莎樂美餐廳

營業中

休息中

接左🤴🏻放工都係3點幾，大家都未食飯，🤴🏻就建議去鋸扒，荃灣出名嘅梗係莎樂美啦😘😘，我哋就上咗2樓食，餐廳燈光陰陰暗暗有D情調😊😊我叫咗個鐵板午餐～～～串燒大蝦🍤皇伴莎地亞什扒～～～$68首先有塊火腿喺面，再有塊大過隻手板嘅豬🐖扒🐖，下面再加多塊同樣大個手板嘅雞扒🐓，最後再黎隻大蝦🍤+一條香腸，好彩🤴🏻撳住我冇叫意粉或者飯，只係食曬D扒都已經好飽😅😅講返啲扒比較薄真心一般😀😀，以量取勝😌😌🤴🏻就叫左套餐～～～鐵板紐約西冷牛🐂扒餐～～～$165呢個西冷牛🐂扒超大超厚，份量係值貴D嘅，但可惜偏乾，食得有少少‘鞋’🤨🤨配菜嘅薯仔🥔幾得意係一塊塊圓形嘅薄片😁😁總結：午餐以呢個價錢有呢個份量係相當之抵😚😚，但就唔好介意味道超級好😅😅套餐份量係可以接受但係質素真係有待改善😶😶

Lunch@莎樂美餐廳，香港史上最差服務既餐廳。上層封左唔俾坐，明明入面有位但逼客人坐門口位，個位有陣臭味，唔食起身走，新仔侍應立即話入面有位，最後被安排水吧前卡位。調位後俾一位廣東話講唔正既雌性老屎忽怒啤，餐具扔喺餐桌，仲有一張極污糟既餐桌布（仲污糟過抹腳布），態度極差，問食咩？客人落單飲品，佢就話問你飲咩湯，講左3次可樂，最後發現飲品漏單，全靠新仔侍應補返。未飲完湯，主餐（莎樂美什扒鐵板）已經送上檯，鐵板唔夠熱，汁倒上去無「滋滋」聲，飲完湯個鐵板凍晒。雖然好多人話材料豐富（火腿、豬扒、雞扒、大蝦、腸仔），每樣一件，份量唔多，特別係塊雞扒分開兩小件，望落似雞塊多啲。肉質黎講屬於垃圾級別，豬扒老咬唔開，雞扒有D臭，火腿腸仔大蝦最正常。至於杯飲品同雪糕亦係迷你級別。老老實實，$68加一收費，並唔抵食。同樣，未食完主餐，雪糕甜品已經送上檯，食完主餐個雪糕熔晒，但杯飲品就遲遲未上（漏單）。用餐過程，一群侍應塞係水吧前面講個不停，從跑馬股價一路講到葵涌疫情，雞啄唔斷，粗口連連，但客人招手無人理。個刻我終於明白自己點解被人針對，原來水吧前係卡位係蛇王位，老屎忽嫌客人坐低阻住佢地傾計，所以無所不用

食物質素方面,  唔再多講啦,    好多人都寫咗,  只係份量好大件,   但質素好一般,   同普通茶餐廳一樣.相都費事影！今次係第２次幫襯, 前一次都唔係有好嘅經驗,   諗住畀多次機會佢,   點知今次仲衰!! 以後唔會再去.昨晚六點半去到,  唔使等位,  直上上面嗰層閣樓,   我接近5呎11吋高,  佢比角落頭一張細到無論嘅枱畀我哋兩人打對面坐,  我坐唔到, 轉咗去中間嗰d 2人檯, 個阿姐已經有少少黑面.  好啦,  跟住啲衰嘢陸續有嚟,   首先來餐包,  我老婆都未食完個包,  佢就收手走左件牛油!!  之後, 件扒擺低唔夠兩分鐘,  就問我地飲乜嘢? 咁我話食完先啦,  佢又黑面......好啦, 食完扒,  之後好快擺低兩杯雪糕,   嗰幾粒棉花糖雪到硬曬,   仲硬過石頭!!   叫人點食呀?   完全冇誠意!  之後我食食下雪糕,  佢突然間叫我拎起個雪糕杯,   要收走下面嗰張紙!!  你有咩咁急要即刻收起張紙呀?  個客食緊嘢㗎!!   見佢咁趕客,  我就 順手叫埋飲品啦,  我老婆要凍檸茶少甜走冰, 我要凍咖啡走冰, 結果杯檸檬茶甜到好似落咗兩倍糖

