影片
營業時間
今日營業
17:30 - 02:00
星期一至日
17:30 - 02:00
以上資料只供參考, 請與餐廳確認詳情
招牌菜
一坐低阿姐極力sell我地飲藍妹，但我哋三個人叫咗一枝生力加一枝嘉士伯，佢攞完啲啤酒嚟之後就冇睬過我哋呢枱客，叫咗4次落單都有意避開，谷鬼氣，埋單走人！！！！！
繼續閱讀
該店女服務員服務態度極差，不順她意就叫到唔啋，搵氣受食飯不二之選。Absolutely poor service. The female waitress response no one. It would be a good choice if you have sadistic appetite in having your dinner
繼續閱讀
係超級失望的一餐...先旨聲明，我今晚係好想好想食有鑊氣的小炒... 因為我係大尾督食下午茶時，見到隔離枱食個啫啫雞煲，又熱又香，同埋個炒蜆都好靚.. 諗住好耐都諗唔到邊度有大排檔可以食有鑊氣小炒，於是諗不如去東寶，拿，我諗因為有呢一份期望，所以特別失望...去到見到要等位，又見到呢間都坐滿，不過唔使點等位，亦見到佢有煲仔菜，就諗住俾個機會佢，好食第日可以再幫親...我地叫左- 啫啫雞煲- 豉椒炒蜆- 炒菜個雞煲令人好失望，原本諗住係熱騰騰的瓦煲，但來到時，是一個鐵煲，呢個都唔緊要，最重要係佢冇乜煙，唔係好熱... 跟住見到對面枱剛上枱的魚煲，一D煙都冇，心諗我地都未算最差... 夾左舊雞，發覺唔係好熟，然後檢驗下，發覺豬潤仲有少少血，點呀？煲上的食物都可以唔熟... 叫佢地翻熱... 最後出翻來的，係好夠熱的煲，不過個汁多左，我諗佢加左水去煮... 於是連本來覺得OK 的汁，都冇乜味...豉椒炒蜆，要讚下個蜆冇沙，但係個豉椒唔香，個餸唔夠熱，上枱亦唔覺有香味，更加唔好話有鑊氣啦... 個蜆亦冇乜蜆味... 係冇沙 lor....個炒菜都係一般啦，不過食到一條長頭髮，所以都停左手.... 我個人都好容忍下，最近食面都食到頭髮，但因為個魚湯米線實在太好食，我都唔同佢計較，但今餐咁多唔滿意，我都冇乜胃口食落去....下次都係咪貪快... 每件事都總有原因的...
繼續閱讀
今晚有同事突然約食飯，左諗右諗，最後都係決定去北角街市食小菜。我哋今次去咗東寶隔離嘅明記飯店，其實大家都係第一次嚟哩間食，我們四個人點了蒜蓉半邊蝦、豆腐斑腩煲、通菜炒牛肉、豉油皇鵝腸、魚雲湯及豉椒炒蜆。首先來的魚雲湯，一窩大概分到每人兩碗仔，見到湯渣裡都有魚雲，幾滑，而個湯清清地，味道不過不失，在所不免加了少許味精~接著來的豉油皇鵝腸，店員一放底嗰下，大家都"哇"一聲，因為鵝腸嘅顏色十分之紅，紅得有點假，而且我都係第一次見到紅色嘅豉油皇鵝腸，不過吃落很爽口，每條鵝腸都均勻地沾上了豉油，齋吃會有點過鹹。不過與壓底的芽菜一起食用，芽菜的清甜又中和了豉油的鹹，很開胃的一道菜!然後陸續來了通菜炒牛肉及豉椒炒蜆，通菜牛肉屬一般大排檔水準，菜青肉嫩，夠晒鑊氣。至於豉椒炒蜆，雖然用的是細隻嘅蜆，不過份量比想像中多，調味方面帶點微辣，不過部份蜆肉鮮味一般，不夠爽，味道一般。接著來的蒜蓉半邊蝦是全晚最好味的，雖然此店用的是細蝦，不過份量很足，開了邊的蝦鋪滿了一隻長瓦碟，而且十足的蒜蓉也多得蓋過了白蜤的蝦身，再在上面分散的灑上適量的蔥花，賣相一流!!!蝦很新鮮，吃落彈牙，蒜蓉應該是落鍋爆過的才鋪上蝦身來蒸，再加上少許豉油，香口之餘更吊出蝦的鮮味，讚!!!!!!最後來的豆腐斑腩煲亦很不錯，豆腐很嫩滑，而斑塊算是新鮮，醬汁味道亦不賴，帶豉汁香，感覺不錯!!!!!!其實北角街市唔係淨係得東寶，有很多食店的水準也不差，只是名氣沒東寶那麼大而已。今晚這一餐，有湯、有海產、有小菜，平均每人都不過是$80元左右，大家吃得很飽，味道亦算中上水準，感覺十分滿足。撇除名氣效應，大膽嘗試，不難會找到意想不到的驚喜，今晚，我就找到了一點點......
繼續閱讀
今天是我們的大日子, 去了一整天海洋公園已經累爆, 本來另一半提議了去九龍塘食意大利菜, 都係我衰啦, 心血來潮想起東寶... 原來冇訂位係唔駛指意食由於太累太餓, 我們選擇了旁邊的這間, 見都多人 (可能太多等唔到位的人犧牲了)由入座, 落單, 上菜... , 服務都很慢. 我們都冇乜期望, 只係當普通小菜的晚飯... 點了蜆芥鯪魚球、豉椒少大蜆、海味什菜煲、啤酒同白飯前兩味都是橫觀店內最多人叫的, 所以才叫, 穩陣點嘛味道ok, 蜆芥鯪魚球幾好食, d 大蜆就一d 都唔大囉, 白飯好硬同有飯焦, 但佢都肯換最好都係啤酒夠凍, 實在冇咩其他可能讚了. 相都費事影
繼續閱讀