影片
營業時間
今日營業
16:30 - 01:00
星期一至五
16:30 - 01:00
星期六至日
12:00 - 01:00
公眾假期
12:00 - 01:00
以上資料只供參考, 請與餐廳確認詳情
每次約一大班人打邊爐食飯，就一定係食放題，食物野飲選擇多之如，又可以係有限budget之下，豪飲豪食，夠囇盡興，唔洗就住荷包💸約friend從此唔洗尷尷尬尬。打邊爐放題有好多間，但高質嘅真係唔多，呢間不但只價錢親民（晚市$300 /成人，已計服務費），仲包任點雞煲、一客海鮮拼盤（每人每款聖子、鮑魚、扇貝、花甲、蝦、魚塊，配烏冬同些少配菜，人人有得食，唔洗爭）、是日靚湯（杞子紅棗烏雞湯），重頭戲手切牛頸脊，最後仲有椰汁雪燕糖水，另外有凍櫃放咗其他基本火鍋配菜、丸、水果拼盤等等，唔少得有王子麵、辛辣麵、烏冬、出前一丁… 當日有朋友生日🎂，買咗個蛋糕去餐廳雪，呢度冇收切餅費之如，佢仲好細心咁送咗個牛頸脊蛋糕俾我哋，十分過癮😋任點雞煲其實上菜上得幾快，但每次要等2分鐘炒一炒，總共需要炒4次，最快起碼8至10分鐘先食得，啲雞先至入味，我就略嫌等得太耐。雞煲入邊啲雞肉又少，剩係得好多辣醬同配料，感覺呢度嘥咗好多時間，所以其實食一轉都已經好夠。而海鮮拼盤就各樣每人一隻，不過不失，蟶子、扇貝同鮑魚係必食，烏冬煮到淋淋地有海鮮味都幾好，全部火候都控制得幾好，唔會話過熟，絕對得起呢個價錢👍🏻碗靚湯其實有啲太鹹嘅，不過勝在落足料，飲完第一輪，最後會攞嚟做火鍋底。任點牛頸脊嚟得都好快，碟碟都有肉味有口感，唔會Hea你俾成盤肥牛出嚟。最後出場嘅椰汁雪燕糖水，其實係飲緊冰糖椰汁Jelly，叫做食完熱辣辣嘅嘢，送翻碗凍嘢俾大家潤下個口。全晚其實我飲咗2-3支水（好彩舖頭有供應支裝水😬），3-4罐解茶，你話冇味精真係呃你，不過以呢個價錢嚟講，仲邊有得咁挑剔？
繼續閱讀
回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指數: 💰💰💰(TTL $983.4，人均消費$327.8)環境質素: ☘️☘️☘️可以任食既餐廳越來越多，但未至於間間質素都好好。同屋企人咁啱食到呢一間，既有雞煲，又可以同時打邊爐同食海鮮，真係不得了😍。斗滾四式仼食 ($298; 星期一至四$268)雞煲+海鮮盛宴+火鍋+高質牛肉 +甜品頭盤 - 雞煲有5種辣度可以選擇! 雞煲雞件份量都好多，唔夠可以再加😉叫左小辣，整體好香，連怕辣既人都接受到既辣，而且雞肉都鬆軟嫩滑海鮮盛宴有鮑魚、蟶子、扇貝、海蝦、花蜆 & 龍躉，全部都佈滿重重既蒜蓉粒，味道勁香，而海鮮食落鮮甜多汁🤤最鍾意係鮑魚&蟶子，爽口彈牙有讚岐烏冬墊係海鮮下面，所以每樣海鮮汁都滲左入烏冬裏面，食起嚟味道一流😍火鍋仼食揀左養生燉湯，裏面甚至有烏雞添，飲落清甜，感覺好似即刻潤肺護肝咁😂😂只要現場Like左 FB/IG，就可以任食手切牛頸脊同黑豚肉。牛頸脊每塊都好厚肉，全部都平均佈滿脂肪，幾夠牛肉味又有咬口甜品 - 椰汁雪燕 食完感覺即刻皮膚靚返晒，順便清埋熱
繼續閱讀
第一次去食，感覺唔太好。唔知點解會有咁多好評😂😅雞煲不過不失，偏鹹蒸海鮮，質素非常一般，蒸得耐得滯，過熟扇貝同啲蝦細到咩咁，韌到咩咁仲要漏單，呆坐咗30分鐘 喺度等個蒸海鮮最後打邊爐任食啊牛頸脊，味道還可以啦，冇乜特別，竹絲雞湯都係偏鹹。牛頸脊係要叫侍應落單，每次只會俾兩小碟你，真係非常細碟再要嘅話又要叫侍應再落單，超級麻煩！頭嗰一兩次都漏單，又要走出去搵人落單因為要搵一個侍應望到你都好困難。咁就唔好做任食啦，分明就係難為啲顧客！另外成餐飯食完飲咗三罐嘢飲一支大水味精重！價錢268+1竹絲雞湯底+38
繼續閱讀
前幾日老婆見到268雞煲放題優惠，收工立即去試食係唔係咁抵食，首先一入門口富麗堂皇場地好大，服務週到坐得舒適，醬料齊全，一坐低當然要試咗個雞煲先，雞件野味香口，不過唔夠先嫩滑，總體評分一般，然後到打邊爐個湯底，我哋叫咗花膠湯底，鮮甜味濃，色香味俱全，等緊啲牛同啲豬嘅時候上咗個海鮮盤，海鮮好新鮮，大大隻爽口嫩滑，配上香濃嘅蒜蓉簡直冇得頂，但呢度要畀第二個可惜，竟然配烏冬，配烏冬唔及粉絲入味咁快同咁香，配搭起上嚟有啲唔啦更，最後講講d牛同d豬，牛肉紋理好靚，食落一般，豬肉口感軟軟糯糯，非常好食，總體268未加一食到呢個質素，性價比一流，以上食評為個人感受
繼續閱讀
今日再次光臨斗滾，但唔係尖沙咀山林道嘅分店，而係去咗位於佐敦嘅佐敦道新店（前舖位餐廳係倫哥尊尚火鍋私房菜）。地方大咗，坐位寬敞咗，坐得舒服咗。收費$298一位，另收加一服務費，午市有九折優惠（12：00 - 16：00）。食品款式無變，雞煲惹味、蒸海鮮拼盤新鮮、烏雞燉湯清甜、火鍋（手切牛頸脊夠厚度有肉味，黑毛豬彈牙）、椰汁燕窩糖水滋潤，質素仍然好好，服務亦不錯。一班朋友慢慢一路食，吹吓水，過咗過愉快嘅中午。PS：只收現金。
繼續閱讀