Deli and Wine (已結業)

中環貴為香港市中心 真係想搵平靚正既餐廳都難呀？😭今日就去左間連鎖快餐去醫肚人多到爆炸 但都算快就嗌飯食啦 嗌左個抵食兩送飯有菜心 豬排 菜心就家常菜咁啦 豬排好好食呀😍 甜甜地 又好咬口 唔錯唔錯👍另外 值得一提係杯檸茶係用earl grey tea 做底 擺檸檬入去 earl grey tea 本身已經好好飲 原來用黎做檸檬茶都唔錯👍中環食飯真係貴夾唔飽唔多 難得搵番間平民美味之選 正呀！誠意推薦大家可以搵呢間醫下肚 又平又抵食👍😆

美心既嘢 你就expect美心質素啦 好似各類快餐咁 如果你以為間間都一樣 咁就錯曬啦 呢間食晏勁多人既美心就係咁俾朋友踩 我就覺得正正路路啦 你喺office行過黎 唔駛出出面淋雨 百零蚊 呢個快餐美心質素 真係okay㗎啦已經 不過我覺得呢度啲嘢食係好大份 同台幾個女仔 完全唔會食得曬 人好多 尤其而家雨紛紛時節 要預時間搵位 買返office就都快既 不過如果買返office就不如買canteen或者kikusan simplife 啦 我要左個芝士海鮮飯 就係芝士啦 急凍海鮮啦 同埋炒飯底 好大碟 餸都夠拎黎送飯既 不過lunch唔夠膽食太飽就通常都會有食剩 同事要左個鰻魚粒炒飯 雖然鰻魚唔多 但係味都係足夠既 有個carbonara咁既 睇落okay啦 都唔係特別吸引 乾炒牛河超大碟 睇到佢既油膩膩程度 完全foresee到食唔曬 結果都真係剩好多

中環打工仔上班必備一定是飯盒，自備飯盒可以為自己慳返吾少錢，因為外出用膳的確昂貴，平均每人午餐需付過百元，但如果有一天你看著自己的飯盒覺得乏味時，有一天想用午膳時間吸收下新鮮空氣時，又有一天想與朋友外出午餐時，真係要捱貴飯？不是！如果你是在怡和大廈附近上班，那你便有福了～怡和大廈地庫的Deli and Wine 就是個不錯的選擇。達到時大約是中午12點，已經看到餐廳人山人海，大排長龍，不少在附近工作的打工仔也來光顧。餐廳大概開分2條人龍，圖中左邊人龍是排隊到收銀處order餐牌上的食物。而右邊人龍則order 自由配搭午餐。餐牌則放在餐廳門口左手邊，左邊人龍在排隊時順便可以思考下自己對那款食物有興趣，然後有收銀處order。當日12時到達，3款焗飯已經售罄了。Order 後，如果食物製作較快可以在取餐處等候，如果食物製作時間較長，會給予你號碼牌回座位等待店員送餐給你。如你order外賣，也可在取餐處附近等候。水也可以在取餐處自取。而右邊人龍是order自由配合午餐，餐廳每天會供應大約8款不同的餸/小菜配白飯，就算連續數天光顧該餐廳也不覺得沈悶。因為客人可以自由選擇自己喜歡的餸菜配白飯。

第一次係中環食lunch食到啲咁低質素既食物其實我之前都去過呢度食lunch 但上次係食雙餸飯完全唔差點知今次再泥想試新野就中曬大伏首先真係要講講呢個黑松露意粉成70蚊但質素係完全連30蚊都不如唔單止冇黑松露味 啲芝士定忌廉係已經凝結到一粒粒咁 好似已經擺左一陣再翻煮俾我 令我完全食慾盡失我朋友叫左個日式蟹子鰻魚炒飯 結果又係搵唔到鰻魚食完淨係食到幾粒鰻魚粒 啲飯都係擺到已經變左一舊舊咁但好彩既係起碼有啲蟹子同蛋 叫做仲擺得入口真心我應該以後唔會再泥食70蚊其實係中環仲有其他好選擇！

明明尖沙咀同以前太古溜冰場deli&wine好好味，性價比又高。第一次黎怡和呢間，點左鰻魚炒飯$65、黑松露意粉$69，兩樣都係極度失望：（好唔新鮮。鰻魚炒飯無鰻魚，飯太冧一pat pat,黑松露意粉無truffle，芝士定cream都係痴到一舊舊，賣相同味道都好失望。

第一次係呢間食lunch，當時係12點半，仲未到1點高峰期，已經多人排隊到吓傻你，好彩收銀都快手到傻，10分鐘內買到票。叫咗大蝦意粉，賣相幾好，睇落幾好味，點知蝦無蝦味，都唔出奇，實係雪蝦。連意粉都無味...，好彩黑松味夠香，不過唔會再揀呢款。價錢50至70左右係中環算係咁，下次試其他。

乘地鐵到中環站，行天橋約十分鐘便到。餐廳外觀簡潔舒服，看一下門外的餐牌，多數是幾十蚊就有飯食有茶飲，以中環的食肆而言，價格算是相宜。但知道它跟美心有關，就令人聯想到快餐，從這角度看，不知道是否相宜。點了個咖哩蔬菜飯和熱奶茶。收款員會給你一個號碼牌，放在枱上，一會便有人送上你的食物。咖哩飯份量很大，幾乎是一般的1.5倍，飯多汁多，咖哩汁辣又不太辣，冬天食暖下身都幾好。都係果句，可能中環租貴，啲蔬菜只有幾件薯仔，一些細件西蘭花和少量細椰菜花。由於唔想浪費，花了點時間才把飯吃完，最後飲奶茶，它已經變涼了。

