川琦台日料理 (已結業)

多日無出食評主因要在家煮飯，所以。。。今日出來走走，同母親大人出街食一食。11點幾，午市都算多人，不過未爆，有位唔駛等。小弟飲檸水少冰，飲品大杯，雖然有四塊檸檬，不過又細塊又有兩塊是頭頭尾尾，攪到無檸咪。炒飯十分濕，雖然味道可以，份量足，所以一般。湯底唔係平時飲開的豬骨湯底，唔知用邊隻牌子，感覺一般，叉燒較老，但還可以入口，其他無食，唔清楚。價錢一般，唔太貴，始終包一杯$16的飲品，不過味道一般，而且等餐時間比較耐，坐位舒適，服務員態度幾好，耐唔耐落樓下食還可。

今日過來新屯中食午餐，其實久久才過來一次，今次見到這間都幾爆客就入內試下。一睇就知不是平時見慣的滑蛋雞扒，因為滑蛋起雞扒下面，點解?因為雞扒是燒雞有點脆皮，廚師唔想整淋雞皮所以先放滑蛋，後放雞。的確感覺是蛋同雞分開了，不過味道唔差，只是蛋比較少。黑椒炒烏冬比較一般，唔油，不過牛柳粒似牛肉片，而且偏少，黑椒味去晒落個菇到?一樣一般，香芋唔夠芋味，而且珍珠比較硬。兩個人，約五十蚊，價錢一般，味道一般，人多要等位，不過上菜快，簡單一餐。

訓醒無無聊聊又唔想煮野食，懶得就懶去左屋企附近一間餐廳食飯。本身都唔期待啲乜野，但估唔到又比我食到個自己覺得okay既泡菜雞絲涼麵。講起雞絲涼麵，我諗大家都只會諗起食雞絲粉皮既效果或者落好多芝麻醬落去撈黎食。但估唔到佢仲加埋泡菜，又有意想不到既夾。佢既泡菜唔係好辣易入口，少少辣得黎又易入口，配埋濃味既芝麻醬即刻成碗涼麵清新左

周日與家人吃下午茶餐， 本來也想到大家樂等的連鎖快餐店吃下午茶，但之前也沒有到過川崎進餐， 所以也想試試看。下午茶有十分多的選擇環境十分舒適我們點了一個黑醋煙鴨胸炒烏冬和一個煙三文魚蛋沙律脆包。 當中包括了兩杯16元飲品黑醋煙鴨胸烏冬有水準，烏冬本身没味道，現在配上濃味的黑醋，加上爽口的鴨胸，整體味道很好。煙三文魚蛋沙律脆包味道較清淡， 如果加上茄汁一起吃的話會比較好。薯角新鮮炸起，上菜時還是熱騰騰的。 但 嫌炸得有點乾和太鹹。我們點了兩杯飲品-熱珍珠奶茶和綠茶。 兩個餐總共花了七十四元， 性價比可以接受。

我地住附近其實晚晚同老公都要去街食今日晚飯時間都唔例外🥢🥢🥢🥢我地去新屯門中心兜個圈想諗諗有咩可食係入到商場期間見到個指示牌就入左去食1.入到去地方寬闊唔會太逼/有靠場既卡位但卡位冷氣較大。於是店員就指示我去另一個無噤凍既位置2.望下餐牌價錢係一般小店價錢無話超平但都唔貴合理的3.食物質素就一般小店唔正中既日台食物。唔難食。但亦唔會有回味感果種。起碼今次我同老公都無劣既感覺。因為新屯/龍門居/富健附近選擇不多。附近難食既餐廳都大有店在。如果街坊想解決三餐起碼都多個選擇

喺新屯門商場發現有間台日料理，可能位置比較偏僻嘅關係，原來已經開咗一段時間，店內地方寬敞，同朋友二人都坐得好舒服，係一個好適合食飯傾計嘅地方，店內有炒飯 炒麵、拉麵、日式定食等等…仲有多款台式飲品，我叫咗個照燒鯖魚定食，有一碗飯一碗麵豉湯，前菜係螺肉同中華沙律，價錢都係58蚊，好抵食，前菜嘅食物都算新鮮，但麵豉湯味道太鹹，如果淡少少比較適合我，至於條照燒鯖魚，應該係叫照燒汁鯖魚，因為食落口感唔似燒，似用照燒汁焗出嚟， 味道雖然一般，但係用嚟送飯都幾開胃。

星期日周圍都多人,想搵個無咁多人嘅地方行下,去左新屯中,行行下經過川琦,見假日都有下午茶餐,而且價錢都算平,咁就入去試下。-黑醋煙鴨胸炒烏冬,黑醋好少,味道唔夠,鴨胸味道剛好。-迷你鰻魚飯真係好迷你,份量少而且鰻魚有骨,失望。-八爪魚丸幾好味,味道夠,木魚多。-台式炸豆腐唔會太油,不過醬汁比較鹹,不過不失。-珍珠奶茶珍珠軟硬適中,但奶茶太多奶,味道可以接受。-總括黎講,主食普普通通,反而小食有驚喜。

今晚3口子經過新屯中見到哩間新野 望下價錢又幾合理喎😁一於試下豬扒外脆內軟 好新鮮 唔係炸定👍不過拉麵湯底比較淡😩至愛的雞軟骨棒 😋味道唔算驚喜 勝在夠新鮮 熱辣辣 不過哩個價錢食到哩種質素 都ok la😉 另外晚市飲品有半價優惠 ---> 朱古力雪香 👍👍 正呀!

