海皇粥店 (美孚新邨)

營業中

休息中

天氣急急轉凍，身子虚弱的我終於病倒了，難得有sick leave本來想去附近的地方吃個好一點的午餐， 不過因為病要吃得清淡，於是就老遠的來到這店食。因胃口差所以點了炸兩，豬紅碎牛粥Sorry， 因為手機冇電，影唔到相 炸兩: 近乎係凍，腸粉又淋，油炸鬼又唔夠脆。  豬紅碎牛粥: 真係好一般的味道， 起碼夠熱， 碎牛夠多 。結論: 如果求其一餐的話，可以幫親. 但食過之後係唔會想再食 。

Sadly, I was sick last month and I had been on a congee diet for weeks.There were a lot of Congee shops in Meifoo;but now there's only one.As a chain store, 海皇粥店 offers quite a number of food, but i want to point out that CONGEE is still the main courses of your shop and please make good congee.It was what I ordered, 皮蛋瘦肉粥.To be honest, the congee was watery with no visible 'rice'.The meat and the egg were too salty and of a poorly small quantity.Being the ONLY congee shop in Meifoo, I seriously

因為要清大假, 今日獨自去影相, 影左成個早上好肚餓路過美孚的海皇, 便坐底食個 FULL LUNCH之前都有食佢地既皮蛋瘦肉粥, 油器, 糉, 炸兩講真粥的米香唔夠, 油器有時都唔錯, 糭既料唔多但總的來說, 咁既價錢算係比足料今次叫左個未試過既菜乾排骨粥, 菜乾冇咩味, 但排骨足料, 肉腍幾好味, 粥照常唔夠米香另外亦叫左個未試過既蝦米腸粉, 今次有驚喜, 個腸粉都算幾滑, 料足, 只係加豉油就已經好好味其實仲有杯豆漿, 不過我飲係因為凍, 而唔係因為佢有豆味 (都有, 但比較弱)總的來說, 咁既價錢都可接受另外員工很有禮, 只是地方清潔一般

琴晚肚痾，所以落黎海皇粥店食粥清淡少少亦係我第一次幫襯海皇粥店我叫左碗魚片瘦肉粥（$22），價錢比我估計中平，之前以為呢類型連鎖店會大約三十蚊一碗粥，原來同普通粥店價錢差不多粥既SIZE岩岩好，本身都幾有味，所以唔洗落任何調味料而魚片同瘦肉都幾多，可能因為舖頭切得比較碎，所以睇落幾豐富，粥面仲有幾塊小油炸鬼呢個時勢，用廿二蚊食到一碗幾足料又夠料既粥，都唔容易舖頭位置頗多，就算黎同朋友黎打下牙骹都唔錯價錢，味道，份量都比我想像中好既一餐!

除咗病以外，有時我同老婆都想清淡少少，就會想起嚟食粥。晌美孚區賣粥嘅鋪頭唔多，之前試過一次內街「味味佳小廚粥麵店」嘅生滾黃蟮田雞粥，覺得麻麻哋，所以，其後都多數幫襯海皇粥店。價錢合理，質素穩定，又正正晌地鐵口，故此，次次嚟都見唔少街坊、生客幫襯 。 南瓜粟米肉碎粥 $19大大碗橙黃色南瓜粥底，還算綿滑，幾香南瓜味，加有少少粟米粒同瘦肉球，瘦肉球 ？無錯，真喺瘦肉球，唔喺肉碎，可見廚房做得幾俹簁，因為依個錯體版南瓜粟米肉碎粥咁樣，先至打算寫番篇食評紀念佢 。 菜乾排骨粥 $20暗綠色嘅菜乾排骨粥，粥底水準當然唔會太大落差，不過，嫌佢菜乾少，粥底欠咗啲菜乾香味 ，而排骨亦都較為縮水，細粒肉少。 蒸蘿蔔糕 $13 見佢牆上廣告牌話蒸蘿蔔糕配料增加30%，儘管點一客試試。我哋都較少晌海皇食蘿蔔糕，對上一次食都唔知幾時嘅事，所以，佢話配料增加30%，其實都無得比較。只可以話，件蒸蘿蔔糕頗香蘿蔔味，內裡好多一絲絲蘿蔔絲，幾清甜，夾雜少少蝦米，基本嚟講，蘸點甜豉油嚟食，味道唔錯。清清淡淡又一餐，只希望下次啲「肉碎」做得認真啲啫！

I went there with my friends during my recent visit to Hong Kong.  I was there couple years ago and their fry dough wrapped in rice flour wrappings was excellent.  So this time I revisited and asked for the same dish.  I specifically asked the waitress for the crispy version as I know sometimes they have it soft.  The waitress yelled that they do not serve any crispyversion, theirs are soft.  Like it or not, that is the only one they have.  Had she spoken to me nicely,it would be fine.  But she

