影片
以上資料只供參考, 請與餐廳確認詳情
因為老爸喜歡食燒鴨類等食物, 所以就見到廣告就特意去美心買隻琵琶鴨! 第一次岩岩5點到(5點開賣), 已經sold out了, 為左試下係咪真係咁好, 第2次特登早少少去, 好彩岩岩拎到最後一張飛...買完拎返屋企~見到其實都幾大盒(註: 一般琵琶鴨比燒鴨細, 係正常的), 仲熱熱地~感覺唔錯~即時拎起一舊試...哇...無味既!? 無鴨味, 真係得d醬既味最後全盒食完, 總結: d鴨淨係脾位先好食, 有鴨味, 多肉. 其他位都係多骨, 少肉, 又多肥膏. $58 為左2隻脾仔既話, 我覺得會有更好選擇!
繼續閱讀
早餐有新選擇有平時既腸/腿+蛋 (雙份) 加一個米通粉叫左一份腸同一份腿咁就可以share 了~ 不過可能因為係正常雙份既size，呢個set 既早餐就無多士如果好似我咁一d 食早餐要食多士既朋友就會覺得好似差咁d 野咁係長條形既通粉，有D 似中式既狗仔粉咁有d 冬姑同肉粒調下味幾好wo~呢個早餐配搭幾好~ 唔錯唔錯
繼續閱讀
一向甚少有機會在美心MX嘆下午茶!但這個星期則在兩個不同的地方嘆了，而且不錯！今天沒有吃午飯，而且早餐卻在八時多已吃了的關係下，下午茶便要豐富點！公司三文治配扭紋薯條＋熱華田﹣由於太擠迫的環境，難以再為食物拍照!抱歉!﹣很好味啊！雖然我是不吃薯條的，但半份公司三文治的份量已經好飽了!而且味道不錯，每口都不會散開的！不過如果可以在三文治熱騰騰時吃，會 更好味！﹣三文治主要有兩層：一、夾有蕃茄、生菜、雞肉、沙律醬…二、雞蛋及火腿！很豐富！因為我不喜歡不健康的火腿，幸好味道不太濃烈，也可接受！ 而且雞肉的配搭不會膩，代替平日在公司三文治中的豬柳、也很不錯！﹣三文治的外觀很吸引，而且沒有餡料散出來，值得一讚啊！在這繁忙多人的下午茶時間也有此水準，不錯不錯！﹣熱華田的味道很正常！不會過甜！而且沒有加糖的情況下是最好味的！！！！下次有機會也會再光顧啊！希望可以減少人流，可以有更多時間慢慢品嚐！
繼續閱讀
又係入秋既時候，當然要去打下邊爐啦。上次去完大家樂，咁就去美心打啦。雖然係禮拜六晚，但時間尚早，所以人都唔算太多。湯底我地食北海道牛乳南瓜湯底，估唔到個湯底係好濃牛奶味。而且湯底真係好香，加南瓜蓉就錦上添花。個味道真係不俗，配上肉類同烏冬真係可以索哂湯。配料配料都好多，我地仲加左個響玲。個響玲都算好食，可以索哂湯。此外，佢地既肥牛好新鮮，肥瘦均勻。真係估佢唔到。而豚肉都出奇地好食，好新鮮而且份量都幾多。雞肉就無乜特別，但肉質唔鞋口。而蔬菜既份量就比以前多，而且一樣咁青綠。就算連放肥牛下面既都係新鮮生菜，可見佢地既誠意同認真。到最後一環，就係烏冬。其實我估計呢個烏冬就係好普通既，不過加上牛乳湯底。就好食好多啦。因為個湯底真係好重奶味，個普通既烏冬都會變得不平凡。最後，呢餐令我對美心既火鍋有好大既改觀。從新鮮既食物開始到肥牛底既生菜，可見佢洗心革命既開始。希望下次可以食得更好啦。
繼續閱讀
見今日星期日,涷涷地落去美心打邊爐....佢個火鍋唔算平,$51蚊一定食唔飽...加個烏冬加杯野飲都6十幾但係今次仲失望....果兜野連菜都慳返...得兩塊菜"賤"住d肉,d南瓜蓉一定冇下面張相咁多,得一半但係個南瓜湯真係好好食,所以咁貴都係久唔久食一次....以前有個雞煲翅都係好好食,希望佢遲下會出返另外d員工真係麻麻地....嗌人拎野食果個唔知手痕定係驚人聽唔到....係咁禁"xx號請到櫃面取".....一個no禁成5~6次假日已經夠嘈,再加埋佢係咁禁真係煩上加煩想靜靜地食下野都唔得可能星期日多人,七點幾已經有人等位...有個亞姐都好快手,問都未問過我就大嗌『哩度有爐呀』之後先問我『係咪唔要ga喇?仲要呀?』你咁趕時間我都唔好意思話仲要....佢收完我個爐淨返個煲o係度俾我夾...點知轉頭又嗌多兩個人坐埋唻.....我兩個人打邊爐,佢攝多兩個又係打邊爐落唻果一刻真係覺得佢o係度趕客....我夾多兩夾那那聲食完即刻走....
繼續閱讀