綠野仙踪 (已結業)

自己放假去開舊office上堂!約埋三五知己食午餐，佢哋介紹我來呢間餐廳，我提早1200去攞位，地方幾大，坐到門口一角卡位！因為朋友未到，所以我慢慢睇餐牌，食物係台式食物！期間負責我張枱嘅男店員行唔安坐唔落咁，成日走埋來裝下我打算落單未！到朋友到時！大家揀下傾下，終於落好單！食物好快到！三色牛肉新竹米粉（$48）：呢個係食家推薦，我將麵轉米粉，牛肉比想像中多，牛肉淋身唔韌，牛味重，醬料好多，撈埋落湯食，濃味好食，米粉幼身爽口，唔會易斷，不過米粉好多，努力食都食唔晒！脆皮素鴨雜菜新竹米粉（$50）米粉同事食，菜好多，素鴨我食了兩件，腐皮脆，中間軟熟，醬料唔係好咸，配埋淡味嘅腐皮好食！糖醋金沙骨+香菇肉燥飯（$52），同事食飯，我食咗金沙骨，酸酸甜甜，肉唔會痴骨，有肉汁！好味！跟餐加小食：椒鹽燒賣仔（$15）燒賣只係普通魚肉燒賣！外脆內軟，口感幾得意，味道正常，如果七味粉多啲會更好！香酥一口雞（$35）：好咸香，炸漿唔厚，雞肉淋身juicy!好味！芝麻雪香（少甜）（特飲加$8）：同事飲！鹹楊桃檸蜜：楊桃味唔出，似飲普通鹹檸蜜！喜歡鹹鹹地嘅味道！唔會過甜！幾膩剛好！朱古力雪香（特飲加$8）：

Weekday去到人多食肆少地區的話，一想到午飯時間就頭痛，最怕人多要等位。北角地鐵站附近一帶原來有很多餐廳，總會找到想吃的東西! AW最怕等位，所以一見到沒有人排隊的餐廳，門面光鮮的話就會惠顧 (這是一般怕麻煩的人的喜好吧!) 第一次吃《綠野鮮踪》，主打台式食品，大部份食客都是點鹵肉飯、焗飯等，再配一杯珍珠奶茶(應該是午市套餐的關係)。抓緊時間，AW也點了一客午餐—台式鹵肉豆腐飯配熱珍珠奶茶。飲品很快送上，一般在街頭台式飲品店的味道，至於客飯就等了好一會兒才送上。以為是「軟身」的豆腐，原來是炸豆腐... 口感有點硬，因為是油炸的關係，豆腐注滿了油...飯的份量很足夠，但鹵肉份量不夠「撈飯」，最後還是有廚餘。整體來說，不過不失的一頓午飯，一般的味道，沒有太大驚喜。茶餐廳的格局午市套餐—台式鹵肉豆腐飯配熱珍珠奶茶$43 （指定飲品，凍飲加$3）大粒珍珠，咽韌口感，奶茶跟街邊台式飲品店味道一樣賣相不錯，但味道沒太大驚喜，普通的炸豆腐和鹵肉而已不知道是白飯太多還是鹵肉太少，不夠撈飯，AW唯有做「大嘥鬼」

以前綠野仙踪喺炮台山，見到依家搬咗去北角，於是和友人們一同lunch~ 有個亞叔侍應幫我哋落單，不過佢好似聽得唔係好清楚，要我哋重覆幾次先明白，看看佢個名牌，四個字，原來係日本人嚟架！其實佢真係好厲害！聽得明我哋講咩，落到單，又同我哋簡單溝通到，令我們另眼相看！嘢食陸續來了！其中朋友叫咗「肉燥腩肉飯」，點知來咗「肉燥蠟腸飯」，於是就叫侍應換喇！點知女經理背後大大聲鬧佢：「拎銀包出嚟啦！賠錢呀！」「你落錯單嘛！」「賠錢呀！」我哋開始同情個侍應，繼而朋友要返個蠟腸飯...成個午餐，我個心都唔係好舒服，腦海不停諗女經理嘅悔氣說話...其實個侍應已經好大壓力同好慘架喇，如果經理覺得佢唔適應做侍應，應該物色佢調去第2個位就算D嘢好食，態度唔好都留唔住D人,何況D嘢比之前更難食...我叫嘅肉燥茄子飯：肉燥汁好水好稀，有D似食牛腩汁嘅飯，茄子又少，鹽酥豆腐又無味...灰了... 

