El Cerdo (大壩街)

營業中

休息中

平日去食有午市套餐，見到假日都有午餐，只係加$10。我哋叫咗一個一人餐$148 share。揀咗沙律、迷你辣肉腸鵪鶉蛋漢堡🍔、西班牙蟹肉奄列，甜品係芝士蛋糕。叫咗個青口$98 share。沙律菜新鮮，有橄欖油同黑椒調味。迷你漢堡一份有兩個，超級細個，真係熟咗嘅鵪鶉蛋咁大左右，非常得意～鵪鶉蛋蛋黃係流心。有蕃茄、牛肉漢堡扒、生菜🥬西班牙蟹肉奄列，蛋味香濃，薯仔味有調味面上有少少辣粉，飽肚之選。散叫嘅青口夠大隻，配有麵包可以點青口嘅汁食。飲品揀咗Mörning Sunrise、Del Gingebre，每杯$60。Mörning Sunrise ，用上新鮮果汁有芒果🥭、橙🍊、石榴汁，再加Sprite，味道酸酸甜甜。Del Gingebre有薄荷、青檸及 Ginger Ale，感覺清新！甜品Basque Cheese Cake，蛋糕充滿芝士味，質感濕潤。

荃灣區出名多米線，估唔到有間西班牙菜。門面非常低調但望落有格調。中午時間唔算人多，中午有𝘭𝘶𝘯𝘤𝘩 𝘴𝘦𝘵，坐落幾舒服😌😚佢既𝘭𝘶𝘯𝘤𝘩 𝘴𝘦𝘵 有齊𝘴𝘵𝘢𝘳𝘵𝘦𝘳, 𝘮𝘢𝘪𝘯 同𝘥𝘦𝘴𝘴𝘦𝘳𝘵。每個餐可以簡兩個𝘮𝘢𝘪𝘯，幾欣賞佢既份量唔算太大，可以試到多𝘥唔同配搭😚𝑺𝒕𝒂𝒓𝒕𝒆𝒓 ▫𝘋𝘢𝘪𝘭𝘺 𝘴𝘰𝘶𝘱係椰菜花湯，飲落仲食到菜既顆粒，奶香味重▫沙律🥗就好大碗同埋新鮮𝑴𝒂𝒊𝒏▫️𝗖𝗹𝗮𝘀𝘀𝗶𝗰 𝗧𝗼𝗿𝘁𝗶𝗹𝗹𝗮傳統洋蔥薯仔西班牙奄列蛋餅煎得好香口，側面可以見到大大粒薯仔肉，加埋洋蔥🧅增加口感，上面既蛋黃醬令成件事更𝘮𝘢𝘵𝘤𝘩! 不過唔算驚艷▫𝗚𝗿𝗶𝗹𝗹𝗲𝗱 𝗕𝗼𝗻𝗲𝗹𝗲𝘀𝘀 𝗖𝗵𝗶𝗰𝗸𝗲𝗻 𝗟𝗲𝗴 𝘄𝗶𝘁𝗵 𝗠𝘂𝘀𝗵𝗿𝗼𝗼𝗺 & 𝗧𝗿𝘂𝗳𝗳𝗹𝗲 𝗔𝗶𝗼𝗹𝗶 燒無骨雞腿配蘑菇松露蛋黃醬呢個好好食呀！唔講唔知係西班牙野，雞扒既皮燒到脆卜卜咁，而內裹仍然超級𝘫𝘶𝘪𝘤𝘺! 雞腿底部仲以蘑菇墊底，吸收埋雞油香氣，食完呢個好滿足😍▫𝗠𝗶𝗻𝗶 𝗖𝗵𝗲𝗲𝘀𝗲𝗕𝘂𝗿𝗴𝗲𝗿𝘀 𝘄𝗶𝘁𝗵 𝗖𝗵𝗼𝗿𝗶𝘇𝗼 & 𝗤𝘂𝗮𝗶𝗹 𝗘𝗴𝗴𝘀 迷你臘肉腸鵪鶉蛋漢堡好驚喜佢做得咁精緻！兩個𝘭𝘪𝘵𝘵𝘭𝘦 𝘣𝘶𝘳𝘨𝘦𝘳 🍔超的骰