正所謂小病是福，個人捱得多都總會病下，依個星期啲氣管病又復發，真真正正嘅「條氣唔順」 ，道氣有啲扯住扯住，猛咁咳，成個人胃口都喺差啲，食粥就成為小弟病親嘅餐膳首選！晌美孚區，專賣粥嘅店舖唔多，一喺海皇，一喺就味味佳，以前仲有間好滿粥（我幾鍾意架，可惜摺咗），所以，睇完醬生晏晝就幫襯海皇，夜晚就搵味味佳。海皇唔使多介紹啦，本港粥品連鎖專門店，其實時有幫襯海皇，不過寫佢食評就少啲，因為多數食佢都喺貪方便求其叫碗粥，加碟炸兩、炒麵之類，真喺無咩好寫。今次想寫，一來今次食個粥幾掂，二來跟味味佳有比較，可以有多啲嘢寫吓。咁喺個咩粥？就喺自選三併粥！ 自選三併粥 $25 所謂「三併」，可以晌鯇魚片、皮蛋、碎牛、瘦肉絲、豬紅、羅漢齋、豬肉丸中任揀3款，小弟揀咗鯇魚片、瘦肉絲、豬肉丸，粥面仲會放有幾片油炸鬼同少少花生粒。個人覺得海皇啲粥一晌水準穩定，夠綿夠滑，今次亦無例外；此外，撈兩撈發覺都幾足料，鯇魚片、瘦肉絲落得唔少，不過細細粒嘅豬肉丸就只得兩粒，幸而幾款料都唔錯，鯇魚片幾鮮味，瘦肉絲帶點鹹味，豬肉丸亦挺爽彈，加上碗粥夠大碗，一碗粥頂一餐，都OK啦。食完粥，食啲葯，葯力好快發作，需要瞓陣先！

繼中午的時侯去雞煲之家卻沒點雞煲後晚上到海皇粥店我又沒有點到粥品兩人點了炸腸 咸肉粽 煎蘿蔔糕和一杯豆漿咸肉粽是預先蒸好的最快便來到糯米很腍 綠豆都幾乎蒸到入口即溶裡面有大半隻咸蛋黃可能蒸得太久顏色已變成啡色了不過都算作有咸香豬肉份量不算多肉香也有點不足 在粽裡好像變了閒角伴著粽子來到的還有豆漿豆味是有的不過一機製成的豆漿對我來說有點過甜如果稍微調低點甜度就完美了之後來的便是炸腸以往吃的炸腸 內裡的油炸鬼都是腍的想不到這次吃的炸腸裡面的油炸鬼竟然是脆卜卜的跟外面的腸粉皮正好成了對比整個腸粉都好就是麻醬太稀 說是"麻汁"反而更貼切這裡有點扣分了最後來的食物是煎蘿蔔糕我想蘿蔔糕都是放在蒸爐裡保溫如果客人點蒸蘿蔔糕就可以直接端給客人如果點煎的 就稍微煎煎兩面才上菜所以呢 這個煎蘿蔔糕的表面和四邊並沒有誘人的金黃色而且在長期用水蒸著的程況下蘿蔔糕一夾就散 有點溶溶爛爛的感覺教人吃得狼狽惟一可取的地方是蘿蔔糕裡有一粒粒的蘿蔔算是讓人覺得有下過真材實料

晌美孚真係無乜粥檔，以前有間「好滿粥」，不過年多兩年前執咗，後尾大半年前多番間「味味佳粥麵店」，兩間嘢都係買啲貴價生滾粥。反而小弟去得多係地鐵站口嘅海皇，今晚又嚟食，事緣老婆有活動，自己抱病在身，食粥都係個上佳選擇。可能依區競爭細啦，依間海皇經常都坐滿人。本來都係食碗皮蛋瘦就算，點知見佢有款艇皇粥$24，好似幾勁咁，係艇仔粥嘅富貴版，又另送半份油炸鬼，所以就改咗叫艇皇粥。艇皇粥海皇嘅粥一向都大大碗，而依碗艇皇粥用料又幾豐富，有鮮蝦、魚片、滑牛、魷魚、炸魚皮、豬皮……，用料不賴，一啲都無欺場，加上粥底綿香，清埋半份油炸鬼，飽晒！係時候又要食葯，跟住返屋企大覺瞓 zzzzz！

八月中旬‧晴以一間粥店來說，其實這裡是做得不錯的，至少一天廿四小時都有熱辣辣的油器可吃，這是不簡單的。而這裡也不時有新產品研發出來，之前的一味南瓜粟米粥就吃了幾次，最近來就是為了這一味蓮藕肉丸粥。都等了一會來有粥吃，但粥送上來的時侯是有紅紅地色的，有趣。吃一口才知，原來是南乳的味道，看來是蓮藕是用南乳來煮過吧。粥不差，但有南乳味，說不出的奇怪。肉丸反而不錯，幾鬆化。27元一碗粥不便宜，不過有一籃油條送，還脆口的，算不錯。

