榮式燒雞扒 (已搬遷) 新店位置

上星期日去Wine & Dine前走去銅鑼灣先吃lunch再去Honey Cream食雪糕本來想帶車爸爸吃炊豕店吃豬扒飯一不留意原來星期日off見隔鄰有榮式燒雞扒阿Q精神發作是但啦食唔到豬扒食雞扒囉hehe~我揀榮式雞扒烤豬頸肉飯彌補吃不到豬扒的空虛心靈, 車爸爸榮式雞扒手工拉麵~青檸梳打+$8好驚喜用上泰國樽裝梳打加分位^0^載有數片青檸的冰杯加入梳打便成甜味剛好清新解渴~榮式雞扒烤豬頸肉飯$48到了目測質素不俗先試烤豬頸肉夠淋調味簡單香氣不夠,雞扒質地嫩滑雞皮煎得香口果然係主角,另外有點小配菜蔥油和炸菜粒撈飯也是絕匹喔!!拉麵就麻麻哋見車爸爸吃一口後樣衰衰唯咁就知難食~豉油湯加上過淋的拉麵唯有交給我啃了他吧!!

50蚊以下有雞扒飯, 抵食. 可能係落左孜然粉, 好香, 見到面頭有黑椒, 食落有D咸如果叫淨雞扒飯就有2執, 女士可能食唔晒, 雙併就剛剛好. 可惜白飯份量少左D坐得好逼囉

LUNCH 食咩好~突然好想食雞扒! 哈哈就同同事來到呢到食啦!榮式己經食左好多次加啦,次次來到,一定叫雞扒飯,哈哈. 一共有兩塊扒真心,佢出色既地方系雞扒味好香, 就算連皮一起食, 都吾覺得油膩~呢下先正,女仔成日都驚肥,通常食肉時都去皮, 但次次來食榮式, 我一定會連皮一起食加 哈哈正!食雞扒識食一定食榮式!

朋友推介，特地走去試一試，但期望越大失望也越大。我試了榮式雞扒烏冬，一點也難吃，但又絕對稱上出色。吃不出雞扒有什麽特別的味道，就只是煎雞扒， 烏冬尚算合格。但配上連飲品要八十元....這份量.....貴了一點吧。

與友人傾傾我嘅強積金情況, 睇下可唔可以預早退休 今日真係到食榮式雞排睇下係咪真係咁好食12:15嚟到唔使等位就有得坐低啦  榮式雞扒，親子飯 $48 （2.5/5)比較失望嘅係普通煎蛋, 如果係炒滑蛋有會較多蛋汁, 相信會更加好食!雞扒經過燒焦帶點脆口, 幾吸引!!榮食雞扒烤豬頸肉飯$48 (2/5)雞扒表面佈滿黑椒而且好入味!! 豬頸肉肉質太鬆化欠缺應有嘅爽口, 另有新鮮野菜, 薑蔥及醃製配菜配菜亦不錯的推介此餐廳 2.5/5 只是黑椒雞扒又冇想像中咁好食>< 而且飯又乾爭爭, 不是唔係我個人喜歡的平均消費$48, 2位, 一人一個飯包飲品榮式燒雞扒 Wing's Catering星期一至日: 11:00-21:30鑼灣加路連山道13號禮加大樓地下Tel: 2882 6834佐敦, 屯門, 北角, 灣仔

成日都覺得應該支持d本地小店，因為集團式的食店多數都好樣版式經營。榮式的「雞藕天成」值得推薦，雞扒有自家調教的調味汁料，味道好香，有自家風味。藕餅有淡淡的冬菇味，又爽口，讚！成碗飯加埋d䓤油一齊食，冇得頂！雞扒同藕餅都大大件，飯既量又多，$48包埋一杯飲品，抵食! 

