎, 丸呀, 菜呀, 魚蛋, 魚片之類… 家陣打邊爐咩…不過, 原來放出黎既海鮮只係"裝飾"黎, 你地食既, 都由廚房拿出黎… 都係既, 個場可以坐幾百人, 得枱面嗰啲, 點會夠分呢又…

嗰日同朋友去咗食午餐buffet，入到去行咗一個圈，其實都冇乜嘢揀，不過價錢就幾抵，每人三百幾，同埋嘢飲都冇得任飲，如果想飲其他嘢嘅話就要加錢加$38。首先凍盤嘅話有東風螺有蜆、蝦同蟹腳。本身對蟹敏感，所以冇食，試咗蝦都幾彈牙。其他質素就普普通通。沙律菜好新鮮，配料雖然唔多煙三文魚同埋火腿都好食，仲有芝士同埋一啲餅。去到熱食，有點心、燒味粉面印度咖喱有啲其他熱嘅菜式。熱嘅西式菜式，我覺得唔係太好食，而且攞完之後要等一陣先會再refill，可能又因為嗰日唔太多人。點心俾人攞晒冇食到。自己反而會推介佢幫你切嘅牛小排、中式嘅咕嚕肉好香脆熱辣辣、焗田螺、仲有係中式嘅蒸魚。最後係甜品都有唔同嘅選擇，我自己就鍾意食涼粉、朱古力蛋糕🍰總括係咁遠特登就應該唔會去，但係如果去開東涌買嘢嘅話就可以去食下。

細佬考到兩隻大牌車牌，老媽子要請食飯， 細佬想試2020年末才開業的東涌喜來登嘅餐廳嶼坊，反正未試過，也好！地鐵站有shuttle 去酒店，好似半小時一班，我哋搭到11:30嗰班，11:40 去到，上去登記，派咗張籌，叫我哋落去下邊lobby等等，原來呢度叫東涌世茂喜來登，隔離仲有間東涌Four points 中文叫做福朋喜來登，個名咁搞笑嘅，仲以為返咗大陸！下次都係去返尖沙咀。樓下有商場，有subway? 都唔敢行太遠，一陣便上返去，安排坐咗入邊，個位都幾開陽，景觀樓底幾濶，望到映灣園，個場都幾大，座位之間有足夠空間，唔會太逼夾，呢個我鍾意。第一轉捧咗大碟長腳蟹、兩隻生蠔，仲有沙律前菜，長腳蟹好咸，真係第一次食buffet食長腳蟹第一轉已經咁咸，通常係食第二轉先俾啲次貨，先會係鹹嘅，好少第一轉已經咁差，真係有啲失望，好彩啲肉都新鮮，唔係霉嘅，拆到1:00 先食完，拆蟹拆咗成個鐘！生蠔係即開，食得放心，食咗半打！有粉麵，但冇食，阿媽最後都食咗碗米粉，話啲米粉好食，但啲冬菇就淥得唔夠熟，有啲草青味！老公都攞咗啲燉湯俾媽子，係蟲草花，媽子飲兩碗，我都飲咗碗，飲吓湯都幾好！生果屋企人食西瓜、

今日喺度 staycation ，包早餐喺1樓餐廳 ，餐廳非常闊落， 燈光柔和， 座位舒適， 牆上的有魚嘅裝飾 ，好有個性， 不過窗外嘅景色就差啲， 大片爛地， 應該係起緊樓， 遲啲連個爛地view都冇埋。 呢度嘅早餐收＄258加一， 價錢唔平 ，但係就非常豐富， 好多嘢食， 最開心係見到有好多新鮮生果蔬菜， 食完蔬果跟住就係庵列， 朝早都有燒火腿， 煙三文魚， 各式麵包都好正， 切咗一大塊果仁麥包， 烘到脆卜卜， 搽啲牛油， 又香又脆又健康 。跟住就食粉麵 ，十幾樣餸菜任揀， 粉麵都有好幾款 ，我哋就鍾意幼麵同埋河粉， 可以揀牛腩或者魚蛋做餸， 咖啡奶茶任飲， 生果都好多， 有布冧，香蕉， 香梨 ，蜜瓜， 西瓜，菠蘿 ，藍莓 ，應有盡有 。服務都好好， 侍應成日留意住你，食完嘢換碟收碟，要唔要加咖啡奶茶， 五星級嘅服務， 大品牌嘅酒店都係唔同啲。 早餐可以六點半食到十點半， 食完仲可以喺附近行過靚圈， 真係享受。

