明記海鮮酒家

營業中

休息中

7.1慶回歸...冇咩嘢做,心血來潮去流浮山食海鮮...首先係隔離雄記買海鮮!!老闆娘好細心,啲哥哥仔都幾好人,推介嘅九節蝦真係超正,啲海鮮又新鮮又唔hard sell...Good呀!!揀完就過返明記等食...啲蝦真係鮮甜到不得了 聖子ok,但啲味道同出面街食嘅差不多金蠔唔錯幾好,不過唔平!!(本身想食新鮮蠔,但明記話依家啲蠔唔靚好瘦,所以冇賣...所以金蠔都殺住先,頂一頂個蠔癮!!) 豆腐魚湯免費送的,都幾好,清淡中又有點鮮味!!扇貝不得了...扇貝蒸得岩岩好,啲粉絲又巧巧食!!!👍👍鮑魚又係不得了...又大又厚肉,但好(霖)...一啲都唔韌!!!😍😍😍😍簡直Very Good 通菜就...菜有菜味...蝦醬有蝦醬味😂😂😂都不俗豆腐就真係一般啦...唔夠脆口...又冇咩椒鹽味...炒飯堅有驚喜...好多料,啲飯又夠乾身,粒粒分明...果然係招牌!!😙😙最後,仲送左碟橙...但橙就冇影相啦,都係橙色,圓形架囉😂😂😂屋企人話超甜,好正咁囉!!😂😂😂整體來說,海鮮夠新鮮,啲餸出嚟應該都不俗....煮法冇嘜特別,都係大路煮法...但啲時間掌控得好好,啲海鮮全部都冇老,口感保持得好好..

Oct, 2014 唔知食咩好. 朋友就提議入o黎食海鮮. 剛好, 反正放工放得早, 一於入去.入到去得一, 兩枱客人. 心諗咁少人o既.點知到7:30左右就坐滿晒人lu. 言歸正傳, 講返我d 野食先. 1) 哩個海蝦真係掂.雖然細隻左d, 但係勝在夠鮮甜, 同埋爽口. 我個人o黎講幾鐘意. 2)聖子.個汁好味, 聖子炒得岩岩好, 又食到鮮味, 又多肉.3) 金蠔喇, 由於我個人本人唔鐘意食熟蠔.所以我本身對哩味菜係沒有什麼興趣.但我朋友話好食, 係咁叫我試, 我只係食左一粒咁多. 哈4) 瀨尿蝦超鐘意.d 肉又唔(梅), 啖啖都係肉.食落去, 真係開心到飛起.真係食一隻都唔夠, 嘻嘻!!5) 唔記得蒸左咩. 哈咁樣蒸都幾鮮甜架.其實新鮮o既海鮮, 唔需要整太多花神, 最簡單就最食到個種鮮味.6) 哩個整得唔好.  d 螺肉一d 辣味都無. 一d 都唔入味. 即係螺肉, 同辣酒係分開. 唔好. 7) 哩個炒飯, 我朋友死都話要叫o黎比我試下. 但係其實大家都飽到嘔. 好喇, 朋友叫到, 一定要賞面食返半碗, 係咪?以, 以, . . . 真係炒得幾好. 粒粒飯分明. 爽身,

從網路看人家介紹，就決定去吃吃看。然後一開始就送了一盆魚湯，味道很鮮，接著就去挑海鮮，可以選擇料理方式，上菜後吃了第一口每個人很驚豔。瀨尿蝦實在太新鮮。再來個金蠔有夠甘，聖子鮮甜，東風螺很鮮脆，餐後還送上一盤水果。服務很好，有求必應。

