平成二十二日本料理 (已結業)

今日同好朋友收工想食好野，我地大家都鐘意日本野，所以想搵間放題食。係尖沙咀好多間都試過，記起有fd介紹果平成好似不錯，就過去腸睇有無位。可能我地都收得比較晏，去到已經9點，等左一陣已經有位。一黎已經急不及待要叫刺身，好厚身下，而且都算新鮮，不過仲有少少雪味。仲有個龍蝦刺身都好正。油甘魚必點！次次食放題都會叫既小食，枝豆。有時唔想食太多肉，呢到有個麵醬涼瓜炒蛋，幾特別味道又清新。花之戀唔算好大舊，幾好。當然要試埋呢到既烏冬啦，嗯，普通，不算好有口感的烏冬麵條。仲有好多燒物選擇。wah甜品仲有大支野，nice choice！！

自問屬饞嘴一族，向來出名愛吃，尤其是用一個價錢就可以任飲任食的自助餐和日式放題，貪其選擇夠多，能符合不同人的口味。繼早前去長沙灣吃了一頓價錢非常經濟的和食放題後，這晚又再次出動，而目標就是這間位於山林道，人氣旺盛兼且網評不俗的《平成二十二日本料理》。原來店子做緊七週年酬賓大優惠，2 人同行，奉送原板海膽一客。至於價錢方面，成人每位由 $268 起，視乎不同時段而定，而小童就全部時段一律 $138，如果於 8:30pm 時段俾多 $60，更會加送清酒任飲，適合酒鬼。入座後，先拿起桌上的點菜紙仔，細心研究，項目不多，共有 8 張，包括小食、刺身、壽司、卷物、揚物、燒物、和食、飯/麵。另外汽水、生啤、小甜點及雪糕等，就全部任飲任食，客人可以自己到雪櫃或凍櫃自取。先由刺身開始，選了特大甘海老、日本油甘魚、北海道帶子、三文魚、八爪魚、吞拿魚、活象拔蚌和北寄貝，另外餐廳更加送咗一客原板海膽及紫菜。刺身大部份水準都唔錯，相當新鮮，入口無腥味，尤其喜愛三文魚同吞拿魚，前者色澤亮麗、肉質細嫩柔軟；而後者就艷麗嫣紅、肥美甘香。筆者雖然唔算係海膽粉絲，不過這客原板海膽，質素都唔錯，雖則味道略淡，但口感都幾

食左一餐放題係好有驚喜既，性價比高，想介紹比大家先望一望價錢，三百蚊內可以埋單，都算ok食放題通常一黎就係食刺身，因為基本上刺身係可以反映到餐廳的食物質素。呢度既刺身種類有好多，仲可以嗌埋海膽，蝦夠大隻，刺身整體都幾新鮮，唔錯壽司一樣唔錯，而且好欣賞佢個size，剛剛好，唔會食飯食到飽，仲可以留肚繼續食其他野。特別中意食火炙三文魚，燒過後好香，好想encore!其他小食都唔錯，我最中意食薯仔沙律，因為好少餐廳有得食最後食甜品，竟然係紅豆雪條！係回憶啊！

【服務】 靚女，有位喇，跟我黎啦! 靚女，飲品自己去雪櫃攞啦! 靚女，仲有甜品個喎! 食埋先啦!成晚俾人叫左好多次靚女，啲店員真係有禮貌。久違嘅兩個字一入坐，枱上面已經擺咗一個大碗，原來係俾我擺垃圾嘅。咁都好，唔駛將啲垃圾放喺餐墊上面，整齊啲！不得不讚，成餐飯每個店員都有求即應！雖然佢哋好忙，但係每次擺低啲嘢食時都會即刻收走啲舊碟。客人有咩要求，佢地都會即時安排同回應。做野好爽手!!!【刺身】每兩位就送一板海膽，雖然唔係大粒，但係粒粒飽滿分明，而且顏色橙黃有光澤，唔係暗沉，都幾新鮮。八周年限定嘅象拔蚌刺身，梗係要試吓。出手毫不吝嗇，點幾多有幾多，真係任點任食，好鮮甜。北海道帶子，確係好大粒，好爽彈吞拿魚同日本油甘魚，睇顏色都知新鮮。特大甘海老，比我手掌更大，膠質豐富，必點之選!【壽司】食左少少壽司咋，太飽肚。個人推介霜降牛肉壽司，顏色鮮艷，油脂豐富，未食都已經知係高質素。  如果將佢火炙，牛油咇晒出嚟，相信會更香濃美味【熱食】呢度啲熱食，我係超級滿意，因為佢真係熱辣辣，溫度必需配合味道。我覺得所有熱食一凍左就好難食，而呢度應該係即整，唔係一早整定!榴槤炸彈，外層的極脆，一放入去啲漿就湧