荃灣真係好多野食😂😂感覺永遠都食唔完咁🤣🤣今日又搵到間正既西班牙餐廳介紹比大家😋環境靚 重會播英文歌 食晚餐應好有feel☺️🔸薯仔湯❤️香濃薯仔味，重會有d薯仔碎增加口感加上黑糊椒重突出到湯既香味 好鐘意☺️☺️🔸脆皮豬腩肉配蜂蜜蛋黃醬❤️成舊豬腩肉好香脆，好鐘意 香脆既唔只係帶有少少咸味既皮，肉身都好脆 加埋甜甜地既蜂蜜蛋黃醬好夾 好特別🔸炸黑毛豬火腿球❤️如果有食開黑毛豬火腿既人一定好鐘意 因每啖都係超香濃嘅黑毛豬味道 咸咸地好好味😋😋雖然係炸，但係完全唔會係好乾 好鐘意❤️🔸西班牙蘑菇奄列勁大塊餅嘅奄列🤣超飽 入面有薯仔洋蔥蘑菇煎得好香 好足料🔸燒無骨雞腿配蘑菇松露蛋黃醬❤️皮又薄好香脆 雞肉肉質好滑唔會鞋口 黑松露醬好Juicy 🔸甜品❤️香脆肉桂條配榛子朱古力醬熱辣辣好香脆😋肉桂條配埋甜甜既榛子朱古力醬好襯 🍀總結發覺呢間餐廳嘅醬汁全部都唔會覺得好肥膩 ，每次都好想點曬醬黎食🤣餐廳亦好貼心等我地食完一碟先再上另一碟，唔會攤凍曬👍原來呢度既户外位可帶寵物🥲早知帶埋我隻狗仔黎 下次夜晚再黎試下晚餐🥹

📍El Cerdo今次試下喺荃灣呢間西班牙餐廳set lunch幾抵食平平地就可以食到西班牙菜價錢大概百零蚊可以揀兩款主食再配咖啡🔹西班牙脆皮豬腩肉配蜂蜜蛋黃醬豬腩肉好脆 好似食開既燒肉🤣但個味再鹹少少同層皮再脆啲 好厚但無燒肉咁乾 加埋蜂蜜蛋黃醬無得頂🥰🔸煙三文魚配俄羅斯雜菜沙律因為揀左豬腩肉所以想食返啲fresh d 既自己好鍾意呢個沙律同汁 唔好以為豬腩肉好細份🤭我加埋已經好夠飽 仲有湯同咖啡▫️另外呢個係蟹肉西班牙奄列薯仔磨菇加蟹肉係完美既配搭 幾得意鍾意甜品既話可以試下玉桂條配榛子朱古力醬係西班牙甜品黎 唔係周圍都有 再點埋Nutella 就完滿了🥰🥰🥰🥰📍El Cerdo (大壩街) (荃灣)荃灣大壩街77號地舖📍 El Cerdo (伊利近街) (中環)中環伊利近街38號地舖

有時想食西餐 但係又覺得成日食pasta risotto 嗰啲好悶 😐就諗住同個friend近近地喺荃灣嚟試吓西班牙菜～🇪🇸因為我哋都唔算太肚餓，所以就留到下午三點嗰陣去試下個tea setSavouryClassic Tortilla傳統洋蒽🧅薯仔西班牙奄列🥔Mini Cheese Burgers with Grilled Chorizo and Fried Quail 🍳 迷你臘肉腸鵪鶉蛋漢堡🍔Iberian Ham Croquetas炸黑毛豬火腿球Squid Ink and Seafood Croquetas墨魚汁炸海鮮球🦑Crispy Pork belly with Quince Aioli脆皮豬腩肉配蜂蜜蛋黃醬DessertChurros with Nutella香脆玉桂條配榛子朱古力醬🍫Mini Spanish style Mille Feuille with Almonds西班牙杏仁千層酥🥨DrinksSangria (Red / White)298雖然食物份量睇落唔係好多，但係食完都覺得幾飽 兩杯Sangria 都幾甜幾易入口 🤭Savoury 方面 我個人中意 Squ

