影片
以上資料只供參考, 請與餐廳確認詳情
琴日同阿媽諗住落去山田慶祝生日,點知一肚氣! D service 勁差!我叫阿媽同工人帶BB落去揾位先,佢地最初比張門口位佢,阿媽想揾個位唔駛响正針茶位唔使整度BB,佢話無人理佢! 後來終於換咗個暗角位比佢,我去到見到幾張sofa枱都無人,問佢可唔可以換過去,因為bb可以坐到! 第一個waiter話個張枱for 4人嗰wor, 跟住我話我後面嗰張都係得3個人坐jar wor! 跟住應該係個老細過黎,話幫我check下,然後話比人book左! 於是我一怒之下cut單走人! 到我走時,仍然有3張大吉枱!其實之前已試過一次,叫工人落去揾位先,佢唔比抬佢,直到我地落到去等,但明明有幾張吉枱! 真係超氣頂! 如果要人齊先入得就寫明啦!仲試過之前d coupon 話唔用得,但d coupon 無寫expiry date wor! 之前一次攞黎用又話要落單前出示! 真係佢講晒!至於食物質素,我覺得差過以前,真係貪佢方便响樓下先幫襯,不過我以後都唔會再去!
繼續閱讀
三文魚壽司甲紋墨魚壽司咖哩石鋸豬扒飯前者兩款應該凍,但係就仲要暖.....飯粒ok,汁都只是一般,但應該最要用心的豬扒就炸到硬晒!炸到咁老,如果我老多20年,我d牙就真係比左佢地!
繼續閱讀
琴晚一顆人去左大角咀比較大嘅日本山田和食吃dinner...餐牌上食物相當精美，好多choice令人眼花瞭亂，細選之下點左幾道食物...三文魚壽司賣相唔得，好細件，沒有光澤，味道麻麻地 鰻魚手卷呢個very nice，鰻魚肥美，有口感，唯一差少少就係紫菜皮不夠脆...加州手卷味道普通 吞拿魚腩碎手卷吞拿魚尙算OK，滿意芝脆心吞拿魚腩碎卷原本以為'芝'係芝士，原來係芝麻，haha~脆口、吞拿魚尙算OK，一口有很大滿足感~冷凍蕃茄沙律呢個雖然普通d，但材料幾新鮮，配上芝麻醬，清新唔錯和風胡麻泠烏冬呢個麻麻地，點解個醬同冷凍蕃茄沙律一樣嘅，d烏冬唔凍，poor 魚生冷豆付沙律普普通通，無什驚喜，點解個醬又同冷凍蕃茄沙律一樣嘅~~~好慳料 !!BBQ雞肉Pizza有水準，雞肉幾lum，BBQ醬味道好好 ^^炸Curry豬排飯豬排同dPotato、Rice 正，但個Curry汁點解咁甜，令成個食物扣哂分日式煎鮫分明是超市貨式，離普 我都識買lai整啦!!日式炸薯餅賣相幾吸引，炸得幾脆，但內裡ge忌廉醬普通，無令人回味ge感覺~~這是一家一般水準的街坊店，服務同食物唔好有太高期望，唔好比門面吸引到呢。
繼續閱讀
突然間好想食日本野又未食過屋企樓下li間所以就去買外賣而我覺得價錢比較平所以沒有抱太大期望返到屋企打開d外賣先覺得有d唔妥明明叫左三文魚子軍艦但變左三文魚親子軍艦同埋我叫左件鵝肝壽司但係我d外賣裹面係無架!!!負責外賣的店員唔會check下架咩!?一d都唔細心本身想打電話落去問清楚但係打左幾次都無人聽咁係店員無落單定係師父唔記得!?最後我男朋友話算數只好下次自己check清楚
繼續閱讀
好唔好食又睇落去 310 回: 一人前的時光@山田http://hk.myblog.yahoo.com/goodboy_philip/article?mid=39144一年要過黎大角咀幾次, 呢區食肆唔多, 今次呢間食店係港灣豪庭商場既山田迴轉壽司和食料理, 之前我都幫襯過幾次, 不過就從來未寫過 "好唔好食"! 咦! 食過幾次, 莫非呢間山田好好味? 今晚黎個一人前的時光, 好唔好食? 又睇落去? 地址:大角咀福利街8號港灣豪庭G02 幾欣賞山田既 menu, 因為佢地好多好多野食, 真係好多 choice! 個 menu 可以將咁多既 choice 整得唔眼花瞭亂之餘, 仲令我好有意欲想 order 哂 d 野食 tim! 蔥吞拿魚腩碎壽司: 杯仔幾精緻啊! 芝麻加蔥絲, 落少少醬油, 幾清新! 秋之戀: 海膽, 三文魚子, 由切片帆立貝包住, 咩都唔洗落, 三樣唔同口感既味道混合好新奇! 幾好味! 如果海膽新鮮 d 更好! 火炙一口鵝肝壽司:火炙過之後連甜甜燒汁, 兩成溶既肝塊, 都唔錯! 豚肉芝士串: 芝士太大塊蓋過左薄薄豚肉, 如果鍾意食芝士, 相信會再 order 多碟呀! 牛油汁燒銀鱈魚: 燒熟魚中, 我最愛係銀鱈魚, 西京燒法始終都係最好味, 牛油令魚肉有 d 羶味, 另外, d 魚骨未拔哂... 黃金燒蠔: 好鍾意食日式燒蠔, 好期待有一間食店既燒蠔醬汁令我閉上眼享受...um...呢個黃金燒蠔就簡單左 d, 沙津汁比較稀, 我比較鍾意 thick d 酸甜 d 既醬多 d, 雖然 d 蠔非常細少, 不過 d 蠔係本身係連住殼, 唔係隨便煮熟幾隻蠔放落個殼度煮既。 奄列蛋炒飯: 奄列蛋包飯唔係我既 favorite, 不過上次0係東京食到好好味既蛋包飯之後就開始改觀喇! 蛋包飯要煮得好真係好難好難, ng...煮到內裡半熟蛋汁又顧唔到蛋既外層, 飯亦好難控制到唔過份地濕...蛋包飯都係去日本再食啦! 拖羅壽司: 無涷親牙, 有魚香, 肉質軟, 新鮮新鮮! 以廻轉壽司質素黎講認真唔錯! 可以係廻轉中企穩三甲位置! 呢一區比較靜, 地方唔太就腳, 食飯時間大約三份一滿, 一人埋單價 $270。 環境: 3 (高樓底, 有卡位, 大水晶燈, 牆上擺滿酒瓶)衛生: 3 服務: 3 (幾位侍應都好好禮貌)味道: 2.5 價錢: 3 最終評分: 3 以迴轉壽司質素黎講, 壽司, 小食, 主菜都唔錯, 食物種類選擇真係好多, 串燒, 鐹物, 壽司, 日式飯粥粉, 薄餅...好多都種類!山田,山田迴轉壽司和食料理,迴轉壽司,壽司,好孩子,日本,好唔好食,東京
繼續閱讀