影片
營業時間
今日營業
08:00 - 18:00
星期一至日
08:00 - 18:00
以上資料只供參考, 請與餐廳確認詳情
星期五約左同事一齊食LUNCH，搵左附近呢間餐廳。由於餐廳座位唔多，建議大家最好打電話BOOK定枱穩陣D。餐廳大部分都係Bar櫈，我自己就唔中意坐呢款櫈，吊腳坐好辛苦😅。另外，餐廳開房式設計，無門、FEEL唔到有無冷氣，不過好彩當日唔算熱，即使無冷氣都無問題🤓。當日客人計埋我地有十位，職員只有兩位，但出餐速度可以接受。全日用同一個單點餐牌，無套餐，但可以優惠價點咖啡。另外午市唔收加一之餘，另外亦可柯打黑板寫嘅食物，價錢比餐牌平幾蚊左右。由於本身對意粉同飯無興趣，所以叫左個睇名好邪惡嘅芝士熱狗😏。巨人火炙芝士肉醬熱狗$55食落完全無火炙嘅味道😂麵包脆；腸仔幾肥，所以好juicy；肉醬較少，存在感唔高。由於德國腸味濃，蓋過左芝士香，對芝士控嚟講，幾失望。如果同齊柏林比，呢度嘅麵包同腸仔size比較大同粗，不過人地齊柏林呢個價錢有薯條同汽水😏；至於味道方面，我個人比較中意齊柏林。
繼續閱讀
踏足大埔食好西-橙皮咖啡由於我連續幾日食左好多次麵條 包括意粉，湯河，中式麵條要來點西式了.食番個 手工牛肉芝士漢堡包 $58🍔 & Iced Americano 即叫即整 熱辣辣 香噴噴雖然牛肉有啲碎 但就夠晒真材實料 不過味道可以再濃啲 就算一大夠芝士🧀️都覺得可以調味再重手少少🤏.呢間店早上係café 餐廳，但夜晚就係酒吧Chapter One , 應該幾好feel，唔知大埔既朋友仔常唔常黎呢度chill呢？.呢度環境靚 又舒服😌 雖然個漢堡我想佢再香啲 但係呢 $58 咋 做人唔好咁貪心 真係環境加食物質素 絕對化算值得～.真心推
繼續閱讀
好少行過呢附近食lunch，俾佢個招牌吸引左😂原來招牌飲品真係有🍊橙皮朱古力咖啡☕️好飲不過飲唔出有橙味😛感覺係朱古力咖啡嘅味道Main course比餐牌description 吸引左：喺印度學返嚟：👳🏾♂️嘅Masala Chicken 意粉🍝 好高質～好有香料味，少少辣反而朋友叫嘅辣炒海鮮意粉就麻麻～有啲普通同少餸會再Encore的店✨因為都坐得幾舒服，同埋冇人趕住走，店員好nice，會問吓味道點有誠意嘅小店
繼續閱讀
早上係《橙皮咖啡》，晚上係《Chapter ONE》酒吧。上年十二月去過酒吧食嘢飲野，果時仲未有咖啡店。琴日經過見到開咗，問過老闆娘，原來剛剛一月營業，之前都係俾佢嘅土耳其風吸引咗我去打卡，所以今次都一樣黎試埋個咖啡☕️😋😋睇到個餐牌📜，所有嘢都好平，所以都好好奇走去問吓老闆娘，原來佢哋以前開外賣店，價錢一直都親民為主👍🏻👍🏻「黑松露蘑菇炒蛋意大利包」🍳🍞$33 （味道不錯）「熱Mocha」☕️ （味道都可以）+ $19 配奶啡另+$3可轉風味咖啡🧾總共$55
繼續閱讀
完全無心製作食物 未食過咁乾的意粉好像沒有調味過 愈食愈乾 真係好似間舖名咁乾過橙皮個意粉份量係好大 但質量係重要過份量寧願俾少啲意粉做好個味道過對面茶記食個中式意粉都冇咁嬲唔會再去食
繼續閱讀