之前都食過係山林道既平成二十二之前都覺得幾正！咁耐無食品質沒有減退反而更進一步不得不提有位男店員服務一流眼見佢令成間店既運作變得非常暢順~態度又好不得不讚除了雪櫃內既 罐裝飲品之外，而家仲多了冷熱sake提供，最重要既係有埋生啤供應自己鐘意飲幾多就幾多唔使就住就住生啤既質數仲好唔錯添夠哂冰凍~又可以自己整個prefect既angle ring而家仲有象拔蚌刺身~入口爽嫩又鮮味每2位已經有海膽供應質數仲係非常ok添wo鮮味綿綿仲有signature既特大甘海老坊間真係少之有少！！每隻都彈性十足！又鮮甜又滑無可否應係最強既甘海老仲有好多熟食都非常唔錯燒菠蘿真係夠哂多汁帶點微酸夠哂開胃~炸軟殼蟹個粉漿稍為厚了點點！但質數都非常好味蒜片牛柳粒入口肉汁豐厚，上面既京葱畫龍點睛既感覺！夠惹味仲有個炸榴槤都非常出色~夠哂濃味帶點甜

book左6:30 因為佢門口裝修緊 睇唔到行過左 搵左一陣先搵到岩岩坐底佢地已經問我地要唔要掛起d野 可以坐得舒服d之後又介紹有咩好食同埋叫我地落左刺身先因為可能會等得耐d2人同行仲送左一板海膽比我地可能我地坐2人桌上多幾樣野食已經冇位放佢地好主動幫我地收起d唔要既野其中一個男職員既服務態度真係好值得一讚好好禮貌又細心留意客人既需要上菜速度都幾快手臨走先知仲有甜品食 但已經好飽唯有下次再食

睇到新x期條片所以試，片實不符，蝦係大隻但黎到係未"meet"殻，下下要自"meet"一食唔得多，服務態度差，頭一輪點嘅野遲遲唔黎個個餓到抽筋，到臨尾20min話last order 先黎返第一輪叫嘅野，然後不停吹你夠鐘叫你走😤😤😤真係勁嬲條片仲話回本零難度😤蝕本零難度就真

姨媽姑姐叔伯兄弟下邊嗰句，會唔會係我表哥表弟表姐表妹，堂兄堂妹堂弟呢。。。隨著姨媽來了，表弟表妹都來了，身為長輩的我。。係時候出絕招。任飲任食放題！無輸喇掛。。三文魚，吞拿魚，希靈魚，墨魚，甜蝦，包貝，全部都係任食，唔使就住就住咁樣叫！我又唔怕銀包會跌多左，哈哈。呢度嘅刺身來講我比較就鍾意食三文魚同甘海蝦。三文魚間中都會有腩位出現，比較肥味。而佢隻蝦唔係普通嘅甜蝦，係大嘅甘海老，又好食又夠體面。而家仲做緊優惠，凡惠顧都會送原版海膽一盒，海膽仲會有紫菜俾你可以包住海膽嚟食，就咁食又得，包住又得，得左！唔知點解拒地又好中意食壽司架喎，就算係同一款有刺身揀，都會食壽司。唔知係咪真係中國人先至鍾意，中意飽肚感。除咗有壽司之外仲會有手卷，即叫即包真係包保佢地食到飽。唔係好鍾意食生野嘅姨媽姑姐啲燒物同埋鍋物就最啱佢哋喇。串燒大腸係推薦嘅食物，外皮燒到脆卜卜，入面嘅脂肪又唔會太多，正！什菜鍋都幾好，一大鑊入面有唔同嘅菜，有白菜，有金菇，有冬菇。仲會即場比個鍋你煲滾佢。除咗食材之外仲可以飲一碗熱辣辣嘅日式湯，岩唒拒地中意食熱嘢。埋單一人三百蚊左右，比起出去食一碟碟甘計真係好好多，起碼唔同口味都可以叫自