係下白泥睇完日落, 搭小巴去流浮山食海鮮.明記算係個條海鮮街既中間位置.要食海鮮就要先到佢隔離間雄記海鮮買左料先.幫我地稱海鮮個個叔叔都幾好人, 我地話想要4隻扇貝, 佢就建議我地要2隻, 怕我地食唔晒.最後叫左1.上湯焗大蝦(6隻)加伊麵.蝦都大隻, 不過味就普通, 個味好平淡. 無咩層次, 就好似係豉油味咁. 個伊麵都係咁既味. 伊麵質地唔錯, 都好多, 不過個味就真係PLAN 左d.2. 蒜蓉粉絲扇貝呢個好好味, 扇貝好大粒, 蒸得剛剛好, 蒜蓉係爆過所以好香口, 粉絲索晒鮮味, 正! 如果粉絲再多D 就好.3.炸蠔原本想食薑葱蠔, 不過海鮮呀叔話依家D 蠔唔夠肥, 11-12月黎先好食薑葱蠔, 依家想食蠔食炸. 呀叔講得無錯. D 蠔唔夠肥, 少左種香味, 炸左都食得出. 不過個炸漿做得唔錯, 炸得幾好, 唔覺油.4. 鼓椒蟶子味道可以其實OK, D蟶子都唔老唔UN. 不過就唔夠鑊氣. 好似一個汁撈蟶子, 多過炒.送左個海鮮豆腐湯, 都OK, 味唔錯. 最後仲有碟橙.我地一路食, 其實都唔知要俾幾錢, 最後埋單先知, D 海鮮總數299, 加工費共200 (應該係每樣50).

流浮山食朋友生日飯，很久沒有吃過這麼豐富的海鮮餐了！！他們點了清蒸東星斑，清蒸膏蟹，蒜蓉粉絲蒸扇貝，上湯浸蜆等。先說一下清蒸膏蟹 膏的分量多到他不得了， 蟹味極濃，雖然蟹肉較小，但知道膏蟹是要吃膏吧！！極力推介這個，雖然只是清蒸，但足以令你回味無窮。 蒜蓉粉絲蒸扇貝，蒜蓉及粉絲的分量恰到好處， 而蒸田時間亦拿捏得十分好，扇貝剛剛熟，非常美味。 蒸魚不是我的心頭好，但有吃一點，肉質嫩滑，也算不錯。 上湯浸菜心，雖然也比較清淡，但菜心十分爽口。 這個上湯浸蜆，就比較失色，蜆的尺寸較少，但總算新鮮。

舊公司同事聚會，數數手指有D同事十幾年冇見，太空超人話呢次係百年難得的聚會，20位大人7個細路，好期待 。翠絲建議入流浮山明記，話識人好抵食，可以預早幫我哋訂定海鮮，新鮮好味，今次辛苦晒翠絲。去到明記，留咗兩張12人枱比我哋，我哋27人坐太廹啦   ，要求轉其中一張去旁邊嘅14人枱，服務生居然要走出去問先返嚟幫我哋轉。人多真係好，可以食好多好多唔同款嘅海鮮，果晚我哋飲咗湯，食咗蜜糖金蠔、粉絲蒸扇貝、清蒸鮑魚（以上三款各20隻），另外椒鹽賴尿蝦、油鹽焗蟹就各10隻，清蒸石斑兩條，每條斤半左右，仲有豉椒炒大聖子、椒鹽鮮魷、蒜蓉蒸開邊蝦、白灼花螺、清炒菜心、腐乳炒通菜、招牌炒飯、菜膽雞；油鹽水花甲去到話冇貨。湯比較清，未試過海鮮湯會咁清，我果枱大家攞咗一碗都冇再添。豉椒炒大聖子，亞仔好鍾意。第一次食金蠔，原本以為好似海味舖買到的本地生晒蠔咁充滿香濃嘅蠔味，滿心期待，點知係兩件事嚟，蜜糖金蠔味道淡咗D喎。粉絲蒸扇貝比咗亞仔食，佢話好好味，初初佢仲唔食粉絲，我話呢D先係精華，叫佢試吓，試咗之後覺得好味到連爸爸果份粉絲都食埋。清蒸飽魚夠諗，味道可以。椒鹽賴尿蝦香口惹味，如果D賴尿蝦可以大隻

