牛繁一人燒肉 (朗晴坊)

營業中

休息中

一直喜欢吃烧肉，然后之前选的都是放题，因为比较划算，不过每次都特别吃撑，味道有时候也高低不一，最主要每次都接近300块。但旺角这件点餐制烧肉，味道很好，而且有时间慢慢品尝，一百三十就可以吃到套餐吃饱，很划算，之后肯定还来唯一不太好的是上去的电梯里面有少少气味

31/8/2023T3之下一個人唔知食乜嘢，諗起而家好多一人日式燒烤，所以去咗‘牛繁 ’ 燒肉。自己一個坐，向住窗，每個位置都有格版，所以一個人都可以盡興，唔會尷尷尬尬，食得多食得少都唔會俾人歧視。叫左 （$88）A3 200g (牛胸花、豬五花）、套餐選了泡菜、白飯要了大。另單點50g 牛橫膈膜肉個人覺得牛胸花同埋豬五花都莫名地有少少‘蘇’味。反觀另外單點嘅牛橫膈膜肉就好味。我諗都真係一分錢一分貨。其實套餐啲肉唔好睇佢咁少，食落其實都幾知飽。加上我要咗大嘅白飯，食晒都幾飽㗎。

如果你想一個人享受燒肉的樂趣，又唔想花太多錢，那麼旺角朗晴坊的牛繁一人燒肉就是你的不二之選👍牛繁一人燒肉是日本東京過江龍人氣燒肉店的香港分店，採用最新無煙技術嘅日式燒烤爐及抽風系統，離開時不會帶走油煙味😊牛繁一人燒肉的套餐有十款選擇，每款都包括味噌湯、白飯和配菜，而且可以自由選擇肉類的份量（約100g至350g），價錢由$48至$194不等😍我已經唔係第一次食，之前食左兩次都好好食😋今次同女朋友再去食，佢食完都話又平又好食！佢地d 牛，油脂分布平均，入口嫩滑，油脂味充滿整個口腔🤤，配搭秘製燒汁，好惹味😘味噌豬五花肉辣中帶甜，表面焦香，肉質細嫩多汁😋柚子胡椒雞腿肉是日本櫻姬雞肉，以柚子胡椒醬醃入味，柚子的清香加上胡椒的辛辣，突出雞肉嘅鮮味同時令味道更富層次感😍用秘制燒汁醃入味，令和所有肉嘅香味更濃厚🥰D牛係爐上燒一陣，一口送入口，油脂豐潤，入口即化😭，D香氣瞬間在口中炸開，口感超棒👏平過牛X！又一樣咁好食！所以我今次一定要寫，等多d人知道依間野🙌牛繁一人燒肉真係一個人燒肉的天堂，無論你係鐘意牛、雞肉定豬肉都可以揀到岩自己既套餐，而且價錢合理，份量足夠，肉質優質，服務親切，環境舒適，值得推

牛繁一人燒肉最近香港多左好多一人燒肉，食完一間又一間，繼之前食過嘅燒肉👍（偷懶冇寫食評），呢間係第二間食過嘅一人燒肉。為左可以快啲試晒唔同肉唔同味，所以叫左個咩肉都有嘅set同一個牛肉嘅set。飯生蛋/溫泉蛋加蔥/飯素加醬油加飯。明明應該係無敵嘅組合，但佢飯素加蛋既組合有啲唔太掂，撈咗隻蛋落去，飯素嘅味道太重，成隻蛋基本上都食唔到佢有咩味，同埋本身啲肉有醃料，連埋飯一齊食就好鹹。蔥嗰個就好啲，如果鍾意食蔥嘅朋友可以叫。雞肉雞肉就係雞肉，就係平時自己係超市買到或者其他燒肉店標配嗰啲，再普通到普通嘅雞肉。從來唔會有人話佢好味，但又唔會有人話好難食嗰款。豬肉其實都好普通，就係超市買到嘅豬五花，不過佢會醃埋比你。同埋佢都幾大舊，如果成舊食會有啲韌，之後叫店員比左把較剪剪開去先好啲。雖然都唔太好食，但已經係三種肉最好嘅一種。牛肉佢又未到好韌好韌個隻，但係都要啲牙力先咬得開。就好似係屋企打邊爐因為買唔到靚啲嘅肥牛淨係買到最平個款咁。你話佢好難食又唔係好難食，但佢又冇乜牛肉味，又有啲韌，食下食下連自己都唔知食緊乜味。同埋因為佢唔知係咪都知自己啲牛冇乜牛肉味同雪味有啲重，佢啲醃料落得勁重手，基本上成舊