朋友推介東涌喜來登酒店buffet，抱住一試心態，去到酒店環境舒服，建議預訂窗邊位置，開陽光猛，食物分區清楚、正常講得出的食物都有、種類豐富，沙律Bar ( 水耕菜）、刺身壽司Bar、德國火腿加芝士、海鮮( 有長腳蟹、藍青口、蜆肉、蝦及螺肉 ）、各式各樣西式熱盤（包括牛扒、迷你漢堡）、中式點心、港式燒味、車仔粉麵區 …… 走了 4-5轉無重複過食物，還有生果、精緻甜品、格仔Pancake 、Hagen Daz 雪糕 ……只可惜不包飲品，中西湯都好飲。Buffet 折扣後，加埋一，$286 /位，這個價錢，食物質素和種類十分抵食

我2021年開幕冇耐嘅時候食過一次有我最鍾意既免治雞肉串 麵包蟹 甜品千層酥Wovenpick雪糕 重包一杯嘢飲兩年後再去 我係衝着免治雞肉串而泥 冇得食已經好失望 連麵包蟹同千層酥都冇 Wovenpick雪糕變左Haagen dazs 生蠔瘦又細隻 連我男朋友咁like食蠔都係食左4隻話唔想再食 因為唔好食剌生得三款 三文魚 吞拿魚 重有一款吾知咩魚 見到個阿姐劏三文魚好似斬叉燒咁 壽司得d最cheap既蛋 蝦同加洲卷….其他熱食都係真係好一般 冇野想encore食 要去食碗魚蛋河 河粉一夾即爛 重有dinner buffet係一杯drink都唔包 食咗咁多次buffet都未試過cheap到呢 +38先有任飲juice 成晚飲凍水🫠都有幾個位可以讚下環境算寬躺 唔會坐得迫 算舒服甜品款式算多 焗龍蝦可以encore 最後盛恵700蚊 一定唔會推介比人同冇下次尼個價錢我比貴少少食grand hyatt 或者JW好過

📍 嶼坊 (東涌)東涌怡東路9號香港東涌世茂喜來登酒店1樓🌕🌕🌕🌕🌑食物 （午市自助餐)呢間自助餐質素都唔錯😗 環境都幾乾淨企理 呢間都可以用喺dining credit度 所以補咗幾百蚊就食到啦😆唯一美中不足係唔包嘢飲 剩係得水🤥圖一 呢張相嘅凍海鮮都唔錯🤓長腳蟹腳算粗身，有肉😗蝦🦐都尚算新鮮🤪而且見佢refill嘅速度都可以圖二熱食都還算可以😂都算有齊中，西式圖三呢塊牛扒🥩都幾好食 😋 重牛味得黎又唔算多根😂不過我鍾意食佢個mini burger 🍔 多啲🤣個漢堡扒好juicy 仲可以自己配生菜同蕃茄🤣🤣圖五呢個中湯唔錯👍🏻算幾有味 唔會話好淡 同埋啲湯渣都唔會話散晒☺️不過好多人飲去到最後想飲多碗都清底啦😞圖七呢度啲甜品選擇都幾多😍其中個人最鍾意食就係泡芙同蛋白檸檬撻🥰其中一個隱藏食法就係用佢新鮮熱辣整出嚟嘅薄餅夾住Häagen-Dazs嘅雪糕食再加多少少薄脆同杏仁片超正🥰😋

📍嶼坊 (東涌)東涌怡東路9號香港東涌世茂喜來登酒店1樓一直都想試下呢間buffee，今日終於黎到了🤩未到12點我已經到左，因為仲係準備階段，所以接待員都有禮貌咁叫我要等一等，眼見都唔多人等位的，到12點就話可以入去了✌🏻入到去個場都好大，都幾多位，但由于出面有地盤同新屋苑落成，所以個view唔算好靚，但有部分都見到小小海景👏👏食物方面都有好多種類，海鮮有齊凍蝦🍤長腳蟹螺蜆等等呢d基本野，另外壽司🍣牛扒🥩沙律吧🥗粉面、蒸點、甜品🍰雪糕都應有盡有⋯⋯👏👏🔹熱食方面推介咖喱薄餅同漢堡包🍔🍛 漢堡包既牛都係即場煎制，所以都好搶手，同埋佢細細舊唔會食到你飽左😂唯一缺點就係唔包飲品，連餐後嘅一杯飲品都無😅😅 不過其實都可以選擇$38任飲橙汁，蘋果汁咖啡等既飲品….