媽媽生辰，一家來了流浮山吃海鮮餐，多好。來到這邊都四時許，只得三兩家仍「燈火通明」。先在對面海鮮檔挑選海鮮（其實都沒有深入認識），後進這店，店員便來查問／建議各味菜式如何煮理。一、椒鹽瀨尿蝦不知怎的，總覺得這兒的瀨尿蝦跟椒鹽都少得可憐。好像挑了三只瀨尿蝦，結果只得這麼小碟，但椒鹽就是明記的椒鹽太少了吧，之前在西貢或屯門容龍吃過都遠多於這兒，其他餐廳的椒鹽理應多得可以拌飯，可以配其他淡然無味的菜式。瀨尿蝦肉卻大得驚人，將外殼全脫去，一口咬其肉，肉滿口，樂也；肉質新鮮，富瀨尿蝦獨特香氣，是普通蝦、大蝦均不及的；肉與殼之間偶爾發現一丁點瀨尿蝦膏；如果多一點兒椒鹽，吃瀨尿蝦肉時可拌一點兒椒鹽更為美滿。二、開邊大蝦伊底大蝦，意想不到這麼大，肉比瀨尿蝦更多，請看下圖︰開邊後，蝦與碗子大小都差不多；懶人最適合，連手都不必用，只將殼脫去便用大大件的蝦肉。蝦肉新鮮，整頓海鮮餐最美味的一味，蝦肉味濃得「直迫龍蝦香」，整條蝦肉將進口中，幸福感覺油然而生；上湯煮鹹了一點點，蝦肉在伊麵上躺著幸免於難，不算太鹹，而伊麵則鹹味過盛。三、豉椒蟶子不知怎的，這個豉椒與xo醬沒有太大特別。我想是由於青椒、紅椒不多吧，連我

星期六的午餐，一行差不多20人到流浮山吃海鮮選了這樣，純粹因為它可以給我們一張坐得下所有人的大枱這裡地方寛躺，算是整潔而整個午餐其實也只有我們一枱，就好像包了場一樣就坐以後，便過鄰舖雄記選海鮮，因為這裡只做加工，自己是沒有海鮮供應十幾廿人，要點的菜當然不少，每一道都做得很不錯，上菜速度也很快（可能因為只有我們吧）先來了一個白焯蝦，然後陸續來了：豉椒竹桶蟶子 ﹣ 味道不錯，還很有心思地將所有的肉起了，而然用殼墊底，令賣相好之餘吃起來也很方便粉絲蒸扇貝 ﹣ 蒸的火候剛剛好，粉絲吸了扇貝及豉油味，同樣好吃椒鹽瀨尿蝦 x 2 ﹣ 點了兩種不同的，卻用同樣都是椒鹽，左邊的肉爽但蝦味較多，右邊的多羔，肉味卻不夠鮮甜砵酒桶蠔 ﹣ 來流浮山怎能不吃蠔？這蠔味真是鮮得很，好味！南非鮑魚 ﹣ 一人一只的南非鮑魚，很新鮮而且已經在煮的時候弄離了殼，可是吃下去的時候卻有一點怪味辣酒煮螺 ﹣ 這一個也做得不錯，很有街邊大排檔的風味，可惜點得太多了，最後吃不完蒸魚 ﹣ 也忘了這是什麼魚，但這真是煮得一般，有一點過火了，所以肉都變得“諧”了主食則有豉油皇炒面，招牌炒飯，再加了兩大碟通菜， 都相當不錯

到流浮山擦海鮮的感覺是，除了千里迢迢外，價錢是很模糊的一環，還好每次也有朋友陪伴，可放心去擦餐勁，這次是明記。一行七人共八餸：豉油王蝦 -- 好好好味，活的時候像不太活潑，有點擔心，結果是蝦肉彈牙入味，正！龍躉兩食 -- 炒球：啖啖肉，好滑好味；蒸頭腩：怕骨無食，朋友話好味，啲汁送飯正，魚價唔知，留意到價錢約五百幾；薑葱大連鮑 -- 比南非鮑林身，唔錯，下次都會食返呢種；蒜蓉粉絲象拔蚌 -- 唔熱衷象拔蚌，但無之前食過咁韌，幾好；油鹽水花甲 -- 自主感覺鍾意食硯多啲；薑葱煀蠔 -- 上次唔係咁靚，所以提議酥炸，今次肥蠔就可以煀，依家啲蠔真係好肥好味！上湯時蔬 -- 後加炒芥蘭好味過呢碟。買料$1300，後加炒菜兩碟、白飯、汽水約$300，埋單共$2100，合理！

