影片
付款方式
其他資料
電視播放
以上資料只供參考, 請與餐廳確認詳情
【九龍城區】【華苑茶餐廳】耐唔時都會過吓嚟土瓜灣呢邊食嘢，不過呢邊咁大，行都未行得晒，更何況食嘢。所以一有機會去啲少去啲嘅位置，又會想順便食吓嘢。而我一條友嘅話，最適合就係食茶餐廳、粉麵檔呢類豐儉由人嘅食肆，想點就點先。而嚟到呢間真係幾街坊 feel 嘅茶記，就叫咗份 $49 嘅特餐，先上咗配菜，「牛油多士」正正常常，「火腿奄列」隻蛋就偏老，冇乜特別。主食方面有得揀，不過我照食佢餐牌一開始預設咗嘅「煙鴨胸米線」，但係就上咗米粉。唔緊要，米粉都 okay，不過成碗嘢就普普通通冇乜特別喇。嘢飲我飲「熱奶茶」，都係唔錯嘅茶記質素，係好飲嘅。可惜嘅係呢個餐都係玩我唔飽，咁唯有叫多個下午茶餐啦，反正嗰時係下午茶時段，可以叫抵食啲嘅下午茶。我叫咗 $45 嘅「炸雲呑薯條」，真係好少見呢個組合。雲呑唔係錦鹵雲呑，反而係似粉麵檔嗰啲雲呑，拎去炸幾特別。成份餐都夠熱同夠食，雲呑都有四粒，嘢飲今次我配「熱阿華田」。夾埋用咗 $94，不過我係食兩個餐喎。。。（地址：土瓜灣馬坑涌道5B-5F號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #土瓜灣 #華苑茶餐廳 #茶餐廳 #特餐 #牛油多士 #火腿奄列 #煙鴨胸米線 #熱奶茶 #下午茶餐 #炸雲呑薯條 #阿華田 #1am1244 #1ambackup
繼續閱讀
華苑茶餐廳係我記憶中唔係太好，絕對同餐廳質素無關，而係上次嚟幫襯有對男女客人因為感情問題係卡位大大聲巴巴嘈!第一次幫襯就遇上情侶炒大鑊，難免會有陰影.事隔多時，今次因為就快打風，去華苑隔離超級巿場入貨，又因為打風前D日子太翳焗，焗到可以熱屎人! 入完貨就衝入去華苑涼涼冷氣，順便食埋晚飯，就返屋企等打風放假!首先，我要求坐最勁冷氣位，冷氣又真係夠涼喎!睇睇份 Menu，最吸引係牛仔骨，其他餐廳嘅牛仔骨小菜做緊過百，華苑只係$85，必點啦!女友小熊點咗半隻鹽焗雞，餐湯有中湯同西湯選擇，中湯係木瓜湯，我地揀西湯，忌廉湯.茶檔嘅西湯，大家都知道質素吧....鹽焗雞未至於一級棒，但絕對唔差，起碼最難處理嘅雞胸肉唔會鞋口，仍算juicy有肉汁，份量亦無偷工減料，中上出品.牛仔骨點黑椒牛仔骨，肉嫩無肉鬆粉味，份量同樣無偷工，上枱速度快! 滿意!不其然望翻當日果張情侶炒鑊卡位，我同小熊你眼望我眼!"嗱! 我地唔好係到炒大鑊呀!"小熊話"炒咪炒! 驚你呀!"結果..... 連個颱風都驚咗小熊，走咗上福建....原來小熊比李氏力場更勁......
繼續閱讀
這間在街角的茶餐廳經常會路過，但見他外表有些歷史就沒試過，今日見心情ok就去一試。一入去地下超滑，是溜冰級的地下，大家千萬要小心。這些舊式茶記早餐都是這些食物，看一看餐牌就點了雪菜肉絲米粉，炒蛋煙肉方包，凍檸茶。最快來到是凍檸茶，一飲。嘩！真是驚為天人，自問去過很多茶餐廳，最常飲就是凍檸茶，而面前這杯凍檸茶的甜度是直接來到天花板的高度，沒有之一。平常我是慣性不點少甜，飲大約1/3杯。但這杯真是飲一啖已糖份超標。紙包凍檸茶每100ml大約11g精製糖，這餐廳的凍檸茶應該達到每100ml大約18~22g。一些老前輩說一甜遮三醜，用在現今注重健康的社會已過時。
繼續閱讀
最喜歡食呢個"鹹菜豬肚湯",係土瓜灣暫時搵到呢間即叫即做既豬肚湯，而且仲要好多料比你。今日外賣自取叫左個"鹹菜豬肚湯飯套餐",湯係熱辣辣，見到有好多豬肚及鹹菜，仲有胡椒味，飲落有胡椒辣味😋而且絕對係2人份量，有湯有飯跟餐飲。致電外賣自取，聽電話呀姐有禮貌，而且會續樣幫你落單，仲會覆單，一定唔會漏；去到拎外賣職員非常有笑容，而且非常幫忙。👍當日晚市坐爆，相信係有人情味既茶記，係會再次幫襯既茶記😄
繼續閱讀
Very traditional Cha Chan Tang in To Kwa Wan. Menu is in Chinese, best to come with a local to get the full dining experience.English menu is available but choices are limited. Overall not particularly the best but does the job. The food is always the same every time you eat here. Don't expect high quality service but staff will try their best to help.Breakfast for two was $69.Recommended Dish: satay instant noodle set-Satay instant noodle set with toast, egg and spam. $26We recommend this as a beginners dish to local breakfast.Add + $2 to toast the bread -Chicken Steak Set$33 I added + $5 for the spam. +$2 for a cold drink
繼續閱讀