當我進入餐廳時，香氣撲鼻而來，讓我立即感到興奮。餐廳內的裝潢設計簡約現代，氛圍溫馨舒適，讓人有一種放鬆的感覺。服務人員熱情地迎接我，引導我入座並詳細介紹餐廳的菜單和服務。菜單上有多種牛肉選擇，包括A5和A4等級的和牛，還有其他部位如牛舌、牛五花和牛肉片等。我選擇了豬五花和牛五花，因為我聽說這是他們的招牌菜。不久後，服務人員將新鮮的牛肉片和豬肉片端上桌。牛肉片看起來鮮紅誘人，紋理均勻，肉質細嫩。在炭火爐上燒烤時，牛肉迅速散發出誘人的香氣，讓我垂涎欲滴。我將牛肉片放在熱騰騰的熱板上，等待它慢慢熟成。吱吱作響的聲音填充了整個餐廳，令人興奮不已。當牛肉熟度達到我所期望的程度時，我輕輕夾起一片放入口中。這片牛肉融化在嘴裡，帶來絕妙的口感。它的質地嫩滑，肉汁豐富，入口即化。牛肉的味道鮮美，伴隨着微妙的脂肪香氣，散發出無法抗拒的誘人滋味。每一口都讓我愛不釋手，我不自覺地又夾了一片。除了牛肉片，餐廳還提供了多種配菜和醬料，如新鮮的生菜、大蔥、蒜泥和醬油等。這些配菜和醬料提供了更豐富的口味層次和搭配選擇，增添了整個用餐體驗的樂趣。

旺角分店主打1人日式燒肉澳洲M9里脊肉＋橫膈膜肉套餐里脊肉好大塊，柔軟嫩滑仲跟咗個月見汁食落會更加滑溜口感橫膈膜肉屬較有咬口嘅部位肉味會再濃郁啲，好正😌另外加咗香蔥燒薄切牛舌牛舌配香蔥係絕配唧埋檸檬汁係完美亦可以減少牛舌嘅油膩感北海道十勝A5黑毛和牛西冷油脂豐富有2大塊幾足料加錢可轉牛繁蛋拌飯溫泉蛋同飯素撈飯可以食好多星期一優惠$8.8有日本櫻姬雞三角，抵！雞三角即係雞軟骨佢好食在個軟骨仲有黐住啲雞肉配柚子胡椒真係好好食🥹

之前已經食過一次，最近口痕又想食多一次🤤不過上次食就唔係幾飽🤣所以今次就叫左A10大滿足 250g，有牛胸花、肩胛片、豬五花同雞腿肉。呢個份量就滿足到我，$122就可以食到4款肉🤤4款份量都啱啱好又好食🥳怕唔夠食仲可以加飯/加肉👍🏻上菜速度都好快，不過個爐就略嫌唔夠勁下次想食一人燒肉都會再幫襯!

呢間野經常排隊，今日見佢樓上鋪，又未到最旺既時間，碰碰運氣。唔洗等位，兩個人叫咗兩個餐，菜名我都唔係好記得，但係幾好食，每個人都係100鬆啲$，仲有泡菜又有飯又有嘢飲又有湯。而且食得幾舒服，職員又有舊野比你擺埋袋，平平地，又有咁既質素，真係盤唔話得，比個讚佢

好耐冇食過燒肉啦，決定同朋友去旺角嗰邊搵間燒肉食叫咗三個唔同嘅套餐大家一齊分享，各有千秋，不過整體感覺上佢嘅味噌五花肉比較好食，另外餐廳嘅柚子胡椒雞腿肉調味都幾好，推薦大家試吓餐廳名稱：牛繁（旺角）餐廳地址：旺角砵蘭街215號朗晴坊2樓#牛繁 #燒肉 #晚餐 #整體乾淨衛生#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #九龍 #九龍美食 #九龍美食之旅 #九龍好去處#旺角 #旺角美食 #旺角美食之旅 #旺角好去處

Lunch 過去試下, 等左一陣, 估唔到燒肉又幾好喎.  以份量同質素嚟講, 其實幾抵食呀.  Lunch 過嚟幾十蚊有交易, 性價比好高.  叫左牛五花 & 豬腩 300g, 細食啲未必食得晒.  肉類油香同爐火都好足夠.  好大機會會再嚟啦

📍 牛繁一人燒肉 (旺角)🌍 旺角砵蘭街215號朗晴坊2樓📝 整體評分：1／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝好少會比差評，除非係網上吹捧得太勁，要驚世下無聽錯用餐時間係65分鐘，不過爐火比較細，好肚餓嘅話會嫌太慢；但煮方面會易掌握，唔會搶哂火。肉質素整體黎講，好似就咁佳x雪肉擺上碟，只可以話好好賺！！！特別要提嘅係啲豬肉係有豬臭味…呢個真係不能接受！醬料方面比較少，燒汁同味噌；調味有海鹽、黑椒、七味粉。唯一讚嘅位係味噌湯幾好飲同埋白飯有份量有得揀，叫左大真係勁大碗