今晚同朋友一齊黎到平成二十二日本料理食放題，已經好奈無食個放題，對上果次已經係上年既事。平成二十二日本料理呢間餐廳同一般食放題既餐廳都幾唔同，一入餐廳就見到居酒屋風格既裝修，我地其實係食八點半至十點半呢個時段，雖然我地早左，但係店員好快就為我地安排座位，值得一讚係餐廳好貼心，枱與枱之間有張椅俾我地放下袋。餐廳既選擇非常多，有刺身小食（12款），小食（8款），卷物（7款），壽司（11款），飯/麵（6款），炸物（12款），燒物（8款），和食（9款），另外仲有無限量供應既飲品，包括有汽水，啤酒同清酒，甜品就有泡芙和不同口味既雪條。我地一坐低就迫不急待畫野食，跟住就拎野飲準備喪食喇！！1.刺身刺身我地總共Order左兩轉，第一轉叫左刺身蝦，北寄貝，海螺，三文魚，希靈魚，油甘魚同象拔蚌刺身，餐廳仲送左一板既海膽俾我地，第二轉就再添加左帆立貝刺身，全部既刺身都好新鮮，共中象拔蚌刺身最有驚喜，食得出好鮮甜2.小食小食就叫左牛油粟米，安格斯牛柳粒，小八爪魚，牛油粟米既牛油味非常重，粟米係新鮮粟米，因為真係太好味，我地都點左兩次。另外牛柳粒係用左安格斯牛，牛肉味非常之濃郁，加埋洋蔥同蒜片一齊炒，非常野味

當日的晚餐 , 揀選了這間位於尖沙咀山林道 , 人氣爆燈又夠口碑的放題店 , 一於大吃大喝 ~恰巧是放題店的七週年紀念 , 2人同行奉送原板海膽一客 , 收費上還有很多優惠 .... 點單紙 ~感冒初癒 , 啤酒汽水還是不要喝了 , 乖乖的飲罐裝烏龍茶好了 ~以放題的質素來說 , 刺身的質素還是不錯的 , 魚生切得厚薄正常 , 沒有雪氣 , 魚有魚味 ,特別喜歡吃赤蝦 , 蝦肉夠彈牙又夠膠質感 , 帶子也算是鮮甜 , 算是合乎期望 , 也沒有甩漏 , 收貨 ~2人同行送海膽一客 , 其味中規中矩 ~壽司的種類不算很多, 但沒有粗製濫造, 壽司飯握得不太死實也不容易散件, 壽司的醋味也算適中, 當然沒可能跟正宗的壽司店看齊, 但水準也算中規中矩 ~吞拿魚手捲 , 紫菜脆身且餡料滿滿 , 還不錯吃的 ~串燒烤得夠火喉 , 香口又不會過鹹 , 尚算不俗 ~最後吃條雪條 , 作終結 ~本篇完 ~

朋友約我到佐敦一間放題，聽落個名都帶有幾分日本古代的感覺，約特別！放題最喜歡食前菜，枝豆軟軟唔會太咸，螺肉爽口微微辣，八爪魚唔會太大粒易入口，帶子裙邊就爽口吧！特別的是龍蝦刺身，賣相吸引原隻上，切成粒粒新鮮爽口，加上1，2滴檸檬更清新！海膽新鮮，還帶有海水鹽的味道，配上紫菜口感不錯！串燒有鹽味雞翼，打平燒既方法，將骨分開好方便食！冬菇唔會太乾爭爭，雞腎爽口！天婦羅粟米一塊塊好易入口，蕃薯夠味，秋葵爽口再返點！ 菠蘿燒得剛好，少少菠蘿酸，燒完都仲有適量水份！

