方叔叔重慶老火鍋 (新城市廣場一期)

營業中

休息中

今個月第二次嚟啦！ 兩次都係食午餐set , CP值高只係$98 位，食材又夠新鮮，配菜亦好足！ lunch 呢個份量好夠，不過我哋再額外叫了半份嫩牛肉& 小郡肝串串（即係雞腎），都好好味呀！ 欣賞佢哋服務態度又好，今次仲用埋學生證免收加一！ 超開心！ 得閒會再幫襯！

今日同fd行沙田，睇到沙田新城市廣場都開咗方叔叔，好耐冇食，咁入啦。晚市好full，7點未夠，已經坐滿全場，好彩walkin早，仲有位。今次fd都好中意食辣，所以直接叫埋九宮格重慶麻辣鍋，每一格可以煮唔同嘢，好方便。水仙烏龍檸檬茶，烏龍茶底好香，仲有一股淡淡香氣，唔知道點形容，超大杯同埋超好飲。大刀豬腰片，我嘅最愛，豬腰好薄身，燙到卷起即刻可以食，豬腰處理得好乾淨，唔會有腥味。季節限定鮮活海蟶，蟶子好肥美，麻辣鍋底都食得出蟶子鮮甜。小水母，都幾特別，食落口感好似豬皮。美國牛板腱，特別鐘意食口感好爽脆嘅牛肉，牛板腱略帶筋膜，微涮就好食啦，入口層次好豐富。長城小白豬午餐肉，黎方叔叔必點，午餐肉好高質，好味。手打魚籽蝦滑，蝦味好重，魚籽一粒粒豐富咗口感。稻田毛肚，毛肚好大一片，七上八下，食落好脆口，唔會韌。幹貢菜，食過一次必叫，口感脆過黃喉，唔好煮太耐，煮太耐就冇哩種口感。重慶耗兒魚，超大一隻，煮熟好易脫骨，魚肉食落冇刺，好鮮甜。小郡肝串串，郡肝預先醃制過，有少少孜然味，好食。食完真系超飽，同埋辣得好過癮，方叔叔火鍋真係冇得輸。

方叔叔最出名就係個九宮格麻辣火鍋，湯鍋滿佈紅油，每一格都塞滿咗辣椒，賣相好邪惡，同朋友嚟挑戰下！湯底又麻又辣，真係食到好過癮！呢度火鍋配料選擇都好多，最好就係可以叫半份，即使兩個人嚟食都可以叫到好多款！🔸美國牛板腱 (半份) $98 雪花脂肪分布平均，牛味濃郁🔸嫩牛肉(半份) $48 肉質好嫩滑，牛肉味都好濃，口感一流🔸黑豚腩肉(半份) $48腩肉片口感紮實，但豚味好突出，好好食🔸鮮活海蟶(半份) $45隻隻都好肥美飽滿，鮮甜爽口，吸左辣湯食更滋味🔸鮮鴨血 (半份) $38食麻辣火鍋點少得鴨血，必點🔸手打魚籽蝦滑(半份) $58啖啖都有蝦味，好爽彈蝦滑彈牙，食到粒粒蝦肉🔸乾貢菜(半份) $28 清脆爽口，感覺似食緊海蜇，幾特別🔸武隆苕粉(半份) $28煮熟後晶瑩剔透 ，口感煙韌，索盡麻辣湯汁好正🔸功夫萵筍片(半份) $28賣相精緻，每片都切得好薄，口感爽脆🔸紅糖冰粉 $28食完麻辣鍋要叫返碗冰粉解辣，冰粉清甜爽滑，仲配有堅果同提子乾，口感一流

我最近又去了一趟位於沙田的方叔叔火鍋店，質素仍然一樣的好！這次我選了麻辣湯底，真的是辣度剛好，不會太辣，但又有足夠的辣味，吃起來非常開胃。湯料種類有很多選擇，且都很新鮮。這次我點了牛肉、雞肉、 桂花蚌等，非常鮮美，肉質嫩滑，真的令我回味無窮， 醬汁可以試下加佢的醋，味道別有一番風味。店員的服務亦非常周到，有圍裙供你使用，讓我們感受到了細心的服務。總的來說，我非常喜歡方叔叔火鍋店，值得一再光臨。如果你還沒有嘗試過，我強烈推薦你去一試！