這日公司聚餐，在流浮山明記安排了六圍海鮮餐，平時聽人說入流浮山食海鮮，今次還是第一次親身見識可能這裏的酒樓比較早收工，我們成班人約七時左右去到，坐下不到五分鐘，已即時起菜，令肚餓得發慌的我們齊聲歡呼第一味送上菜式是椒鹽蝦，蝦是普通的中蝦，不是頂級靚的海蝦，但個椒鹽炒得好香，好有鑊氣，所以緃使原材料不是太新鮮，也覺得好好味之後有東星斑二食，一個炒一個炸，炒個碟啲魚就新鮮滑口啲，炸個碟就香口啲，真係各有各出色接住有蒜蓉蒸扇貝，上菜賣相好靚，個扇貝雖然唔係好大隻，但係蒸嘅火喉啱啱好，熟得嚟又唔會乾爭爭，好食食咗幾味菜後，好似去飲咁，跟住就上湯，呢個佢寫住係豆腐海鮮湯，應該係用豆腐,魚,蜆等煮成，都幾清甜，味道唔算濃，應該無落味精之後有我覺得係全晚最正嘅椒鹽瀨尿蝦，呢個係大隻個款椒鹽瀨尿蝦，平時去西貢食海鮮，要二佰幾蚊隻，所以唔係幾捨得食，今次公司請食飯食到，真係好開心呀清蒸鮑魚仔：呢個真係麻麻地，隻鮑魚仔蒸得有啲 "un"，而且有珠玉在前，即時覺得呢個應該out跟手上咗個炒飯，都無咩人食，因為已經好飽，係大家準備執嘢離開嘅時候，上菜阿姐嗌住我地唔好走住，仲有碟蟹未上喎！吓！咁得意嘅薑䓤炒蟹：

為咗慶祝母親節，上open rice 見度呢間好似唔錯，就去試試由於之前已經訂好位，所以去度好快就有位是晚點咗龍蝦、蟶子、蠔、花螺、一條蘇鼠班、瀨尿蝦同埋炒咗碟通菜唔知係唔係人多的關係，鋪頭上菜的速度好慢，要催咗個侍應好幾次先上菜咁唔緊要，始終好食先係最重要，但係...蝦醫炒通菜好似沒落鹽咁，完全沒鑊氣椒鹽瀨尿蝦算係全晚最好的一味，水準之作炒蟶子，好似係整熟咗先再落鑊炒，又係沒鑊氣芝士焗龍蝦，好似將啲龍蝦整熟再淋汁上去，唉其他的不過不失最過份的是話送海鮮湯，點知最尾話賣晒臨尾枝蠔油又話送晒仲有，啲油料費簡直係嚇人，材料只係一千四百左右，埋單就要二千一，真係總之，這間就唔會有下次囉

]玩左成日, o係下白泥搭返33號小巴 $8.x 去流浮山食海鮮, 咁多間都唔知邊間好, 都係睇"開飯網"最多人推介的明記海鮮.6點幾就到, 所以無咩人, 搵左個靚位就坐底, 寫左兩款小菜, 再揀3樣海鮮就等食.先黎個送的魚湯, 我其中最喜歡就係魚湯, 煲得有水準, 湯夠白足料, 唔會好重胡椒味, 凍左d飲都唔會腥, 真係唔錯! 所以都飲左3碗. 蒜蓉炒介蘭, 炒得香, 菜夠爽! 好大碟的生炒骨, 夠成圍枱食, 汁夠酸甜, 但最可惜肉un, 係依味唔合格. 蒜蓉粉絲蒸開邊蝦, 好正, 有時出面會食到d蒜唔夠香,太生或太熟, 但依度真係好有水準, 中蝦新鮮, 最重要粉絲吸晒d精華, 一齊食最perfect, 唯一係個豉油汁欠了點鮮味, 淡了點.花甲都係蒜蓉粉絲蒸, 一定唔會差, 只係花甲蒸完縮到以為比人換左隻細size咁, 同個殼唔合比例. 果皮蒸大隻鮑魚, good!! 肉厚唔un, 果皮香, 食前淋上豉汁, 無得頂!! 食前都見人講流浮山食海鮮比較貴, 今次埋單$447/, 係偏貴了, 但店舖食物有水準 (除了小菜 : 生炒骨), 服務亦一流, 無人地講到服務好差, 真係兩回事,

