影片
港鐵中環站 D2 出口, 步行約10分鐘
繼續閱讀
營業時間
今日營業
11:30 - 15:00
17:00 - 22:00
星期一至日
11:30 - 15:00
17:00 - 22:00
以上資料只供參考, 請與餐廳確認詳情
酥脆嘅炸豬扒🍖同埋拉絲嘅芝士🧀對我嚟講都有一種不能抗拒嘅魅力🤤喺韓國有八十間分店嘅「Kyung Yang Katsu」炸豬扒專門店嚟咗香港，點樣唔可以去朝聖一下呢？餐廳位於中環蘇豪段扶手梯附近，地點方便。店內樓底夠高又開揚，色調柔和而且不停播放住K-pop，感覺好似置身首爾🇰🇷眾多套餐之中，我試咗「芝士&炸蝦套餐」$188及「芝士&吉列豬扒套餐」$198。套餐入面嘅豬扒由韓國出產，炸得表面鬆脆，唔油膩，肉質扎實又帶有豬肉嘅鮮味，外皮就算食到尾都唔會變腍。內裡有爆餡半融芝士流心，一咬仲有拉絲效果，就係呢個口感同味道，讓人垂涎欲滴！炸物除咗可蘸原味醬汁外，還可試試加鮮檸檬汁、蜜糖芥末、wasabi 、松露鹽同好特別嘅韓國蝦醬，鹹鹹香香，鮮味提升不少！（芥辣、鹽同蝦醬係放置成smiley face，好有心思🙂）炸蝦套餐有兩大隻吉列蝦，薄薄嘅炸粉包住大蝦，蝦肉彈牙鮮味；吉列豬扒套餐嘅豬扒肉質嫩滑，酥脆香口，令人食唔停口。套餐仲包括可愛嘅鵪鶉蛋調味飯、韓國紫菜冷麵、柚子汁椰菜絲沙律及兩款泡菜，份量驚人，男仔都會食到攬住個肚走！我仲叫一杯係士多啤梨梳打🍓$48及青提子梳打💚$48，兩杯飲品都用上新鮮嘅水果，青提子仲要係香印提子添！酸甜清爽嘅飲品配合煎炸食物，解膩一流，Perfect match🍹
繼續閱讀
假日同友人係中環整Lunch，今次揀左去韓國過江龍人氣店Kyung Yang Katsu，主打吉列豬扒，當中的芝士吉列豬扒極具人氣，兩個芝士控二人組一於去試下，大約下午1:00食飯時段到達，竟然唔太多人!餐廳裝潢以木系為主調，感覺柔和溫暖，樓底高有空間感，感覺舒適。餐牌，必點芝士系列，同友人點了兩個定食開心Share。奉上凍茶。番薯芝士吉列豬扒，$198。定食附上飯、麵、柚子沙律菜、伴菜及醬料，份量十足，飯上的鵪鶉煎蛋好可愛，醬料有炸豬排醬、甜芥末及檸檬伴食，而鹹蝦、芥末及松露鹽的擺盤係一個笑臉來，好得意呀。芝士吉列豬扒入口酥脆軟嫩，內餡水牛芝士澎湃，又做個招牌動作拉絲~仿如瀑布的芝士，質感柔軟有淡淡的芝士味，好味!番薯芝士吉列豬扒，芝士吉列豬扒上多了一層番薯蓉，賣相好吸引，有點似甜唔品，豐富的番薯蓉口感幼滑，味道香甜濃郁，口感豐富好味，但同時又有點膩。韓式多蜜醬汁芝士吉列豬扒，$188。好大件吉列豬扒，多蜜醬汁芝份量十足蓋過面層，吉列豬扒外脆內軟多肉汁好juicy，相對芝士吉列豬扒口感更實在，伴多蜜醬汁芝士，味道酸甜芝士味淡香，不俗。有coupon送。食物味道不俗，滿足左我地芝士控www，而且十分豐富，係中環區來講算抵食，服務態度有禮，坐得舒適，有下次呀。
繼續閱讀