天氣熱辣辣都冇辦法阻止我食重慶火鍋好彩我叔叔嘅冷氣夠大😆😆😆😆😆😆😆😆😆阿仔同我一樣都鍾意打邊爐本身好想試今期推出嘅重慶麻辣九宮格🔥🔥🔥不過亞仔唔食得辣所以都係嗌咗鴛鴦鍋一個蕃茄煲一個麻辣煲每次嚟食嘅嘢都差唔多咁上下～稻田毛肚（半份）桂花蚌(半份）功夫海筍片(半份）武隆苕粉（半份）手打魚籽蝦滑（半份）大刀牛肝(半份）長城小自豬午餐肉(半份）霞浦海帶苗（半份）鮮活海(半份）香肉豬大腸（半份）千絲柏葉(半份）重慶耗兒魚（半份）美國Prime牛小排(半份）紐西蘭精品羊肉卷(半份）十秒牛舌(半份）土豆片（半份）娃娃菜(半份）主要想講下～～好鍾意方叔叔可以半份半份咁嗌嘢食可以食多好多嘢😊😊😊

第一次試，主要原因係因為有得上網訂位本身訂左6點，5點半齊人都俾我哋照入，仲溫馨提示我地7點前埋單有88折我哋2個人叫左10幾樣嘢。最正可以叫半份，可以食多啲不同嘅款。我地加多20蚊食花膠雞。超濃味。手機點餐上菜快。味道好。服務態度好好。忙到爆都笑容滿面。牛吞同鵝腸必叫仲有冬瓜好甜。重點芫茜好香牛肉叫左2款半份入口溶化佢每送食物都有教你淥幾耐食係最好。冇特別趕住食但6點45已飽到了。所以成日88折。下次會再黎。

早幾日帶媽咪去食方叔叔重慶老火鍋， 帶佢來呢到食係有原因架，因呢到野食係可以半份咁叫，就算得我地兩人都可以叫得豐富架。啱哂我地每樣都想食dd 的心態。我地就叫左以下火鍋配料⬇️⬇️⬇️✡️ 熟鵪鶉蛋(半份)✡️ 嫩牛肉(半份)✡️ 桂花蚌(半份)✡️ 鮮活海蟶(半份)✡️ 香鹵豬大腸(半份)✡️ 手打四寶丸(半份)✡️ 鮮鴨血 (一份)✡️ 現炸豆皮(半份)✡️ 潮汕手打牛筋丸(半份)✡️ 紐西蘭精品羊肉卷(半份)✡️ 功夫萵筍片(半份)✡️ 皇帝菜(半份)✡️ 唐生菜(半份)✡️ 藕片(半份)✡️ 鮮竹笙(半份)我地點選的鴛鴦麻辣鍋普通辣+皮蛋香菜湯，前者麻香得來少少辣，配大腸，鴨血，嫩牛肉和羊肉卷都惹味到暈， 後者用來蔬菜帶出鮮甜， 今次見到有鮮活海蟶都有叫返半份品嘗，入口脹卜卜鮮甜，媽咪好欣賞個功夫萵筍片，輕燙30秒食得好爽脆。

「渝味曉宇」火鍋店已改名為方叔叔重慶火鍋🤍 質素依舊保留😘 主打嘅九宮格麻辣鍋底大受歡迎🌶 我哋今次揀咗鴛鴦湯底: 重慶辣大紅鍋和番茄湯鍋💓湯底很足料和熬製得好濃郁 麻辣味十足😛 辣得香又過癮 蕃茄湯甜則清甜開胃🍅 打邊爐前會送上一碗滋潤嘅甜品: 紅棗雪耳糖水 俾大家係食辣前護下胃♡食物選擇好多: 肉類◦素菜◦丸◦蝦滑◦海鮮◦重慶小菜… 最近更推出新品: 鮮活海蟶😍 爽口鮮甜 厚肉肥美 好正啊!!🤤 而每樣食材都會有指示牌🪧 寫上要淥幾多分鐘 好貼心呢💕 牛肉方面 美國Prime 牛小排🐮 肉質軟嫩而且牛味濃郁🙈 羊卷肉經淥熟後 仍然保持幼嫩和鮮香滿滿😬 黑豚腩肉油脂分佈平均 肉汁香甜🐽 食肉獸們必點!!而小郡肝串串| 大刀牛肝 | 千絲柏葉也很有特色🤡 一串串小郡肝放入鍋裏 麻辣惹味😚 大刀牛肝味道沙沙的😋 好喜歡·͜· ♡ 不得不吃豆皮和武隆苕粉 即叫即炸的豆皮香脆可口❣️ 苕粉和魚麵爽滑Q彈👄 很推介它們的四大天王飲品🍺 大大杯 超級開胃和解膩✨火鍋控們一定要來試下方叔叔重慶老火鍋🍲

