影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
2呢冰室食過3次，2次在好運，1次在上環，真心講，好運呢間野食唔係特別好，而且好鹹，座位仲窄過紅茶，枱面細到離譜，2人枱放唔到2個碟頭飯，食多汁野或辣野或粉麵要小心，隨時要食埋對面位彈過黎啲口水，紅茶都已經坐得唔舒服，2號更差，真係可一不可再。如果外賣，雖然未買過，但既然堂食體驗咁差，我唔會為左避開咁差嘅環境而堅持幫襯你。飲食體驗差到人再食都會想越起傷心嘅體驗。外賣都唔值。第日仲要浪費垃圾袋裝佢啲垃圾？no way啦。咁嘅環境咁嘅格局，用咁嘅價錢，我寧願去大快活坐啦，仲有coupon添。上環果間一樣窄，又係勁鹹。我幫襯佢2次算係施捨了。
繼續閱讀
8月23日中午開開心嚟排隊食lunch, 四個人齊晒人，排隊等入座，阿姐不停話齊人入座，後面一個有得入，兩個有得入。終於排到Quene 頭，另一朋友話嚟，馬上加多個人，五人未齊人冇得入，之後嘅4人入咗兩枱，等到五人齊人時，有位啦，點知佢竟然係俾張4人枱我哋然後加張櫈，為何要我哋喺出面排到身水身汗呢！
繼續閱讀
上環貳號冰室落雨天中午在中上環搵食，門口招迎的女侍應已拎定雨傘袋叫我入座。中午有套餐，包餐湯飲品：蒜蓉汁珍寶雞扒、咖喱牛利、麻婆豆腐、豉汁豆卜蒸排骨和豬軟骨木耳餃米線，餐湯仲有中或西湯選擇。選擇了中湯，當天是粉葛紅蘿蔔豬骨湯。湯上枱單看顏色已經有好感，一啖入口完全是住家老火湯的味道😋好驚喜👍主菜上枱，蒜蓉汁珍寶雞扒意粉，珍寶雞扒很大件，伴有紅蘿蔔和椰菜，值得一讚👍 雞扒本身有醃味，肉質嫩滑，蕃茄蒜蓉汁煮得很美味，配意粉一流😋👍餐廳環境整潔，仍然保留透明膠板分隔不相識的食客，感覺良好，侍應在忙碌中仍然態度良好，食物質素超出預期，物有所值，下次再來光顧。
繼續閱讀
朝早打定電話買早餐。收銀呀姐同啲客吹水，夾緊包，我等比錢拎早餐。係收銀企係度等左一陣間。一個呀叔sip左自己張單擺係枱，但我係企係呀叔前面。我講左自己飛號，呀姐走去收呀叔錢。大佬！我點企係呀叔前面，點解可以收呀叔錢先呀？！結論係大家想打尖就打，想快直接插張單係枱上面 ，個呀姐係睇到單就失控收錢，唔會理你企係邊，唔好排隊哂時間！直接打尖就得，個呀姐會照收！！！！晨早流流一肚火！大家記得唔好排隊直接打尖！！！！！！真係十級嬲！！！！完全唔推薦呢間餐廳，包你食到一肚火，我比人打完尖比完錢成個早餐想扔咗佢！見到就有火！！！！
繼續閱讀
呢間嘢屹立咁耐真係有嘅原因啲嘢大件夾抵食員工服務態度好同埋佢哋好有團隊精神好合拍落單快嘢食快👍我覺得呢間嘢嚟到一定要食佢個咖喱吉列豬扒飯啲肉唔會乾爭爭飲品方面：冰鎮奶茶甜咗啲有糖尿病嘅朋友千祈唔好飲凍檸茶個茶做得非常好有茶味又唔會澀不過食完會有些少口乾
繼續閱讀