第一次入到去門口很大，入到去環境很舒服，附近旁邊不會很擠迫。最重要係食物很新鮮，款式又多。龍蝦仲要係熱辣辣，很好味。服務員很專業，招呼亦很好。我原本行埋去想搵下仲有冇龍蝦，村先就即刻問我係咪要，佢話可以翻熱之後攞去枱俾我，佢攞埋尼之後成台人一齊起哄話又要，佢即刻問要有幾多位需要真係招呼很好啊！

長腳蟹唔錯，生蠔好瘦，點心好難食，甜品個lemon tart唔錯，不過唔包飲品有啲小家，家中長者唔知橙汁要額外收$48，攞左兩杯總括：食物中規中舉啦，不過我覺得tst 果間喜來登好食d

因為東涌 Sheraton 有個零房價 staycation，$980 包 $980 餐飲，一個人玩啱啱好。入住當晚就去呢間 Cafe Lantau 食自助餐。因為係星期三閒日，餐廳坐唔滿一半，仲好，人少少唔使迫。整體有得有失，佢嘅賣點相信係燒龍蝦同生蠔任食，但其他嘢例如刺身、carving等嘅選擇較少。最意外係到check out 埋單先知原來呢餐要七百幾蚊，間酒店冇雷公咁遠又唔係特別標青，都要咁貴㗎咩？我形住六百零蚊搞得掂，明顯同期望有個落差。但唔該班炒散伙記專業啲，唔好真係以為傻吓傻吓咁hea足一晚等收工出糧就叫做盡咗責。我食甜品時搵唔到甜品叉，我問個伙記攞隔籬張吉枱隻叉得唔得，佢又懶醒話攞俾我，點知佢唔熟架步搵咗一大輪先拎隻匙羹返嚟，我話我要叉唔係要匙羹喎，佢竟然叫我用番隻污糟叉！？？？早知唔問佢直接攞隔籬枱冇咁嬲。呢啲酒店同餐廳試過就算，如無意外應該唔會再返頭。

最欣賞焗龍蝦，從沒有失望。生蠔中規中矩，先前大隻啲，今次四國生🦪蠔，美國比較好，其他比較細和薄。甜品也多選擇，整體也不錯，職員服務也非常好，我已到訪三次，值得推介😊

本來無期望，朋友訂，生日飯隨便食就算，點知有燒蒜蓉龍蝦🦞，超正😋😋而且即燒熱辣辣，不會燒完好多放係度，因應情況出貨，白肉好飽，食咗一隻即是兩邊已經夠，驚頂住試唔到其他其次🦪都唔錯，沙律多款式，適合素食人士，熟食就一般，另外還有點心類，太飽無試到⋯⋯鮑魚每人一份，好入味，🥦係驚喜，應該係用高湯淥，咬落充滿濃味，完全闢除了西蘭花🥦的青味敗筆+缺點☹️☹️：唔包餐茶，一杯都無☹️☹️☹️，從來未見過buffet唔包餐茶，幾百蚊一個人連一杯飲品都無，酒店是否要檢討⋯ 只可以散叫，或加錢任飲兩種飲料，好似係蘋果汁 🍊汁之類，當然唔係鮮榨，現場見無乜人飲

我經常都食自助餐，但東涌嘅酒店就第一次試，見到呢間酒店有聖誕自助午餐，於是上網買飛去食。餐廳環境好大，食物種類夠多，節日氣氛濃厚，但美中不足係飲品選擇太少，只有咖啡同薑茶，而橙汁同蘋果汁任飲就$48。個人認為最少都應該有茶、檸檬提供，或者每位一杯餐飲等等嘅安排。而且，我都係為咗火雞同威靈頓牛柳而嚟，可惜當日中午自助餐無火雞，有燒火腿，威靈頓牛柳都只係斷斷續續咁供應，大部分時間都係供應燒牛肉。甜品方面，曲奇餅同聖誕麵包幾好味，有聖誕風味。如果能提供樹頭蛋糕或其他聖誕應節甜品會更好。