🍽 方叔叔重慶老火鍋 📍 沙田沙田正街18號新城市廣場一期7樓709號舖✨一收工就同同事去慶功🥳🥳🥳 因為係walk-in ，等咗一個鐘😳 職員好上心，特意送咗張優惠價俾我地，都幾有心👍✨餐廳設計好有心思，兩張枱之間嘅隔板可拆開，掉轉向下收納，就變咗超大張枱😂 ✨調味料就喺張枱隔離，唔使行出去攞。✨每張枱有計時器，例如萵筍片、鵝腸都會寫有建議時間，方便客人計時，細緻位真係做得幾好👍✨打邊爐就係要多人先可以試多啲食多啲✨叫嘅嘢食眾多🤣 有特別先介紹:🍲鴛鴦湯底: 🍲麻辣鍋因為揀咗小辣，香得嚟又全部人接受到辣度👍🍲養生花膠雞湯湯好清甜，都有唔少雞件，食到中途先試下啲雞，都完全唔柴👍🍽美國Prime牛小排🍽鮮鵝腸⭐️淥30秒就食得，好爽口，一定要試🍽手打魚籽蝦滑🍽朝鮮手打牛筋丸⭐️牛味重，食完一碟唔夠再嗌多咗碟😋🍽 功夫萵筍片⭐️擺盤好靚，建議淥30秒，爽！脆！香！🍽 長城小白豬午餐肉🍽 鮮鴨血同平時食開嘅鴨血有少少唔同，佢嘅質感似豬紅，一夾就碎，不過味道係尚可嘅🍽黑豚腩肉⭐️一定要放落麻辣湯底，好吸味👍 算係肥瘦均勻嘅🍽芝士腸🍽蟹柳🍽鮮腐竹🍽井水豆芽🍽土豆片🍽淮山條⭐️擺盤好靚，仲有紫淮山👍🍽炸芋頭

今日嚟同母親大人挑戰辣辣火鍋🔥🔥!呢個九宮格鍋一睇就知不得了,勁辣🌶,但又幾香~火鍋料煮完完全唔使點豉油都好夠味,嗜辣嘅朋友一定要嚟食下!因為好多火鍋料都好吸引,所以叫下叫下叫咗好多😂😂~介紹幾樣我覺得幾正嘅配料~以前食過啲類似嘅嘢,係喉嚨部份🗣,非常爽脆!所以佢都係教你快快淖熟一下就食~其實呢個係海參嘅內臟~但又係爽口得嚟有啲軟綿綿,幾值得試👍~呢個季節限定嘅鮮活海蟶,佢哋而家都推廣緊~肥嘟嘟嘅蟶子好鮮味🦪,煮五分鐘打開咗就食得了~呢個炸豆皮比響鈴硬,所以要煮大約一分鐘🕑~等佢腍咗吸收咗湯汁食更入味~一向都喜歡食萵筍🥬,呢個真係整得好精緻好靚~喜歡萵筍脆脆又甜嘅,怕辣又想食菜嘅朋友可以點呢款~燕餃其實有啲似魚皮餃🥟,外皮煙韌,煮完吸滿湯汁好好食~佢哋好貼心咁幫啲火鍋料寫好晒最佳時間~每檯旁邊仲有個鬧鐘⏰,等你可以煮到佢哋最正嘅時候撈出嚟~怕辣嘅朋友可以選鴛鴦鍋🍲,仲可以叫佢哋俾少啲辣🌶~但嚟呢度食,當然要辣先過癮啦🔥🔥🔥~

