Amour Corner

營業中

休息中

下午時間，想試下下午茶，經過砵蘭街果邊，發現生蠔吃。好好彩，係Happy Hour時間，有法國生蠔食，加埋d檸檬汁，又幾好吃喔順便還試了服務員講得特色冷串同少少天婦羅，都唔錯，第一次吃麻辣冷串，唔辣好香，吃到停不到口。總括來講，生蠔唔錯嘅，唔算細隻，不過聽服務員講dinner有更大隻嘅日本南非生蠔，打算下次夜晚去試下先😄

本人平時唔係好鍾意食生嘢，不過尋日就咁巧經過，發現有靚靚生蠔食，剛好朋友想補下就去試試。入到去環境好趣致，一入門口有隻長頸鹿，冷氣又夠，女士記得要著多件。試左款南非伊利珍珠生蠔，上生蠔速度唔錯，唔算等太耐，配埋杯酒就比較過癮，朋友吃完都唔夠喉，仲要加單添。我就不是經常食，口感都唔錯，唔臭唔腥。聽侍應講，Happy hour時間有法國生蠔吃，價錢更平。準備下次去試下

試左一下麻辣冷串，之前未吃過，一試發現又幾過癮，停唔到口。環境都幾舒服，冷氣充足，食麻辣冷串食到成身汗都幾爽，配杯生啤真係一流價錢都算合理，仲有串燒同炸嘢食，下次試埋串燒同天婦羅先。

主菜得幾樣野揀西餐廳但真正西餐嘅野食唔多但會有串燒同天婦羅食😂好奇叫左兩條串燒個量似係人哋食完唔要，淨返係碟嘅一小舊飲品係海底撈style一支支咁叫烤魚 搞左成個鐘 成個碟都係水 所以半條魚係咸死，半條係冇味啲鹽浸到其他野都係鹽水之後俾碟魚露你點😃叫烤雞，條魚食完都未上嚟到除左層皮係食唔出調味隻雞又老又冇味，似食緊減肥餐連意粉都係就咁煮完零調味咁俾你睇返以前啲評價同菜式除咗話佢轉左手之外似乎解釋唔到點解可以差到咁….

Amour Corner地址：旺角砵蘭街106號地下上網睇review 好似幾正咁，友人推介下就衝去試🤑一入到餐廳環境幾好，暗暗地幾有情調都幾舒服，今次就叫試咗佢個 經典二人套餐 $328頭盤: 青蘋果鵝肝多士＋傳統凱撒沙律 🥗+ 南瓜湯🍵青蘋果鵝肝多士，多士少少脆脆地，鵝肝燒得都幾香口再加上青蘋果 Balance鵝肝嘅油膩味，不錯。沙律 + 南瓜湯正正常常，無咩太大特別。主菜: 烤澳洲牛柳🥩+澳洲黑安格斯西冷牛扒🥩牛柳3成熟，真係好perfect。牛香味好重，入口幾嫩又Juicy，再加番上少少鹽和芥末醬，不錯。西冷5成熟嘅牛扒就比較有少少overcook，但肉質都算口感好好，牛味濃郁，不錯。甜品: 雲妮拿味奶凍🍦奶凍配士多啤梨醬，夠滑而且唔會太甜，不錯。#nicefoodie旺角

雞扒煎得好香好juciy，每啖帶啲雞油正～意粉同飯量偏少，意粉粗身，但因為啲野食都有啲油，所以飽左😂就咁性價比都高，有包一啲都唔馬虎嘅餐湯，同一杯餐飲，仲要係黃店！