家人喜歡食肉這裏是食肉獸最佳之選人流不多最緊要份量夠大啱晒男人食量啊仔叫咗個雜扒鐵板餐分量簡直多到就嚟滿瀉配上黑椒汁 完全是無懈可擊加埋經典羅宋湯及牛油餐包又一個美好的下午

莎樂美既下午茶，唔係睇著68蚊份上一早走左。個鐵板咁細，夾硬叠兩塊扒上去，完全唔夠位食，我走汁都唔夠食，豬扒柴都算，雞扒又有雪味，大蝦不大，比一隻中指大小小，而且無味，周打魚湯完全係麵粉水，咖啡仲苦到爭d飲唔到落口，個餐包硬到要扯先死得斷開。而且侍應係樓面高談闊論，質素仲衰過大家樂，完全係垃圾級下午茶！

今次要提既呢間莎樂美年紀可能仲大過我 , 估計都有30幾至40年歷史 ,住青衣既我依稀記得幾歲果陣第一次去荃灣 , 此店就已經屹立於沙咀道然而幫襯既次數不多 , 應該只有5次內隔了幾年無食 , 今次再去幫襯佢既午市雜扒餐 大約連加一 $70左近 , 包餐包 , 紅或白湯 , 野飲 , 鐵板正餐 及 甜品份量不少...惟質素確實一般 , 幸靠份量取勝 , 老實價錢認真不能要求太多 , 但求入到口, 中規中矩已經好好除左鐵板外...午市仲有10款左右飯或意粉任君選擇 , 照顧唔想鋸扒人士舊港式懷舊扒房愈黎愈少 , 黎緊會多D食呢D支持下

莎樂美餐廳充滿着兒時回憶，裝修同以往不變，服務員整體都親切。排咗成25分鐘先有位。扒餐份量大份！味道不錯，套餐亦配上餐湯餐飲及甜品，一定會食飽你🤣價錢合理，什扒套餐十分抵食！

今日去荃灣經過呢間沙樂美餐廳，聽講係一間傳統嘅扒房，所以入咗去試吓。一入到去成間舖頭都好大煙同好黑，仲以為去咗邊度。咁我哋叫咗兩個餐一個，就叫咗精選套餐安格斯肉眼牛扒，咁佢就包左個湯、忌廉盒、一個沙律仲有一球雪糕同埋杯嘢飲。呢個忌廉盒子係成個餐裏面最有驚喜和最好食嘅。熱辣辣嘅蝦同除博博嘅酥皮加埋好香濃同埋好有海鮮味。而佢呢個安格斯牛扒就好明顯醃得太犀利，啲肉開始霉霉地。另外嗰個餐就叫咗T骨扒，咁呢個就冇之前嗰個安格斯肉眼醃得咁犀利肉質比較爽少少不過都普通啦。

呢間餐廳既套餐份量相當大，特別係雜扒餐，有餐湯、餐包，鐵板上有豬扒、鷄翼牛扒、火腿、香腸、薯菜，仲有飲品、雪糕，一個人係食唔晒既。雜扒餐味道濃烈，但毫無肉質可言，勝在價錢平。

剛喺荃灣上完堂，老公話同我去据扒撐枱腳，好彩唔洗等位直入，一入餐廳懷舊的裝修，茶黃色的燈光，紅地毯的樓梯。有如置身於八十年代。環境比狹小，樓底亦較矮。泰式辣大蝦皇牛柳餐 $180拳頭咁大嘅牛柳，仲要有兩舊，睇見都飽。隻蝦失色左，唔太新鮮😅泰式汁普普通通，冇太大驚喜，如要黑椒汁，要另加$3🤨跟餐羅宋湯🥣，比一般据扒餐廳較為足料，香濃重牛味🐮。指定雪糕杯🍧🥰云呢嗱味加埋幾粒棉花糖，好有兒時畫面😌