一坐低店員送上紅棗雪耳糖水滋潤下慢慢再睇下食咩好先 鐘意呢到嘅服務 而且地方夠晒乾淨 兩個人食有得選擇要一份定半份 價錢又大眾化 推薦👍❤️花膠雞湯拼麻辣湯係金黃色嘅花膠雞湯呀 花膠雞湯有大量花膠蟲草杞子，超足料 要飲返幾碗先打邊爐 好香濃 必飲另外麻辣湯真係好辣下 有好多隻辣椒 勁度十足❤️嫩牛肉真係好滑 無筋 夠晒淋 必食！❤️美國Prime 牛小排今日MVP🏅牛小排雪花分明 入口即化 上等牛 值得食❤️現炸豆皮真係現炸架😍係響玲嘅嘅朋友 超級吸湯 10秒食得❤️鮮活海蟶好鮮甜 估晤到細細隻蟶子都會禁鮮甜 而且無沙 必食！❤️牛骨髓放係麻辣湯底 牛骨髓吸晒辣 晤洗點任何嘢都好夠味📍方叔叔重慶老火鍋 (新城市廣場) (沙田)沙田沙田正街18號新城市廣場一期7樓709號舖

去沙田睇Lulu豬順便食方叔叔，呢間火鍋實在太高質，午市仲有超抵二人套餐🍲勁飽勁滿足😝🔸重慶麻辣鍋&養生花膠雞鍋重慶麻辣鍋味道正宗，百吃不厭🌶️養生花膠雞鍋滋補養生🐥雞湯味道濃郁，仲有蟲草、花膠、雞做配料👍🏻🔸海鮮類珊瑚蚌、貴妃蚌、活鮮海蟶推出咗新產品活鮮海蟶，味道清甜厚肉肥美，平時成日食珊瑚蚌、貴妃蚌都覺得難分高低，呢個海蟶直接跑出！超級好食😍必點⭐️🔸蔬菜類雞湯同蔬菜係最夾，二人餐包咗蔬菜拼盤🥬每款菜都有得試小小，份量啱啱好☺️鮮腐竹同竹笙真係好新鮮，吸灑雞湯精華，勁好味👍🏻🔸腦花勁中意腦花嘅口感🐷配麻辣無得頂😝🔸稻田毛肚大片毛肚非常爽口，時間掌控非常重要，過10秒就會韌，記得要善意旁邊嘅計時器⏱🔸紅糖爆漿糍粑糍粑係方叔叔必食甜品😍入面包住黑糖醬，外層沾上黃豆粉，好食😋🔸水仙烏龍檸檬茶飲品大杯️又解辣🥵性價比夠高，烏龍茶味香🍹 🐻總結新產品活鮮海蟶好推薦🤩午市套餐性價比較高‼️💛好味指數:4.7/5 💜回頭指數:4.7/5📍方叔叔重慶老火鍋 (新城市廣場) (沙田)沙田沙田正街18號新城市廣場一期7樓709號舖

平日去打邊爐🍲，有午市二人火鍋套餐，包湯底、醬油。鍋底揀咗雙拼鴛鴦鍋，麻辣及蕃茄湯。麻辣湯底又香又辣，蕃茄湯底味夠濃郁。套餐好豐富，有美國牛板腱、珊瑚蚌、手打蝦滑、鮮鴨血、稻田毛肚、長城小白豬午餐肉、萵筍條、田園菜籃、武隆苕粉、紅糖爆漿糍粑。牛板腱肉質瘦但唔會柴，珊瑚蚌好爽口。蝦滑有爽口嘅蝦口感，幾彈牙。毛肚及鴨血放落麻辣鍋度正呀！武隆苕粉配麻辣湯吸哂啲香辣好惹味☺️打邊爐點可以無午餐肉，好邪惡😋蔬菜類有萵筍條、田園菜籃都好足夠。另外散叫咗美國Prime牛小排、鮮活海蟶、潮汕手打牛筋丸、桂花蚌、油條半份。牛小排油脂均勻，肉味香。時令蟶子好鮮甜。手打牛筋丸咬開有牛汁。桂花蚌好鮮爽。油條我鍾意麻辣湯，吸哂啲味又脆！跟餐包兩罐罐裝汽水🥤甜品有紅糖爆漿糍粑，脆脆口感甜甜地，加埋黃豆粉好正！