大半年前首爾超人氣輕洋豬扒店Kyung Yang Katsu 登陸香港，一直都有興趣想試下。上星期終於約到朋友一齊去食。餐廳位於中環蘇豪伊利近街，沿住扶手電梯就可以上到嚟。餐廳嘅舖面係一間白色小店。店內裝潢既米黃色主調、木系家具、米黃色Bar 檯，感覺有點溫暖。今次我就試咗呢款「芝士&吉列豬扒套餐」，採用豬背脊既大里肌肉，有配左流心芝士同無芝士版本。吉列豬扒炸得香脆，但感覺唔算油膩熱氣。豬扒食落腍身，有點肉汁👍🏻。芝士版本就係加咗水牛芝士，芝士香味同juciy豬扒味道好相襯。隨套餐會附上唔同嘅醬料例如：黑松露鹽、芥末、蝦醬、刀魚醬、酸梅醬。我就最鍾意配豬扒醬，食落酸酸甜甜，幾開胃🤤。朋友就點左呢一款新推出嘅「番薯芝士吉列豬扒」。喺芝士吉列豬扒上啜上番薯蓉，番薯食落甜甜地，口感好軟糯，意外地味道同口感都幾夾。除咗主菜嘅吉列豬扒，每個套餐都有附有飯、麵、沙律同伴菜。飯同麵份量都唔算多，不過飯都煙靭。麵係湯麵，個湯味道都幾溫和。唔夠食嘅仲可以再添。伴菜唔會太過咸，做嚟當前菜或者配飯食都唔錯😌。最後就當然要介紹埋飲品啦。我哋就揀咗兩款梳打飲品。入面真係用返芒果🥭同大大粒青提子，再加埋梳打同埋果醬，啱晒依家熱天，解一解暑。整體，我都覺得幾有特色，價錢以中環鮮豪區嚟講都算合理，未試過嘅朋友不妨嚟試吓啦！
繼續閱讀
有日經過伊利近街, 發現開了一家很特別的餐廳! 古銅金搭配米白色外牆, 淡金色裝潢, 燈光很有格調, 看到門外的餐牌, 便知道這是韓國高級炸豬扒品牌! 設有吧枱座位、卡座等, 也有窗邊位置, 十分開揚! 店員介紹其食品是以韓國產新鮮豬肉所製造的, 貪心的我當然是想多吃些不同的! 由食材至駐場師傅也是來自韓國的, 令香港人也可品嚐到韓國的原汁原味, 名符其實的真過江龍呢! 套餐包括韓國冷麵、鵪鶉蛋有味飯、柚子汁沙律、泡菜及多款調味料! 最特別是韓國蝦醬, 這配搭也太特別了! 吉列豬扒 & 豬柳套餐 $188 ~ 看上去好像很的豬肉, 原來超多汁、超嫩滑! 肉味香濃沒有豬羶味, 外層炸得香脆, 放久了也不會變軟變腍!! 試了原味便把調味料也嚐了一遍, 很滿足!芝士 & 炸蝦套餐 $188 ~ 這也太邪惡了….怎能不愛呢! 咸香奶香的芝士拉絲, 流心爆漿的! 被薄薄的豬肉片包裹著, 一口一滿足! 趁熱食可以拉絲, 放冷食也另有一番滋味! 吉列蝦超大一隻, 蝦肉爽甜鮮香, 太愛了! 炸衣很薄很脆, 火喉控制很恰當! 最後吃了幾口泡菜, 很解膩! 餐具也超美, 因為我坐在吧枱座位,發現原來連電飯煲也是韓國的, 細節也太徹底了, 超讚!
繼續閱讀
呢日黎到中環SOHO嘅呢間韓國過江龍吉列豬扒專門店，餐廳裝修簡約型格，環境舒適。主打各款韓式吉列豬扒、豬柳，仲有炸蝦，炸蠔等選擇。套餐由$178-$198不等，當中嘅飯、麵、沙律都可以free refills；仲有不同嘅side dish可以配搭。✨吉列豬扒&豬柳套餐 $188套餐賣相吸引！每個套餐都配上鵪鶉蛋白飯，韓式冷麵、沙律、前菜同各款調味料。調味料有Wasabi、松露鹽、鹽漬櫻花蝦，而且擺盤仲好有心思，整成一個笑臉🙂吉列豬扒比較有咬口，肉味香濃，吉列豬柳肉質比較軟腍，兩款吉列豬同樣香脆可口，炸皮唔油膩，而且火喉控制得好好，肉質保持juicy，配以不同調味料都各有風味。✨番薯芝士吉列豬扒 $198主菜炸豬扒，炸漿薄薄一層，非常香脆，而且唔油膩。芝士吉到豬扒一定要趁熱食，大量流心芝士，芝味香濃，仲可以拉絲嘅效果！其中3件炸豬扒面層有滿滿蕃薯蓉吱花，賣相精美，番薯蓉清甜，口感軟糯，估唔到同炸豬扒咁夾！✨青提子梳打 $48梳打大大杯，面頭仲有好多提子，好清甜好fresh。✨Original Highball $78朋友話佢嘅original highball配吉列豬扒一絕！清爽解膩🍻
繼續閱讀