在繁囂的旺角鬧市，竟然有一間舒服、寧靜的西餐，食物質素好、生蠔超抵開酒都好抵，可與枱之間有一定的距離，不會太貼聽到對面枱講話，再配一個小蠟燭，感覺很浪漫，絕對能夠令你有一個開心愉快的晚上。一定會再去！☺️此外，最近還推出一個新嘅生蠔放題，雖然當晚我冇事但我真心覺得好抵。【注意！以下資訊，蠔出沒注意！ 】生蠔放題, 只接受【Open Rice】 網上訂枱服務, 必需最少一天前預約《網址如下↓↓↓》 https://s.openrice.com/QrbS0Z1u200~uCDnZAw 時間：>>逢星期日, 一, 二, 三, 四<<分『兩個時段』18:00-20:00 / 20:00-22:00時段 ，訂枱時記得選擇6:00/8:00 先會有此套餐選項哦～（星期五，六，及公眾假期前夕除外） 同時, 提醒蠔迷 在已預約的時段記得準時出席收費：每位 $398，2 小時任食指定即開生蠔(

其實我食量唔大，任我食也是兩打，但以任食放題生蠔招徠，卻用上枱速度控制數量，就有點取巧了!兩小時為限，尾半小時食主菜(湯和主菜，餐飲都無杯，豬牛羊都做得馬虎，牛柳無味)，真正食蠔是個半鐘(90分鐘)，規定食完一盤才可叫，每次都要等15分鐘，即最多上六盤(六打)，我們三個人，剛好每人兩打，兩個人枱，可能每人可食3打，所以佢唔接受一人訂枱。398+1，438，食24隻南非和難飲的羅宋湯跟快餐店般的豬.牛.羊扒，值唔值？自己計吧!

上網睇review 好似幾正咁，即刻衝去試🤑一入到餐廳環境幾好，暗暗地幾有情調，幾浪漫又有蠟燭🤤-🤩任食生蠔🦪$398+1一位：包左蠔🦪、餐湯🫕、主菜🥩（三簡一）🦪今次食既係南非蠔，任食成晚得呢一款，🌊海水味唔重，幾大隻幾爽口，但係唔夠新鮮☹️，色澤麻麻，一盤入面有一兩隻臭左🤢 👍🏿任食蠔黎講 ，refill 都算快，食完5分鐘到再上多盤🫕羅宋湯麻麻地，冇咩蕃茄味，個湯打芡打得好勁☹️🥩澳洲牛柳扒 （7/10）有驚喜，我地揀咗五成熟，見佢外表成舊炭咁冇乜期望，點知食落幾腍幾有肉味😋🐏紐西蘭羊架（4/10）羊架唔推介！朋友食開羊都話好騷🤢🐷醬烤豬肋骨 （6/10）豬肋骨普普通通，個汁酸酸辣辣幾開胃，略嫌個豬冇咩肉，好乾身唔juicy Ps 佢有兩個時段揀6pm-8pm同 8pm-10pm ，遲左到冇得補時 呢個價錢可以食一次試下，但唔會再食🤪

見到有兩小時任食三款凍盤（生蠔、凍蝦，翡翠螺）仲有一款主菜及餐湯祗係$398所以去試試，當日訂咗位六點早咗十分鐘到達餐廳，餐廳方面亦安排我們先進入坐下等待，當六點到時，侍應就介紹當日餐廳生蠔為南非生蠔，拼盤會先上一打生蠔及凍蝦、翡翠螺各半打，隨後三款海鮮可以因應自己喜好再添加，到最後半小時餐廳會將餐湯及主菜奉上。當侍應放底第一盆海鮮拼盤感覺幾震撼，可能因為有一打生蠔放响啲碎冰上面中間還有凍蝦及螺仲襯托感覺好大盆，生蠔入口有淡淡的海水味夠爽口，凍蝦質素個人覺得比起五星級酒店還好，反而翡翠螺就麻麻地。起初還在想祗有個半鐘會唔會唔夠時間食，但係經過今次一試其實係足夠。目測當晚餐廳有三四枱都係吃此套餐，當吃完一打生蠔後再下單等侯時間祗係大約五分鐘亦算合理，亦有一個類似啤酒桶用作放食用後嘅殼，每次冷盤食完收起就清理該桶，到餐廳要奉上餐湯及主菜前亦有問海鮮類別有冇漏單，餐湯夠熱但主菜嘅牛柳扒就麻麻，生熟程度控制有偏差香料味過濃，但係對於海鮮控嘅我，可以任食此質素嘅生蠔及凍蝦已經心滿意足，試想想去食自助餐又要排隊攞生蠔出出入入，此處可以舒舒服服坐响度有侍應奉上值得大家去試試。