以前到過幾次覺得唔錯，但今次有啲失望。食物/服務整體比以前遜色。最差係最後嘅咖啡，因為咖啡機壞咗，所以要用即溶代替，我哋都唔介意。但冇諗過即溶咖啡可以咁苦咁酸，加多奶同糖都入唔到口，另外叫咗杯cappuccino 情況一樣

El Cerdo📍荃灣大壩街77號地舖呢日同朋友久違地去荃灣行街，行完荃灣廣場之後，就想搵嘢食，不過荃灣廣場嘅餐廳大多數係連鎖店，所以我哋都想喺附近搵一啲有特色嘅餐廳試吓。等過馬路嘅時候，見到呢間餐廳裝修得幾有異國風情，望完餐牌又望吓OpenRice之後決定入去坐低飲杯嘢同叫啲小食試吓，估唔到會咁好食，迎嚟今年度第一間拎5粒星嘅餐廳！ 💰$68 🧆炸黑毛豬火腿球 Liberian Ham Croquetas除咗睇食評見到幾乎人人都有叫呢款火腿球之外，店員都有介紹呢款係佢哋餐廳嘅招牌菜，基本上係不試不得，於是我哋就點咗一碟嚟食。一碟有四件炸火腿球，裏面嘅餡料係用咗60個月嘅伊比利亞黑毛豬火腿粒整成，味道非常香口。火腿球表面炸得好香脆，調味亦較濃好惹味，加埋上面嘅蛋黃醬一齊食，有啲似食緊西班牙風味嘅炸章魚小丸子！呢款我同朋友都覺得係必點嘅，唔好睇佢得四嚿好似好少，其實都好飽肚㗎！ 💰$108 🦐🥖鐵板燒蒜蓉辣椒炒大蝦 Gambas Pil Pil我哋另外叫咗呢款大蝦tapas嚟食，想碟嘅時候鐵板燒得好熱，所以啲油同醬汁燒到咋咋聲，店員同我哋講可以用跟碟上嘅麵包點汁，夾埋啲蝦一齊食。呢個菜式

✨墨魚汁炸海鮮球外層炸得香脆 有墨汁香味✨鮮蘆筍配黑毛豬火腿及溫泉蛋鮮蘆筍爽脆 黑毛豬火腿鹹香 加埋溫泉蛋 口感味道都好豐富✨傳統洋蔥薯仔西班牙奄列奄列濕潤鬆軟 有淡淡蛋香 餡料有洋蔥粒 薯仔粒等 口感豐富 整體幾特別✨西班牙杏仁千層酥用左杏仁片同糖霜作點綴千層酥香口酥脆 吉士忌廉厚滑✨DE LA PASSION 用左熱情果 芒果 檸檬 梳打水等調製味道香甜 飲落都幾清爽✨FRAMBUESA 用左紅桑子 檸檬 糖漿 雪碧等調製味道酸甜 幾清新 食物可以 有特色環境唔錯 地方唔大 但幾別緻服務正常 價錢可以

原來西班牙菜都幾啱我口味哈哈（應該係話除咗辣之外冇嘢唔啱）🤣炸黑毛豬火腿球$68揸到脆卜卜但係又唔乾身，外脆內軟，感覺係黑毛豬再加薯仔🥔（雖然唔知係唔係🤣）總之我鍾意四粒自己全部食晒😆西班牙黑毛豬扒伴焗玉桂蘋果佢個豬好林！好容易咬，食到豬嘅香味，同時又啖啖肉😆佢個蘋果好食，有好大浸玉桂味聞到都已經好想食，而且個蘋果都係好林，但係同時又食得出蘋果嘅質感香脆玉桂條西榛子朱古力醬呢個係西班牙經典甜品🍩好似每次去西班牙餐廳我都會叫咁，佢脆脆地幾好食配埋朱古力醬，飯後甜品一流😆另外都叫咗兩杯mocktail，啱晒好少有飲酒精嘅我🫣

