影片
特色
飲o野傾計
附加資料
免費無線上網
營業時間
星期一至四
07:00 - 00:00
星期五至六
07:00 - 01:30
星期日
08:00 - 23:00
公眾假期
08:00 - 23:00
以上資料只供參考, 請與餐廳確認詳情
招牌菜
又係團購作祟，晌年初透過團購，以$99購買$180 Kosmo Wellness Café嘅現金儲值卡，晌指定期限內到指定分店換取儲值卡就得喇，而且因為係一張儲值卡，基本上無時限，用幾多扣幾多。而且，知道依間店子一向以供應健康有機無添加食物為主，相信食得更安心。再者，張卡仲當係會員卡咁用，買任何嘢都有九折，感覺係抵上抵，又唔使急住去食。不過，張卡袋咗晌身好耐，近排先走去食。事緣同個老友下午參加咗啲活動，但要到三點先開始，所以依家點幾鐘嚟Kosmo食啲嘢打打底之餘，晌度吹吓水攝時間。今個晏晝，人客較少，揀坐二樓梳化位。老友要杯有機豆奶配三文治，我就揀咗杯雜果汁加盒飯。龍蝦牛油果三文治 $23 + Soy avocado regular $32一份其實得半件，感覺都幾貴，如果買兩份就$42，平幾蚊。友人覺得餡料唔係好多，龍蝦肉可能得幾粒仔，大部份都係生菜，燈籠椒…等配料，醬汁太多令到個麵包濕漉漉，唔係太好食，佢話仲要咗兩份添，唉！而嗰杯牛油果有機豆奶仲令友人失望，因為友人好鍾意食牛油果，但杯嘢只有豆奶味，牛油果味無掟企。Masala Chicken Rice $43 + Kosmo Fighter regular $28好鍾意馬沙拉嗰朕印度咖喱香，所以先揀依個飯。個飯由凍櫃交去收銀，佢哋會幫你翻叮整熱，再送到去你個位。唔好睇盒飯細細，原來都幾夠份量。米飯除咗白米，仲加入紅糙米，又有啲黃薑飯，撈埋啲馬沙拉汁，米飯富咖喱香，佢仲有一小兜乳酪青瓜醬跟盒飯，加埋再撈勻，味道仲豐富啲添。而餸料除有馬沙拉雞，仲有車厘茄同烤青瓜片，幾樣嘢都幾好多，咖喱很有香料味，唔單薄，雞肉唔嚡。至於杯雜果汁係由蘋果、芒果、檸檬、薑打成，薑味主導，味道帶辣帶酸，其他蘋果味、芒果味欠奉，而且有半杯係泡，感覺好搵笨。P.S. 消費係$145，但折咗就$130.5，不過，因為係團購，按比例計番，依餐實際用咗$72左右！
繼續閱讀
其實知道Kosmo的存在已久，但一直未有購買過任何食物，因為價格訂得實在有點貴，雖則此店以健康食材為題，以有機無添加的即日新鮮選材來製造每樣飲品和食品，堅持於所出售的產品中加入有益健康的原素，如全麥、高纖、含有益脂肪…等等，但心理上還是有點拋不開。 是日，因為同事有張將團購買來的會員儲值卡，餘額剩下不是很多，她的盤算是若買東西反而要額外付費，倒不如益其他人吧！我就間接成為小小得益者，況且，以會員卡買東西又有九折，故此，才變得有興趣去光顧吧！近門口位置的雪櫃，放了沙律、三文治、墨西哥卷、餅意粉……等等以供選擇。一眼就看上煙三文墨西哥卷（Omega-3 Salmon Wrap），因為較少吃墨西哥卷。付費後店員會幫你把墨西哥卷烘熱，再放回原盒讓你拿走，我也急速拿回公司，沖杯咖啡慢慢吃。煙三文墨西哥卷，烘熱後微暖，外皮煙煙韌韌，材料也十分豐富，醬汁也恰好。看看盒底，才發覺果真用料不賴，全麥墨西哥粟米薄餅、煙三文魚、生菜、甘筍絲、青瓜、小黃瓜、雞蛋、洋蔥、芥辣、香草。不過，一客$40，折後$36，還是有點點貴！
繼續閱讀
一年一度嘅蘭桂坊嘉年華於 11月12日開幕，大家可以一連兩日在蘭桂坊玩個痛快！當日，正式開幕時間為中午 1:00；當日早上，我急不及待走一趟看看！ 其實當時，各工作人員仍埋頭苦幹為攤位準備。我比預期時間遲咗到中環， 起初想用半個鐘食早餐；唯有，搵吓就腳地方食啦！由蘭桂坊走落嚟，見到有間 <Kosmo Wellness Café>， 供應有咖啡、麵包、鬆餅、沙律.....這裡有兩層另設樓上雅座。由於時間關係，連飲咖啡都無時間！只好買件鬆餅塞住個肚！燕麥甘筍鬆餅 $15店員問我需唔需要烘焗？為我烘焗後，隨即送上，服務貼心！烘焗之後，勝在夠鬆軟！ 甜味恰到好處！ 混合燕麥、甘筍等材料，感覺較為健康！ 食咗一半，見到仲有合桃， 增加咬感！不過，寥寥可數！ 其實食完 quick breakfast 我仲未夠飽！中環區嚟講價錢合理！
繼續閱讀
琴日同左女友去左呢間店到飲個下午茶,因為條街太熱了,呢間店分左上下層,上層好舒服,因為人唔多,而且都夠大,又有好多疏化位,所以環境係唔錯的.叫左杯蘋果薄荷沙冰,老實講我完全飲唔到有蘋果味,但算啦,我都係但求有個位比我地抖下hea下姐.d小二比我仲要hea,幾個o係樓下企都冇人上上層執野,成個鐘先上一次,會唔會太過hea呀.
繼續閱讀
想食個悠閒lunch~~ 朋友介紹Kosmo係中環.. lunch 時間周圍都多車多人.. 想搵間靜靜地ge 餐廳都頗難呢間cafe 有樣好.. 坐位係上層.. 買野食係G/F變相黎講無咁嘈~都有樣唔好.. 唔係買熱食ge要自己搬上黎..行樓梯唷.. 都幾麻煩~因為公事煩忙.. 我的早餐等到11點先食..所以午餐無乜胃口.. 最好就係食沙律啦~~~很多西柚肉...本以為會好酸...估唔到是清甜的..加埋酸酸甜甜的沙拉汁...朋友連番說好食我揀了吞拿魚的..只因我超愛檻欖的味道：)老實說的....如果無果幾粒小欖子混住食...淨吞拿...很難食的...由於本小姐怕肥...沙拉汁無緣一試了：)睇到兩盒沙律啲蔬菜都算新鮮...40以下的價錢....係中環算係合理了...另外點了果汁奇異果及西瓜奇異果有點失望...一入口已經知係稀釋咗...西瓜汁都是一般的...亦點newyork cheese cake.. 軟身的.唔夠濃芝士味.. 不是我杯茶餐飲不過不失..唯一唔好的是環境衛生..無人抹檯的.. 我們一坐低見到檯面都係麵包碎.. well..洗手間要走去隔離港大校友會...唔方便呢..
繼續閱讀