估唔到平日嘅夜晚八點幾都幾多人排隊，一出lift已經逼到冇乜位企，拿拿淋撳張飛仔等位先。唔知人多嘅關係定係門口位冷氣不足，感覺又熱又焗促，等咗一陣已經開始流汗，好彩都唔使等好耐，大概15分鐘到就可以入座。有新menu喎，不過初來報到嘅我梗係試咗普通menu先就要個A3 Double up加A7 豪州射和牛，另外再散嗌叫厚牛舌、雞三角。拉開櫃桶應有盡有。A7 豪州射和牛：有配菜、味噌湯、生雞蛋、橫膈膜肉、里脊肉。里脊肉好軟身，唔使剪就散，入口都係偏軟。橫膈膜肉較硬身，有咬口啲。溝埋生雞蛋🥚，可以幫牛肉降溫之溫之餘，仲可以提升肉嘅香味另加嘅厚牛舌，燒牛舌火喉要較得啱啱好，牛舌先唔會太韌太難咬，燒到中間粉紅色就啱啱好，咬落軟熟A3 double up:有牛胸花同豬五花、另外散叫雞軟骨豬五花同雞竟然比牛好食豬五花燒到兩面金黃，咬落脆卜卜，夠香口。雞肉嫩滑，食得出係來自日本嘅雞肉雞係最好食嚟到一定要食雞食燒肉點少得啤酒🍻一邊食燒肉一邊飲啤酒，人生一樂也

牛繁提供十款一人燒肉定食套餐1️⃣0️⃣除咗燒肉之外 每個套餐都配有白飯 泡菜或芽菜 麵豉湯🍚🥣燒肉可以選擇秘製燒汁同鹽醬而都配有鹽 黑椒 味噌醬 辣味噌醬 柚子胡椒醬 好多醬揀啊🤤如果定食套餐唔夠 仲可以加配燒肉定食同配料🥩而白飯仲可以轉做牛繁蛋拌飯 (温泉蛋/生蛋) 香蔥蛋拌飯 (温泉蛋/生蛋) 牛繁盛岡冷麵🍚🍜同好多餐廳一樣都係採用QR code自助落單👇🏻掃QR code👉🏻點餐👉🏻開餐👉🏻前枱付款🇯🇵🇯🇵🇯🇵🇯🇵牛胸花套餐 (300g) ($108)如果想食平啲 但食到最多分量嘅牛🐮就一定要叫呢個套餐啦✔️有300g牛都係$108🤤牛胸花油脂分配平均 唔會全部都係油脂冇肉但係要好好掌握時間 如果燒耐少少就會有啲韌啦😬牛繁套餐 (牛胸花+特選肩胛片+薄切牛舌) (150g) ($112)特選肩胛片比牛胸花冇咁韌 加上牛味比較濃🐮而且油脂部分會比牛胸花少 食起上黎唔會覺得油膩食牛舌最怕咬唔開好韌 但呢個牛舌唔韌 好易就咬開😬三款肉最鐘意薄切牛舌 原來仲有厚切version 🔪下次有機會一定試下🤤牛繁蛋拌飯 (生蛋) (+$16)覺得食白飯太單調 大家可以試下牛繁蛋拌飯上面有飯素加生蛋/温泉

🐮A1 牛胸花套餐 200g--$82✅牛胸花份量多✅肥瘦均匀✅送麵豉湯和芽菜等配菜🐷A6 豚肉套餐200g--$108✨多種款式✅豬頸肉✅豬五花配生菜✅泡菜✅蒜片✅送麵豉湯和芽菜等配菜-----個人評評分❤️：8/10性價比💸：8/10環境📷：7.5/10回頭🤓：會總結：整體黎講份量幾多🤤👍🏻肉嘅質地都算幾好，重包埋配菜，即燒即食，重有5款醬汁提供，係間唔錯嘅燒肉店！但係男小編個爐有d問題，係咁彈油🥲🥲好彩之後可以換位

垃圾 本來喺日本食過覺得好好味，難得見到香港有，價錢又唔貴就去試吓，點知簡直係差天共地真係好後悔食咗 牛胸花喺放題級cheap嘢質素嘅牛肉冇牛肉味，右邊嘅竟然係所謂十勝A五和牛，牛肉多筋好硬，大家評吓理睇吓相，望落去一啲都唔似a5級數啦！都唔明日本點會Franchise俾佢，唔係應該考吓啲質素先㗎嘛？日本社長嚟食完一定好失望！香港是但一間連鎖燒肉都好過佢啦 仲有泡菜係冇泡菜味，唯一可讚嘅係佢個辣麵豉醬都幾好味