中午從西貢出來, 見爸有點不舒服便決定大家一齊食碗粥算數. 係美孚, 最就腳就只有海皇了. 海皇, 連鎖式經營, 環境當然俾記什麼 x 記好, 有舒服檯凳, 有足夠空調, 環境又乾淨. 其實係唔錯架. 是次入海皇消費, 我不打算堂食了, 買回家讓老爸食完休息. 叫了一個魚片粥, 一個皮蛋瘦肉粥, 同一個牛肉腸.粥品同一般弼店一樣, 都是一大鍋粥, 慢慢煮著. 到要時, 才滾多一滾, 淋上去魚片及皮蛋瘦肉之中. 而腸粉, 就即叫即拉. 而豉油就沒有幫我落, 回家打開時, 另有一包李錦記, 落幾多, 因應自己所需. 算是正確的做法.即拉腸粉, 皮夠煙韌, 不過牛肉便欠了點鮮味. 甜豉油, 一包也許不太夠. 總之成條腸粉, 係得個皮叫做靚. 牛肉餡料, 失敗.粥, 不用多說, 海重的是味精粥. 味雖如此, 粥品一向都係清淡, 魚片, 都算做新鮮, 成碗粥係好食, 只是味精....的確係重手左少少. 皮蛋, 普通的皮蛋不能與鏞記的相比, 放粥都算是 OK 那種, 而肉條, 同樣是味精加味精.....話就話粥夠清淡, 但淡淡味精, 實有失其意.

搬o左o黎美孚, 第一次病睇完醫生, 想搵碗粥食o下行o左好幾間, 都無乜好選擇唯有行返轉頭o黎 海皇粥店 食~坐低... 感覺o的冷氣好勁...{應該唔關我病事, 上次暑期o黎都係覺得佢o的冷氣凍}order了 滋味粥 + 蝦米腸 滋味粥 其實即係有味白粥, 有o的薑味, 似係生滾魚粥o既粥底, 都夠綿 ok~ 蝦米腸 除o左蝦米之外, 仲加o左o的紅蘿蔔粒, 一般水準, 唔夠滑當然la~ 要將連鎖式o既粥店同舊式粥店o既即拉蝦米腸, 差好遠lor~對於一個病人o黎講, 味道已經無咁重要 {因為病, 味覺都無乜得淨}最重要都係食得飽~

同朋友係m記吹完水又唔想食果度d野~見到對面有間海皇喎~好似係開廿四小時~果時都差唔多一點....冇咩選擇就去試試叫左個魚片牛肉粥~配紅豆冰都係加多7蚊呢度紅豆冰有兩種...一種係普通既..一種就係用豆漿做既...叫左杯用豆漿既...都幾好味粥就好一般啦....不過魚片味道唔錯友人都叫左杯紅豆冰~不過最搞笑就係黎到話冇晒冰...比左杯紅豆"水"佢~~哈哈p.s:呢度冷氣極凍!!!!!

尋晚見凍凍哋就响路過間美孚分店食嘢,order咗碎牛粥同埋咸肉粽。咸肉粽都算ok,不過碎牛粥就變咗碎粉粥。碗粥入面D炸米粉淨係隱約得少少牛肉碎，成碗粥只得鹹味同埋油味-D油味係來自D過期花生。我食咗幾啖就放棄咗,因為實在唔想為難自己。諗起細個嗰陣响冬姑亭食嗰D好味碎牛粥,只能慨嘆:新不如舊。

今日同男朋友黎呢度食粥..呢間海皇粥店唔洗自己拎有人拎黎比你..幾好啦..上次黎食係上年勒..呢排黎開呢頭都會食佢..因為d 粥似係生滾粥,熱過之前好多亦好味左,鍾意食佢d 魚片粥因為會有魚的鮮甜味..因為咁自然都多左好多人黎,不過今日好失望...比佢嚇左嚇..碗粥一黎就好反胃,因為成碗粥d 魚肉都係紅色架!!仲有d 血水咁,好恐怖...雖然咁樣証明左佢係生滾比我地...但係真係令人好唔舒服bo...因為正想擺落口..同d 人講..只係掛住拎走去...倒番落去再煮一煮就比番我地..不過, 拎番番黎都只係講左一句: 對唔住呀下就走人...令到我好驚形住形住..跟住食果d 都好似生生地咁..不過佢真係好味左既比之前..比喊面又好衰..比ok 佢la..不過大家食既時候小心d 啦..ps.個位對上個冷氣耐唔耐就一大滴水趺落黎.. 所以想坐耐d 都唔得...