影片
招牌菜
真係食到火都黎埋~~~!!!九點後, 任飲任食, 點知原來咩都無得飲無得食先係樓下等左成個鐘, 上到去, 原來大把位, 真係唔明點解唔比人上去。上到去, 開始點野食, 見到張紙都有40-50樣野, 點左十零樣諗住開始食。先等左15分鐘個湯底先黎, 之後伙計上左一碟菜, 一碟粟米, 同一碟肥牛(真係唔知係煙肉定係牛肉), 食物質數比較普通, 無咩特別。跟住既時間就係等等等, 等多左15分鐘, 我以為佢漏左單, 再寫一張紙叫左十零樣野食, 點知只係拎左一碟冬姑同幾隻蝦比我, 等極都唔見有其他野再上。於是我問waiter, 佢話" 係咁架啦, 你唔見既, 就再寫啦, 再寫睇下會唔會黎啦" ......真係答得有性格。最後都無其他野黎 , 我搵經理問, 原來張紙上面有80%既野都係無, 雲吞無, 水餃無, 炸魚皮無, 雞肉無, 鯇魚無, 總知要既都無.....總括成晚食既野:1. 菜 - 普普通通, 選擇唔多2. 粟米 - 比我既都係頭頭尾尾3. 肥牛 - 真係好肥, 有圖, 好似煙肉4. 蝦 - 要等好耐, 唔多新鮮, 肉好"痴"殼5. 丸 - 都有幾粒, 好一般啦, 似現成買番黎6. 醬料 - 都有5-6款, 叫做唔使加$$都有椒絲, 炸蒜, 蔥花如果大家想比成舊水去打邊爐係只飲湯底既就去啦~~
繼續閱讀
琴晚去咗搵啱啱搬咗去北角的朋友食飯，見到就近有呢間火煱店，就決定咗去打邊爐。樓下嘅知客問我哋要2樓定3樓，反問之下，原來只係2樓係大廳(平啲啲)而3樓係房(貴啲啲)的分別。我哋最後揀咗2樓嘅卡位，一坐低就有人好快咁攞咗啲醬油俾我哋，而個環境都幾舒服(夠乾淨)同服務都唔錯。我哋揀咗個白菜豬肺湯〈好掂！勁好飲！推介〉，而餸呢我哋揀咗美國肥牛〈普通〉、駝鳥肉〈同出面的差唔多〉、西生菜〈幾新鮮的菜〉、粟米〈好甜〉、白鱔片〈夠新鮮〉、原隻魷魚〈掂！好新鮮同好好食！推介〉、凍豆腐〈掂！〉、鮮冬菇〈唔錯〉、四寶丸〈豬丸同蝦丸就OK，牛丸同墨魚丸就普通〉、魚皮餃〈好食〉等...有機會都會再去試下其他餸(因為佢有代客泊車架)
繼續閱讀
苐一次去呢間火鍋店.知道3樓有房可以坐得舒服d.一坐低就有個主任不斷叫我地食象拔蚌.海班等...貴嘅海鲜.不過我地得3個人最後都系叫咗一般火鍋配料.小食點了椒鹽鮮魷.但系個主任一入房就張碟野好大力放低...不過放低嘅系椒鹽豆腐我地都未有時間同佢講已經走咗! 食物ok.但態度十分差一定唔會再去今時今日甘嘅服務態度!!!
繼續閱讀
老實講，食完之後，我同女朋友都只有"被人呃"既感覺。睇左好幾個食評，發現原來唔係只有我地係咁樣。一開始入去，本來覺得幾好，有卡位坐，有代客泊車，招待有禮貌，全部都好似幾好咁樣..... 但係，到叫野食，個sales一直介紹d貴野我地食有個牛柳松露清湯，講到話用好多牛肉去煮個清湯，再加d松露，要成$188，本來諗住會好濃好夠牛肉味既.....點知，除左得果少少牛肉味既煙之外，果啖湯同清水根本就無分別，可能清水都有味過佢。佢地仲要係威係勢咁表演俾我地睇，裝兩碗"清湯"加兩片松露叫我地試飲.....飲完我地相對無言，可能有既都只係bear一聲。個waiter又介紹我地叫個M5和牛，之後淥落去又唔駛點豉油，咁先至食得出d牛味。好彩無叫，唔係就變左清湯加無味牛，不如食白紙。之後個waiter再同我地sell其他野，我個女朋友直頭無望佢，我個樣都疆晒。埋單時，佢問我地好唔好食，咁我地就照直好聲好氣同佢講。佢地話，個湯係咁果喎，煲過晒其他野之後就會出味好多架啦....我望住佢，好語重心長咁講.....咁同其他火鍋湯底有乜分別，其他果d可能個味仲濃d好飲d。講完之後，到個經理攞張單埋黎，再順手關心下我地。然後話，下次再重過黎，佢地會做得好d喎。我會番去？唔好傻啦。蠢一次仲唔夠？
繼續閱讀
上星期滿心歡喜同男朋友到掏心窩吃火鍋 ，店員不停介紹D貴價食物, 如象拔蚌，牛柳粒、牡丹蝦等等....我們選的是特色湯底 - 白菜白肺湯($78)，食物到後發現水準及質素一般、份量少，但價錢一點都不便宜。該店的海鮮又比一般食店貴，最慘是我們食完之後勁口喝！最不滿是調味料費是要每人強制性收$12 ！那店員話不論我們要不要調味料，他們一論每人收$12，但所謂的調味料 .... 就只有醬油、蔥花、辣椒絲及蒜蓉四種！！ 其他食火鍋的店舖都有七、八款選擇，如芝麻醬、腐乳或沙嗲醬。唉! 那經理更在我們結賬時，仍不忙地告訴我們其店舖的食物不會放過夜的！像這樣的經濟下滑情況下，真係信不信由你！
繼續閱讀