我地5大4細（3個幼童1個嬰兒）係周五下午去食下午茶，我地大約食左差不多一小時，人唔多一直有空位，期間嬰兒只有扭計大喊一陣，大人平常傾計，幼童玩玩具並沒有尖叫。坐到後段時間，餐廳音樂突然開得好大聲，其實我地差不多走就埋單，並唔係因為音樂聲而走，但我地埋單走出餐廳，轉頭一看見到有人立即走去將音樂收細！如果覺得我地一班人好嘈或者坐得耐可以同我地講，唔需要搞小動作！仲要係對幾個兩歲到的幼童加嬰兒！

第一次來，我一向很少寫食評。今次叫了煎雞排定食，嘩!件排真系生煎，乜都冇， 淡味道好似冇落鹽， 雞扒冇腌過，淡到食到雪味。另一份滑蛋吉列豬排飯，仲堅，豬排冇腌過(淡到冇味)，D粉厚過肉身， 啲肉仲有啲(梅梅地)。加多個台式炸豆腐，又系乜味都冇，好彩即炸， 但個汁咸道離晒譜。整體而言，所有食物都係冇味的， 全部都係靠個汁，但個汁就只有鹹味， 如杲咁樣都可以做食物館，以後就冇需要有㕑師。

尋晚見餓、就和一家大細一起落街食飯。一進門口就看到3條由大聲放肆地傾計、心想係無客到這程度嗎？之後進入餐廳兩步、才看見有位四眼仔招呼下我地、問我們几位。之後order都沒什麼問題、食物方面都不錯。但是！！！另一個金頭髮男仔一直和位女同事大肆吹水、還要夾雜粗口！！我仔仔女女只有3歲和4歲、仔仔女女離開還問我句粗口什麼意思！我真是好嬲怎可能在餐廳打工一直講粗口 、小朋友學習好快、不會分是非對錯全家以後不會幫襯井琦了

幽靜的環境，坐得舒服。柚子青瓜(絲)涼麵好味又份量足，蜜柚綠茶原來是韓國柚子蜜但用台式綠茶冲法味道很好有驚喜; 泡菜豚肉烏冬肉和烏冬分上，豚肉份量足，味道亦很好; 香芋珍珠(熱)不太甜很好喝。

今日經過，見到開左間日台料理，諗住試新野，入到去都唔係full哂，落左兩杯同兩個飯,等左20分鐘，乜都冇黎過，叫左野飲唔黎，野食又唔黎，連水都唔畀一杯，問佢仲有幾耐，轉頭同我講太忙成張單漏左，叫我地再order過，咁即係成張單唔見左並唔係漏左淨係講左句唔好意思，sorry都冇，完全係冇誠意地講唔好意思，即刻走😡好離譜，走嗰時個waiter仲要笑住講多謝光臨如果唔問佢，唔知等到幾時先知冇左張單以後都唔會幫襯

某日返左屯門還鎖匙比舊業主，約左8點，我同老公無所事事就落樓下食野，話時話間餐廳開左一排我地都無乜去幫襯過，所以今晚係first and the last！老公叫左我地好少叫既滑蛋鰻魚飯，因為好多時都好貴，呢度$68，滑蛋稱職，好多而且真係好滑，蛋有部分係全熟，部份是半熟，好似蛋漿咁，鰻魚係整條上既鰻魚，蒲燒汁不錯，魚骨亦不多，加埋蛋一齊味道幾好，洋蔥夠晒林，三樣料加埋都幾好，但有一樣野麻麻地，就係個飯，飯係珍珠米，味道唔係咁好，好一般，唔知係咪多水得濟，好黏，搞到d飯好似一舊舊咁，尚算OK only。

繼上次發現這間又平又好食的餐廳後，也和家人來過數次下午茶，不過水準時好時壞，所以好吃與否也要看彩數了. 再次到來，就試試這店的炒飯以及飛碟~ 蒜香煙鴨胸雞粒炒飯 ($36) 雖然是下午茶餐的炒飯，但份量也有2碗之多，吃罷相當飽肚. 炒飯炒得夠乾身且粒粒分明，油份亦不多，配上煙鴨胸、雞粒、雞蛋& 雜豆，色彩繽紛，味道亦清淡，幾合我胃口. 粟米火腿飛碟伴薯角 ($28) 粟米火腿飛碟都吃過好幾次，除了第一次吃過夠香脆外，之後2、3次都烘得不夠火喉，更連火腿未有包好於飛碟內，是弄得有點求其. 唯一可取是伴碟薯角每次也是即炸的，夠熱夠脆，好吃! 珍珠奶茶 少甜的珍珠奶茶是每次來到都必點的，不過當中有一次珍珠過稔，完全沒有嚼勁，失望呀!! P.S. 於對上一次幫襯時，向店員妹妹反映過飛碟未有烘脆的問題，她也即時向廚師反映，說某些食客覺得飛碟烘得過火反而乾硬，提議我們下次可於下單時要求烘脆一點. 也好，至少知道餐廳會接納顧客的意見. 屯門龍門路55-65號新屯門商場2樓34-39號舖 2321 6638