嚟到門口見到好多認證，心諗冇死啦實。點知未坐低，兩位阿姐講住譚仔嘅口語就話一定要scan安心出行，我問多句有冇寫紙仔，佢話呢度剩係得安心出行，我心諗已經伏伏地。之後坐低，阿姐就用好迅速嘅速度講咗句：6點食到7點30就會上主菜。開頭不以為然，點知去到7點半，真係上主菜，我順便order埋生蠔，點知佢話生蠔已經截單，只可以食到7點半！根本就係玩言語藝術，寫就2小時但食得1.5小時，仲越開越耐，埋單食得5盤生蠔，我女友都未飽何況係大男人去食！你唔想蝕就唔好講到咁大聲話係任食！暗啞抵唔開蠔焗人坐夠時間要走！啲技倆好低裝！

餐廳超級差！ 聲稱係黃店， 但一定掃安心出行！ 無得寫紙仔！！！ 成間店都講譚仔話！ 入座無講明截單時間，食18:00~20:00,19:25 話得返25 分鐘， 無得再叫蠔！！！明明仲有35分鐘當25分鐘？？ 每次叫要等15分鐘先有一盤12隻蠔！ 食到一肚火！！！！ 垃圾餐廳！ 2個人比成千蚊但係食唔飽！ 有時候， 話自己係黃真係唔係大晒架！ 黃啫，都唔係一定要幫襯， 成千蚊，食唔飽仲要坐係走廊，比人撞黎撞去， 而且睇唔出邊忽黃🤷‍♀️

今晚我哋早左5分鐘到達餐廳，已見一對情侶已入座，諗住坐低就可以開始，原來要準時等到6:00pm先可以。之後有三組都同我哋一樣食蠔餐共5組人，第2次黎呢間食，朋友就第3次。兩個女人食左6打蠔，之後餐湯，主菜。個人喜歡散叫生蠔連兩人晚餐，任食真係越食越辛苦，仲有燈光太暗了，跟本好難睇到d食物煮得好唔好，靠食果時先知，睇餐牌我要開手機燈先睇到。今次主菜燒羊架，同上次一樣好味，但朋友果份就生左d，所以佢食左一半就放棄左。8點走時，好多人係餐廳外等位

第一次黎呢間小店， 原本想食任食生蠔餐， 但係原來得6點及8點先可以食，咁就轉咗食二人晚餐兩份，3份$128(6隻生蠔)。生蠔好好味，前菜，主菜都好食，唯甜品太甜， 凍檸茶都係太甜。下次會再黎

之前已經試過一次，無諗過幾年後再嚟依然keep到質素。我地預先係openrice book位，入到去已經有四台客。其實兩檯係食佢嘅任食生蠔套餐。$398一位包生蠔任食，餐湯，冷盤同主菜，真係唔好話唔抵。不過我地今次就選擇左餐廳嘅經典二人套餐，套餐包括頭盤，餐湯，主菜，同甜品。三選二嘅頭盤我地分別選擇左青蘋果鵝肝多士同巴馬火腿蜜瓜。鵝肝質素唔錯但多士有啲淋，而巴馬火腿蜜瓜就不過不失。大家鍾意食芝士嘅話亦可以選擇迷你芝士拼盤。是日餐湯係南瓜湯，仲有個沙律就唔多介紹，一般港式西餐廳水準。主菜7選2，我地要左澳洲牛柳扒同香草煎羊架。兩個都要求左五成熟。羊架無臊味，而且都有兩舊，我會推介羊架多過牛柳，牛柳有肉味，但未算嫩滑。最後甜品係奶凍陪士多啤梨果醬。仲有兩杯餐飲，但因為我地叫左支手工啤酒所以都飲唔到咁多野。除此之外，我地用$128叫左6隻生蠔，分別係南非，加拿大同愛爾蘭生蠔，可惜當日得南非同加拿大兩款。我覺得生蠔好新鮮，入口鮮甜肥美。