影片
開飯介紹
提供超過20款餸選擇的車仔麵,另有小食和兩款盅頭飯。
繼續閱讀
營業時間
*星期二休息
星期一至日
07:00 - 19:00
以上資料只供參考, 請與餐廳確認詳情
招牌菜
之前睇開飯, 見到此食堂都算近自己, 見星期日, 唔多想食D飯之類, 於是一係開飯搵到此食堂, 被個D車仔麵推介, 所吸引住......雖然食評係年幾前既事, 本薯一試無妨心態....去到街市內都唔算難搵......一眼已望到大大隻車仔麵檔....裡面既兩食送麵, 都加晒價, 要21 蚊.....但去到本著一試心態, 叫左個推介既豬腸, 真係好爽, 亦唔見有大量脂肪係裡面, 好明顯有醃過, 算有味道...... 推介...必食...牛肚, 好爽, 唔勒, 亦入味.....粗麵無咩特別, 一般大少.....但以21蚊來講都算物超所值....另一友人叫既豬紅, 咖哩魚蛋...我唔太好辣, 都頗重咖哩味, 亦都算辣, 魚蛋是爽口那種, 不是很林身, 煮過久那種....推介豬紅OK無咩特別.....所謂生炸雞脾, 因叫時已炸好, 再純焠返熱....唔知算唔算生炸....不過老闆都好貼心, 提議加淮鹽, 加左的確美味好多.....可一試整體21蚊來講, 算係抵食推介, 食送同麵都算多....
繼續閱讀
當天經過天澤街市,肚子覺很餓抬頭看見車仔麵招牌便去買了一碗$17車仔麵隨便叫了二餸麵叫咖哩雞翼尖及雲吞,吃過後雞翼尖很香咖哩味而雞肉很入味及肉質爽彈,雲吞除大粒外還有原蝦在內很好吃,與店主閒談及查問營業時間為1星期7天由早上7時30至晚上8時正
繼續閱讀
已有一段日子無黎食面咧, 好多嘢都唔同左第一樣唔同就緊係加左價啦, 理個時勢樣樣都加, 都可以理解第二樣唔同就係點解中午條人龍依然都係咁長, 但我見佢已請多咗個阿姐幫手, 成四個阿姐賣面, 間唔中個老細仲要出黎幫手, 生意有無咁好呀, 咁耐無黎唔通啲嘢又好食咗, 好! 一於今次唔叫面底剩食餸, 睇吓佢係咪真係咁好食加咗好多新款餸, 好吸引啫! 不過大多數都係炸嘢, 試唔到佢嘅真功夫, 一於食番最傳統嘅餸, 最後叫咗牛肚, 豬腸, 豬皮, 雞翼尖, 老闆娘認得我, 見我咁耐無黎, 醒多咗粒雲吞比我食, 離D咪叫識做囉! 加分!牛肚普通, 同以前一樣唔係特別出衆豬腸比以前更臭更入味, 超爽彈牙豬皮大躍進, 一咬落去好多汁咇咗出黎, juicy得黎又爽口, 正!一般車仔面嘅雞翼尖一係就炆得入味但成隻雞翼尖已塌哂縮哂水, 有時直程炆到爛哂, 食到口wer wer, 有D就好有口感但唔入味, 理度就唔同, 炆得好香好入味, 隻雞翼尖依然堅挺, 原隻無爛, 好有口感, 超水準, 無試過真係以為我吹水, 不過我就嫌佢唔夠辣雲吞依然包得好大粒, 好好食, 仲有老闆娘份人情味最後緊係要讚吓老闆娘口中嘅鎮店之寳 (其實好多餸佢都話係鎮店之寳, 呵呵呵!) ~ 咖哩汁, 碓係好香好正, 有咗佢真係令到碗嘢生息不少總括黎講如果要選天水圍十大好味食市, 我一定投硬佢囉!
繼續閱讀
呢間店係天水圍最好食講都無人信.仲要位於天澤邨街市一個幾隱蔽的地方...奇就奇在都幾多野食...飯.麫腸粉都有.......服務一般啦,指的你問佢.佢唔一定會答都預左啦.....炸雞脾8元...我食過的最正.新鮮炸,卜卜脆,肉質鮮甜...加可樂5元....好抵其實仲有碗車仔麪,我食左豬腸...都好入味,彈牙.......呢間店會回頭的....
繼續閱讀
茄子 - 三大舊, $4 抵食鮮竹巻 - 條齋巻都幾多料,又大舊,不過記住叫阿姐剪開佢,易食d, $4 抵食腸粉 - 食咗三條, $1 / 條, 記住落多 d 豉油同花生醬, 超正VITA檸檬茶 - 紙包飲品, $3 / 包 $14 食到飽飽, 又有野飲, 夫復可求
繼續閱讀