影片
附加資料
無肉餐單詳情: 逢星期一、二及三午市供應素食菜式。
營業時間
星期一至日
07:00 - 21:30
以上資料只供參考, 請與餐廳確認詳情
招牌菜
今天晚上一早約左朋友嚟大家樂食晚,因為睇電視廣告出左西冷拼雞扒板端燒配烤餅餐,好似好吸引咁,所以就嚟試下啦,點知今日睇報紙竟然有copon送,每張可平5元.同朋友嚟到用左兩張coupon叫左兩個紐西蘭板端燒餐,8點幾已賣到得番牛柳條拼雞扒,另一個係豬柳條拼鴨胸,就叫左一樣一個一齊食啦,配酥皮雜菜湯,另加6元配特飲,我本來想叫楊枝甘露的,但係又賣晒啦,就叫左杯草梅珍珠.雖然都幾多人,但係都唔使等位就有啦,等左唔係好耐就可以攞,攞左一個豬柳條拼鴨胸,跟住朋友就發現張飛又係豬柳條拼鴨胸,問我係咪叫左牛的,我話係,佢話但係張飛點解係豬,唔知係咪攪錯,朋友就同出嘢食的服務員講話要牛,但係牛柳拼雞已賣晒,得番紐西蘭爵士西冷扒,跟住又好快就攞得啦.熱辣辣個賣相都幾靚呀,雖然同電視廣告有些出入,咁賣廣告當然靚d,但都唔係差好遠既.我地食啦,豬柳好淋呀配埋d黑椒汁好味呀,個湯都好靚呀,成塊酥皮係面,熱辣辣,個雜菜湯都幾多料呀,味道酸酸地都幾開胃喎.主菜除了豬柳條外,還有些鴨胸,長豆條,薯條,洋蔥,另外還有一小碗肉醬,一小碗粟米粒,跟住再配一包薄餅,打開有兩大塊架,個底有些生菜,我地就包住d材料一齊食啦,好味喎,唔會好漏,好似包片皮鴨咁,好味及都幾特別呀.至於西冷扒方面,其實賣相都好靚及跟一件薯蓉配蕃茄汁,肉質都好淋呀,好味,都幾大件的呀,朋友切開佢就可包住d薄餅一齊食啦,都係有些豆角條及洋蔥.都好味架.這樣的套餐配撘都好抵食,原價45元,加埋特飲6元都係51元,所以都吸引左好多人試新嘢呀.
繼續閱讀
My kid bought me an afternoon tea set from Café de Coral. The set includes a small 叉燒飯, 油菜, and 港式咖啡. It costs HK$23. As a late lunch, this is absolutely a good deal. The 叉燒飯 smell so good when I open it. It was made by pork tenderloin. The sauce was nice and sweet. The portion of rice was relatively large that good to feed a female as a lunch. The choy sum was overcooked but I don't mind. The beverage was a hot HK style coffee which didn't taste good . I think I will buy it again, simply for the 叉燒飯.
繼續閱讀
一睇個茶餐個名都估到，個餐係同另一間快餐店雷同。係唔係雷同都唔緊要既，實會有分別架。盛盒茶餐有薯條、炸雞翼、薯仔沙律、西多士及jelly糖。個薯仔沙律就無乜特別，似係大量製作既味道。而個薯條係幾好味既薯角，我就係鍾意呢隻。炸雞翼係久違既產品，唔知大家消失左n年，而家又出番。個雞翼幾好食，夠熱同個醃味真係唔錯。而個西多士同平時既無分別，都係好食啦。Jelly糖唔知係咩味，只不過好多好多椰絲。又唔會太韌，正。實有下次既，呢個盛會茶餐係比你咩都鍾意食既，又可以一次過滿足你n個願望既餐。
繼續閱讀
叫了一份吉列豬扒併蕃茄湯通粉，味道只是過得去吉列豬扒算夠大塊、夠熱，配上一塊火腿、一份烘多士，一般快餐店的質素而已，總不可強求些甚麼吧？蕃茄湯通粉就麻麻地了，蕃茄湯底太淡，欠缺了蕃茄味；肉碎粒又只是襯托為主... 這就是一碗清淡、用料麻麻的蕃茄湯通粉了！二十二元一個餐，用來醫肚而言，尚算抵食合理
繼續閱讀
我一向都好喜歡吃鐵版餐，香港幾間快餐店的鐵版餐我都全試過了，當中認為最好吃、最有水準的就是大家樂了。近來知道大家樂又有鐵版餐吃了，所以今天就去了吃，我點的是鐵版牛扒餐，配酥皮湯。塊牛扒真係份量十足，好厚好大塊，肉質夠哂淋，醬汁亦好味，真係好正好有水準呀至於個酥皮湯就一般啦。
繼續閱讀