影片
電話號碼
2669 9949
營業時間
星期一至日
06:00 - 01:00
以上資料只供參考, 請與餐廳確認詳情
昨日我病到五顏六色，直頭帶埋卷裝廁紙出街個種重感冒，小福子抽起條筋話食泰國嘢。因為個腦根本唔想動，所以隨口講句是但啦!!!個老板招呼我地時，見到我病到咁，不禁暗諷左小福子2句~‘厲害的以毒攻毒法呀！‘、‘女朋友病到咁都帶佢黎食泰國嘢，睇黎你真係好鍾意泰國菜呀!‘老板好波!!!我昨日無力講既嘢，老板太給力了。講番嘢食先，其實已經唔係第一次黎happy thai，但是今次老板實在窩心老板見我病到hihi，所以個豬肉豆腐湯落左重胡椒，令我一飲個人暖晒，無咁辛苦清清地，適合我呢個病人。炒朦粉甜甜地好開胃，d花生放係一角，等我唔洗誤食到黃咖哩我地已經配左蒜蓉包，個小福子食到忍唔住加多碗飯就知有幾好味啦!澇飯食一流。
繼續閱讀
約6年前 大圍 金禧商場 2樓有間餐廳叫泰開心當時我同幾位同學放lunch去左呢間野試下點左個青咖哩牛腩飯...果次之後 我就無再食呢間野而過左無幾耐, 呢間舖頭都執左。一次偶然既機會竟然俾我係大圍再次見到泰開心我立刻相約中同舊地重遊誓要再次挑戰青咖哩! 望望個餐牌先其實以而家個物價$42一個lunch set已經算係咁學生仲要減$7 (不過我地都已經唔係學生了)舊泰開心個lunch set學生價係$28即係咁多年黎, 個加價比率唔算高, 算係良心企業啊講講個餐飲先幾特別, 因為無乜其他餐廳會提供呢隻飲品原先以為會好淡點知飲落, 又ok重青蘋果味喎所以俾左3粒星 我位中學同學話保險d嗌個豬頸肉炒飯為免真係挑戰唔到青咖哩 呢個豬頸肉炒飯確實係炒得幾好足料, 夠味, 有穫氣色香味都具備豬頸肉唔un, 幾爽口不過略嫌多左少少油俾4粒星 好喇到最後重拾當年味蕾既感覺青咖哩雞肉飯出埸好感動今次個青咖哩係放得入口重椰香味 唔算辣配埋個雞肉 幾惹味可口隻雞都煮得淋身口感唔錯所以今次有4粒星 經過呢次之後 我地同意下次中同生日要黎番呢度食等大家都重拾舊時回憶
繼續閱讀
大圍。其實是聚集了很多餐廳、食肆和髮型屋的地方。惜泰國餐館不多，從朋友口中得知那邊有一間不錯的泰菜館，便到積富街看看。積富街變了一條食街了，一到夜晚，車仔麵檔、夜茶、甜品舖、茶餐廳等，都會在門外「列陣」。其實在此炎炎夏日，對於沒有冷氣的地方，我通常避之則吉，可免則免！但眼見此時此境（夜晚九時後，食客仍由門前坐到對面馬路），雖樓上空調滿座，亦不禁蠢蠢欲動一試。先來一客生菜包：味道普通，微辣，但生菜葉十分小，我只好叫它為「一口生菜包」。再來便是生蝦：因為沒有冰底，又夜了，所以不太新鮮。最令人後悔的炒飯：從隔離檯傳來陣陣飯香，決定試朱頸肉炒飯，但味道淡，一點辣味都沒有，更莫講朱頸肉！感覺中伏！倒不如叫白飯！比旺角街邊還差的串燒：除了牛舌可以入口，牛肉、雞肉、雞腎，難吃！最過份是，司華力腸，無可能不好吃的吧，都可以弄得不堪入口！挽回一些希望的蝦餅：不錯，鬆軟而又彈牙。就此中等價錢而言，食物份量普通尚算合理，但味道質素麻麻。此食肆賣點：靚仔伙記，大排檔風格，而店左右有不少酒吧，糖水店，一站式服務。
繼續閱讀
呢間唔係 Restaurant而係大排檔而且個名唔係叫泰菜嗎 ? (我不知, 因只知餐牌上係咁寫 )我地唔係住呢度架, 不過一向都知大圍出名多野食 ! 先前2次行過去食康xx甜品 , 見到都流口水架啦.所以決定一試...燒蠔 $10@ 燒完細隻左D 燒聖子 $15@ 第一次食燒既聖子, 比起蒸更好味燒烏頭 $66 好味, 燒完都唔覺乾身 ! 燒雞腎 : 一串3件 !燒貴妃蚌 $20@ 老公話好好味, 初初唔明點解佢最貴, 食完之後就明, 必必必必食 !炸蝦餅: 一碟3件, 麻麻地 !馬拉盞炒芥蘭.: 都幾辣. 但好野味 !美中不足: 食到後段 落小小雨粉 ! 唔知佢係咪雨季唔開檔呢 !老闆幾好人又識講笑...
繼續閱讀
今日無飯食, 即慶同朋友一齊入大圍食泰菜.酸辣去骨鳳爪 - 落咗好多洋蔥, 蔥, 香料令去晒骨嘅鳳爪好好味, 又爽口.馬拉盞炒椰菜苗 - 椰菜苗炒得唔夠腍身, 但味道OK 泰式炒蜆 - 嚴格而論, 個蜆似大花甲多, 泰式醬比一般嘅炒法入味, 可惜分量少咗ddd.炸蝦餅 - 炸蝦餅爽口, 而且粉漿適中, 好味.燒生蠔 - 蠔不太大, 而且唔太惹味.串燒(牛肉, 豬肉, 雞腎, 鱔) - 我哋order 嘅串燒都燒得皮脆肉嫩, 配合沙嗲醬, 味美.
繼續閱讀