西班牙菜真係好好味，諗起去西班牙旅行瘋狂食TAPS 嘅日子。最近去咗荃灣廣場對面嘅 EL Cerdo 佢哋喺港島都有分店見佢哋平日會有lunch menu or tea set menu 。炸黑毛豬火腿球四粒炸嘅薯仔波波有火腿粒喺入面，火腿嘅鹹香配搭薯蓉，仲要好香脆，絕對冇油膩感😋😋傳統洋蔥薯仔西班牙奄列呢個西班牙奄列我係第一次食，佢係一層好薄好薄嘅蛋皮做面包住咗薯仔粒洋蔥，切開嘅時候入邊仲有流心有嘅蛋漿😍，同平時食嘅奄列唔同嫁。鮮蕃茄蓉焗法包 係一道開胃菜，佢法包底好脆口食落去硬個隻口感，配埋佢哋自製嘅蕃茄蓉好開胃👍🏻另外仲叫咗兩杯mock tail用嚟送小食一流，morning sunrise同Frambuesa。最後當然唔少得西班牙油炸鬼😍，新鮮熱辣好脆口上枱嗰陣已經聞到好香嘅肉桂味，佢仲要配榛子醬食😍，Jeng~~~

✨ 今日去咗試荃灣廣場後面嘅一間西班牙餐廳😍雖然座位唔算多 但環境舒適👍🏻裝修都幾靚 呢度有幾款lunch食都好抵食😎✨ 我就簡左個5個course既set 首先嚟咗份沙律菜 醬汁酸酸甜甜好開胃🥗鮮蕃茄蓉焗法包好特別 面頭嘅蕃茄好新鮮 配埋生蒜🧄做前菜啱晒🤭底下既法包唔係好硬果種 反而好薄身脆口👏🏻✨ 我額外仲揀咗三款小食🤭黑毛豬火腿球同墨魚汁炸海鮮球外皮都炸得好香脆 入面嘅餡料都好足 味道濃郁 推介❤️蘆筍配黑毛豬火腿及溫泉蛋呢碟嘅賣相相當吸引😛蘆筍鮮嫩 配埋黑毛豬火腿嘅鹹香同蛋汁 成件事都好夾 冇違和感👍🏻✨ 主菜方面另外加咗$98試吓個黑毛豬扒🐖賣相好吸引😍肉質啱啱好 唔乾柴👍🏻蘋果既玉桂味香濃🍎入邊仲夾雜左啲合桃果仁 蘋果蓉配埋黑毛豬一齊食令整體口味更豐富 正🤭最後甜品梗係唔少得churros✌🏻肉桂條炸到脆卜卜 配埋朱古力醬一流 食完特別滿足😎整體食物質素都唔錯～🍴 5 course business lunch set $168- 主廚沙律- 鮮蕃茄蓉焗法包- 西班牙黑毛豬扒伴谷玉桂蘋果配迷迭香醬 +$98- 香脆玉桂條配朱古力醬- 茶/咖啡🍴炸黑毛豬火腿球 $68🍴墨魚汁炸

世界盃雖然西班牙出咗局🥺唯有食返餐西班牙菜補返數🤤喺荃灣廣場隔離嘅餐廳📍臨近聖誕餐廳好好氣氛🎄啱晒情侶同朋友慶祝🥂==============================🐟檸檬汁腌白鯷魚 喺歐洲地方食鯷魚好common 但係香港就比較少有 嗰陣鹹香味係會令你掛住佢🤤作為前菜開下胃係一個好好嘅選擇👍🏻🫑海鹽燒青椒 用鹽燒嘅青椒會減少浸青味 非常聰明嘅做法‼️🍖西班牙黑毛豬伴玉桂蘋果配迷迭香 呢個黑毛豬單睇賣相就知佢唔簡單😳非常厚身 但係肉質居然可以juicy到一個點😧入邊仲係嫩粉紅色💗最驚艷嘅係迷迭香加玉桂🍎配埋蘋果嘅甜味簡直升華到另一個境界🌟係返到屋企都會記得嘅好食😱🍤鐵板燒蒜蓉辣椒炒大蝦 蒜蓉炒得好香配埋法包食非常配搭🥣🍮西班牙焦糖燉蛋 唔好睇佢外表似平時嘅cream brûlée 其實佢面頭加咗橙皮🍊嗰陣香味不得了 非常好食‼️==============================正宗西班牙菜唔係太容易食得到🍴呢間喺荃灣市中心地點咁方便💯聖誕節諗唔到去邊度食 呢間係好好嘅選擇✅