早前聽過朋友介紹食呢間既放題，話抵食又正！琴晚終於試左確實，CP值好高！兩個人食，送左一板海膽，雖然唔係特別大塊，勝在夠鮮甜，而且配埋紫菜食真係特別滋味，兩個人真係會膩！特大甘海老，好大隻！！！好鮮甜，肉質口感好，肯定係新鮮野。三文魚好甘香，一食落口魚油就滲左出黎帶子大大粒，都鮮甜，仲有新鮮到岸象拔蚌！！！都好鮮甜，唔腥，又爽口新鮮刺身做得幾出色燒物就食左鹽燒牛舌，仲有鹽燒雞翼，唔會偏咸偏熟，好juicy同埋口感好，牛舌出期地軟身好嚼，又幾入味，抵讚重頭戲係任點既香煎鵝肝，唔係講笑，好少放題有鵝肝。😂通常係酒店先有～ 大大塊，一樣煎得好好，一食d油又就滲到成個口都係，好甘香，真係好抵食！花之戀和霜降牛肉sushi就中規中矩，都值得試的！今餐比較油膩，所以都點左日本蕃茄食，好清新，個人都無咁滯其實都算多野食，品質唔錯，服務都好，有鵝肝象拔蚌真係讚！

前幾日同朋友黎食放題8半時段$278 價錢尚可接受原因係因為食物質素高 而且食材都算上價飲品櫃種類都算多 有酒有汽水亦都有烏龍茶如果唔想飲凍飲仲可以問店員拎熱茶架另外都可以加錢任飲清酒 過咗日本癮先黎刺身拼盤三文魚刺身肥美鮮嫩 甜蝦爽甜帶子亦都值得一讚 肥美好肉 食落好甜海膽成板上 分量十足亦都有多款日式小食例如螺肉同埋八爪魚仔天婦羅方面 採用嘅蝦同平時食開嘅唔同比平時嘅大隻厚身一d 至於炸玄學蟹亦都做得幾脆口芝麻雞翼香脆榴槤波波亦都好過癮重點黎啦 無限任點嘅香煎鵝肝真係膽固醇爆燈都要食啊！ 刺身方面牛舌比較突出味道香濃而且好軟熟羊架略嫌有少少難咬雞翼串燒都幾惹味全程食得好開心因為服務員非常盡責有禮食物質素都唔差 值得一試

平日，8：30都要$278,似乎跟鋪名不相襯哦！不過朋友Book 左呢間，費事逆佢意啦點知原來送海膽，難怪收呢個價啦海膽雖不太大，但勝在鮮甜吾腥，自己喺超巿買都百幾蚊啦帶子又大，又鮮甜油甘魚和三文魚都係厚切，足本之作重頭戲是特大甘海老，長過我兩隻手指我食左半打，返晒本壽司款式都不少，花之戀，鰻魚，霜降牛肉，都是貴價嘢噃煎鵝肝都有得住食，問你服未鵝肝煎得外脆內軟，西餐廳食一件都百幾蚊哦難怪有平成二十二嘅名啦，應該係平成半添呀燒雞翼，牛舌，菠蘿牛舌燒得好香，吾會薄燒，燒到乾，而是厚肉，咬開仲有汁咖蒜片炒牛肋肉，香稔好味天婦羅，串燒品種不少哦仲有甜品雪糕雪條，三百蚊多啲啲任食任飲，選料上盛，真係吾知佢點賺錢吾怪得朋友要訂呢間囉

尖沙咀街坊我樓下女住戶叫我去平成吃放題278十1300蚊食到鵝肝牡丹蝦刺身海膽淺嚐終於今天約好我仍需8:30pm入場貨是對板的煎鵝肝很好👌👍新鮮原味不腥：風味十足要緊的是任食兩人送一板海膽韓國入口魚生計有巨大牡丹蝦 任點任吃三文赤貝大號帶子王紫菜干花之戀飯團霜降牛壽司鰻魚火炙三文等壽司可說精緻抵吃除了海膽全部任君挑選若加上我喜好的軟殻蟹天婦羅燒雞翼真正應有盡有所以餐廳叮囑食客不能浪費我也超同意食到好似我年紀輕輕時真爽。最後必須一提蒜蓉炒牛肋骨肉都好好吃帶濃厚牛排味以及配合的黑椒汁等真係連汁都撈埋少有的燒豬腸原只魷魚仔仲有Mega 脆皮雪糕條啤酒Cute 版木糠布丁蛋布丁每人278+28=三 一 六港元喜愛鵝肝的我友說物有所值我身住此區不額外付車資也是一樣優勢如果女性朋友都說值我也覺得不錯了畢竟山林道是美食街租金也高這樣水平是安心的定價！別忘記酒與水也是錢啊。