之前係灣仔做野都經常幫襯呢間。今日行過禮頓道附近就入左去食啦。未夠12點，人唔算好多，就叫左我最愛嘅雞扒蓮藕飯啦。以我係灣仔食呢個飯嘅習慣，一定要多蔥多汁嘅，不過呢度叫左幾次都唔俾我.....呢個係失望嘅地方雞扒煎得好香，不過唔夠灣仔個間將雞扒皮煎得咁脆，藕餅新鮮炸出黎，熱辣辣好好味。跟餐埋單50蚊唔駛，嚟銅鑼灣又多個選擇啦。 

今日又系銅鑼灣搵野食，諗起以前返工常食既雞扒店，於是又黎回味一下。今日點左個雞扒烏冬，加左個板燒茄子同凍奶茶。烏冬應該系採用真打烏冬，扁幼既烏冬無得輸呀！雞扒保持到一樣咁香咁滑 正！今次試試個茄子，聞落好想，但食落麻麻，吾系難食但吾系好味！個茄子應該吾系燒出黎，好多油。系呢區既小店愈黎愈少，仲留到系到既小店都系有水準，可以一試。

雞扒真係一流平時食開佐敦分店，今次就放工專登試下銅鑼灣呢間 星期六夜晚八點黎到諗住都要等陣位，但岩岩好有位就唔洗等。雖然好鐘意食呢度啲野，個價錢係銅鑼灣黎講係平，又好味，唯一唔好就係環境真係過逼，相比起佐敦雖然唔係好闊落但都相對黎講好坐好多，而銅鑼灣呢間係真係逼到可以用沙甸魚黎形容，係坐左落去，隔離啲人離開去埋單都需要移動隔離枱，基本上兩邊都出唔到，所以黎講我諗我下次都係幫襯番佐敦果間。一向叫開雞扒烏冬，當然照舊加10幾蚊變套餐(有油菜加飲野)，但係隔離枱遲我地十分鐘叫，八點半都無就已經無哂菜啦，我男朋友就叫左雞扒飯。上菜速度當然十分快，效率高但味道保持水準，值得一讚。榮式雞扒烏冬招牌雞扒好大塊好滑，配稻亭烏冬真係好好味。個湯好有麻油，雖然紅色但一啲都無辣既。但烏冬份量略為小，呢張相係未食之前影，賣相為一般，睇落份量都小，如果份量多番小小會好啲，我女仔都唔夠食lol 菜普通但都幾大碟，兩個人分岩岩好，男朋友個雞扒飯有兩塊雞扒，岩男生食，啖啖肉。埋單兩個人一百蚊有找，實惠，會再光顧，不過係佐敦果間 

OK, let's start with the attitude of the staffs, when we were walking inside, they were just chatting and pretend they didn't notice us. So I decided to repeat louder, they then greet us with a discontented attitude. Next, food were delivered to us right after we made our order, we both ordered their famous grilled chicken fillet with rice and it turned out that the name of the restaurant was exaggerated. the chicken fillet wasn't hot enough and the whole thing is horrible, the green onion sauce

榮式燒雞扒嘛...好像是很有名的!!!今天終於有同事和一起嘗試一下XD雖然不是真的很好食,但也是感覺不錯的~先說奶茶,其實也沒有什麼特別~中規中距的~而檬粉嘛...比預期中差,似乎係剛剛在雪櫃中拿出來的...部分檬粉都是痴在一起的...扣分但重點應該是的燒雞扒吧XD燒雞扒算是燒得不錯,雞扒的汁被鎖在雞扒裡,令雞扒不會變硬~而雞扒的外面則相當脆口,但卻沒有一種令人感到很正的感覺....

