影片
港鐵奧運站 B 出口, 步行約3分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
這間鄰近奧海城的越南平價湯粉鋪頭。平均每人50元的價錢，值得推薦的店鋪。四個人每人一碗湯粉或者檬粉。另外再叫蝦餅與春捲。飲品有奶茶，熱檸水，以及鹹檸七。最後埋單219元。烤豬肉撈檬，烤豬肉加上，不同的新鮮蔬蔬菜路上越南檬粉。味道不錯。烤豬扒湯河，豬扒都幾好味，但係湯河的湯底稍為淡了一點。豬頸肉湯河都唔錯。最後嗰個係生牛肉牛腩湯河。呢個湯粉就普普通通，但都ok嘅，牛肉有牛肉味。奶茶就反而唔係好ok，因為冇乜味。反而鹹檸七已經代你篤爛了的咸寧再上比你，唔錯。
繼續閱讀
小秘書今日特登過嚟「西貢越南真味」🌱 係想懷舊一吓正宗越南風味。對上一次幫襯大概係七八個月之前嘅事。或許大家會覺得呢間餐廳其貌不揚，甚至覺得佢有啲殘舊同污糟... 因為小秘書第一次遇上佢，都一樣有咁嘅感覺😈 不過當你試過之後，可能會慢慢愛上佢🙃今日我又再次order一個烤豬排飯，另加老闆嘅推介嘅蒜蓉雞中翼+青檸水🍋 先講個烤豬扒飯，水準仍然咁好，炸蒜片同啲蔥油加喺白飯上面，出奇地好食，塊烤豬扒就更加唔使講，入味得嚟肉質夠鬆化，小秘書好快就K.O哂半碟飯😉 而另加嘅雞翼亦相當有水準👍🏻👍🏻 好在公司/屋企附近都無啲咁平靚正嘅餐廳🍚 唔係小秘書就一定肥死喇🤪
繼續閱讀
今晚係 大角咀做完野，就係這區食晚飯。原來這區有好多小店。行了會，決定食越南菜。入到餐廳，叫了越南火車頭牛肉湯河和法式鮮茄牛坑腩湯河。火車頭湯河有生牛肉牛坑腩牛丸及牛柏葉 ， 湯底較清 ， 牛坑腩夠淋。而法式鮮茄牛坑腩湯河， 湯底濃味，似飲羅宋湯。
繼續閱讀
按個人喜好，烤豬肉撈檬好味過春卷扎肉撈檬，豬肉好juicy，夠惹味，肉量比預期多。至於蝦餅湯檬同墨魚餅撈檬比較，兩隻炸餅都出色，咬落彈牙，有嚼頭，不規則外形充滿手打 feel，即叫即炸，唔使點醬汁都夠晒味，蝦餅相對香啲。呢四款之中，至愛係蝦餅，不過一定要跟撈檬食。撈檬配菜超豐富，紅蘿蔔絲、菜絲、青瓜絲、蔥、花生同蒜片等等，大量入碗，見到咁多菜，即時覺得呢餐好健康，麵底唔會因為多菜而少咗，一碗撈檬夠飽肚。最精彩係佢樽撈檬酸汁，甜酸鹹都調到恰恰好，係暫時食過最難忘的，亦令成碗撈檬的味道更上一層樓。午巿跟餐奶餐用大杯上枱，味道不輸蝕於茶記，有驚喜。
繼續閱讀
今日跟同事一樣去大角咀覓食,見到呢間外表簡陋的越南餐廳,但係一班同事話試下,就入去試試啦。入到走地方確欠光鮮,而用具亦有點舊既感覺。不過入得黎就試下啦。睇睇餐牌先,一於就試下牛肉湯濛粉啦。黎到啦,賣相都ok so, 一大碗越南濛粉,湯底有越南風味,唔錯。再黎,要講下就係d牛肉醃得唔錯,而且非常薄身,冇咩肥肉,岩哂我呀。而且份量都唔少架。仲跟埋一杯飲品,竟然可以選青檸梳打,唔洗加錢呀。飲落似7喜咁,冰涼又爽,畫上一個完美的句號。埋單都只係$46.
繼續閱讀