雖然都幾鍾意去台灣旅行，尤其一啲小城、小鎮，好似台南、羅東、礁溪……等等，不過，晌香港就甚少專燈搵台菜食，一向隨遇而安。就好似今晚，幫朋友嚟開德成號「攞貨」，順道試吓綠野仙踪，點解會喺佢？因為食友推介囉，話值得一試幾唔錯 。晌依一截昏昏暗嘅渣華道好易認出綠野仙踪，因為草綠色鋪面，加上射燈，非常鮮明 。而內裡環境，亦以唔同層次嘅綠為色調，一邊仿磚牆仲畫有草草樹樹，有種童話原野嘅感覺，份外醒神；再者，樓底夠高，令空間感更強，暫且放低一切忙碌，好好享受吓台式休閒 。休閒還休閒，都要睇睇有咩好食，原來選擇甚多，由台風早餐、台式常餐、午市特價套餐、百搭下午茶、人氣茶餐、廚師推介、星級鐵板餐、2人或3人自選套餐……等等，真喺咩時間嚟食都得 。但不期然，你就發現話就話主打台式，但又似乎包羅萬有。其實計落，個2人自選套餐最抵食，$158包1款主菜（4揀1）、2款小食（12揀2）、2份香飯（4揀2）及、2杯特選台式餐飲 。此外，有一本印刷仲精美嘅主餐牌，內裡嘅款式精緻啲，提供風味小菜、地道小吃，有升級優惠加錢變套餐（+$25送前菜、香飯、及特選台式餐飲） ；仲有一系列台式湯麵，同樣有得升級，

其實本身見到綠野仙踪呢個名,都覺得古古怪怪,如果唔係上OPENRICE睇過,都唔知係台式既餐廳.叮噹keroro同大雄3個得罪左一班人，點解keroro會被比人打先呢？因為....睇完MENU後,先知發現呢間其實唔係台式餐廳,而係集中港台美日五地既料理,由港式鐵板,台式食品如魯肉飯,中式小炒以至美式扒類等等都有.個心只係覺得好似好大機會中伏,因為通常咁樣都無樣精一場黎到就隨意吧,叫左個醬爆川椒雞$55+$25配前菜,貴妃炸醬飯和珍珠奶茶另加$23 食個上湯清菜無什麼特別,就是上湯清菜,沒有感想.但係我只係想講個研究比大家聽,通常唔鐘意食菜既人都會鐘意食生菜.但係生菜纖維太少,不建議食用.醬爆川椒雞賣相不差,好多辣椒,基本上同潮式川椒雞差好遠.呢度既味道更香辣,醬汁又甜又辣,十分惹味,而且雞食出有香矛味,多左越式情懷.醬汁掛滿雞肉,撈飯食的確不錯.我覺得根本係FUSION,完全唔係台式,亦唔係潮州川椒雞而貴妃炸醬飯亦係咸中帶甜,亦有少少酸,同時亦有少少辛辣,四種味道集於一身.但味道也不及醬爆川椒雞既重口味今次我唔係期望食台式食物,單係以味道出發,所以係唔錯既.但係如果以台式做賣點,的確係