父親節，一家四口諗住去食個海鮮... 點知... 由頭差到落尾... 一入門口，問個阿姐有冇位，阿姐話埋緊單有，去揀住海鮮先啦~~~阿姐們好熱心咁話"呢邊啦…呢邊啦" ，行咗兩步，响正隔離的…叫咗一斤蟶子、三隻巨賴尿蝦、四隻元貝同一隻斤零重的龍蝦…搞掂咗啲海鮮，行番去問阿姐，係咪有位啦… 個阿姐淨係話上去啦、上去啦，果張就係架啦…兼但冇人帶位~~~ (小弟第一次黎，又會知係"果張"啦~~~)咁算啦… 只係想開開心心食餐飯… 跟住有毎口阿姐走上嚟問海鮮點整~~~ 咁順序答佢︰鼓椒蟶子、椒鹽賴尿蝦、蒜蓉粉絲蒸元貝、上湯伊麵龍蝦… 跟手問佢有乜菜… 阿姐話得生菜、菜心同通菜… 小弟的媽媽只係問多句是那一種通菜… 阿姐居然答︰咪街市五蚊一札果啲囉~~~ ok … 我算… 跟住再諗緊想食乜果陣阿姐己經影都冇… 五分鐘內一個侍應都冇… 咁小弟唯有落去加單啦~~~ 終於搵番果個阿姐，我想加單小弟︰有冇咕嚕肉？阿姐︰我哋得生炒骨小弟︰咁生炒骨啦… 有冇味菜牛肉炒麵？阿姐︰牛肉賣晒… 我哋得干燒伊麵小弟︰我哋已經有伊麵，咁有冇炒飯？阿姐︰我哋得楊洲炒飯小弟︰咁楊洲炒飯啦阿姐︰咁要大、中定細呀？小弟︰咁碟

一行十人專誠走到流浮山遊玩+食海鮮！入到去發現有太多間食肆, 左揀右揀都唔知邊間好！唯有試試之前o係雜誌見過既明記啦!!四點幾先去留位, 點知全晚full booking...老闆娘建議我地一係六點黎都勉強食到！估唔到咁旺, full-booking得應該水準有番咁上下掛...所以我地決定都試下!!入面有三層!都迫迫地...同埋都幾嘈!我地原來要落留下先揀左海鮮，然後再話佢聽點整佢先寫單！但人手不足既關係, 我地揀完海鮮好耐催極都未有人同我地寫單...落單後都等左一段時間, 等緊期間有位侍應姐姐好好心提我地可以問老闆拎免費例湯飲住先!!果然老闆都好闊綽拎住盅豆腐魚湯我地飲!! d湯煲到奶白色, 好鮮甜！應該落左好多魚去煲!上菜速隻都係麻麻...至於d食物都ok...因為d海鮮好新鮮!!我個人最回味係辣酒煮花螺，d螺整到入哂味好正！最差係個蝴蝶蚌~因為蒸得太熟既關係, 所以有d咬唔開....蠔我地叫左兩味！以薑蔥做法好味d!! 可能同蠔夾d...所以好香!!講一講個招牌炒飯, 我地十人叫左個大既...佢既份量真係大到足夠我地食!! 不過同普通茶餐廳的炒飯無太大分別!只係多左d蝦~~另外,

為左慶祝自己升級, 我決定請朋友食番餐海鮮, 其實我去流浮山都食左有10年, 之前一路都係去雄記買野, 跟住去海景食. 不過上次係雄記買料時, 阿事頭婆叫我下次可以試下明記, 咁我諗住試下新野, 點知呢次真係中晒招!!!!!1) 白灼九蝦 評價: 味道ok, 因為d蝦新鮮又白灼根本好難會唔好食2) 豉椒炒蟶子 評價: 開頭俾佢賣相以為好好味, 一食落去好淡, 無味(鮮味都無)要落豉油3) 海鮮湯評價: 全晚味道最正常, 因為我叫雄記私人送左一隻蟹同一條魚加料, 如果唔係唔知d例水咩味4) 蒜蓉粉絲蒸象拔蚌仔 評價: 又係完全無味, d粉絲仲蒸到乾晒5) 老虎斑2味(炒球)評價: 真係未食過d肉咁"林", 完全唔似老虎班, 仲要大舊個d有少少生, 都係個句---無味, 要加蠔油6) 老虎斑2味(炆骨)評價: 全晚最過份的一道菜, 我條老虎成6斤2, 之前炒球都唔算多, 諗住炆骨都好大碟, 點知同平時食3斤幾差唔份量, 我地食左一半都無人食到有頭, 全部骨多肉少, d魚用好多粉炸, 我地叫佢炆乾身d, 佢就炸乾d魚再加少少汁, 根本都無炆過---又係個句無味, 好少食到一半已經唔想再食落去