一入座，店員就會送上免費嘅冰糖雪耳糖水🥣滋潤腸胃先再食麻辣火鍋，減低麻辣對腸胃嘅刺激，雪耳好好，湯底好膠質好足料😳🥠紅糖爆漿糍粑（半份）$38每次嚟必點，熱辣辣即炸起要小心食，一咬入面個芯爆紅糖漿差啲辣親條👅 香甜軟糯🥖油條(半份）油炸鬼外脆內軟，淥5秒鐘好似魚皮咁濕濕脆脆好食😋🎋鮮竹笙(半份）$38半份份量都幾多都大條，吸晒湯嘅精華，自己鍾意食爽口啲所以淥30秒到就食 唔會淋晒一pat 野😅🪸桂花蚌(半份）$88 + 珊瑚蚌(半份）$68超新鮮，30秒食得，兩隻都一樣非常爽口好鮮甜🤤 🍡手打四寶丸（半份）牛肉，豬肉，墨魚滑，蝦滑各一，牛丸勁似山竹牛肉🤭 墨魚同蝦滑都好彈牙🦷🐖黑豚腩肉（半份）半份有5塊，但每塊都好大條同好豐富油脂味🤤 一定要試🐂嫩牛肉（半份）$48方叔叔必食嘅嫩牛肉，本地嘅新鮮牛肉，肉質腍滑超嫩👍🏻🫓現炸豆皮（半份）$38炸起勁大塊，放落火鍋到滾完似腐竹不過比腐竹更薄更重豆味🦆鮮鵝腸（半份）$68鵝腸洗得勁乾淨，30秒就食得好爽脆，鵝香味重🐃稻田毛肚（半份）$78薄而大嘅上好葉瓣，吸盡麻辣湯汁，質感爽脆又不失韌度🧆重慶炸酥肉 (半份）$38將五花腩炸至金黃色，外層酥脆

@unclefonghotpothk 前身渝味曉宇重慶老火鍋新名字方叔叔重慶老火鍋 麻辣不變 味道依舊4-8月嚟方叔叔 一定要點季節限定的鮮活海蟶同場加映✨養生花膠雞鍋！點個鴛鴦麻辣鍋一麻辣一養生的配搭 滿足食辣同唔食辣嘅朋友·🫕鴛鴦麻辣鍋＊普通辣麻辣湯底可選普通/重慶辣 堆滿紅噹噹的辣椒香料味鮮香芳郁🌶️麻辣入口不嗆喉 咸度適中即使不嗜辣也值得一試 送清潤的雪耳糖水解辣＊花膠雞湯足料嫩雞和養顔花膠熬成香濃湯底🐔份量十足打邊爐前呷一口滋潤湯頭 品嚐滿滿膠原蛋白雞湯濃郁鮮甜 加入蟲草花及杞子 養生兼養顏·🪶鮮活海蟶哆頭蟶生長在莆田特有的黑泥中 吸收充足養分每一隻都生得肥嫩飽滿 鮮美無比 只需煮5分鐘無需特別的調味 都能食得出哆頭蟶獨有的鮮甜·🦪美國桶蠔海鮮種類幾多 美國桶蠔勝在鮮甜肥美又滑溜Size巨大啖啖肉 肉結實豐厚蠔味濃 耐煮性高·🥩嫩牛肉每次來方叔叔都會點嫩牛肉！本地牛肉切片加入調味及苕粉醃製成 脂肪及瘦肉比例適中使牛肉鮮嫩多汁 香濃軟腍 麻辣湯底更能提鮮·🦆鴨血麻辣湯底必點配搭 入味後的鴨血充滿湯汁精華滑嫩Q彈 咬開更能感受到爆漿的口感 超推介·🪱鵝腸方叔叔提供多款香港少見的新鮮