舊式扒房已經買少見少，最具特色可算是那條擋汁餐巾同牛形鐵板，莎樂美唔係我童年回憶，但有時候有人總想去鋸個扒。🍴烤厚切美國牛脷 $142⭐️⭐️⭐️⭐️因為對港式扒興趣不大，所以試咗個厚切牛脷，估唔到又幾好味，瑞士汁牛脷超入味，厚切得嚟唔韌又夠腍，因為個汁好味，我連所有薯菜都食晒🍴鐵板莎樂美什扒餐 $140⭐️⭐️有人話好掛住個什扒，點知個餐嚟度有啲嚇呆，因為份量大得驚人，我全部都試咗一啖，係無質素可言，雪味好嚴重，就算濃厚黑椒汁都蓋唔住，呢個價錢好唔值二人共消費：$300後記：莎樂美衛生麻麻，那條擋汁餐巾穿曬窿不特只，用完又摺返埋留比下手用，好污糟囉！

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 鐵板牛柳餐 x2 💸 $363 (10% Charges)爸爸介紹喺荃灣有幾十年歷史嘅懷舊港色扒房🥩，佢十幾歲果陣食過🤣。裝潢有舊色舞廳風格，店內上左年紀嘅伯伯嬸嬸著哂恤衫西褲，成個感覺好似翻左去70年代咁～ 上層個樓底好矮，座位地方唔算大，但小小嘅空間感覺好cozy😆。有唔少扒餐、飯意粉餐選擇，湯類都有十幾款揀（單點）。價錢比其他港式扒房貴左少少🤏🏾，不過佢份量大、仲有雪糕送，相對抵食。-♡═━┈┈　　周打魚湯 ✰✰少少失望，味道好啖連忌廉味都冇乜( •̅_•̅)。餐包就熱辣辣好鬆軟。爸爸後來話佢地羅宋湯先係出色嘅，下次可以試下哈哈。♡═━┈┈　 鐵板牛柳餐 $165 ✰✰✰✰上菜果陣嚇親，兩塊大大塊牛柳大過個拳頭🙃。嗌左3成熟，鐵板熱辣辣煮多一陣就啱啱好😋。侍應額外再俾多左一兜汁我地，好貼心啊～牛扒軟腍，咁厚嘅肉一啲都唔難切唔韌。仲要佢好有牛味！非常驚喜😱。個別會有嘅位硬同老左少少，但整體都好食。大份到我地都食唔哂自己果份😆。不過唔太鐘意佢俾三色豆唔係一條條果色菜🥲-♡═━┈┈　朱古力雪糕 ✰✰✰✰以有綿花糖有朱古力

復活長期，有晚同男友入左荃灣据扒，揾左間懷舊餐廳。此店系荃灣都屹立多年, 而家當年都頗有名。🍴鐵板紐約西冷牛扒餐 $155西冷扒叫左5成熟, 黑椒汁。圖一可見, 塊西冷牛扒大大件, 再配有薯菜。性價比系幾高。注意點系西冷牛扒有少少筋。由於太大塊, 點左5成熟都似系4成熟。🍴鐵板黑椒牛柳餐 $160同樣都系叫左5成熟, 黑椒汁。牛柳有2件而且都系大大件。牛柳就相對無咩筋位, 所以整體黎講都抵食, 配有薯菜。*餐都配有白湯/紅湯 & 雪糕 & 餐飲。總體，當晚牛扒大大件咁, 又有埋湯、雪糕同飲品。性價比系幾高。食物味道方面就中規中矩。

👊🏻拳頭咁大嘅牛柳😆荃灣有間懷舊餐廳，好耐冇去。今日突然心血來潮好想去食下，我諗都有幾年冇去過，食物質素保持水準，但係價錢就貴咗唔少。我哋叫咗兩份牛柳餐，黑椒汁轉左蒜蓉汁，上枱嘅時候嚇親我，塊牛樓仲大過拳頭👊🏻😳，估唔到大成咁😂我哋嗌左五成熟，切開啱啱好，肉味濃又嫩口，仲另外上咗兜蒜蓉汁俾你自己加汁，不過個蒜蓉汁就唔夠熱。餐飲叫咗凍檸茶，佢哋用返以前好舊式嘅細杯做飲品。食完仲有雪糕食添😆😍💕莎樂美餐廳 (荃灣)荃灣沙咀道294號地下

懷舊餐廳-之前都諗住去，但未安排到，好彩今日有幸可以試到雞扒豬扒各有兩塊，都算大塊，蓋哂成個鐵板，薯菜帶子青蠔係雞扒豬扒底，好好味，有埋西湯飲品雪糕，食到好飽，$6幾蚊一個鐵板午餐非常抵食