影片
港鐵北角站 B3 出口, 步行約5分鐘
繼續閱讀
開飯介紹
一間以售賣潮菜為主的中式酒樓, 該店的潮式的潮州拼盤及燒味最受歡迎。
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
招牌菜
食評 (40)
今晚同阿爸阿媽出街食，就黎到潮客，未黎過呢度晚飯只係飲過茶，叫了幾款食飯就開動了。食潮洲野梗係要整番碟鵝片啦，鵝肉夠味夠腍，花淑八角味比較重，底下鋪滿豆腐，佢地d豆腐係好滑好滑的，兩老好鍾意食鹽焗鷄半隻，名符其實夠咸，不過用再點調味料也夠哂味，而且肉質也很腍滑，餸飯一流！呢味叫三鮮豆腐煲，主角係豆腐，配料也很特別，三鮮我食到有蝦仁，羊肉（因為食到塊肉係有小小酥味)，以及一種海産（唔記得叫咩名，又鮮甜又彈牙的)，比較特別！仲有咕嚕肉，味道不錯，酸甜味適當中兩老也很滿意今餐飯，一人吃了2碗飯
繼續閱讀
今晚同4個老細俾面同我食飯佢地話想食潮野咁就食潮州野夠潮啦位於健威坊人流唔算多可以安靜傾下計係其次最重係食因爲好餓先來個頭盤 鵝豆腐紅腸都好味鹵水汁太少有點美中不足咕嚕肉成日食一咬好［林］好易入口都係個句好少汁呀！潮式魚蛋可以一試炸大腸個樣麻麻 好似番炸個咁 食落唔似薯片本人同糯米飯不嬲都唔fd 食過潮客既糯米飯可以立即同佢做番朋友一定要食芝麻雞個人覺得普通唔難食4季豆好食下次可以同屋企人食不錯選擇
繼續閱讀
今年香港第一個颱風天半日假期奶油包就同爸爸媽媽去屋企附近既『潮客』食個LUNCH就完結左『潮客』係北角健威坊都開左好多年以往奶油包通常都係嚟食下晚飯今次就試下飲茶點心方面，其實都有唔少既選擇奶油包就叫左6樣野分別有馬蹄糕，炸雲吞，糯米卷，菜苗餃，叉燒包同馬拉糕而家就等奶油包分享一下食後感：馬蹄糕煎得好香而且馬蹄都好夠唔會太甜炸雲吞個皮好香脆食落唔會太油糯米卷都唔錯入面既花生都唔少但覺得個皮可以再薄D菜苗餃幾鮮味但係今次好似個廚落多左鹽好鬼咸但個皮唔係太厚叉燒包係京式既所以個外型好似雞包仔咁但而且比出面既叉燒包咸D個皮都冇咁甜馬拉糕呢一籠咁上一開八...件件都咁大件食落唔會太甜都幾香(可能因為用豬油整)整餐嚟講...值70分既但係價錢好似貴左D而且『潮客』而家收茶錢...真心覺得係貴貴地....
繼續閱讀
呢度連星期六、日都有早市優惠。呢日星期日早咗起身有嘢做，做完就黎嘆個1+1早餐套餐($25.8)，係一個粥或飯配指定嘅一個點心。我哋叫咗2個1+1再加多個點心就飽晒！柴魚花生粥 - 柴魚好香口, 粥底好滑, 料好多, 正 鳳爪排骨飯 - 份量剛好一人, 如果一個人黎食呢個1+1套餐, 簡直係Wonderful, 唔駛講, 呢個一定唔會難食!潮州蒸粉果 - 呢個皮略為厚咗啲, 不過我食過好多間啲粉果都係咁上下, 我估潮州粉果係一定要咁掛~~瑤柱珍珠雞 - 呢個好好味, 因為好足料, 係飽肚之選魚肉釀青椒仔 - 魚肉同青椒煎得好好, 冇分開到, 辣就唔太辣, 平時好辣好正, 呢間呢個就唔太辣, 但都好好味道!呢度啲阿姐好好人, 又好快手, 一叫即刻過黎, 完全冇渣流灘, 係我最鍾意嘅原因! 服務一流呀!
繼續閱讀
今日有事要出旺角，搭小巴至健威花園，先去商場覓食。時間尚早，人流不多，潮客周六日也有提供優惠早餐孖寶$25.8，明火靚粥或合時盅仔飯，配一款點心，挺吸引的，走了入內。鳳爪排骨飯以蒸碗盛載，熱辣辣的，有兩隻鳳爪和數件偏肥的排骨。飯蒸得軟硬適中，入口嚼勁甚佳，且混入鮮香豉油，油香豉香滿溢，好好吃！特式鮮竹卷內塞滿了豬肉冬菇西芹等餡料，由一片豆皮包裹，再加上蠔油獻汁。只略嫌餡料過於硬實，且不鮮不美也。鮮蝦炸雲吞一客三粒，雖則油膩膩的，幸雲吞炸得薄脆香口非常，內包著少適鮮蝦餡料。近期大熱的熱薯，潮客也用以製作出沖繩紫薯餅煎軟餅，油份太多了，表層沾滿芝麻的軟餅口感粘糯香軟，惜軟餅盡吸油份，入口油膩萬分。紫薯也只見其色，不覺其味，失敗也。
繼續閱讀