.今次同朋友一齊去食晚餐 揀咗去呢間 El Cerdo食🥰叫左以下野食☺️飲品：De La Passion $60Morning Sunrise $60酸酸甜甜 兩杯都正常發揮😝小食及主菜：墨魚汁炸海鮮球 $68海鮮球有三隻味 每隻有兩粒（墨魚汁球、海鮮球、火腿球）三粒都係熱辣辣食比較好 食落都好脆每一隻味都好出 亦都好濃味😉燒帶子配脆皮豬腩肉及粟米蓉 $118燒帶子有兩隻 都幾大粒㗎 夾埋脆皮豬腩肉一齊食 有幾夾西斑牙黑毛豬切伴焗肉桂蘋果配迷迭香醬 $288呢塊黑毛豬都好厚 配埋玉桂蘋果 酸酸甜甜賣相好吸引😍甜品：香脆玉桂條配榛子朱古力醬 $58榛子朱古力醬好甜 玉桂條熱食比較好😚又脆又鬆軟 配埋朱古力醬 好味😍🥢El Cerdo📍荃灣大壩街77號地舖

星期一夜晚6：45入到餐廳，包場狀態，直到離開既時候，計埋我哋都只係夾埋得3檯。。不過咁靜應該唔關食物質素事，最主要係星期一晚，同埋，當然價錢本身唔算大眾化（雖則我個人認為，食呢啲嘢呢個價錢係屬於性價比高既）。。講到尾，餐廳食物水準高，環境舒適，服務亦好好。。（可能因為唔多客）。。因為朋友牛一，我喺OpenRice訂檯時p.s.要求甜品碟寫字，其實冇實際同餐廳溝通過，所以唔肯定佢哋會唔會咁做，但出甜品時，見到個碟真係寫住Haply Birthday...我朋友當刻當然驚喜啦！我就相當滿意。講番啲食物，樣樣都好好食，最正係個蘋果黑毛豬同埋Churros甜點

今日想食好啲，諗起之前經過過呢間西班牙餐廳，所以就係openrice book左黎食。店內裝修得好有情調，用左好多紅哂樽做佈置，而且仲有兩個互外位置可以坐，好適合情侶黎慶祝特別日子
今次我地揀左Dinner Set B （$698/2位用），都包左好多野食，等我遂一分享下啦頭盤：🥗🍲EL Cerdo 沙律 / 是日餐湯我地叫左一個沙律一個餐湯share食。沙律好新鮮，有多種沙律菜同埋青瓜同紅洋䓤等。好fresh而是日餐湯就有南瓜湯，南瓜湯好香濃南瓜味，如果份量多啲就好啦～🥩伊比利亞黑毛豬火腿 （22個月）火腿份量充足😍食落好香油脂味好濃郁，而且肉質唔會太硬，唔會得個鹹字 如果配埋紅酒應該會有另一種風味
🫔西班牙特色小食
炸黑毛豬火腿球 墨魚汁炸海鮮球兩款小食都炸得好香脆，外脆內軟上枱時好熱，相信係即炸的。火腿球一口就食到啖啖火腿香，好足料，而海鮮球食落係黑色的墨汁味好濃！😆👍🏻🍳鮮蘆荀配黑毛豬火腿及溫泉蛋煎好既蘆荀上面再加上溫泉蛋及煎過既黑毛豬火腿，賣相吸引。煎過既黑毛豬火腿香味更濃郁，配搭埋蘆荀再沾溫泉蛋既蛋汁一齊食，好出色主菜：🍖西班牙黑毛豬扒伴焗肉桂蘋果配迷迭香醬擺盤係藝術品級數