一個受氣的午飯……中環一所高级快餐店，售價其實都不便宜，以為服務應該比屋邨好，卻又尤如排隊輪大米等配给，受氣的一頓午飯！話說回來，快餐有自選餸菜配搭，平日常見太多人排隊，今遲些去到，希望可以避開煩忙時間，即管試試自選餸菜，但排到隊頭每盤食物都已去得八八九九，往後望……有另一盤新鲜熱燙的搬了出來，滿以開心的想點餸時，卻迎來一句……賣埋啲餸尾先，唔好意思，你要定唔要，下一位……然後把你的購飯單放到一邊。 此刻，簡直覺得自己入咗什麼水飯房！於是我再說一次，唔好意思，我想要些新鲜熱的。卻又遭來一句:唔得喎，個個都咁，仲使做生意，你食第二樣啦！ 當時已經大部份都去得八八九九，你叫我有得選擇嗎？既然已經有新的煮好搬了出來，為何我用真金白銀都不能要求一餐好少少熱少少啲！我嘅要求真唔覺得有任何地方過份超越！但今時今日咁既服務態度，真係令人氣憤！我來買食，並不是來幫你舖做食物清道夫！請多多檢討你們對客人的態度！

在中環工作的人都知道，一般午膳的價錢都比其他地區相對昂貴，而且等位時間也比較長，所以快餐店或是這類型的餐廳一般都是中環打工仔的首選，今天所介紹的正正就是中環人的飯堂，從中午11點開始這裏就會出現源源不絕的人龍直到下午兩點，這間餐廳味道比一般快餐店還要候好很多，雖然價錢會比一般快餐店貴一點但是都是值得的這個是我最愛吃的午餐，肉醬意粉，我敢說他的水準還要比一些西式餐廳還要高，也算是驚喜，當大家中午時分如果到中環又想不到吃什麼，這也是個不錯的選擇

We ate at this restaruant several times. but the last visit was the worst.I ordered FISH sandwich with fries takeaway. I left and traveled far away to my destination. Upon arrival I discovered it was CHICKEN. so I traveled back. they apologized and prepared another FISH, but this time giving me COLD FRIES. At this point, I stopped trusting them. So I went back and they prepared new fries. Repacked the takeaway bag and I left.  after a few meters I decided to check it. Hot fries, but again - CHIC

喺中環食午餐，即使係食茶餐廳都係特別貴，所以呢間午餐大約70幾蚊，坐得舒適，算係合理了。餐廳格局似cafe，可惜中午時間太多人，唔坐得耐。芝士焗海鮮飯，份量大，芝士多，海鮮料有青口。焗牛脷飯，牛脷份量多，而且大件。

繁忙的社會，兩餸飯越來越普遍，亦是忙人恩物。產量多，銷量高，但高質素的兩餸飯實屬可遇不可求。最近發現中環怡和大廈地庫這間極出名兩餸飯的餐廳，單看午市排隊的人龍，箇中質素便略知一二。大碗的兩餸飯盛惠$50，菜式天天不同，每天有近八個餸菜選擇，相信絕對能找到合胃口的！是日選了辣炒雞配豆腐，辣雞塊加入醬料炒得很香，有大量乾辣椒，辣度很輕，迎合大眾口味。豆腐加入少量雪菜調味，配白飯一流！值得一提的是白飯煮得非常乾身，是少有外賣飯盒出品的質素，難怪能成為附近上班族的飯堂。

這裡曾是本人星期一至五的飯堂，重訪舊地，裝潢換然一新，格調變得高檔不少。點了芝士焗海鮮飯，在收銀處落完單後店員提供一個號碼牌，選定座位後做舒舒服服待店員送上餐飲。店內裝潢走高級美食廣場路線，燈光柔和，位與位之間很闊落，牆上排滿時尚圖畫，令人心情放鬆。焗飯即叫即焗，店員有禮貌地送上餐飲。很是驚喜，店員提醒小心熱，一看之下，芝士還在滾動，真是新聞出爐！芝士香得來不膩，海鮮多得很，包括生蠔， 魷魚，魚柳，青口，鮮蝦，非常豐富！凍檸茶頗多冰，檸檬不夠鮮檸味。

今晚放工想食個簡單快捷的晚飯,一個人來到這兒夠清靜,又坐得舒服.點了蘑菇燒汁雞扒飯,加凍檸檬茶. 燒汁很淡,不夠蘑菇香味. 雞肉中規中矩, 但因為淡而無味的燒汁令到整個飯不合格. 只有那個燒新鮮蕃茄好味, 真是令我失望到極. 原本選了枝庄鮮橙汁, 收銀姐姐話不能跟餐,要附正價20大元正價購買, 最後點了凍檸檬茶,查單後才知跟餐凍飲都要加8大元,服務真一舨.凍檸檬茶不合格, 買相可但檸味不足. 整體除了漂亮樓面環境,食素和服務質素亦非常重要.

星期六，同朋友crazy shopping, 行到攰哂，中環食嘢又貴，突然諗起有間平平哋係怡和大廈，所以就過去食個lunch~ 去到差不多2:15，原來有tea set! 星期六都有tea set簡直令人感動！所以等到2:30先order~我們一人點了一客牛肉漢堡同炸魚柳包。賣相好得，薯條新鮮炸，脆卜卜，好味。牛肉又juicy, 魚柳包個炸魚夠厚！正，加凍飲先$42!!係中環邊度搵？