影片
港鐵元朗站 A 出口, 步行約7分鐘
繼續閱讀
營業時間
星期一至五
11:00 - 22:00
星期六至日
10:30 - 22:00
以上資料只供參考, 請與餐廳確認詳情
3個月前嚟左一次米線風雲，當時食完之後覺得真的麻麻(可以睇睇我之前食評)。今次我再一次嚟幫襯，最大原因係見到呂老板將米線風雲加入左大家食J嘅餸菜同落單方法。首先我要讚一讚:1. 用翻我一直喜歡大家食J嘅食材去配合米線，保持到食物質數，讚!2. 依家坐底後慢慢睇食咩，落完單後碗米線熱辣辣送上，比之前排隊拎車仔麵方式好，讚!3. 我叫左凍奶茶，飲後...我要求換凍檸茶，店員都為我更換，讚!4. 比起之前只有罐裝同紙包飲品，依家有更多選擇，讚!雖然米線風雲重新制定運作模式，加入左大家食J嘅食材，但係我都係未夠滿意，因為我發現左一個對我嚟講相當之大嘅問題....以下我要彈一彈:1. 本人去親大家食J都會撰酸辣湯底，雖然要加多$4，但我認為好值得! 米線風雲同樣有酸辣湯底，重只係加$1，不過我一試之後，就知到同大家食J嘅酸辣湯底係有分別~ 湯底欠酸菜同炸醬，就好似個酸辣湯冇左個靈魂~ 冇晒層次，彈!2. 凍奶茶我飲得多，米線風雲嘅凍奶茶我第一次飲，口感我3個字嚟形容~淡茶水，喜歡清淡口味嘅朋友可以試試，我就吾太識合~彈!整體嚟講，米線風雲我係讚多過彈，不過我最愛嘅酸辣湯底竟然冇左靈魂，確實令我好失望。如果可以，而呂老板又願意，請加返啲酸菜同炸醬落翻個酸菜湯底吧，就算加多$4我都覺得值得!
繼續閱讀
本人第一次寫評價係因為我想表揚幫我落單個位女經理。上次食過一次見有張9折劵送咁今日再去食啦！點知自己寫紙仔本來想要上面個A餐同飲品，但原來我發雞盲，湯底竟然寫左落下面雞絲拌麵個位度，到落左單之後即時發覺左，咁我同個女經理講，我要上面個A架，唔該幫我改返吖，佢話冇呀，落左單就即刻做比你。雖然我係錯，但我都唔係話出左碟野先講吖，又唔係忙，咁即係怕麻煩定係驚左個廚房d人囉。根本唔係我想食既野，唔想食都要食，好在我對什麼芝麻花生冇敏感，如果唔係要硬食，或者夾硬要走囉。呀女經理我望妳他日出去餐廳食野落單既時候，唔好好似我咁。唔好叫錯，唔好寫錯呀。希望妳都享有這些待遇!不過高級餐廳唔好會呢d問題呢，總之不是永遠顧客是對的。
繼續閱讀
米線風雲抵食新開張米線店難得放假，落街醫肚就入左呢間米線舖應該係新開張，裝修得乾淨企理座位都夠闊落，坐得算舒適，唔使同人逼餐廳類似自助形式，一入去就叫餸然後有小食櫃同飲品櫃，任君選擇拎完就揀位坐底，等米線煮好就送上黎朋友叫左風雲精華湯底廚房有個大煲專門熬製呢個湯底，但食落味道略嫌清淡小編叫既四川麻辣湯底唔算太辣不過枱邊有辣椒粉，唔夠辣可行添加呢間米線店都幾抵食，最平4蚊有一個餸雖然餸既選擇唔算多，但米線同餸既份量都多既
繼續閱讀
得個湯底係熱的，叫了麵和湯底才見到所有配菜都只是浸在暖湯中，睇賣相巳經知中伏。支竹硬到好似無煮過，雲耳爽口到有啲過分，墨丸好粉，根本就係一粒粉團。一定唔會再幫襯
繼續閱讀
話說朋友是大家食老闆的狂粉，得知元朗開設大家食的副線米線風雲，她說她要朝拜一番，順道看看有沒有機會巧遇老闆，跟他合照，哈哈。米線風雲採取自助式點選米線，湯底及配菜，然後把餐點領取到收銀處結帳。米線風雲採用自修室隔格，一人一座位用餐，周遭都有隔板阻隔，疫情下食客可更安心用膳。海帶豬耳絲屬於溫和辣度的涼拌小食，豬耳絲略帶嚼勁，口感不乾柴，透過辣油提味，吃起來很下飯，海帶絲有夠清爽。比起泡菜，泡蘿蔔更深得朋友歡心，泡蘿蔔酸酸甜甜，十分脆口，泡蘿蔔作為餐前小食，輕易令人胃口大開，若飽足時吃泡蘿蔔，則輕鬆解飽膩。朋友選了風雲精華湯底米線配松葉蟹棒，墨丸和蘿蔔，風雲精華湯底用了豬，牛，雞熬煮，湯頭聞起來有陣陣肉香，喝時濃而不膩，帶有肉的甘甜，而且米線挺滑彈，不會煮得軟爛。墨丸用料實在，充滿墨魚的彈性，松葉蟹棒絲絲入扣，口感細嫩，朋友一掃而空。蘿蔔的甜度和含水量不錯，果然當季嚐蘿蔔是對的，蘿蔔清甜無渣滓。打頭陣的口水雞撒上芝麻，並混入花椒，先刺激味蕾與嗅覺，冰冰涼涼的口水雞嫩到不行，吃進口裡香辣無比，妙不可言。若愛吃酸辣的涼拌小食的話，絕對要嚐嚐米線風雲出品的泡菜。紅艷艷的泡菜微酸微辣， 有致的爽脆感讓人食慾大增。我同樣挑風雲精華湯底米線，不過和朋友加配的食材大不同，我另選竹扎牛肉，滷大腸，瑞士雞中翼，魚腐和滷蛋。滷蛋經過長時間浸滷後，變得細緻，蛋白的部份滷透變薄，蛋黃也整個滷得入味。瑞士雞中翼獨門的瑞士汁甜甜滋味真的很涮嘴，皮滑肉嫩，不愧是食客最愛美食之一，大家吃到停不下來。滷大腸滷得透徹，並處理乾淨，毫不油膩，大腸甚有彈勁，讓人吮指回味。竹扎牛肉給得豪邁，且牛肉肉質相當不賴，呈現漂亮的紋理，竹扎牛肉頗為細嫩，牛汁豐沛，牛味濃重，口齒留香。魚腐讓人眼前為之一亮，雖然是小小的一顆，卻「魚」韻無窮，超級彈牙。
繼續閱讀