當今餐飲業最潮的，除了以復刻懷舊以外，還一股最潮的勢力，不容忽視的，就是台式食肆，如過江龍咖啡弄，茶木休閒餐廳等代表。於是在下相約女友在北角吃一個一般茶，當咱們來到綠野仙踪，門面以綠色為主，便推門入內。餐廳以淺綠色與黃色為主調，內裡也非常奪目，而且還有不少樹木，而裝裝也頗新穎和新鮮。座位全以卡座為主，坐起來也頗舒適。咱們不斷在餐牌上鑽研，有台灣小食，擔仔麵，亦有甜品，當中也有下午茶供應，而且價錢也不算很貴，粉麵都是三十八個大洋，米飯也差不多這個價格，而甜品亦是三十多個木洋便有交易，而小食也是不遑多讓，下午茶時段，只需十來個木洋。既然來到，當然來一個一下茶。蒜茸黃瓜黃瓜己切成粒狀，表面有芝麻，吃下的時候，有點稍辣，也有蒜香，然而這是凍食，所以入口時有冰涼感覺。素菜春卷併餃子在下很喜歡芋頭的當，素春卷有芋頭的時候，也很喜歡，然而蔬菜卻少了一點。外層炸得鬆脆，芋頭也弄得很蓉很好吃呢。餃子皮煎得香脆，裡內的鮮肉也頗鮮味，結實而不鬆散。燒汁肥牛配青菜上湯新竹米線。燒汁肥牛可算是用上了日式的做法，使肥牛有種照燒汁的味道，而肥牛本身也不算太肥，間中有油脂在口腔散發，新竹米粉是台灣著名的米粉，本身還比

Thanks to BKT Group for giving me a $200 cash coupon to try their food.Greenland Corner is located next to Kung Fu dim sum near North Point MTR station.Most of the staff were nice but one was pushy.Here was what I tried:★☆★☆★☆★☆★☆★☆★☆★☆★☆★Starfruit drink:A bit too sweet.★☆★☆★☆★☆★☆★☆★☆★☆★☆★Vegetarian tofu duck:This was quite nice but there was too much sauce on top which was too sweet.★☆★☆★☆★☆★☆★☆★☆★☆★☆★Crispy squid:The squid was either overdone or the frying oil needs to be changed.★☆★☆★☆★☆★☆★☆★

香港人向來熱愛台灣文化，一有假期就會飛去玩番兩三日，玩樂之餘，當然還要吃盡台灣美食。不過如果連三兩日假期都騰不出的話，其實香港都有唔少台式餐廳，得閒去 hea 番個下午，嘆杯台式飲品止止咳也很不錯。近日筆者就發現原來公司附近的 「柴火」，竟然靜悄悄地換上了一間以台式美食為主打的餐廳 「綠野仙踪」，見兒子向來愛喝珍珠奶茶，所以就趁假期和家人去吃頓午飯。座落於北角渣華道的「綠野仙踪」，門面以鮮綠色為主調，餐廳裝潢則以淺綠色牆身配上米黃色座椅，營造出強烈的色彩對比，給人年輕的感覺。安頓後先來研究一吓餐牌，由台式常餐、湯麵、風味小菜、地道小吃、一系列的台茶及特飲、以至台式冰淇淋及吐司等都有供應，選擇非常之多。兒子是肉燥飯粉絲，所以先點來兩客肉燥飯，分別有香菇肉燥豆花撈飯 ($35) 及肉燥滷翼飯 ($43)。其實兩碗飯味道相差無幾，只是前者放了白滑的豆花，而後者則換上了入味又充滿甜香的滷翼。至於店裡的香菇肉燥，據說是以五花腩肉加赤肉切粒，再配花菇、原粒麵豉、紅蔥頭、蒜肉、冰糖、醬油膏及十多款香料，以慢火炆 5-6 個小時而成，難怪啲肉燥入口醬香肉濃，肥而不膩，用來配飯，味道一流。至於這碗三色牛

話說好多年前香港都好興台式料理印像中綠野仙踪都叫做唔少分店，不過唔知咩事結業最近途經北角見到有間綠野仙踪! 於是乎就同女朋友黎試下!坐低睇左陣MENU，感覺上同咖啡弄，茶木唔同....後兩者裝修同食品望落稍為高檔D同精緻D就叫左個肉燥豬扒麵 同 蕃茄漢堡焗飯好食? 又唔係! 味道可以的! 至少煎豬扒都算香口唔油， 漢堡份量都合理不過響香港食台灣野的話...識食一定去食.......唯一好處就係地方企理同埋唔洗等位!綠野仙踪都係D 7...80後既童年回憶罷了!