好食認真係好好食不過聽電話外賣個啊姐的確欠缺禮貌我係附近返工好多時都叫榮式外賣每當我叫  小麻牛肚稻庭烏冬睇外賣紙就好多蔥?送到黎一粒蔥都無 !!! 打電話過去問既時候 就比聽電話個啊姐話我話" 岩岩叫左外賣 個烏冬係唔係無蔥? 同外賣紙有出入!"佢話" 無蔥咁你想點? 我同左廚房講 無就無"我話" 唔洗咁勞氣既 我打黎都只係問下個烏冬係唔係無蔥架? "佢話" 無就無 下次再叫" CUT左線!我再比多次機會榮式送到黎都係無蔥 仲要留野飲 我又再打電話去亦都係果個啊姐聽電話我話:'' 其實有D誤導顧客 我叫左2次 2次都無蔥?"佢話:" 咁你想點啊? 好忙啊! ? CUT線我再打  佢話無就無 唔關我事!

呢期日日都陽光普照，LUNCH都唔想行得太遠食。今日肥妹同兩個同事一齊出去食，近近地去左食榮式雞~今日唔太多人，大概12:45行到去即刻有位。雞藕天成加凍檸茶少甜(凍飲唔使另加錢)。兩塊藕餅嘅色望落好似差啲啲就燶左咁，食落又無燶味嘅~藕餅食落幾好咬口，因為有少少魷魚粒。雞扒簿簿的，啲肉都幾香滑，唔會太老，煎得剛剛好；油就一定有架喇，但可接受。菜呢啲野，半裝飾啦，無咩味道，好過一啲都無。經過開呢一頭，可以考慮試一試榮式~

前陣子，友達人南瓜發表了一篇有關《榮式燒雞扒》的潮文，說這一家雞扒店悄悄地起了革命。看見這一句話，心血來潮的，於中午同同事一齊行過來銅鑼灣的《榮式燒雞扒》回味一番。依然有佳藕天成，依然有雞同鴨講，但在餐牌上多了兩行字，是介紹他們設於澳門及新加坡的分店。原來在不知不覺間，《榮式燒雞扒》同《譚仔三哥》一樣，國際化了。同場，有不少國內同胞，同檯，有老外與我們一起搭檯。榮式燒雞扒，特別的地方就是她的脆皮，雞肉被拉長，但完全不會影響雞扒肉的 Texture，皮也拉長了，所以一烤起來，雞油脂特別的快揮發，油爆一爆，雞皮份外的脆。而朋友配的是雞翼，鹵水味道香濃，再以他們的特製蔥油撈飯，惹味。而我，就要了一份雞同鴨講，雞扒，同以上所說的一樣，雞皮勁香脆絕對是一個重點，而鴨肉，肉厚而香口，味道比起一般的煙鴨胸來得更味濃，我的這一個雞同鴨講，是一個肉感豐富的碟頭飯，一樣，用他們的特製蔥油撈飯，感覺邪惡，但味道的確是很香很好味。《榮式燒雞扒》，以前是低調高手，叫食客食過好食，回來就好，不要向太多人講，就是因為這樣，唔聲唔聲，由灣仔開到銅鑼灣，由銅鑼灣開到北角，由北角再到屯門，由屯門開到佐敦，再悄悄地衝出香港

繼續分享小店的樂趣。記得很久之前，阿蘇曾經在電視介紹過一個很好吃的雞扒，叫「榮式雞扒」，現在此店已經開到數間分店了，這天吃的，就是在銅鑼灣的分店。店內面積不算大，挺骨子的。來到這裏，怎能不吃雞扒？「雞扒飯」配熱奶茶 $42一碟飯有兩大塊燒雞扒，配上大量蔥花及榨菜作為配料，而且榨菜是可以無限量地添加，開心！雞扒是用黑胡椒掩過，蓋上少許蜜糖，燒出來雞皮脆卜卜，雞肉軟腍入味，的確是不錯，而且吃不到雪味，吃燒雞扒我已覺得很爽！至於白飯方面，淋上了燒汁，再配上蔥花及時榨菜粒，確惹味。除了雞扒，在菜單上還見到有豬扒、豬頸肉之類，我自己則興趣不大。來到「榮式燒雞扒」，一定要吃雞扒啦！值得一試的。